20 ኖህ ድማ ንየሆዋ መሰውኢ ሰርሐ፣+ ካብ ኵሉ ንጹህ እንስሳን ካብ ኵሉ ንጹህ በራሪ ፍጡርን+ ወሲዱ ኸኣ፡ ዚሓርር መስዋእቲ ኣብቲ መሰውኢ ኣቕረበ።+ 21 የሆዋ ድማ ነቲ ጥዑም ጨና ኣጫነዎ። ስለዚ፡ የሆዋ ብልቡ፡ “ዝንባለ ልቢ ሰብ ካብ ንእስነቱ ጀሚሩ ኽፉእ እዩ እሞ፡+ ድሕሪ ደጊም ብሰሪ ሰብ ንምድሪ ኣይክረግማን እየ፣+ ድሕሪ ደጊም እውን ከምቲ ዝገበርክዎ፡ ህያው ንዘበለ ዅሉ መሊሰ ኣይክወቅዕን እየ።+

2 “ንእስራኤላውያን ከምዚ ኢልካ ተዛረቦም፦ ‘ናብታ ኽትነብሩላ ዝህበኩም ምድሪ ምስ ኣቶኹም፡+ 3 ንየሆዋ ኸኣ ካብ ከብቲ ወይ ካብ ጤለ በጊዕ ብሓዊ ዚግበር መስዋእቲ፡ ማለት ንየሆዋ ጥዑም ጨና ኪኸውን+ ዚሓርር መስዋእቲ+ ወይ መስዋእቲ ፍሉይ መብጽዓ ወይ መስዋእቲ ፍታው+ ወይ ኣብ በዓላትኩም ዚቐርብ መስዋእቲ+ ምስ እተቕርቡ፡