Labone, la 28 May

Ho thaba motho ea lulang a falimehile.—Liprov. 28:14.

Re ka kholiseha hore ho lula re itebetse e le hore re se ke ra oela molekong ho tla re tsoela molemo. Le hoja ho etsa sebe ho ka ’na ha re thabisa “ka nakoana,” ho phela ka melao ea Jehova ho tla etsa hore re thabe le ho feta. (Baheb. 11:25; Pes. 19:8) Re thaba hobane re bopiloe ka tsela eo re lokelang ho latela melao ea hae. (Gen. 1:27) Ha re phela ka tsela e khahlisang Jehova, re tla ba le letsoalo le hloekileng ’me ka moso re tla phela ka ho sa feleng. (1 Tim. 6:12; 2 Tim. 1:3; Juda 20, 21) Ke ’nete hore “nama ea fokola.” (Mat. 26:41) Empa taba eo ha e bolele hore ha ho letho leo re ka le etsang ka mefokolo ea rona. Jehova o lutse a le malala-a-laotsoe ho re fa matla ao re a hlokang. (2 Bakor. 4:7) Empa hlokomela hore Molimo o re fa matla a sa tloaelehang. Matla ao re nang le ’ona ke a tloaelehileng ’me ke boikarabelo ba rona. Kahoo, re lokela ho sebelisa matla ’ohle ao re nang le ’ona hore re loantše liteko; ke boikarabelo ba rona. Jehova o tla araba lithapelo tsa rona ’me a re fe matla a eketsehileng haeba re a hloka. (1 Bakor. 10:13) Kannete, ka thuso ea Jehova, re ka khona ho lula re itebetse e le hore re se ke ra kena molekong. w24.07 19 ¶19-21

La 25-31 May

Bukana ea Seboka sa Bophelo le Tsebeletso—2026 | May

LA 25-31 MAY

ESAIA 65-66

Pina ea 24 le Thapelo | Seo re Tl’o Ithuta Sona (1 mots.)

MATLOTLO A TSOANG BIBELENG

1. Re Rata Paradeise ea Rona ea Moea!

(10 mets.)

Bahlanka ba Molimo ba na le Bibele le lintho tse ngata tseo ba li hlokang e le hore ba lule ba le paradeiseng ea moea (Esa 65:13; cl 275 ¶12, 14)

Paradeise ea rona ea moea e re thusa hore re sebetsane le mathata le lintho tse bohloko tse re hlahelang (Esa 65:14-17; w24.04 22 ¶9-10)

Ha ho na letho le ka bapisoang le khotso le tšireletseho tseo re nang le tsona (Esa 65:25; w24.04 23 ¶13)

TLHALOSO: Polelo “paradeise ea moea” e hlalosa maemo a sireletsehileng ao batho ba sebeletsang Jehova ba thabelang ho ba ho ona. Paradeiseng ena ea moea re thabela ho ba le khotso le Jehova le Bakreste-’moho le rona.

Litšoantšo: Bara le barali ba bo rona ba thabela ho ba paradeiseng ea moea. 1. Ba thabela ho qoqa ha ba le Holong ea ’Muso. 2. Ba thabela ho sebetsa ’moho ha ho hloekisoa Holo ea ’Muso. 3. Mor’abo rona ea holileng o khothatsa mor’abo rona e mocha ha ba le ka teronkong. Likarete le mangolo a tsoang ho Bakreste-’moho li manamisitsoe leboteng. 4. Banyalani ba etetse morali oa bo rona ea kulang ha a le sepetlele. Morali oa bo rona o tšoere morali oa bo rona ea kulang ka letsoho, ha monna oa hae eena a tšoere baskete e tšetseng litholoana le likarete.

2. Matlotlo a Patiloeng

(10 mets.)

Esa 66:24—Temana ee e re thusa joang ho utloisisa mantsoe a Jesu a hlahang ho Mareka 9:47, 48 a buang ka Gehena? (it-E “Gehena” ¶6-7-mwbr)

Karabo ea hao
U ithutile’ng ’malong oa Bibele oa bekeng ee?

Karabo ea hao

3. ’Malo oa Bibele

(4 mets.) Esa 65:17-25 (th khaolo ea 10)

E-BA MAFOLOFOLO MOSEBETSING OA BOBOLELI

4. Ha u Qala Moqoqo

(3 mets.) BUA LE BATHO HA MONYETLA O HLAHA. Qoqa le motho ka tsela e tla etsa hore ho be bonolo hore u mo bolelle hore u Paki ea Jehova. (lmd thuto ea 5 ntlha ea 3)

5. Ha u Qala Moqoqo

(2 mets.) BUA LE BATHO KA BIBELE SETERATENG. Motho eo u ntseng u qoqa le eena u batla ho ngangisana le uena. (lmd thuto ea 4 ntlha ea 5)

6. Ha u Qala Moqoqo

(3 mets.) KA NTLO LE NTLO. Qala moqoqo u sebelisa pampitšana. (lmd thuto ea 1 ntlha ea 4)

7. Hlalosa Seo u se Lumelang

(3 mets.) Pontšo. ijwbq sehlooho sa 87: Mohanyetsi oa Kreste ke Mang? (th khaolo ea 17)

PHELA JOALOKA MOKRESTE

Pina ea 80

8. Na u ka Thabela Bophelo le Hoja u le Tšebeletsong ea Nako e Tletseng?

(15 mets.) Puisano.

Litšoantšo: Litšoantšo tse hlahang videong ea “U Tla Etsa’ng ‘Bakeng sa Litaba Tse Monate’?” 1. Mor’abo rona Tomohiro Nishimura o sebetsa Bethele lefapheng le kopanyang libuka. 2. Morali oa bo rona Happiness Mabho o sebetsa ka k’homphieutha ofising ea phetolelo. 3. Rayner le Keziah Fernando ba lumelisa mor’abo rona ba le ofising ea lekala moo ba sebetsang lefapheng la kaho. 4. Mor’abo rona George Telan, Jr., o sebetsa le bara ba bo rona ba bang Bethele Lefapheng la Tšebeletso. 5. Morali oa bo rona Ramona Welsch o khanna thuto ea Bibele.

Na u ntse u nahana ka ho kenela tšebeletso ea nako e tletseng? Na u tšoenyehile ka hore u ka ’na oa lokela ho tela lintho tseo u li ratang haeba u e kenela? Kapa mohlomong u kile oa ipotsa hore na ke hobane’ng ha u lokela ho tela lintho tseo u li ratang haeba bahlanka bohle ba Jehova ba tla fumana bophelo bo sa feleng ho sa tsotellehe hore na ba tšebeletsong kapa che. Haeba u ntse u ipotsa lipotso tsena, hopola hore Jehova “a ke ke a [u] hanela . . . ka ntho leha e le efe e ntle” haeba u mo tšepa. (Ps 84:11, 12) Ha re sa fe Jehova sohle seo re ka se khonang, re tla fetoa ke thabo e tlisoang ke ho kenela tšebeletso.

Jehova o tla re hlohonolofatsa hona joale esita le nakong e tlang. Shebellang VIDEO ea U Tla Etsa’ng ‘Bakeng sa Litaba Tse Monate’? ebe u botsa bamameli potso e latelang:

Bara le barali ba bo rona ba hlahang videong ee ba fumane litlhohonolofatso life ka ho kenela tšebeletso ea nako e tletseng?

Karabo ea hao

U ka etsa’ng haeba maemo a hao a sa u lumelle ho kenela tšebeletso? Hopola hore Jehova o hlohonolofatsa boiteko bohle boo re bo etsang ba ho mo sebeletsa. Kahoo, etsa sohle seo u ka se khonang u kholisehile hore Jehova o tla u tšollela litlhohonolofatso ho fihlela u se u sa hloke letho.—Mal 3:10.