Isaias
2 Ito ang nakita ni Isaias na anak ni Amoz may kinalaman sa Juda at Jerusalem:+
2 Sa huling bahagi ng mga araw,*
Ang bundok ng bahay ni Jehova
Ay itatatag nang matibay at mas mataas pa sa tuktok ng mga bundok,+
At iyon ay gagawing mas mataas pa sa mga burol,
At dadagsa roon ang lahat ng bansa.+
3 At maraming bayan ang magpupunta roon at magsasabi:
“Halikayo, umakyat tayo sa bundok ni Jehova,
Sa bahay ng Diyos ni Jacob.+
Tuturuan niya tayo tungkol sa kaniyang mga daan,
At lalakad tayo sa kaniyang mga landas.”+
4 Siya ay hahatol sa mga bansa
At magtutuwid ng mga bagay-bagay may kinalaman sa maraming bayan.
Pupukpukin nila ang kanilang mga espada para gawin itong araro*
At ang kanilang mga sibat para gawin itong karit.+
Walang bansa na magtataas ng espada laban sa ibang bansa,
At hindi na rin sila mag-aaral ng pakikipagdigma.+
6 Pinabayaan mo ang iyong bayan, ang sambahayan ni Jacob,+
Dahil napuno sila ng mga bagay mula sa Silangan;
Nagsasagawa sila ng mahika+ gaya ng mga Filisteo,
At marami silang mga anak ng banyaga.
7 Ang lupain nila ay punô ng pilak at ginto,
At hindi mabilang ang kayamanan nila.
8 Ang lupain nila ay punô ng walang-silbing mga diyos.+
Yumuyukod sila sa gawa ng sarili nilang mga kamay,
Sa ginawa ng sarili nilang mga daliri.
9 Kaya ibinababa niya ang sarili niya at ginagawang hamak,
At talagang hindi mo sila mapatatawad.
10 Pumasok kayo sa mga bitak ng malaking bato at magtago kayo sa alabok
Dahil sa nakakatakot na presensiya ni Jehova
At sa kaniyang maluwalhating kadakilaan.+
Si Jehova lang ang dadakilain sa araw na iyon.
12 Dahil ang araw na iyon ay kay Jehova ng mga hukbo.+
Darating iyon sa lahat ng mapagmataas at hambog,
Sa lahat, dakila man o nakabababa,+
13 Sa lahat ng punong sedro ng Lebanon na matayog at mataas
At sa lahat ng punong ensina ng Basan,
14 Sa lahat ng matatayog na bundok
At sa lahat ng matataas na burol,
15 Sa bawat mataas na tore at matibay na pader,
16 Sa lahat ng barko ng Tarsis+
At sa lahat ng kanais-nais na bangka.
Si Jehova lang ang dadakilain sa araw na iyon.
18 Ang walang-silbing mga diyos ay lubusang maglalaho.+
19 At ang mga tao ay magtatago sa mga kuweba sa batuhan
At sa mga hukay sa lupa,+
Dahil sa nakakatakot na presensiya ni Jehova
At sa kaniyang marilag na kadakilaan,+
Kapag kumilos siya para panginigin sa takot ang lupa.
20 Sa araw na iyon ay kukunin ng mga tao ang kanilang walang-silbing mga diyos na pilak at ginto,
Na ginawa nila para yukuran,
At itatapon nila ang mga iyon sa mga daga* at paniki,+
21 Para makapasok sila sa mga butas ng bato
At sa mga bitak ng malalaking bato,
Dahil sa nakakatakot na presensiya ni Jehova
At sa kaniyang marilag na kadakilaan,
Kapag kumilos siya para panginigin sa takot ang lupa.
22 Para sa sarili ninyong kapakanan, huwag na kayong magtiwala sa hamak na tao,
Na nabubuhay lang dahil sa hininga sa kaniyang ilong.*
Bakit kayo aasa sa kaniya?