Забур

34 Яҳуваро доимо ситоиш мекунам,

Ҳамду санояш ҳамеша вирди забонам аст.

 3 Яҳуваро бо ман ситоиш намоед,+

Биёед номи ӯро якҷоя болобардор кунем.

 4 Аз Яҳува пурсидам ва ӯ ба ман ҷавоб дод,+

Ӯ маро аз ҳамаи тарсҳоям раҳо кард.+

 5 Касоне, ки ба ӯ нигоҳ карданд, дурахшиданд,

Онҳо шарманда нахоҳанд шуд.

 6 Бандаи бечора сӯйи Яҳува хонд ва ӯ шунид

Ва аз ҳама азобҳояш халос кард.+

 7 Фариштаи Яҳува дар гирду пеши тарсгорони Худо хайма мезанад+

Ва онҳоро наҷот медиҳад.+

 9 Аз Яҳува битарсед, эй ҳамаи поконаш,

Тарсгорони ӯ камӣ нахоҳанд дошт.+

10 Ҳатто шербачагони бақувват муҳтоҷу гурусна мешаванд,

Аммо ҷӯяндагони Яҳува камие нахоҳанд дошт.+

11 Биёед, эй фарзандонам, ба ман гӯш андозед,

Тарси Яҳуваро ба шумо таълим хоҳам дод.+

12 Кадоме аз шумо ҳаётро орзу дорад

Ва умри дарозу некуро дӯст медорад?+

13 Пас, забонатро аз бадӣ+

Ва лабонатро аз макру фиреб нигаҳ дор.+

14 Аз бадӣ дур шав ва некӣ бикун,+

Осоиштагиро биҷӯй ва аз пайи он бош.+

15 Чашмони Яҳува сӯйи росткорон аст+

Ва гӯшҳояш сӯйи нолаву зории онҳо.+

16 Рӯйи Яҳува бар зидди бадкорон аст,

То ному нишонашонро аз замин нест кунад.+

17 Росткорон фарёд карданд ва Яҳува шунид+

Ва аз тамоми азобашон онҳоро халос кард.+

18 Яҳува ба дилшикастагон наздик аст+

Ва рӯҳафтодагонро наҷот медиҳад.+

19 Азобҳои росткор зиёд аст,+

Лекин Яҳува ӯро аз ҳамаи онҳо халос мекунад.+

20 Ӯ ҳамаи устухонҳояшро нигоҳ медорад,

Ҳеҷ яке аз онҳо шикаста нашудааст.+

21 Бадкорро фалокат хоҳад кушт

Ва бадхоҳони росткор айбдор карда мешаванд.

22 Яҳува ҷони бандагонашро мехарад,

Ва ҳеҷ яке аз паноҳбаронаш айбдор карда намешавад.+