La Pele la Petrose

1 Petrose, moapostola+ oa Jesu Kreste, ho baahi+ ba nakoana ba hasa-hasaneng+ Pontase, Galatia, Kapadosia,+ Asia, le Bithynia, ho ba khethiloeng+ 2 ho ea ka ho tseba esale pele ha Molimo Ntate,+ ka ho halaletsoa ka moea,+ ka morero oa hore e be ba mamelang le ba fafalitsoeng+ ka mali a Jesu Kreste:+

E se eka le ka ekeletsoa mosa o sa tšoanelang le khotso.+

3 Ho bokoe Molimo le Ntate oa Morena oa rōna Jesu Kreste,+ kaha ho ea ka mohau oa hae o moholo o ile a re fa tsoalo+ e ncha ho tla tšepong e phelang+ ka tsoho+ ea Jesu Kreste bafung, 4 ho tla lefeng le ke keng la bola le le sa silafalang le le sa senyeheng.+ Le bolokiloe maholimong bakeng sa lōna,+ 5 ba ntseng ba sireletsoa ke matla a Molimo ka tumelo+ bakeng sa poloko+ e loketseng ho senoloa+ nakong ea ho qetela.+ 6 Le thabisoa haholo ke ’nete ena, le hoja ka nakoana hona joale, haeba ho lokela ho ba joalo, le baketsoe mesarelo ke liteko tse sa tšoaneng,+ 7 e le hore tšobotsi e lekiloeng ea tumelo+ ea lōna, ea bohlokoa bo boholo ho feta khauta e timelang ho sa tsotellehe ho pakoa ha eona ka mollo,+ e ka fumanoa e le lebaka la thoriso le khanya le tlhompho tšenolong+ ea Jesu Kreste. 8 Le hoja ho se mohla le kileng la mo bona, lea mo rata.+ Le hoja le sa mo talima hona joale, empa leha ho le joalo le bontša tumelo ho eena ’me le thaba haholo ka thabo e ke keng ea hlalosoa le e tlotlisitsoeng, 9 ha le ntse le amohela pheletso ea tumelo ea lōna, e leng poloko ea meea ea lōna.+

10 Malebana le poloko ena baprofeta ba ileng ba profeta+ ka mosa o sa tšoanelang o neng o reretsoe lōna+ ba ile ba botsisisa ka ho khothala ’me ba batlisisa.+ 11 Ba ’na ba tsoela pele ho batlisisa hore na ke nako efe+ kapa ke nako ea mofuta ofe eo moea+ o ho bona o neng o e supa malebana le Kreste+ ha o ne o paka esale pele ka litlhokofatso tsa Kreste+ le ka khanya+ e tla latela tsena. 12 Ba ile ba senoleloa hore, e ne e se bona,+ empa e ne e le lōna, bao ba neng ba ba sebeletsa lintho tseo joale le li tsebisitsoeng+ ka ba le boleletseng litaba tse molemo ka moea o halalelang+ o rometsoeng o tsoa leholimong. Mangeloi a lakatsa ho nyarela+ ka hare ho lintho tsona tsena.

13 Kahoo hlomellang likelello tsa lōna bakeng sa tšebetso,+ le lule le hlaphohetsoe likelellong ka ho feletseng;+ behang tšepo ea lōna moseng o sa tšoanelang+ o tla tlisoa ho lōna tšenolong+ ea Jesu Kreste. 14 Joaloka bana ba mamelang, le khaotse ho ba ka sebōpeho+ sa litakatso tseo le neng le e-na le tsona pele ho hlokeng tsebo ha lōna, 15 empa, tumellanong le Mohalaleli ea le bitsitseng, le lōna le fele le halalele boitšoarong bohle ba lōna,+ 16 hobane ho ngoliloe: “Le halalele, hobane kea halalela.”+

17 Ho feta moo, haeba le ipiletsa ho Ntate ea ahlolang ka ho hloka leeme+ ho ea ka mosebetsi oa e mong le e mong, le itšoare ka tšabo+ nakong ea ho lula ha lōna ka bojaki.+ 18 Etsoe lea tseba hore ha lea ka la lopolloa+ ka lintho tse ka bolang,+ ka silevera kapa khauta, mokhoeng oa lōna oa boitšoaro o sa beheng litholoana o amohetsoeng ka neano ho tsoa ho baholo-holo ba lōna. 19 Empa e bile ka mali a bohlokoa,+ a joaloka a konyana e se nang sekoli le e se nang letheba,+ ’ona a Kreste.+ 20 Ke ’nete, o ile a tsejoa esale pele pele lefatše le thehoa,+ empa o ile a bonahatsoa bofelong ba linako ka lebaka la lōna+ 21 bao ka eena le lumelang ho Molimo,+ ea ileng a mo tsosa bafung+ ’me a mo tlotlisa;+ e le hore tumelo le tšepo ea lōna e ka ba ho Molimo.+

22 Kaha joale le hloekisitse+ meea ea lōna ka ho mamela ha lōna ’nete phello e le lerato la bara ba motho le se nang boikaketsi,+ le ratane ka matla haholo ho tloha pelong.+ 23 Etsoe le filoe tsoalo e ncha,+ eseng ka peō e ikatisang+ e ka bolang,+ empa ka e ke keng ea bola,+ ka lentsoe+ la Molimo ea phelang le ea lulang a le teng.+ 24 Etsoe “nama eohle e joaloka joang, le khanya eohle ea eona e joaloka thunthung ea joang;+ joang boa omella, ’me palesa ea oa,+ 25 empa lentsoe la Jehova le lula le le teng ka ho sa feleng.”+ Joale, “lentsoe” leo ke lena,+ sena seo le se boleletsoeng+ e le litaba tse molemo.

2 Ka lebaka leo, le lahle bobe+ bohle le thetso eohle le boikaketsi le mohono le mefuta eohle ea ho buana hampe,+ 2 ’me, joaloka masea a sa tsoa tsoaloa,+ le hlaolele tabatabelo ea lebese le sa tsoakoang+ la lentsoe, e le hore ka lona le ka hōlela polokong,+ 3 hafeela le latsoitse hore Morena o mosa.+

4 Ha le tla ho eena joalokaha le tla lejoeng le phelang,+ ke ’nete, le ile la lahloa+ ke batho,+ empa ke le khethiloeng, la bohlokoa, ho Molimo,+ 5 le lōna joaloka majoe a phelang le ntse le hahoa le le ntlo ea moea+ ka morero oa boprista bo halalelang, ho nyehela mahlabelo+ a moea a amohelehang ho Molimo ka Jesu Kreste.+ 6 Etsoe Lengolong ho thoe: “Bonang! Ke beha lejoe Sione, le khethiloeng, lejoe la sekhutlo la motheo, la bohlokoa; ’me ho hang ha ho ea bontšang tumelo ho lona ea tla soetseha.”+

7 Ka hona, ke oa bohlokoa ho lōna, hobane le balumeli; empa ho ba sa lumeleng, “lejoe le tšoanang leo lihahi li ileng tsa le lahla+ e bile hlooho ea sekhutlo,”+ 8 le “lejoe le khopang le lefika la tšitiso.”+ Bana baa khoptjoa hobane ha ba mamele lentsoe. Hape ba ile ba beheloa qetello eona ena.+ 9 Empa le “morabe o khethiloeng, baprista ba marena, sechaba se halalelang,+ batho bakeng sa letlotlo le khethehileng,+ e le hore le ka bolela hohle makhabane a hlomphehang”+ a ea le bitsitseng ho le ntša lefifing ho le kenya leseling la hae le hlollang.+ 10 Etsoe ka nako e ’ngoe le ne le se sechaba, empa joale le sechaba sa Molimo;+ le ne le sa bontšoa mohau, empa joale le bontšitsoe mohau.+

11 Baratuoa, kea le eletsa joaloka bajaki le baahi ba nakoana+ hore le ’ne le ile litakatso tsa nama,+ tsona tse tsoelang pele ho loantšana le moea.+ 12 Bolokang boitšoaro ba lōna bo le botle har’a lichaba,+ e le hore, nthong eo ho eona li le buang hampe joaloka baetsi ba bobe, ka lebaka la mesebetsi+ ea lōna e metle eo tsona e leng lipaki tsa eona tse boneng ka mahlo li ka tlotlisa Molimo letsatsing la ho hlahloba ha hae.+

13 Ka lebaka la Khosi ipeheng tlas’a+ pōpo e ’ngoe le e ’ngoe e motho:+ ebang ke morena+ joalokaha e le ea phahameng 14 kapa babusisi joalokaha e le ba rometsoeng ke eena ho fana ka kotlo ho baetsi ba bobe empa ho rorisa baetsi ba se molemo.+ 15 Etsoe ke kamoo thato ea Molimo e leng kateng, hore ka ho etsa se molemo le ka khutsisa puo e hlokang tsebo ea batho ba se nang kahlolo e molemo joalokaha eka le ba tlamile melomo.+ 16 E-bang joaloka batho ba lokolohileng,+ leha ho le joalo le se ke la ba le tokoloho ea lōna joaloka lesira le patang bobe,+ empa joaloka makhoba a Molimo.+ 17 Hlomphang batho ba mefuta eohle,+ le be le lerato bakeng sa mokhatlo oohle oa barab’abo rōna,+ le tšabe Molimo,+ le be le tlhompho bakeng sa morena.+

18 Bahlanka ba ntlo ba ke ba ipehe tlas’a+ beng ba bona ka tšabo eohle e lokelang,+ eseng feela ba molemo le ba nang le kahlolo e molemo, empa le bao ho leng thata ho ba khahlisa. 19 Etsoe haeba e mong, ka lebaka la letsoalo ho Molimo, a mamella lintho tse bakang mesarelo ’me a utloa bohloko ka ho hlokang toka, ena ke ntho e lumellehang.+ 20 Etsoe ho na le thoriso efe ho seo haeba, ha le etsa sebe ’me le ntse le jabeloa, le mamella seo?+ Empa haeba, ha le etsa se molemo ’me le utloa bohloko,+ le ho mamella, ena ke ntho e lumellehang ho Molimo.+

21 Ha e le hantle, le bitselitsoe tsela ena, hobane esita le Kreste o ile a utloa bohloko bakeng sa lōna,+ a le siela mohlala hore le latele mehato ea hae haufi-ufi.+ 22 Ha aa ka a etsa sebe,+ leha e le hore thetso e ile ea fumanoa molomong oa hae.+ 23 Ha a ne a ntse a hlapaoloa,+ ha aa ka a qala ho iphetetsa ka ho hlapaola.+ Ha a ne a utloa bohloko,+ ha aa ka a qala ho soka, empa a tsoela pele ho ’na a ipeha ho ea+ ahlolang ka ho loka. 24 O ile a jara libe+ tsa rōna ’meleng oa hae thupeng,+ e le hore re ka qeta ka libe+ ’me ra phelela ho loka. “Le ile la folisoa ka metopa ea hae.”+ 25 Etsoe le ne le le joaloka linku, tse hlahlathelang;+ empa joale le khutletse ho molisa+ le molebeli oa meea ea lōna.

3 Ka mokhoa o tšoanang,+ lōna basali, le ipehe tlas’a+ banna ba lōna, e le hore, haeba leha e le bafe ba sa mamele+ lentsoe, ba ka hapuoa+ ka ntle ho lentsoe ka boitšoaro ba basali ba bona,+ 2 kahobane e bile lipaki tse boneng ka mahlo tsa boitšoaro ba lōna bo hloekileng+ hammoho le tlhompho e tebileng. 3 Le se ke la lumella mokhabo oa lōna hore e be oa ho lohuoa ha moriri+ ha ka ntle le oa ho roala mekhabiso ea khauta+ kapa ho apara liaparo tsa ka ntle, 4 empa e ke e be motho ea ka sephiring+ oa pelo ka seaparo+ se ke keng sa bola sa moea o thōtseng le o bonolo,+ oo e leng oa bohlokoa haholo mahlong a Molimo. 5 Etsoe, le pele basali ba halalelang ba neng ba tšepile Molimo ba ne ba ikhabisa joalo, ba ipeha tlas’a banna ba bona, 6 joalokaha Sara a ne a mamela Abrahama, a mo bitsa “morena.”+ Le fetohile bana ba hae, hafeela le ntse le etsa se molemo ’me le sa tšabe ntho leha e le efe e bakang tšabo.+

7 Lōna banna, le tsoele pele ho lula le bona ka mokhoa o tšoanang+ ho ea ka tsebo,+ le ba abela tlhompho+ joaloka sejana se fokolang haholo, se setšehali, kaha le boetse le majalefa+ le bona a mohau o sa tšoanelang oa bophelo, e le hore lithapelo tsa lōna li se ke tsa sitisoa.+

8 Qetellong, kaofela ha lōna le be le kelello e joalo,+ le bontša ho utloelana bohloko, le e-na le boikutlo bo mofuthu ba bara ba motho, le e-na le qenehelo e bonolo,+ le ikokobelitse kelellong,+ 9 le sa phetetse bobe ka bobe+ kapa ho hlapaola ka ho hlapaola,+ empa, ho fapana le hoo, le hlohonolofatsa,+ hobane le bitselitsoe tsela ena, e le hore le ka rua tlhohonolofatso.

10 Etsoe, “ea ratang bophelo le ho bona matsatsi a molemo,+ a ke a thibe leleme+ la hae ho se sebe le molomo oa hae ho bueng thetso,+ 11 empa a furalle se sebe+ ’me a etse se molemo; a batle khotso ’me a e phehelle.+ 12 Etsoe mahlo+ a Jehova a talimile ba lokileng, ’me o sekehela thapeli ea bona tsebe;+ empa sefahleho sa Jehova se khahlanong le ba etsang lintho tse mpe.”+

13 Ka sebele, ke ofe motho ea tla le ntša kotsi haeba le chesehela se molemo?+ 14 Empa esita le haeba le ka utloa bohloko ka lebaka la ho loka, lea thaba.+ Leha ho le joalo, le se ke la tšaba+ ntho eo ba e tšabang, kapa la ferekana.+ 15 Empa halaletsang Kreste e le Morena ka lipelong tsa lōna,+ kamehla le loketse ho ikarabella+ ka pel’a e mong le e mong ea le batlang lebaka bakeng sa tšepo e ho lōna, empa le etsa joalo le ka maikutlo a bonolo+ le tlhompho e tebileng.

16 E-bang le letsoalo le molemo,+ e le hore tabeng eo ho eona ho buuoang hampe ka lōna, ba nyelisang boitšoaro ba lōna bo molemo mabapi le Kreste+ ba ka hlajoa ke lihlong.+ 17 Etsoe ho molemo ho utloa bohloko hobane le etsa se molemo,+ haeba thato ea Molimo e ho lakatsa, ho e-na le hobane le etsa bobe.+ 18 Ka sebele, esita le Kreste o ile a shoa hang le ka ho ke keng ha phetoa malebana le libe,+ motho ea lokileng bakeng sa ba sa lokang,+ e le hore a ka le isa ho Molimo,+ a bolaoa nameng,+ empa a phelisoa moeeng.+ 19 A le boemong bona hape o ile a tsamaea ’me a bolela ho meea e chankaneng,+ 20 eo ka nako e ’ngoe e neng e bile e sa mameleng+ ha ho se fele pelo ha Molimo+ ho ne ho letile matsatsing a Noe, ha areka e ne e ntse e hahoa,+ eo ka ho eona batho ba seng bakae, ke hore, meea e robeli, ba ileng ba pholosoa ba sireletsehile metsing.+

21 Se lekanang le sena le sona joale sea le pholosa,+ e leng, kolobetso, (eseng ho tlosoa ha litšila tsa nama, empa kōpo e etsoang ho Molimo bakeng sa letsoalo le letle,)+ ka tsoho ea Jesu Kreste.+ 22 O ka letsohong le letona la Molimo,+ kaha o ile a ea leholimong; ’me mangeloi+ le balaoli le ba matla ba ile ba behoa tlas’a hae.+

4 Ka hona kaha Kreste o ile a utloa bohloko nameng,+ le lōna le itlhomelle ka boikutlo bo tšoanang ba kelello;+ hobane motho ea utloileng bohloko nameng o khaolitse libe,+ 2 e le hore nakong ea hae e setseng nameng a se ke a hlola a phelela+ litakatso tsa batho, empa a phelele thato ea Molimo.+ 3 Etsoe nako+ e fetileng e lekane hore ebe le phethile thato ea lichaba+ ha le ne le tsoela pele liketsong tsa boitšoaro bo hlephileng,+ litakatsong tse feteletseng, ho fetelleng ka veine,+ meketeng e lerata, litlhōlisanong tsa ho noa, le borapeling ba litšoantšo bo sa lumelloang.+ 4 Kahobane ha le tsoele pele ho matha le bona tseleng ena ho ea sekoting sa litšila se tlaase se tšoanang sa ho inehella litakatso tsa nama,+ baa makala ’me ba tsoela pele ho le nyefola.+ 5 Empa batho bana ba tla fana ka tlaleho ho ea+ loketseng ho ahlola ba phelang le ba shoeleng.+ 6 Ha e le hantle, litaba tse molemo li ile tsa bolelloa le bafu ka morero ona,+ e le hore ba ka ahloloa mabapi le nama ponong ea batho+ empa ba ka phela mabapi le moea+ ponong ea Molimo.

7 Empa bofelo ba lintho tsohle bo atametse.+ Ka hona, le hlaphoheloe likelellong,+ ’me le falimehe mabapi le lithapelo.+ 8 Ka holim ’a lintho tsohle, le bontšane lerato le matla haholo,+ hobane lerato le koahela libe tse ngata haholo.+ 9 Bontšanang kamohelo ea baeti le sa honothe.+ 10 Ka tekanyo eo e mong le e mong a amohetseng mpho ka eona, le e sebelise ho sebeletsaneng joaloka batsamaisi ba khabane ba mosa o sa tšoanelang oa Molimo o bontšitsoeng ka litsela tse sa tšoaneng.+ 11 Haeba leha e le mang a bua, a ke a bue joalokaha eka ke liphatlalatso tse halalelang+ tsa Molimo; haeba leha e le mang a sebeletsa,+ a ke a sebeletse joaloka ea itšetlehileng ka matla ao Molimo a fanang ka ’ona;+ e le hore linthong tsohle Molimo a ka tlotlisoa+ ka Jesu Kreste. Khanya+ le bonatla ke tsa hae ka ho sa feleng le kamehla. Amen.

12 Baratuoa, le se ke la makatsoa ke ho cha ho har’a lōna, ho le etsahallang hore e be teko,+ joalokaha eka le hlaheloa ke ntho e sa tloaelehang. 13 Ho fapana le hoo, le tsoele pele ho thaba+ kahobane le e-na le karolo litlhokofatsong tsa Kreste,+ e le hore le ka thaba ’me la nyakalla le nakong ea tšenolo+ ea khanya ea hae. 14 Haeba le ntse le nyelisetsoa lebitso la Kreste,+ lea thaba,+ hobane moea oa khanya, moea oa Molimo, o lutse holim ’a lōna.+

15 Leha ho le joalo, ho se ke ha e-ba le ea mong oa lōna ea utloang bohloko+ kahobane e le ’molai kapa lesholu kapa moetsi oa bobe kapa e le ea itšunya-tšunyang+ litabeng tsa batho ba bang. 16 Empa haeba a utloa bohloko+ kahobane e le Mokreste, a se ke a ikutloa a le lihlong,+ empa a ke a tsoele pele ho tlotlisa Molimo ka lebitso lena. 17 Etsoe ke nako e behiloeng bakeng sa hore kahlolo e qale ka ntlo ea Molimo.+ Joale haeba e qala pele ka rōna,+ bofelo ba ba sa mameleng litaba tse molemo tsa Molimo e tla ba bofe?+ 18 “Haeba motho ea lokileng a ntse a pholosoa ka thata,+ motho ea se nang bomolimo le moetsalibe ba tla iponahatsa kae?”+ 19 Kahoo, joale, hape ba utloang bohloko tumellanong le thato ea Molimo ba ke ba tsoele pele ho beha meea ea bona kalosong ea ’Mōpi ea tšepahalang ha ba ntse ba etsa se molemo.+

5 Ka hona, ho banna ba baholo har’a lōna ke fana ka keletso ena, kaha le ’na ke monna e moholo+ hammoho le bona le paki+ ea litlhokofatso tsa Kreste, ea nang le karolo esita le khanyeng e tlang ho senoloa:+ 2 Lisang+ mohlape oa Molimo+ o tlhokomelong ea lōna, eseng ka ho qobelloa, empa ka ho rata;+ eseng ka lebaka la lerato la leruo la ho se tšepahale,+ empa ka tabatabelo; 3 eseng ka ho rena ka thata+ holim ’a bao e leng lefa+ la Molimo, empa le e-ba mehlala ho mohlape.+ 4 Ha molisa+ ea ka sehloohong a bonahalitsoe, le tla amohela moqhaka+ o sa senyeheng+ oa khanya.

5 Ka mokhoa o tšoanang, lōna banna ba bacha, le ipehe tlas’a+ banna ba baholo. Empa kaofela ha lōna itlameng ka ho ikokobetsa kelellong e mong ho e mong,+ hobane Molimo o hanyetsa ba ikhohomosang, empa o fana ka mosa o sa tšoanelang ho ba ikokobelitseng.+

6 Ka hona, le ikokobetse tlas’a letsoho le matla la Molimo, e le hore a ka le phahamisa nakong e loketseng;+ 7 ha le ntse le lahlela matšoenyeho+ ’ohle a lōna ho eena, hobane oa le tsotella.+ 8 Lulang le hlaphohetsoe likelellong, le lebele.+ Mohanyetsi oa lōna, Diabolose, o tsamaea joaloka tau e purumang, e batlang ho harola e mong.+ 9 Empa emang khahlanong le eena,+ le tiile tumelong, le tseba hore litlhokofatso tse tšoanang li ntse li etsahalla mokhatlo oohle oa barab’abo lōna lefatšeng.+ 10 Empa, ka mor’a hore le utloe bohloko ka nakoana,+ Molimo oa mosa oohle o sa tšoanelang, ea le bitselitseng khanyeng ea hae e sa feleng+ bonngoeng+ le Kreste, o tla qetela koetliso ea lōna, o tla le tiisa,+ o tla le matlafatsa.+ 11 Ho eena e be bonatla+ ka ho sa feleng. Amen.

12 Ka Silvanase,+ mor’abo rōna ea tšepahalang, kamoo ke mo lekanyang kateng, ke le ngoletse mantsoe a seng makae,+ ho fana ka khothatso le bopaki bo tiileng hore ona ke mosa o sa tšoanelang oa ’nete oa Molimo; emang le tiile ho oona.+ 13 Ea leng Babylona,+ ea khethiloeng joaloka lōna, o le romela litumeliso, le mora oa ka Mareka+ o le romela litumeliso. 14 Lumelisanang ka kako ea lerato.+

E se eka kaofela ha lōna ba leng bonngoeng le Kreste le ka ba le khotso.+