Naʼa syajulal ja tuk

Ja jas skʼulan ja Jesús

BIDEO: Ja Jesús jel snaʼa syajulal yajni yila jun nole kristyano

1. Kʼela ja BIDEO ma kʼuman ja Marcos 6:​30-34. Tsaʼan aʼa ja sjobʼjelik ti nochani:

1. ¿Jas yuj ja Jesús sok ja sjekabʼanumiki skʼanawe oj wajuke bʼa jun lugar «bʼa oj ajyuke stuchʼile»?

2. ¿Jasa nikjiyuj ja Jesús bʼa xcholo yabʼ jun nole kristyano?

¿Jasa wa xnebʼatik ja jastal skʼulan ja Jesús?

2. Yajni wa xnaʼatik syajulal ja tuki, wani xcham jkʼujoltik bʼa yeʼnle sok mi kechan wa xkʼanatik oj yabʼye ja lekil rasoni.

Nocho ja Jesús

3. Maklay lek. Aʼakan akʼumanuk sok moka kʼutsyi ja sloʼili. Ta mi akuerdoʼayuk ma wa xyala ja jastal ay xyabʼi sok ja jas wa xcham skʼujoli, kisa. Ta waxa maklay lek, ja yeʼn oj yil ke meran wa xchamakʼujol ja jas wa spensarani.

4. Pensaraʼan bʼa yeʼna. Ajuluka kʼujol ja jasa taʼunejex tiʼali sok jobʼo abʼaj:

1. «¿Jas yuj wa skʼana oj snaʼ sbʼaj ja smeranili?».

2. «¿Jastal oj koltajuk ja bʼa sakʼanil ja wego sok ja bʼa tyempo jakum ta skʼulan estudiar?».

5. Ala jastik junuk bʼa oj makunukyuj. Tixta xa jeʼayi jastal jun estudio oj bʼobʼ ajukyi sjakʼjel ja sjobʼjelik yiʼoji sok oj koltajukyuj bʼa tuktukil modo.