Labobeli, la 27 January
Ho rorisoe Jehova, Lefika la ka,ea nkoetlisetsang ho loana.—Pes. 144:1.
Haeba re mamela Jehova linthong tsohle ebile re tataisoa ke melao-motheo ea Bibele ha re etsa liqeto, re tla ba mehlala e metle ho batho ba bang. Ha tsebo eo re nang le eona ka Jehova e ntse e eketseha le tumelo ea rona e ba matla le ho feta, re tla mamela melao ea Jehova le ho lula re mo tšepahalla. Re ke ke ra ba batho ba hlolehang ho etsa qeto, ba sa tsitsang kapa ba khelosoang habonolo ke lithuto tsa bohata le tsela eo batho ba lefatše lena ba nahanang ka eona. (Baef. 4:14; Jak. 1:6-8) Re tla khona le ho thusa batho ba bang ha ba hlaheloa ke mathata. (1 Bathes. 3:2, 3) Baholo ba lokela ho ba le teka-tekano linthong tsohle tseo ba li etsang, ba be le kelello, ba hlophisehe hape ba se ke ba ba manganga. Bara bana ba bo rona ba matlafatsa phutheho ka ho etsa hore ‘tsela eo ba rutang ka eona e be tumellanong le lentsoe le tšepahalang.’ (Tite 1:9; 1 Tim. 3:1-3) Ha baholo ba hlokomela phutheho, ba ea libokeng le tšimong kamehla ebile ba etsa thuto ea botho kamehla, mohlala oa bona o thusa bahoeletsi hore ba etse se tšoanang. Ha bara le barali ba bo rona ba hlaheloa ke mathata a etsang hore ba tšoenyehe, baholo ba ka ba thusa ho lula ba nahana ka Jehova le merero ea hae. w24.06 31 ¶16-18
LA 26 JANUARY–LA 1 FEBRUARY
ESAIA 28-29
Pina ea 28 le Thapelo | Seo re Tl’o Ithuta Sona (1 mots.)
1. Hlompha Jehova ka Molomo le ka Pelo ea Hao
(10 mets.)
Esaia o ile a khalemela baeta-pele ba bolumeli ba mehleng ea hae ka matla ka lebaka la boikaketsi ba bona (Esa 29:13; ip-1 299 ¶23)
Jesu o buile mantsoe a tšoanang le a Esaia ha a ne a bua le baeta-pele ba bolumeli ba mehleng ea hae (Mat 15:7-9; w21.05 9 ¶7)
Jehova o lebelletse hore barapeli ba hae ba ‘mamele ka lipelo tsohle’ (Bar 6:17; w24.06 10 ¶8)
Jehova oa bona ebile o ananela ha re etsa l ntho tseo re li rutang batho ba bang
2. Matlotlo a Patiloeng
(10 mets.)
Esa 29:1—Ke hobane’ng ha ho loketse hore ebe Jerusalema e bitsoa Ariele? (it-E “Ariele” ¶1; it-E “Ariele” No. 3)
U ithutile’ng ’malong oa Bibele oa bekeng ee?
3. ’Malo oa Bibele
(4 mets.) Esa 29:13-24 (th khaolo ea 2)
4. Ha u Qala Moqoqo
(2 mets.) BUA LE BATHO HA MONYETLA O HLAHA. Leka ho fumana hore na motho eo u buisanang le eena o amehile ka eng ebe le hlophisa hore le tle le bue hape nakong e tlang. (lmd thuto ea 1 ntlha ea 5)
5. Khutlela ho Batho
(3 mets.) KA NTLO LE NTLO. Araba potso eo mong’a ntlo a ileng a e botsa nakong e fetileng. (lmd thuto ea 9 ntlha ea 3)
6. Ha u Etsa Barutuoa
(2 mets.) KA NTLO LE NTLO. Kopa ho ithuta Bibele le mong’a ntlo. (lmd thuto ea 10 ntlha ea 3)
7. Ha u Etsa Barutuoa
Pina ea 89
8. “Kamehla ke Etsa Lintho Tse mo Thabisang”
(8 mets.) Puisano.
Jesu o ile a re: ‘Kamehla ke etsa lintho tse thabisang Jehova.’ (Joh 8:29) Joaloka Jesu, re leka ka hohle ho etsa lintho ka tsela eo Jehova a e batlang. Le hoja ka linako tse ling ho se bonolo ho etsa lintho ka tsela ea Jehova, ka linako tsohle ho lula ho re tsoela molemo.
Shebellang VIDEO ea Etsa Lintho ka Tsela ea Jehova ebe u botsa bamameli potso ena:
Ho etsa lintho ka tsela eo Jehova a e batlang ho ka u thusa joang ha u tobane le mahloriso, khatello ea ho etsa boitšoaro bo bobe le ha u lekeha ho ikhohomosa?
9. Litlhoko Tsa Phutheho
(7 mets.)
10. Thuto ea Bibele ea Phutheho
(30 mets.) lfb thuto ea 56, selelekela sa karolo ea 10 le thuto ea 57