Buk Song
Tok i go long dairekta. Devit i raitim dispela song.
41 Man i save tingim ol man i no gat nem na i helpim ol, em i ken amamas;+
Jehova bai kisim bek em long taim hevi i painim em.
2 Jehova bai lukautim em na larim em i stap laip.
Na ol bai tok olsem em man bilong amamas taim em i stap long graun;+
Yu bai i no putim dispela man long han bilong ol birua bilong em.+
3 Taim em i sik na slip long bet, Jehova bai lukautim em;+
Na long taim em i sik na slip long bet, yu bai mekim em i pilim gut.
4 Mi bin tok olsem: “Jehova, yu mas tingim mi.+
Na yu mas oraitim mi,+ long wanem, mi bin mekim sin long yu.”+
5 Tasol ol birua bilong mi i mekim tok nogut long mi olsem:
“Wanem taim bai em i dai na ol man bai lus tingting long nem bilong em?”
6 Taim wanpela bilong ol i kam lukim mi, em i save giaman long mekim gutpela tok,*
Na bai em i ken harim ol tok bilong mi na em i ken yusim bilong bagarapim mi;
Na bihain taim em i lusim mi na i go, em i stori long ol arapela.
7 Ol man i heitim mi ol i toktok isi isi long narapela narapela;
Ol i pasim tok long mekim nogut long mi, na ol i tok olsem:
9 Na tu, gutpela pren bilong mi, em man mi trastim,+
Em i bin kisim bret bilong mi na kaikai, em i apim lek bilong em bilong krungutim mi.*+
10 Tasol Jehova, yu mas tingim mi na pinisim sik bilong mi,
Na bai mi ken bekim pasin ol i mekim long mi.
11 Taim mi lukim olsem ol birua bilong mi i no inap singaut na amamas olsem ol i daunim mi,+
Bai mi save olsem yu amamas long mi.
Amen na Amen.