Bilangan

26 Sanggeus wabah panyakitna eureun, Yéhuwa méré paréntah kieu ka Musa jeung Éléazar anak Imam Harun, 2 ”Itung sakabéh urang Israél nu umurna 20 taun ka luhur, nurutkeun kulawarga pihak bapana. Itung sakabéh jalma nu bisa jadi prajurit di Israél.” 3 Jadi Musa jeung Imam Éléazar ngomong ka urang Israél di Gurun Keusik Moab, di sisi Walungan Yordan deukeut Yérikho, kieu cenah, 4 ”Itung kabéh nu umurna 20 taun ka luhur, sakumaha nu diparéntahkeun ku Yéhuwa ka Musa.”

Ieu urang Israél nu budal ti Mesir: 5 Turunan ti kaom Rubén anak cikal Israél: Ti Hanokh, kulawarga turunan Hanokh. Ti Palu, kulawarga turunan Palu. 6 Ti Hézron, kulawarga turunan Hézron. Ti Karmi, kulawarga turunan Karmi. 7 Éta téh kulawarga-kulawarga turunan Rubén. Nu didaptar téh aya 43.730 urang.

8 Anak lalaki Palu téh Éliab. 9 Anak-anak lalakina Éliab téh Némuél, Datan, jeung Abiram. Datan jeung Abiram téh jalma nu dipilih ti éta jamaah. Maranéhna nu ngalawan ka Musa jeung Harun bareng jeung balad-baladna Korah basa maranéhna ngalawan ka Yéhuwa.

10 Geus kitu, taneuh beulah tuluy ngalegleg maranéhna. Ari Korah jeung 250 baladna mah tariwas ku seuneu. Éta kajadian téh jadi paringetan keur nu séjén. 11 Tapi, anak-anak lalakina Korah mah teu tiwas.

12 Turunan Siméon nurutkeun kulawarga maranéhna: Ti Némuél, kulawarga turunan Némuél. Ti Yamin, kulawarga turunan Yamin. Ti Yakhin, kulawarga turunan Yakhin. 13 Ti Zérah, kulawarga turunan Zérah. Ti Syaul, kulawarga turunan Syaul. 14 Éta kulawarga-kulawarga turunan Siméon. Kabéhanana aya 22.200 urang.

15 Turunan Gad nurutkeun kulawarga maranéhna: Ti Zéfon, kulawarga turunan Zéfon. Ti Hagi, kulawarga turunan Hagi. Ti Syuni, kulawarga turunan Syuni. 16 Ti Ozni, kulawarga turunan Ozni. Ti Éri, kulawarga turunan Éri. 17 Ti Arod, kulawarga turunan Arod. Ti Aréli, kulawarga turunan Aréli. 18 Éta kulawarga-kulawarga turunan Gad. Nu didaptar téh aya 40.500 urang.

19 Anak lalaki Yéhuda téh Ér jeung Onan. Tapi, Ér jeung Onan tiwas di tanah Kanaan. 20 Turunan Yéhuda nurutkeun kulawarga maranéhna: Ti Syéla, kulawarga turunan Syéla. Ti Péréz, kulawarga turunan Péréz. Ti Zérah, kulawarga turunan Zérah. 21 Turunan Péréz: Ti Hézron, kulawarga turunan Hézron. Ti Hamul, kulawarga turunan Hamul. 22 Éta kulawarga-kulawarga Yéhuda. Nu didaptar téh aya 76.500 urang.

23 Turunan Isakhar nurutkeun kulawarga maranéhna: Ti Tola, kulawarga turunan Tola. Ti Puwa, kulawarga turunan Puni. 24 Ti Yasyub, kulawarga turunan Yasyub. Ti Syimron, kulawarga turunan Syimron. 25 Éta kulawarga-kulawarga Isakhar. Nu didaptar téh aya 64.300 urang.

26 Turunan Zébulon nurutkeun kulawarga maranéhna: Ti Séréd, kulawarga turunan Séréd. Ti Élon, kulawarga turunan Élon. Ti Yahléél, kulawarga turunan Yahléél. 27 Éta kulawarga-kulawarga turunan Zébulon. Nu didaptar téh aya 60.500 urang.

28 Turunan Yusuf nurutkeun kulawarga maranéhna téh Manasyé jeung Éfraim. 29 Turunan Manasyé: Ti Makhir, kulawarga turunan Makhir. Makhir téh bapana Giléad. Ti Giléad, kulawarga turunan Giléad. 30 Ieu turunan Giléad: Ti Iézér, kulawarga turunan Iézér. Ti Hélék, kulawarga turunan Hélék. 31 Ti Asriél, kulawarga turunan Asriél. Ti Syikhém, kulawarga turunan Syikhém. 32 Ti Syémida, kulawarga turunan Syémida. Ti Héfér, kulawarga turunan Héfér. 33 Zéloféhad téh anak lalakina Héfér. Tapi Zéloféhad teu boga anak lalaki, ngan boga anak awéwé. Ngaran anak-anak awéwéna téh Mahla, Noa, Hogla, Milka, jeung Tirza. 34 Éta kulawarga-kulawarga Manasyé. Nu didaptar téh aya 52.700 urang.

35 Ieu turunan Éfraim nurutkeun kulawarga maranéhna: Ti Syutéla, kulawarga turunan Syutéla. Ti Békhér, kulawarga turunan Békhér. Ti Tahan, kulawarga turunan Tahan. 36 Ieu turunan Syutéla: Ti Éran, kulawarga turunan Éran. 37 Éta kulawarga-kulawarga turunan Éfraim. Nu didaptar téh aya 32.500 urang. Éta turunan Yusuf nurutkeun kulawarga maranéhna.

38 Turunan Bényamin nurutkeun kulawarga maranéhna: Ti Béla, kulawarga turunan Béla. Ti Asbél, kulawarga turunan Asbél. Ti Ahiram, kulawarga turunan Ahiram. 39 Ti Syéfufam, kulawarga turunan Syéfufam. Ti Hufam, kulawarga turunan Hufam. 40 Turunan Béla téh Aréd jeung Naaman. Ti Aréd, kulawarga turunan Aréd. Ti Naaman, kulawarga turunan Naaman. 41 Éta turunan Bényamin nurutkeun kulawarga maranéhna. Nu didaptar téh aya 45.600 urang.

42 Ieu turunan Dan nurutkeun kulawarga maranéhna: Ti Syuham, kulawarga turunan Syuham. Éta kulawarga-kulawarga Dan nurutkeun kulawarga maranéhna. 43 Nu didaptar ti kabéh kulawarga Syuham téh aya 64.400 urang.

44 Turunan Asyér nurutkeun kulawarga maranéhna: Ti Imnah, kulawarga turunan Imnah. Ti Iswi, kulawarga turunan Iswi. Ti Béria, kulawarga turunan Béria. 45 Ti turunan Béria: Ti Hébér, kulawarga turunan Hébér. Ti Malkhiél, kulawarga turunan Malkhiél. 46 Ngaran anak awéwéna Asyér téh Sérah. 47 Éta kulawarga-kulawarga turunan Asyér. Nu didaptar téh aya 53.400 urang.

48 Turunan Naftali nurutkeun kulawarga maranéhna: Ti Yahzéél, kulawarga turunan Yahzéél. Ti Guni, kulawarga turunan Guni. 49 Ti Yézér, kulawarga turunan Yézér. Ti Syilém, kulawarga turunan Syilém. 50 Éta kulawarga-kulawarga Naftali nurutkeun kulawarga maranéhna. Nu didaptar téh aya 45.400 urang.

51 Jumlah urang Israél nu didaptar téh kabéhanana aya 601.730 urang.

52 Geus kitu Yéhuwa ngomong ka Musa, 53 ”Tanah téh kudu dibagi-bagi ka maranéhna pikeun jadi warisan, dibagina nurutkeun ngaran-ngaran* nu geus didaptar. 54 Keur kelompok nu leuwih gedé, tambahan warisanana. Keur kelompok nu leuwih leutik, kurangan warisanana. Warisan nu dibikeun keur unggal kelompok téh kudu sabanding jeung jumlah jalma nu geus didaptar. 55 Tapi, éta tanah téh dibagikeunana kudu diundi. Maranéhna kudu narima warisan nurutkeun kaom karuhunna. 56 Unggal tanah warisan téh dibagina kudu maké undi, éta dibagikeun ka unggal kelompok, boh nu gedé boh nu leutik.”

57 Ieu turunan Léwi nu didaptar nurutkeun kulawarga maranéhna: Ti Gérsyon, kulawarga turunan Gérsyon. Ti Kohat, kulawarga turunan Kohat. Ti Mérari, kulawarga turunan Mérari. 58 Ieu kulawarga-kulawarga turunan Léwi: kulawarga turunan Libni, kulawarga turunan Hébron, kulawarga turunan Mahli, kulawarga turunan Musyi, kulawarga turunan Korah.

Kohat téh bapana Amram. 59 Ngaran pamajikanana Amram téh Yokhébéd, anak awéwéna Léwi, nu dilahirkeun di Mesir. Yokhébéd ngalahirkeun Harun, Musa, jeung Miryam. Miryam téh dulur awéwéna Harun jeung Musa. 60 Harun boga anak lalaki nyaéta Nadab, Abihu, Éléazar, jeung Itamar. 61 Tapi Nadab jeung Abihu tiwas lantaran nyanggakeun pangbakti* nu teu sah ka Yéhuwa.

62 Jumlah lalaki ti kaom Léwi nu umurna sabulan ka luhur nu didaptar téh aya 23.000 urang. Maranéhna teu didaptar bareng jeung urang Israél séjénna, sabab maranéhna teu dibéré warisan di antara urang Israél.

63 Éta jalma-jalma nu didaptar ku Musa jeung Imam Éléazar waktu urang Israél diitung di Gurun Keusik Moab, di sisi Walungan Yordan deukeut Yérikho. 64 Tapi, jalma-jalma nu didaptar ku Musa jeung Harun basa di Tanah Gurun Sinai mah geus areuweuh di antara maranéhna, 65 sabab Yéhuwa geus ngomong, ”Maranéhna pasti maot di tanah gurun.” Jadi, nu hirup kénéh téh ngan Kaléb anak Yéfuné jeung Yosua anak Nun.