Budalan

25 Yéhuwa nyarios ka Musa, 2 ”Béjaan urang Israél sina maréré sumbangan keur Kuring. Kumpulkeun sumbangan ti unggal jalma nu iklas.+ 3 Ieu sumbangan nu kudu dikumpulkeun: emas,+ pérak,+ tambaga,+ 4 benang biru, wol ungu,* benang beureum, linén lemes, bulu embé, 5 kulit domba jalu nu dicelep beureum, kulit anjing laut, kai akasia,+ 6 minyak keur lampu,+ minyak balsem keur campuran minyak suci*+ jeung keur dupa seungit,+ 7 sarta batu oniks jeung batu séjénna nu bakal dipasang dina éfod*+ jeung tutup dada.+ 8 Maranéh kudu nyieun tempat suci keur Kuring. Kuring bakal cicing di antara maranéh.+ 9 Jieun tabernakel jeung sagala parabotna, percis sakumaha rancangan nu ditémbongkeun ka manéh.+

10 ”Jieun peti tina kai akasia, panjangna kira-kira 111 sénti, lébarna kira-kira 67 sénti, jeung jangkungna kira-kira 67 sénti.*+ 11 Lapisan ku emas murni+ boh jerona boh luarna. Sakurilingna kudu dielis ku hiasan tina emas.+ 12 Jieun opat geulang tina emas tuluy terapkeun di luhureun opat sukuna, dua di sisi beulah dieu, dua deui di sisi beulah ditu. 13 Jieun tongkat-tongkat tina kai akasia, tuluy lapisan ku emas.+ 14 Asupkeun tongkat-tongkatna kana geulang-geulang nu aya dina dua sisi peti, supaya éta peti bisa digotong. 15 Tongkat-tongkatna kudu tetep aya dina geulang-geulang éta peti, ulah dicabut-cabut.+ 16 Kuring bakal méré papan-papan batu nu ditulisan paréntah Kuring. Teundeun papan-papan éta di jero peti.+

17 ”Jieun tutup petina tina emas murni, panjangna kira-kira 111 sénti, lébarna kira-kira 67 sénti.+ 18 Jieun dua kérub tina emas, emasna ketokan ku palu. Pasang dua kérub éta dina tungtung-tungtung tutup peti,+ 19 nu hiji dina tungtung beulah dieu, nu hiji deui dina tungtung beulah ditu. 20 Kérubna kudu pahareup-hareup, beungeutna tungkulkeun kana tutup peti. Jangjangna sina mébér ka luhur, ngarungkup tutup peti.+ 21 Teundeun papan-papan batu nu rék dibikeun ku Kuring di jero éta peti, terapkeun tutupna+ kana peti. 22 Kuring bakal némbongan sarta ngomong ka manéh luhureun tutup peti éta.+ Ti antara dua kérub dina éta peti perjangjian, Kuring bakal méré nyaho paréntah nu kudu ditepikeun ku manéh ka urang Israél.

23 ”Jieun méja+ tina kai akasia, panjangna 89 sénti, lébarna kira-kira 45 sénti,* jeung jangkungna kira-kira 67 sénti.+ 24 Lapisan méjana ku emas murni, sakurilingna kudu dielis ku hiasan tina emas. 25 Jieun pinggiran di sakuriling éta méja nu lébarna sadampal leungeun.* Sakuriling pinggiran éta kudu dielis ku hiasan tina emas. 26 Jieun opat geulang tina emas tuluy terapkeun dina opat suku méja, nu aya dina unggal juru méja. 27 Geulang-geulangna kudu diterapkeun deukeut pinggiran méja. Engké tongkat-tongkat paranti ngagotong bakal diasupkeun kana geulang-geulang éta. 28 Jieun tongkat-tongkat tina kai akasia, tuluy lapisan ku emas. Tongkat-tongkat éta engkéna bakal dipaké keur ngagotong méja.

29 ”Jieun ogé sababaraha piring, cangkir, téko, jeung mangkok paranti nyicikeun kurban inuman. Kabéhanana kudu dijieun tina emas murni.+ 30 Roti nu dibaktikeun kudu terus aya dina éta méja, hareupeun Kuring.+

31 ”Jieun wadah lampu+ tina emas murni, emasna ketokan ku palu. Wadah lampuna kudu aya dadamparna, batangna, cabangna, daun kembangna, kuncupna, jeung kembangna. Kabéhanana kudu dijieun tina emas sagelempeng, dijieunna teu meunang dipisah-pisah.+ 32 Batangna kudu boga genep cabang, tilu di kénca, tilu di katuhu. 33 Dina unggal cabang kudu aya tilu daun kembang nu bentukna kawas kembang almond, tilu kuncup, jeung tilu kembang, dijieunna kudu selang-seling. Genep cabang nu aya dina wadah lampu éta kudu dibentuk siga kitu, boh nu di kénca boh nu di katuhu. 34 Dina batang wadah lampu éta, kudu aya opat daun kembang nu bentukna kawas kembang almond, opat kuncup, jeung opat kembang, dijieunna kudu selang-seling. 35 Di handapeun dua cabang nu mimiti kudu aya hiji kuncup. Di handapeun dua cabang nu kadua kudu aya hiji kuncup. Di handapeun dua cabang nu katilu gé kudu aya hiji kuncup. Nya siga kitu dijieunna genep cabang dina batang téh. 36 Kuncup, cabang, jeung sakabéh bagian dina wadah lampu kudu dijieun tina emas murni sagelempeng nu diketokan ku palu,+ dijieunna teu meunang dipisah-pisah. 37 Jieun tujuh lampu minyak dina éta wadah. Lamun diseungeut, lampuna bakal nyaangan naon nu aya di hareupeunana.+ 38 Cacapit sumbu jeung wadah sumbuna kudu dijieun tina emas murni.+ 39 Wadah lampu jeung sakabéh parabotna kudu dijieun tina emas murni nu beuratna kira-kira 34 kilogram.* 40 Omat, dijieunna kudu nurutkeun rancangan nu ditémbongkeun ka manéh di ieu gunung.+