Nakong ea borapeli ba lelapa, le ka buisana ka seo le tla se bua tšimong, kaha seo se tla le thusa hore le ee le le malala-a-laotsoe. Litho tsa lelapa li tla atamelana haufi ha li buisana ka litaba tsa Mangolo ebile li bona kamoo tse ling li ratang Jehova kateng, ’me li tla batla ho mo khahlisa. Monna le mosali ba ka sebelisana ’moho joang? Ba tla thaba ’me ba momahane haeba ba rata Jehova ba bile ba mo sebeletsa hammoho. Ba boetse ba lokela ho ratana, joaloka Abrahama le Sara, Isaka le Rebeka, esita le Elkana le Anna. (Gen. 26:8; 1 Sam. 1:5, 8) Ha monna le mosali ba ratana, seo se etsa hore ba momahane ’me ba be le kamano e haufi le Jehova.—Moek. 4:12. w16.03 3:12, 13