Bibele e re bahlanka bohle ba Jehova, ho akarelletsa bacha, ba tla mo sebeletsa “ka ho rata.” Kahoo, motho ea batlang ho kolobetsoa o lokela ho kholiseha hore sena ke sona seo a batlang ho se etsa. E le hore u etse seo, ho ka ’na ha hlokahala hore u itlhahlobisise, haholo haeba u hōletse ka phuthehong. Ha u ntse u hōla, e ka ’na eaba u bone batho ba bangata ba kolobetsoa, mohlomong ho akarelletsa metsoalle ea hao le banab’eno. Empa u lokela ho ba hlokolosi hore u se ke ua batla ho kolobetsoa hobane feela u se u le lilemong tse itseng, kapa hobane lithaka tsa hao li kolobetsoa. U ka netefatsa joang hore u talima kolobetso ka tsela eo Jehova a e talimang ka eona? Iphe nako ea ho nahana ka hore na ke hobane’ng ha kolobetso e le mohato oa bohlokoa. w16.03 1:11, 12