Yésaya
45 Yéhuwa geus ngalantik Korés+ sarta nyekel leungeun katuhuna+
Pikeun nalukkeun bangsa-bangsa nu aya di hareupeunana,+
Pikeun ngarampas senjata raja-raja,
Sarta pikeun muka panto-panto di hareupeunana,
Supaya gerbang-gerbang teu nutup.
Ieu nu diucapkeun ku Anjeunna ka Korés,
2 ”Kuring bakal maju heulaeun manéh+
Sarta ngaratakeun pasir-pasir.*
Panto-panto tambaga ku Kuring bakal diancurkeun,
Palang-palang beusi bakal dipotongkeun.+
3 Manéh ku Kuring bakal dibéré harta nu aya di tempat nu poék
Sarta harta pependeman nu aya di tempat nu buni,+
Supaya manéh nyaho yén Kuring téh Yéhuwa,
Allah Israél, nu ngageroan manéh maké ngaran manéh.+
4 Demi Yakub hamba Kuring, sarta demi Israél nu dipilih ku Kuring,
Kuring ngageroan manéh maké ngaran manéh.
Najan teu wanoh ka Kuring, manéh ku Kuring dibéré ngaran nu bakal dihormat.
5 Kuring téh Yéhuwa, euweuh nu séjén.
Taya deui Allah salian ti Kuring.+
Kuring bakal nguatkeun manéh, sanajan manéh teu wanoh ka Kuring.
6 Ku kituna, jalma-jalma bakal nyarahoeun
Yén ti wétan nepi ka kulon* téh
Taya deui nu séjén salian ti Kuring.+
Kuring téh Yéhuwa, taya deui nu séjén.+
Kuring, Yéhuwa, nu ngalampahkeun éta kabéh.
8 Éh langit, turunkeun bebeneran kawas hujan.+
Méga* sina nurunkeun bebeneran.
Bumi sina muka tuluy ngahasilkeun kasalametan sarta ngabijilkeun bebeneran,
Duanana sina jaradi babarengan.+
Kuring, Yéhuwa, nu ngajadikeun éta.”
9 Cilaka jalma nu ngalawan ka* Nu Nyiptana,
Sabab éta jalma téh ngan ibarat hiji sesemplékan gagarabah
Di antara sesemplékan séjén luhureun taneuh.
Mémangna pantes taneuh liket ngomong kieu ka Tukang Nyieun Gagarabah, ”Manéh téh nyieun naon?”+
Mémangna pantes pariuk ngomong kieu ka nu nyieunna, ”Manéh mah teu bisa nanaon”?*
10 Cilaka jalma nu nanya ka bapana, ”Ku naon anjeun jadi bapa abdi?”
Sarta nu nanya ka indungna, ”Ku naon anjeun ngajurukeun abdi?”
11 Ieu nu diucapkeun ku Yéhuwa, Allah Israél nu Suci,+ Allah nu ngajadikeun manéhna,
”Manéh teu percaya ka Kuring ngeunaan hal-hal nu bakal kajadian?
Ku naon manéh mapatahan Kuring ngeunaan naon nu kudu dilampahkeun ka anak-anak+ jeung dadamelan Kuring?
12 Kuring nu ngajadikeun bumi+ sarta nyiptakeun manusa di dinya.+
13 Saur Yéhuwa, pangawasa pasukan sorga, ”Demi tujuan Kuring nu bener, Kuring geus ngageuing hiji jalma.+
Jalan éta jalma ku Kuring bakal dijieun mulus.
Manéhna nu bakal ngawangun kota Kuring+
Sarta ngabébaskeun umat Kuring nu ditawan,+ tanpa dibayar atawa disogok.”+
14 Ieu nu diucapkeun ku Yéhuwa,
”Kauntungan Mesir* jeung barang dagangan* Étiopia bakal jadi milik manéh.
Urang Séba nu awakna jarangkung gé bakal datang ka manéh.
Kabéhanana bakal leumpang tukangeun manéh bari diranté.
Maranéhna bakal datang sarta sujud ka manéh.+
Ku rasa hormat, maranéhna bakal ngomong kieu, ’Allah téh nyarengan anjeun.+
Taya deui Allah nu lian.’”
15 Nun Allah, Jurusalamet Israél,+
Gusti téh Allah nu ngarasiahkeun jalan-jalan Gusti.
16 Maranéhna kabéh bakal diéra-éra jeung direndahkeun.
Kabéh jalma nu nyieunan berhala bakal indit bari nandang kahinaan.+
17 Tapi, Israél bakal disalametkeun ku Yéhuwa pikeun salawasna.+
Maranéh moal diéra-éra atawa dihina pikeun salalanggengna.+
18 Yéhuwa téh Nu Nyiptakeun langit,+ Allah nu sajati,
Nu Nyiptakeun bumi, sarta Allah nu ngajadikeun bumi tohaga.+
Bumi diciptakeun ku Anjeunna téh lain taya tujuan,* tapi pikeun dicicingan.+
Saur Anjeunna,
”Kuring téh Yéhuwa, taya deui nu séjén.
19 Kuring teu ngomong di tempat nu buni,+ di nagri nu poék.
Kuring teu ngomong kieu ka turunan Yakub,
’Pék téangan Kuring, tapi usaha manéh moal aya gunana.’
Kuring téh Yéhuwa, nu ngucapkeun naon nu adil jeung nu bener.+
20 Hé maranéh nu kabur ti bangsa-bangsa,
Geura ka darieu, karumpul.+
Jalma-jalma nu ka ditu ka dieu mamawa patung ukiran téh teu nyaho nanaon.
Maranéhna ngadoa ka allah nu teu bisa nyalametkeun maranéhna.+
21 Sok sodorkeun sarta béla perkara maranéh.
Maranéhna sina badami.
Saha nu ti baheula kénéh geus méré nyaho ngeunaan nu bakal kajadian,
Sarta nu ti jaman baréto kénéh geus ngabéjaan ngeunaan éta?
Nya, Kuring, Yéhuwa.
Teu aya Allah salian ti Kuring, Allah nu adil sarta Jurusalamet.+
Teu aya nu séjén salian ti Kuring.+
22 Hé sakabéh jalma nu aya di bumi, geura baralik ka Kuring supaya maranéh salamet,+
Lantaran Kuring téh Allah, teu aya deui nu séjén.+
23 Kuring geus sumpah demi diri Kuring.
Nu diucapkeun ku Kuring téh bener
Sarta pasti ngajadi.+
Sakabéh jalma bakal sujud ka Kuring
Sarta sumpah pikeun satia ka Kuring.+
24 Maranéhna bakal ngomong, ’Mung Yéhuwa nu bener sareng kuat.
Sadaya jalmi nu ambek ka Anjeunna bakal ngadeuheus bari éraeun.
25 Ku karana Yéhuwa, sakabéh turunan Israél bakal dianggap bener.+
Maranéhna bakal agul ku karana Anjeunna.’”