Surat nu Kadua keur Sidang Jamaah di Korintus

6 Salaku batur gawé Allah,+ abdi sadaya ménta sangkan aranjeun teu nyapirakeun welas asih Allah nu taya bandingna* nu ditarima ku aranjeun.+ 2 Anjeunna nyebutkeun, ”Dina mangsa Kuring ngaberkahan, Kuring ngadéngékeun maranéh. Dina poé kasalametan, Kuring nulungan maranéh.”+ Tah, ayeuna mangsana Allah ngaberkahan urang téh, ayeuna poéna kasalametan téh!

3 Dina sagala hal, abdi sadaya embung ngalantarankeun batur pecat iman, supaya palayanan abdi sadaya henteu digogoréng.+ 4 Sabalikna dina sagala hal, abdi sadaya némbongkeun yén abdi sadaya téh palayan Allah:+ Abdi sadaya tabah nyanghareupan rupa-rupa cocoba, kasangsaraan, kakurangan, kasusah,+ 5 digebugan, dipanjarakeun,+ dikoroyok, gawé beurat, kurang saré, malah sering teu manggih dahar.+ 6 Kahirupan abdi sadaya téh bersih, lalampahan gé sajalan jeung pangarti. Abdi sadaya téh sabar,+ bageur,+ dibingbing ku kawasa suci, jeung iklas mikanyaah.+ 7 Abdi sadaya ngomongna jujur, ngandelkeun kawasa Allah,+ sarta nyekel senjata-senjata bebeneran+ di leungeun kénca* jeung katuhu.* 8 Abdi sadaya dihormat jeung dihina, sarta digogoréng jeung dipuji. Abdi sadaya dianggap tukang tipu padahal jujur, 9 dianggap taya nu wawuh padahal pada wawuh, dianggap sakarat padahal hirup+ kénéh, dihukum tapi teu paéh,+ 10 dianggap keur sedih padahal gumbira, dianggap miskin padahal ngabeungharkeun loba jalma, dianggap teu boga nanaon padahal boga sagalana.+

11 Dulur-dulur di Korintus, abdi sadaya geus terus terang ngomong ka aranjeun. Abdi sadaya gé geus muka haté sagedé-gedéna. 12 Abdi sadaya teu nahan-nahan kanyaah ka aranjeun,*+ ari aranjeun mah nahan-nahan kanyaah ka abdi sadaya. 13 Kuring ngomong téh asa ka anak sorangan, mugia aranjeun gé ngalampahkeun nu kawas kitu ka abdi sadaya. Sok atuh buka haté aranjeun sagedé-gedéna.+

14 Ulah ngahiji* jeung nu teu saiman.+ Mémangna aya saruana kitu antara nu bener jeung nu jahat?*+ Atawa aya saruana kitu antara caang jeung poék?+ 15 Al-Masih jeung Sétan* téh sajalan, kitu?+ Atawa aya saruana kitu antara nu boga iman jeung nu teu boga iman?+ 16 Mémangna bait Allah aya patalina jeung berhala?+ Urang téh bait Allah nu hirup,+ sakumaha Allah nyebutkeun, ”Kuring bakal matuh di antara maranéhna+ sarta aya di antara maranéhna. Kuring bakal jadi Allah maranéhna, sarta maranéhna bakal jadi umat Kuring.”+ 17 ”’Ku kituna, geura kaluar ti antara maranéhna, pisahkeun diri,’ saur Yéhuwa,* ’jeung ulah nyabak deui anu najis.’”+ ”’Geus kitu, maranéh ku Kuring bakal ditarima.’”+ 18 ”’Kuring bakal jadi Bapa maranéh,+ sarta maranéh bakal jadi anak lalaki jeung awéwé Kuring,’+ saur Yéhuwa* Nu Mahakawasa.”