மீகா

பூமியே, அதில் உள்ளவையே, கவனித்துக் கேளுங்கள்!

உன்னதப் பேரரசராகிய யெகோவா உங்களுக்கு எதிராகச் சாட்சி சொல்வதைக்+ கேளுங்கள்!

பரிசுத்த ஆலயத்தில் இருக்கிற யெகோவா சொல்வதைக் கவனியுங்கள்!

 3 இதோ! யெகோவா தன்னுடைய இடத்திலிருந்து வருகிறார்.

அவர் கீழே வந்து, பூமியின் உயர்ந்த இடங்களை மிதிப்பார்.

 4 நெருப்பு பட்ட மெழுகு போலவும்,

செங்குத்தான பாறையிலிருந்து கொட்டும் தண்ணீர் போலவும்,

அவருடைய காலடியில் மலைகள் உருகியோடும்,+

பள்ளத்தாக்குகள் பிளந்துபோகும்.

 5 எல்லாவற்றுக்கும் காரணம் யாக்கோபு செய்த குற்றங்கள்தான்,

இஸ்ரவேல் ஜனங்கள்* செய்த பாவங்கள்தான்.+

 6 நான் சமாரியாவைக் கல்லும் மண்ணும் கிடக்கிற இடமாகவும்,

திராட்சைக் கொடிகளை நடுகிற இடமாகவும் ஆக்குவேன்.

அவளுடைய கற்களைப் பள்ளத்தாக்கில் உருட்டிவிட்டு,

அவளுடைய அஸ்திவாரங்கள் வெளியே தெரியும்படி செய்வேன்.

 7 அவள் வணங்குகிற சிலைகளைச் சுக்குநூறாக்குவேன்.+

அவள் கும்பிடுகிற உருவங்களை உடைத்தெறிவேன்.

விபச்சாரத்துக்குக் கூலியாக அவள் பெற்றுக்கொண்ட எல்லாமே

மறுபடியும் விபச்சாரிகளுக்குக் கூலியாகக் கொடுக்கப்படும்” என்று சொன்னார்.

 8 இதனால், நான் சத்தமாக அழுது புலம்புவேன்.+

காலில் செருப்பு இல்லாமலும் உடம்பில் துணி இல்லாமலும் நடப்பேன்.+

நரியைப் போல ஊளையிடுவேன்.

நெருப்புக்கோழியைப் போல அலறுவேன்.

 9 அவளுடைய காயம் ஆறாது.+

அது யூதா வரைக்கும் பரவியிருக்கிறது.+

10 “காத் நகரத்தில் இதை அறிவிப்பு செய்யாதீர்கள்.

ஒரு சொட்டு கண்ணீர்கூட விடாதீர்கள்.

12 நல்லது வருமென்று மாரோத் ஜனங்கள் காத்திருந்தார்கள்.

ஆனால், எருசலேமின் நுழைவாசலுக்கு யெகோவாவிடமிருந்து கெடுதல்தான் வந்திருக்கிறது.

சீயோன் மகள் பாவம் செய்ய ஆரம்பித்தது உங்களால்தான்.

இஸ்ரவேலர்கள் பல குற்றங்கள் செய்தது உங்கள் ஊரில்தான்.+

அந்தத் துக்கத்தில் உங்கள் தலைமுடியைச் சிரைத்துக்கொள்ளுங்கள்.

உங்கள் தலையைக் கழுகின் தலையைப் போல மொட்டை அடித்துக்கொள்ளுங்கள்.”