DJONDZO 08

U Nga Swi Kota Ku Va Munghanu Wa Yehovha

La Ku Imprimiriwa

Leswaku u va ni wunghanu lalikulu ni munhu u fanele u mu tiva kahle. Swa fana ni ka Yehovha, a swi lava hintamu ku va Munghanu wa wena. Hi mhaka leyo a lava swaku u mu tiva u tlhela u tiva ni wumunhu la yena. Phela Yehovha a lava u tiva ndlela leyi a yendlaka swilo hi yona ni leswaku a lava ku ku nyika wutomi la ku tsakisa ka nkama lowu taka. Phela loko u ya u mu tiva Yehovha u ta ya u navela ku va munghanu wa yena. Kambe swa koteka hikakunene ku va munghanu wa Xikwembu? (Lerha Tipisalema 25:14.) Bibele la hlamula xivutiso lexo li tlhela li vula swaku ku va munghanu wa Yehovha i nchumu wa lisima hintamu ku tlula minchumu hinkwayu leyi u nga vaka na yona ka wutomi la wena.

1. Yehovha a ku rhamba swaku u yendla yini?

Bibele li li: “Tshinelani ka Xikwembu kutani na xona xi ta tshinela ka n’wina.” (Yakobe 4:8) Swi lava ku vula yini leswo? Swi lava ku vula swaku Yehovha wa ku rhamba swaku u va munghanu wa yena. Vanhu van’wani va tivutisa leswi: ‘Ni nga swi kotisa ku yini ku va munghanu wa Xikwembu na ni nga swi koti ku xi vona?’ Yehovha a hi byela hinkwaswu leswi hi faneleke hi swi tiva hi wumunhu la yena hi ku tirhisa Bibele. Hi mhaka leyo, loko hi lerha Bibele hi ta va vanghanu vavakulu va Yehovha hambileswi hi kalaka hi nga swi koti ku mu vona.

2. Hi mhaka muni Yehovha a li Munghanu wa lisima ku tlula hinkwavu?

Phela a nga kona munhu lweyi a ku rhandzaka hintamu ku tlula Yehovha. A lava swaku u va ni wutomi la ku tsakisa u tlhela u kombela ku pfuniwa hi yena loko u kumana ni swikarhatu. Phela ‘u nga txukumetela ku vilela ka wena hinkwaku ka Yehovha hikusa a ni mhaka na wena’. (1 Pedru 5:7) Phela minkama hinkwayu Yehovha a lunghekile swaku a pfuna vanghanu va yena, a va tiyisa a tlhela a va yingisela. — Lerha Tipisalema 94:18, 19.

3. Yehovha a lava swaku vanghanu va yena va yendla yini?

Yehovha a rhandza vanhu hinkwavu kambe i “munghanu wamukulu wa lava ku lulama.” (Swivuriso 3:32) Yehovha a lava swaku vanghanu va yena va zama ku yendla minchumu yayinene ku nga li minchumu ya ku biha. Van’wani va li: ‘Mina a ni nge swi koti ku yendla hinkwaswu leswi Xikwembu xi swi lavaka’, kambe Yehovha wa hi twisisa. Phela hinkwavu lava va mu rhandzaka hikakunene va tlhela va zama ku yendla hinkwaswu leswi va nga swi kotaka swaku va mu yingisa va nga swi kota ku va vanghanu va Yehovha. — Tipisalema 147:11; Mintirho 10:34, 35.

DJONDZA SWIN’WANI

Vona swaku u nga yendla yini swaku u va munghanu wa Yehovha ni swaku hi mhaka muni Yehovha a li Munghanu wa lisima hintamu ku tlula hinkwavu.

4. Abrahamu a a li munghanu wa Yehovha

Leswi Bibele li swi vulaka hi Abrahamu (lweyi a tlhelaka a vitaniwa Abramu) swi nga hi komba leswi swi vulaka swona ku va munghanu wa Xikwembu. Lerhani hi ta Abrahamu ka Genesa 12:1-4. Mi gama mi bula hi swivutiso leswi landzelaka:

Yehovha a kombele Abrahamu swaku a yendla yini?
Yehovha a mu tshembise yini Abrahamu?
I yini leswi Abrahamu a nga swi yendla?

5. Leswi Yehovha a lavaka swaku vanghanu va yena va swi yendla

Hi ntolovelo ku ni leswi hi lavaka swaku vanghanu va hina va hi yendlela swona.

I yini leswi u tsakelaka swaku vanghanu va wena va ku yendlela swona?

Lerhani 1 Yohani 5:3, mi gama mi bula hi xivutiso lexi landzelaka:

Yehovha a lava swaku vanghanu va yena va yendla yini?

Leswaku hi yingisa Yehovha swi nga ha lava hi txintxa mahanyelo ya hina. Lerhani Esaya 48:17, 18, mi gama mi bula hi xivutiso lexi landzelaka:

Hi mhaka muni Yehovha a kombela swaku vanghanu va yena va txintxa mahanyelo ya vona?

Wanuna lweyi a tirhaka ka ku yaka a nyiketa kapaseti wanuna mun’wani lweyi a tirhaka na yena. — Munghanu wa munene a lava ku hi pfuna, hi mhaka leyo wa hi laya. Yehovha a yentxa leswi fanaka hi vanghanu va yena

6. I mpsini leswi Yehovha a swi yendlelaka vanghanu va yena?

Yehovha wa va pfuna vanghanu va yena loko va kumana ni swikarhatu. Sixtirani VHIDIYO, mi gama mi bula hi xivutiso lexi landzelaka.

VHIDIYO: Yehovha A Ni Yentxele Minchumu Ya Yinyingi (3:20)

Wansati lweyi a nga kombisiwa ka vhidiyo a a karhatiwa hi ku titwa a nga pfuni nchumu, kambe Yehovha a mu pfunise ku yini?

Lerhani Esaya 41:10, 13, mi gama mi bula hi swivutiso leswi swi landzelaka:

I yini leswi Yehovha a swi tshembisaka vanghanu va yena?
U vona swaku Yehovha a nga va Munghanu wamunene? Hi mhaka muni u swi vonisa xileswo?

Mafoto: Vanghanu va ntiyiso va pfunana minkama hinkwayu. 1. Wanuna na a tlakulisa meza wanuna mun’wani. 2. Wansati na a byela wansati mun’wani leswi a titwisaka xiswona. 3. Wanuna na a pfuna wanuna mun’wani lweyi a fambaka hi muleta. — Vanghanu va ntiyiso va ta ku pfuna minkama hinkwayu loko u lava ku pfuniwa. Na yena Yehovha a ta ku pfuna

7. Swaku hi va vanghanu va Yehovha hi fanele hi bula na yena hi tlhela hi yingisa leswi a hi byelaka swona

Loko vanghanu va bula nkama ni nkama, wunghanu la vona li ya li tiya. Lerhani Tipisalema 86:6, 11, mi gama mi bula hi swivutiso leswi landzelaka:

Hi nga yendla yini swaku hi bula na Yehovha?
Yehovha a bulisa ku yini na hina?

Mafoto: 1. Wansati na a khongela. Ka nhloko ya yena ku ni seta leli nga txuvuka henhla. 2. Wansati na a lerha Bibele. Ka nhloko ya yena ku ni seta leli nga txuvuka hansi. — Hina hi vulavula na Yehovha loko hi yentxa xikhongelo, naswona yena a vulavula na hina loko hi lerha Bibele

VAN’WANI VA LI: “A swi nge koteki ku va munghanu wa Yehovha.”

Hi yini ndzimana ya Bibele leyi a wu ta yi tirhisa swaku u kombisa leswaku swa koteka ku va munghanu wa Yehovha?

LESWI HI NGA SWI DJONDZA

Yehovha a lava ku va Munghanu wa wena naswona a ta ku pfuna swaku u tshinela ka yena.

Ku kambela leswi hi nga swi djondza

Yehovha a va pfunisa ku yini vanghanu va yena?
Hi mhaka muni Yehovha a kombela vanghanu va yena swaku va txintxa mahanyelo ya vona?
U pimisa swaku swa karhata ku va munghanu wa Yehovha? Loko u pimisa leswo, hi mhaka muni?

Ni hete djondzo leyi hi diya:

Zama ku yendla leswi

Bula ni munghanu wa wena hi leswi u nga swi djondza hi Yehovha.

Swin’wani:

Swin’wana leswi u nga swi fikelelaka

LOKO U LAVA KU TIVA SWIN’WANI

Ku va munghanu wa Xikwembu swi nga ku pfunisa ku yini ku txintxa mahanyelo ya wena?

“Yehovha — I Xikwembu Lexi Faneliwaka Hi Ku Tiviwa” (Murindzi wa 15 ka Fevereiro wa 2003)

Vona swaku u nga yendla yini swaku u va munghanu wa Xikwembu.

“Ndzi Fanele Ndzi Endla Yini Leswaku Ndzi Va Munghana Wa Xikwembu?” (Leswi Majovhem Ma Swi Vutisaka — Tinhlamulu Leti Pfunaka, Vholumi 2, ndzima 35 hi Xitsonga)

Vona swaku wunghanu leli wansati mun’wani a a li na lona na Yehovha li li ponisise ku yini wutomi la yena.

“A Ni Chava Ku Fa” (Murindzi wa N.^o 1 wa 2017)

Twana leswi madjaha ni tintombhi ma titwisaka xiswona hi Yehovha.

Swi Vula Yini Ku Va Munghanu Wa Xikwembu? (1:46)