ናሆም

 2 የሆዋ ንበይኑ ተወፋይነት ዚደልን+ ሕነ ዚፈድን ኣምላኽ እዩ፣

የሆዋ ሕነ ዚፈድን ነድሩ ንምግላጽ ድሉውን እዩ።+

የሆዋ ኣብ ልዕሊ ተጻረርቱ ሕነ ይፈዲ፡

ንጸላእቱ ኸኣ ነድሩ ይዓቝረሎም።

 3 የሆዋ ንቝጥዓ ደንጓይን+ ብዓል ዓብዪ ሓይልን እዩ፣+

ግናኸ፡ የሆዋስ ግቡእ መቕጻዕቲ ኸቶ ዘይሓድግ እዩ።+

መገዱ ኸኣ ዜጥፍእ ንፋስን ህቦብላን እዩ፣

ደበናታት ድማ ደሮና ኣእጋሩ እዩ።+

 4 ንሱ ንባሕሪ ይገንሖ፡+ የንቅጾ እውን፣

ንዅሉ ኣፍላግ ከኣ የንጽፎ።+

ባሳንን ቀርሜሎስን ይጽምሉ፣+

ዕምባባታት ሊባኖስ እውን ይጽምሉ።

 5 ኣኽራን ብሰንኩ የንቀጥቅጡ፣

ኵርባታት ድማ ይመክኩ።+

ኣብ ምድሪ ብሰንኪ ገጹ ህውከት ይኸውን፣

ኣብ ዓለምን ኣብ ኵሎም እቶም ኣብኣ ዚነብሩን እውን ከምኡ።+

ነድሩ ኸም ሓዊ ኺክዖ እዩ፣

ኣኻውሕ ድማ ብሰንኩ ኺሰባበሩ እዮም።

 8 ንቦታኣ* ብዚድምስስ ውሒዝ ጠሪሱ ኼጽንቶ እዩ፣

ጸልማት ከኣ ንጸላእቱ ኺስዕቦም እዩ።

10 ንሳቶምሲ ኸም እሾዅ እተጠናነጉ፡

ከምቶም ብስዋ* ዝሰኸሩ እዮም፣

ከም ንቑጽ ሓሰር ግና ሞዅ ኪብሉ እዮም።

11 ንየሆዋ ውዲት ዚኣልመሉ፡

ዘይጠቅም ምኽሪ ኸኣ ዚመኽረሉ ኻባኻ ኺወጽእ እዩ።

“ሓይሊ ዝመልኦምን ብዙሓትን እኳ እንተ ነበሩ፡

ኪቝረጹን ኪሓልፉን* እዮም።

13 ሕጂ ድማ ኣርዑቱ ኻባኻ ኽሰብር፡+

መእሰሪታትካ ኸኣ ክበትኽ እየ።

15 እንሆ፡ ኣእጋር እቲ ብስራት ዜበስር፡

ሰላም ከኣ ዚእውጅ ኣብ ኣኽራን ኣሎ።+

ደጊምሲ እቲ ዘይጠቅም ብኣኻ ኣይኪሓልፍን እዩ እሞ፡

ኣታ ይሁዳ፡ በዓላትካ ኣብዕል፡+ መብጽዓታትካ ፈጽም።