Mareferensiya ya Xibukwana xa Mintlhanganu ya Mahanyelo ni Ntirho
2 KUYA KA 8 KA MARÇO
XUMA XINGA KA RITO LA XIKWEMBU | GENESA 22-23
“Xikwembu Xi Ringa Abrahamu”
w12 1/1 paj. 23 mapar. 4-6
Hi Mhaka muni Xikwembu xi Kombele Abrahamu Swaku a Yendla Mhamba hi N’wana wa yena?
Pimisa hi marito lawa Yehovha angama byela Abrahamu: “Ni kombela u teka n’wana wa wena, wa mun’we, wa kumu rhandza, Isaka, . . . umu nyikela a va mhamba ya kuhisiwa”. (Genesa 22:2) Vona swaku loko Yehovha a vulavula hi Isaka ali hi ‘wa kumu rhandza’. Yehovha aaswi tiva swaku Isaka aali wa lisima hintamu ka Abrahamu kufana ni leswi Yehovha aamu rhandzisa xiswona Yesu. Phela Yehovha amu rhandza ngopfu Yesu lakakuva loko se ali misaveni amu byele marito lawa kambirhi: ‘Wena u N’wananga lweyi arhandzekaka.” — Marka 1:11; 9:7.
Nakambe loko Yehovha a vulavula na Abrahamu ate ‘Ni kombela’. Mudjondzi mun’wani wa Bibele a vula swaku kuva Yehovha a tirhise rito lelo swi kombisa swaku “aaswi twisisa swaku xikombelo lexi axi vavisa kufikela kwini.” Impela xikombelo lexi axitamu twisa kuvava ngopfu Abrahamu. Hi kufanana, leswo swihi yendla hi vona kuvava loko Yehovha a kutweke loko a vona n’wana wa yena lweyi amu rhandzaka a hlupheka a tlhela a fa. Hinga vula hi tiyisile swaku Yehovha aangase tshama a twa kuvava ka kufana ni loku.
Swinga yendlaka swihi chavisa kupimisa hileswi Yehovha anga kombela Abrahamu swaku aswi yendla, kambe i swinene kukhumbuka swaku Yehovha angamu tshikanga swaku a yendla mhamba hi n’wana wa yena. Yehovha a phule Abrahamu ka kuvava loku aata kutwa tanihi mupsali naswona a sirhelele Isaka swaku anga dlayiwi. Kambe loko se swite ka yena, Yehovha angamu sirhelelanga ‘N’wana wa yena kambe amunyiketa hikolaho ka hina hinkwerhu’. (Varhoma 8:32) Hi mhaka muni Yehovha a pfumelile kutwa kuvava loko hinkwaku? Hi mhaka leswi a alava swaku “hina hi kuma wutomi”. (1 Yohane 4:9) Leswi swihi khumbukisa swaku Yehovha ahi rhandza ngopfu. Leswi aswihi yendli na hina himu randza hi mbilu hinkwayu?
w12 15/10 paj. 23 par. 6
Yingisa Xikwembu Leswaku U Vuyeliwa ka Switshembiso swa Xona
Yehovha a tiyisekise vanhu lava kalaka vanga hetisekanga swaku va kota kukholwa ka switshembiso swa yena. Hi xikombiso, a tirhise marito ya ku: “‘Loko ntsena ndza ha hanya,’ ku vula Yehovha, Hosi leyi Lawulaka.” (Ezek. 17:16) Bibele li kombisa makhambi ya kutlula 40 lani Yehovha anga yendla switiyisekiso swokarhi. Xikombiso lexi tivekaka ngopfu i xitiyisekiso lexi Yehovha axi yendleke ka Abrahamu. Kuringana malembe ya kutala, Yehovha se a yendle mintwananu ya kutala na Abrahamu leyi loko yi patsiwa yi kombisaka swaku mbewu leyi tshembisiweke ayita huma ka Abrahamu hi n’wana wa yena Isaka. (Gen. 12:1-3, 7; 13:14-17; 15:5, 18; 21:12) Ndzaku ka leswo, Yehovha a ringe Abrahamu swaku a nyikela hi n’wana wa yena lweyi amu rhandzaka ngopfu. Abrahamu ayo vhela a yingisa naswona aali kusuhi ni kuyendla mhamba hi Isaka loko ntsumi ya Xikwembu yimu yalisa. Kutani Xikwembu ximu hlambanyele xiku: “Ni funga hi mina . . . leswaku leswi unga yendla leswi naswona u kalaka ungani yalelanga n’wana wa wena, wa wena wa mun’we. Kunene nitaku katekisa naswona nita yandzisa lixaka la wena hi vana kufana ni tinyeleti ta matilo ni kufana ni misava ya ribuwa la lwandle, naswona lixaka la wena lita lawula gede la valala va yena. Naswona matiko hinkwawo ya laha misaveni matakuma kukatekisiwa hikolaho ka lixaka la wena, hikuva wena uyingise rito la mina.” — Gen. 22:1-3, 9-12, 15-18.
Lavetela Xuma xa Moya
w16.02 paj. 11 par. 13
Yehovha amu Vitane ‘Munghanu wa yena’
Loko va li kufambeni Abrahamu a byele vatirhi ya yena a ku: “Salani kola ni mbongolo, mina ni djaha hi ya lahaya hiya gandzela; hita tlhela hi vuya.” (Gen. 22:5) Leswi Abrahamu aaswi tiva swaku aata yendla mhamba hi Isaka, hi mhaka muni a byele vatirhi va yena swaku ata vuya na yena? Se swi vula swaku aawova hembela? Ihim. Bibele lihi pfuna kutwisisa swaku impsini leswi Abrahamu aaswi pimisa. (Lerha Vaheveru 11:19.) Abrahamu ‘ayehleketile leswaku Xikwembu xaswikota ni kupfuxa vanhu [Isaka] kufeni’. Ina, Abrahamu a akholwa swaku vafi vata pfuxiwa. Naswona aaswi tiva swaku i Yehovha a yendleke swaku Sara a psala n’wana hambileswi se a agugile. (Hev. 11:11, 12, 18) Abrahamu a akholwa swaku hinkwaswu swa koteka ka Yehovha. Hi mhaka leyo, aanga na mhaka ni swaku akuta yendleka yini hikusa a atshemba swaku Yehovha aatamu pfuxa n’wana wa yena. Hi ndlela leyo, switshembiso hinkwaswu swa Xikwembu aswita hetiseka. Aswi hlamalisi leswi Abrahamu avitaniwaka ‘tatana wa hinkwavu lavapfumelaka’.
it-3 paj. 315 mapar. 2-3
Kutiva Leswingata Humelela ka Nkama Lowu Taka
Yehovha a langa leswi a lavaka kuswi tiva hi wumundzuku ni leswi anga laviki kuswi tiva. Yehovha anga yendli swiboho swaku vanhu ni swilo hinkwaswu swita gamisa kuyini. Kuhambana ni leswo, a tirhisa matimba ya yena swaku a langa leswi a lavaka kuswi tiva kumbe leswi anga laveki kuswi tiva hi wumundzuku. Hambileswo, ndlela leyi Yehovha a tirhisaka matimba lawa ha yona, yi fambisana ni minawu ya kululama ni wumunhu la yena leli li tlhamuseliwaka ka Rito la yena kunga Bibele. Kuhambana ni djondzo ya mavunhwa ya leswaku Yehovha hi yena a kunguhataka swaku swilo hinkwaswo ni vanhu swita gamisa kuyini, tindzimana ta tinyingi ta Bibele ti kombisa swaku Yehovha a kambisisa xiyimu lexi se xinga kona a gama a teka xiboho hikuya hileswi angaswi kambisisa.
Ka Genesa 11:5-8 hi tlhamuseliwa swaku Xikwembu xi cuvuke amisaveni kutani xi kambela a peredu la Babele naswona hi nkama wolowo xi yendle xiboho xa kuva xi nyimisa ntirho wa kuyaka lowu awunga fambisani ni xikongomelo xa xona. Loko wubihi liye li kula a Sodoma na Gomora, Yehovha a byele Abrahamu hi xiboho xa yena xa kuya kambela miminti leyi hi kutirhisa tintsumi, a te: “Nita xika kuya vona swaku leswi vaswi yendlaka swa yelana ni xirilo lexi ningaxi twa. Loko swinga yelani nitaswi tiva.” (Gn 18:20-22; 19:1) Xikwembu xi vule swaku ni tolovelane na Abrahamu naswona loko a lava kuyendla mhamba hi Isaka, Yehova a te: “Hikusa naswi vona swaku waxi hlonipha Xikwembu, hikusa awuni yalelanga n’wana wa wena, wa wena wa mun’we.” — Gn 18:19; 22:11, 12; fananisa na Neh 9:7, 8; Ga 4:9.
9 KUYA KA 15 KA MARÇO
XUMA XINGA KA RITO LA XIKWEMBU | GENESA 24
“Isaka A Teka Nsati”
wp16.3 paj. 14 par. 3
“Naswi lava”
Abrahamu a hlambanyise Eliyezere swaku anga tekeli Isaka nsati ka vavasati va Kanana. Hi mhaka muni? Hikusa Vakanana a vangamu hloniphi Yehovha Xikwembu hambi hi kumu gandzela. Abrahamu aaswi tiva swaku Yehovha a tiyimisele kukhatisa vanhu volavo va swiyendlo swaku biha hi nkama wa yena. Naswona aangaswi lavi swaku n’wana wa yena a titlhanganisa na vona ni kutekelela mahanyelo ya vona. Nakambe aaswi tiva swaku n’wana wa yena aani xiyavelo xa lisima xa kuyetisisa swithembiso swa Xikwembu. — Genesa 15:16; 17:19; 24:2-4.
wp16.3 paj. 14 par. 4
“Naswi lava”
Eliyezere a byele ndjangu lowungamu yamukela, swaku loko a fika axihloveni lexinga kusuhi ni Harani, a khongele ka Yehovha Xikwembu amu kombela swaku a langela Isaka nsati. A swi yendlise kuyini? Hi kumu kombela amu tiyisekisa swaku a ntombhi leyi a alava leswaku yiva ya Isaka yi ya xihloveni, ni leswaku loko ayi kombela mati ayingata nyika yena ntsena kambe ayita nyika ni makamela ya yena. (Genesa 24:12-14) Se i mani lweyi anga ya xihloveni a thlela a yendla leswo? I Raveka! Pimisa hileswi aatava a titwise xiswona loko ayo tshuka a twa leswi Eliyezere angaswi byela maxaka ya yena!
wp16.3 paj. 14 mapar. 6-7
“Naswi lava”
A nkama lowu anga bula na Abrahamu, Eliyezere amu vutise swaku “Se loko wansati wa kona lweyi angaswi lavi kuta na mina ke?” Abrahamu amu hlamule a ku: “Uta chunseka ka xitshembiso xa wena lexi ungani fungela xona”. (Genesa 24:39, 41) Ka munti wa Bethuwele, mavonelo ya Raveka amali ya lisima swinene. Phela Eliyazere a atsake hintamu hileswi kunga humela leswi a arhumiwe swona lakakuva himundzuku kakona nimixo, a kombele kuthlela na Raveka aKhanana. Kambe maxaka ya yena amaha lava kutshama na yena 10 wa masiku. Hiloko va vona swi yampsa kumu vitana swaku va twa hi yena. — Genesa 24:57.
Swoswi Raveka aswita lava swaku a yendla xiboho lexi axita cinca wutomi la yena. Se aata kuyini? Leswi papayi ni makwenu wa yena ava navela swaku anga yi, ata londzola mukhandlu wolowo kuva ava kombela swaku anga yi ka ndhawu leyi angayi tivi ke? Kumbexana aata swivona swili lunghelo kuhetisisa swiyendlakalu leswi aswi kongomisiwa hi Yehovha? Nhlamulo ya yena yi kombise leswi a atitwisa xiswona hi mhaka leyi hambileswi aswinga vevuki naswona ayita cinca wutomi la yena. A te: “Naswi lava”. — Genesa 24:58.
Lavetela Xuma xa Moya
wp16.3 mapaj. 12-13
“Naswi lava”
Siku lin’wana ni madlambu, loko se atate khuwani kumbe hotso la yena, a teliwe hi wanuna lweyi se aani misisi ya kubasa, a ku: “Ni kombela uni nwisanyana swimatana ka khuwana la wena”. Xikombelo lexi axi vevuka naswona xi yendliwe hi ndlela ya xihloniphu. Raveka aaswi vona swaku wanuna lweyi aata hi kule, kutani anga zanga a hlwela, ayo vhela a rhula khuwana amu nyika mati a nwa a kolwa. Kambe a game a vona swaku akuni 10 wa makamela lawa ama tshamile kambe lani ama fanele ma nwa kona mati akunga na mati. Raveka a vone swaku wanuna lweyi aamu cuvuka kahle loko a tirha, kutani a alava kukombisa malwandla hilaha aata kota hikona. Hi mhaka leyi, a te: “Nita tlhela ni kela mati makamela ya wena anze ma n’wa ma kolwa”. — Genesa 24:17-19.
Vona leswaku Raveka angoyo nyika makamela hinkwawu mati ya kunwa ntsena kambe a alava ma nwa maza ma kolwa. Loko kamela lin’we li twa torha hintamu lingaha nwa 95 wa malitru ya mati, se loko hinkwawu ya 10 amo twa torha hintamu, swi vula leswaku Raveka aata kha mati yinga chayi. Kambe swi kotlane na manga twi torha hintamu. Hambileswi aangaswi tivi swaku makamela amanga twi torha hintamu, a alunghekile kutirha hilaha aswi laveka hikona leswaku a kombisa malwandla ka wanuna lweyi a angamu tivi. Wanuna lweyi a pfumelile kupfuniwa hi Raveka, kutani a sungule kumucuvukisela kahle loko a gingiriteka a kha mati hi kuphindaphinda a ma chela ka lexi makamela amata nwela ka xona. — Genesa 24:20, 21.
wp16.3 paj. 13, tinthlamuselo ta le hansi.
“Naswi lava”
Se akuli wusiku. Kambe Bibele ali kombisi swaku Raveka a tshame nkama wa wunyingi a axihloveni naswona ali kombisi swaku vapsali va yena se ava yetlele loko a fika kaya kumbe swaku kuye munhu ayamu kamba swaku hi mhaka muni a hlwela hintamu.
wp16.3 paj. 15 par. 3
“Naswi lava”
Se ali fikile siku laku kuhetiseka leswi hinga bula hi swona lani henhla. Loko vona ni makamela ma tlulela aNegebu ni madlambu, Raveka a vone jaha na li fambafamba anhoveni. Swi tikomba ingaku alili kupimiseni, Bibele li li: “A xika ka kamela,” swi tikomba ingaku ayo yendla hi kutlula. Hiloko Raveka a vutisa a ku: “A wanunu luya a taka hi mani?” Loko a twa leswaku akuli Isaka, a timbhonye nhloko. (Genesa 24:62-65) Hi mhaka muni a timbhonye nhloko? Swi tikomba ingaku leswo akuli ndlela ya kukombisa xihlonipho xa kuyenta ka lweyi aata chada na yena. Van’wana vangaha pimisa swaku mahloniphela lawa ma hundzeliwe hi nkama. Kambe kuvula ntiyiso, hinkwerhu hinga djondza swokarhi ka xikombiso xa Raveka xa kutiveka hansi, hikusa leli i wumunhu la lisima swinene.
16 KUYA KA 22 KA MARÇO
XUMA XINGA KA RITO LA XIKWEMBU | GENESA 25-26
“Esawu A Xavisa Nfanelo ya Yena ya Kuva Matevula”
it-2 paj. 464
Yakobe
Kuhambana na Esawu lweyi a arhandziwa hi papayi wa yena hi mhaka leswi aali muhloti, Yakobe a tlhamuseliwa tanihi “kupfumala xisolo [hi Xiheberu, tam]”, a atshama emintsongeni aali mulusi naswona a hanya wutomi la kuvevuka, a atshembhiwa ka timhaka tale kaya naswona mamana wa yena aamu rhandza ngopfu. (Gn 25:27, 28) Rito lelinge tam hi xiheberu, ka tindhawu tin’wana loko li tirhisiwa li kombetela ka vanhu lava yamukeliwaka hi Xikwembu. Vona xikombiso ka marito lawa ya Bibele: “Vanhu lavanga ni torha la ngati va nyenya mun’wana ni mun’wana lweyi a kalaka nandzu, naswona va zama kususa wutomi la munhu wa kululama.” Naswona va tama va lava wutomi la mun’wana ni un’wana wa kuluma”. Naswona Yehovha a tiyisekisa swaku “lavo lulama” vatava ni wumundzuku la kahle. (Swiv 29:10; Ps 37:37) Na yena Yobo aali “munhu wa kululama [Xiheberu, tam]”, a tlhela a tshembeka”. — Yobo 1:1, 8; 2:3.
Hi Mhaka Muni hi Fanele Hiva lava Khensaka?
Lexi twisaka kuvava hi leswaku kuni vanhu aBibeleni vokala vanga kombisanga kukhensa. Hi xikombiso, hambileswi Esawu a kulisiweke hi vapsali lava ava rhandza Yehovha va tlhela vamu hlonipha, yena aangaswi nyiki lisima swilo swokwetsima. (Lerha Vaheveru 12:16.) Xana kunga khensi ka yena kutikombekise kuyini? Hi magugu, Esawu a xavise mfanelo ya yena ya kuva mativula ka makwavu wa yena Yakobe hi paratu la tinyawa. (Gen. 25:30-34) Ndzhaku nyana Esawu a tisolile hikolaho ka xiboho lexi axi yendleke. Kambe tani hileswi a akombise kupfumala kukhensa, aanga fanelanga a khala hi leswi aata tsoniwa minkateko leyi fambisanaka ni kuva mativula.
it-3 paj. 327
Matevula kumbe munhu wa kusungula kupsaliwa
Kusukela khale, a n’wana wa matevula hi yena lweyi a ahloniphiwa ngopfu naswona hi yena a arhangela muntini. (Dt 21:17) Yosefa a nyike Rubeni xitulu xa kusungula hi mhaka leswi aali matevula. (Gn 43:33) Kambe ahi minkama hinkwayu Bibele li tlakusaka n’wana wa matevula loko li longoloxa vanhu hi kuya hi longoloko wa kupsaliwa. Minkama ya kutala n’wana lweyi a tshembekaka hi yena a atekiwa a li wa matevula kutlula lweyi anga rhanga a psaliwa. — Gn 6:10; 1Tk 1:28; fananisa na Gn 11:26, 32; 12:4; vona KUPSALIWA; LIXAKA.
Lavetela Xuma xa Moya
w17.12 paj. 15 mapar. 5-7
Swivutiso swa Valerhi
Ahi tlheleni hi kambisisa Vaheveru 12:16 leyi nge: ‘Kungavi ni mun’we lweyi ahundzukaka muwoswi kumbe lweyi angaliki na mhaka ni wukhongeli, kufana na Esawu lweyi anga xavisa timfanelo ta wumativula bya yena hi mhaka ya mpandzwanyana wa swakudla.’ Hi mhaka muni Pawulo a tsale leswi?
Lani Pawulo aanga vulavuli hi va vhovho va Mesiya, kambe a khutaza Vakreste swaku va ‘yendlela minenge ya vona magondzo yo lulama’ leswaku “kungavi ni mun’we lweyi atsandzekaka kukuma minkateko” ya Yehovha, kunga leswi aswita humelela loko avayo tshuka va yendla swilo swa kubiha hi tlhelo la masangu. (Hev. 12:12-16) Phela loko avayo yendla leswo avata fana na Esawu lweyi ‘aanga tlangeli swilo leswi kwetsimaka’, hi magamu a yendla swa kubiha.
Esawu a hanye aminkameni ya vapatriyaka naswona swinga yendleka ave ni lungelo la kunyikela mhamba kumbe xitlhavelo. (Gen. 8:20, 21; 12:7, 8; Yobo 1:4, 5) Kambe Esawu aanga na mhaka ni swilo swa Yehovha. Hiswi tivisa kuyini? Hiswi tiva hikusa a xavise tinfanelo ta yena hi pratu la timbaweni. Kumbexana a alava kufambela kule ni kuxaniseka loko se a kuprofetiwile mayelana ni mbewu ya Abrahamu. (Gen. 15:13) Naswona a tlhele a chada ni vavasati vambirhi lava avanga tirheli Yehovha. (Gen. 26:34, 35) Leswi swa hambana ni leswi Yakobe angaswi yendla, a lange kuchada ni wansati lweyi a tirhela Yehovha. — Gen. 28:6, 7; 29:10-12, 18.
it-2 paj. 808 par. 6
Mavunhwa
Hambileswi Bibele lima solaka hi kuhelela mavunhwa, leswi aswi vuli swona swaku munhu a fenele a byela van’wana swilo swaku ava na nfanelo ya kuswi tiva. Yesu a te: ‘Minganyikeni timbyana swilo leswihlawulekeke, hikuva tingamihundzukela, timikakatlula; naswona mingahoxi maperola ya n’wina mahlweni ka makhumba, hikuva matamakandziyela.’ (Mt 7:6) Hi mhaka leyo, loko Yesu a vona swaku mhaka kumbe nhlamulo ayita vavisa vanhu van’wani angayi vuli hi kuhelela. (Mt 15:1-6; 21:23-27; Yh 7:3-10) Leswi Yesu angaswi yendla, swi yelana ni leswi Abrahamu, Isaka, Rahava, na Elixa vanga swi yendla loko va fihlela vanhu lavanga gandzeliki Yehovha timhaka leti atingava lumbi. — Gn 12:10-19; ni ndzima 20; 26:1-10; Yx 2:1-6; Yk 2:25; 2Th 6:11-23.
23 KUYA KA 29 KA MARÇO
XUMA XINGA KA RITO LA XIKWEMBU | GENESA 27-28
“Yakobe A Kuma Minkateko Leyi Ayimu Lumba”
w04 15/4 paj. 11 mapar. 4-5
Raveka A Ahlonipha Xikwembu hi Mintirho
Bibele ali tlhamuseli swaku Isaka aaswi tiva swaku Esawu a fanele a tirhela Yakobe. Hi ndlela yo karhi, Raveka na Yakobe avaswi tiva swaku a nkateko awu lumba Esawu. Kutani loko Raveka a twa swaku Isaka a alava kukatekisa Esawu nkama angamu tisela pratu la nyama leyi aayi hlotile, a vhele aswi ngenela, phela matimba ni kuhiseka loko aali na kona kusukela loko ahali ntombi aswinga se hela. Hiloko a rhuma Yakobe a landza swimbutana swimbirhi swaku a swekela nuna wa yena swakudla leswi aaswi rhandza ngopfu. Yakobe a afanele a tiyendla Esawu swaku ata katekisiwa kambe a yalile hikusa papayi wa yena aataswi tsumbula, kutani kuhambana ni kumu katekisa a atomu chela khombo. Kambe Raveka amu sindzisile a ku: “Khombo lelingata tisiwa ka wena, ali te henhla ka mina, n’wananga. Ntsena yingisa leswi niku byelaka swona, famba uyani tekela swona.”. Kutani a yambalise Yakobe hi ndlela yaku ingi i Esawu se amu nyiketa pratu la swakudla a ya ka Isaka. — Genesa 27:1-17.
Bibele alihi byeli swaku hi mhaka muni Raveka a yendle leswo. Hambileswi va kutala va solaka leswi Raveka angaswi yendla, Bibele ali swi soli naswona hambi Esawu nkama angaswi tsumbula anga zanga aswi solile kambe ayo tlhela a yengesela kumu katekisa. (Genesa 27:29; 28:3, 4) Raveka aaswi tiva leswi Yehovha aswi vuleke hi vana va yena. Hi mhaka leyo, a yendle leswi aswi fanela leswaku Yakobe a kuma nfanelo leyi ayimu lumba hi nawu naswona leswo hi swona aswi fambisana ni kurhandza ka Yehovha. — Varhoma 9:6-13.
w07 1/10 paj. 31 mapar. 2-3
Swivutiso swa Valerhi
Bibele alihi byeli swivangelo hinkwaswu swaku hi mhaka muni Raveka na Yakobe va yendle leswi kambe li kombisa swaku mhaka leyi yi yendleke swa kola na kola. Hi fanele hi khumbuka swaku Bibele aliyi soli kumbe kuyi seketela mhaka leyi naswona leswi aswihi nyiki mpfumelelo wa kuhemba kumbe kukanganyisa. Hambileswo swi kona swin’wana leswi Bibele liswi vulaka hi mhaka leyi.
Xa kusungula, liswi veka livaleni swaku Yakobe a alina yona nfanelo ya kukatekisiwa hi papayi wa yena kambe Esawu angali na yona. Naswingese yendleka leswi, Yakobe se a xave nfanelo yakuva matevula ka makwavu wa yena hi pratu la swakudla, lweyi aangaswi khensi swilo swa Yehovha. Esawu angayi nyikanga lisima nfanelo ya yena ya kuva matevula. (Genesa 25:29-34) Kutani, loko aya ka papayi wa yena, a alava minkateko leyi se ayimu lumba hi nawu.
it-1 paj. 332 par. 5
Minkateko
Ka nkama wa vapatriyaka, papayi a atolovela kukatekisa vana va yena loko ali kusuhi ni kufa. Mhaka leyi ayili ya lisima swinene naswona ayi hlonimphiwa hintamu. Kutani Isaka a katekise Yakobe na a pimisa swaku i Esawu matevula ya yena. Isaka a katekise Yakobe hi kuvula swaku ata ganya a tlhela a hloniphiwa kuhambana ni makwavo Esawu. Kutani, a kombela ka Yehovha swaku swi yendleka hi laha a alava hi kona tanihi hi leswi yena se a agugile naswona angaha voni. (Gn 27:1-4, 23-29; 28:1, 6; Hv 11:20; 12:16, 17) Hi kufamba ka nkama, Isaka na se aswi tiva, a yengetele nkateko wolowo. (Gn 28:1-4) Na Yakobe ange se fa, kusungula a katekise vana vambirhi va Yosefa a gama a katekisa vana va yena. (Gn 48:9, 20; 49:1-28; Hv 11:21) Hi kufanana na yena Muxe a katekise tiku hinkwalo la Israyele. (Dt 33:1) Swiyimu leswi hinkwaswu, swi kombisa swaku a vo profeta. Minkama yin’wana, loko munhu a katekisa mun’wani aamu tlhanteka voko. — Gn 48:13, 14.
Lavetela Xuma xa Moya
w06 15/4 paj. 6 mapar. 3-4
Lisima la Kubula ni Nuna Kumbe Nsati wa Wena
Isaka na Raveka avawu byalile moya wa kuvulavulisana xikan’we ke? Loko n’wana wa vona Esawu, a teke tintombi timbirhi ta vaHeti ku humelele xikarhato xa xikulu a djangwini wa vona. Raveka a atsamela kubyela Isaka a ku: “Wutomi la mina la ni hlundzula hi mhaka ya vana vaxisati va Hete. Loko Yakobo o teka nsati ka vana va Hete, . . . nita hanyela yini?” (Genesa 26:34; 27:46) Swi le livaleni swaku a humese leswi a swimu karhata a mbilwini ya yena hi ndlela leyi twalaka.
Isaka a byele Yakobe, hahla la Esawu, swaku anga tshuki a teka nsati ka tintombi ta le Kanana. (Genesa 28:1, 2) Leswi swi kombisa swaku Raveka amu byelile Isaka leswi aaswi lava naswona vaswi kotile kuvulavulisana kahle hi mhaka ya kukarhata leyi ayi humelela a ndjangwini wa vona. Lexi i xikombiso lexinene ka hina namuntlha. Se kunga yendliwa yini loko nuna na santi vanga twanani ka mhaka ya kukarhi?
w04 15/1 paj. 28 par. 6
Tipontunkulu ta Buku la Genesa — Xiyenge xa Wumbirhi
28:12, 13 — Hi wihi ntlhamuselo wa norho wa Yakobe mayelana ni Xikada? A xikada lexi kumbexana a xi voneka ingi i ndlela ya swikada swa maribye leswi aswiya swi khwela, swi kombisa swaku kuni kuvulavulisana ka vanhu lava tshamaka tilweni nila misaveni. Akuva tintsumi ta Xikwembu ti khwela ti tlhela ti xika, swi kombisa swaku ti tshama ti komekile hi kutirhela Yehovha ni kupfuna vanhu lava yamukelekaka ka yena. — Yohane 1:51.
30 KA MARÇO KUYA KA 5 KA ABRIL
XUMA XINGA KA RITO LA XIKWEMBU | GENESA 29-30
“Muchadu wa Yakobe”
w03 15/10 paj. 29 par. 6
Yakobe Aaswi Rhandza Swilo Swa Yehovha
Vanhu ava chada loko vapsali va ntombi se va yamukele male ya lovolo. Hi kufamba ka nkama, nawu wa Moxe awu vula swaku loko wanuna a pfinya nhwanyana kumbe vhirje, a afanele a hakela 50 wa tixikele. Mudjondzi mun’wani lweyi a vitaniwaka Gordon Wenham, a vula swaku leyo akuli male ya yinyingi ya lovolo kambe minkama ya kutala aku hakeliwa ya yitsongo hintamu ka leyi. (Deteronoma 22:28, 29) Leswi Yakobe a angataswi kota kuhakela male leyi, a tinyikele swaku a tirha 7 wa malembe. Loko Gordon aya mahlweni a li: “Leswi vatirhi va nkamanyana vale minkameni ya vababilona ava hola hafu kuya ka xikele yin’we hi wheti (leswi vulaka swaku ndzeni ka 7 wa malembe ava kuma 42 kuya ka 84 wa tixikele), Yakobe a tshembise Labani lovolo wale henhla swinene swaku a chada na Rahele.” Leswi swi yendle Labani anga yali. — Genesa 29:19.
w07 1/10 mapaj. 8-9
Vamakwavu ‘Va Yake Yindlu ya Israyele’ Hambileswi Ava hlupheka
Kungava swaku Leya a kunguhate kukanganyisa Yakobe? Kumbe ayo yingisa ntsena leswi papayi wa yena angamu byela swona? Naswona Rhahele a ali kwini? Indje aaswi tiva leswi aswi humelela? Loko kuli leswo, a titwise kuyini? Kungava swaku papayi wa yena aanga kanetiwi hi munhu? Bibele alihi byeli nchumu hi tinhlamulo ta swivutiso leswi. Aswina mhaka swaku Rhahele na Leya va titwise kuyini hi mhaka leyi, kungu leli li kwatise Yakobe. Phela, Yakobe anga yanga ka Rhahele na Leya, ayo vhela aya ka papayi wa vona Labani a ku: ‘Kasi aninga tirheli Rakela ka wena? Hayini uni kanganyisile?’ Labani amu hlamule leswi: “Lomo ka hina aswi pfumeleliwi hi kuchadisa wansati lweyi wamutsongo na lwenkuku angase chadisiwa. Hetisa vhiki la Leya kusungula. Ndzhaku hi kona ningataku nyika Rakela, kambe leswaku umu kuma swi lava u tllhela uni tirhela 7 wa malembe man’wanyana.” (Genesa 29:25-27) Hakunene, Yakobe a kanganyisiwile swaku a teka vavasati vambirhi, leswi aswita yendla kuva ni wukwele lalikulu.
it-1 paj. 459 par. 4
Muchado
Nkhuvu. Ka nkama wa Vaisrayele muchado awunga landzeleli minawu ya kutala, kambe akuli xiyendlakalo xa kutsakisa swinene. Ka masiku ya muchado, ntombhi ayi tilunghiselela kahle a kaya ka yona. Kusungula ayi hlamba yi thlela yi titota mafurha ya kunun’wela. (Fananisa na Rt 3:3; Ezk 23:40.) Minkama yin’wana, a ntombhi ayi pfuniwa hi vavasati van’wani kuyambala nguvu ya kupfala xifuva ni nkancu wa kubasa lowu awu rhungiwa wu tlhela wu sasekisiwa hikuya hi makotelo ya ntombhi. (Yr 2:32; Nhl 19:7, 8; Ps 45:13, 14) Ayiti sasekisa hi mapulceira ni macordawu ya woru kumbe prata loko swi koteka. (Esa 49:18; 61:10; Nhl 21:2) Kutani, ayi timbhonya hi nghuvu ya kuvevuka ya kufana ni vhewu kusukela ka nhloko kuya fika ka minenge. (Esa 3:19, 23) Leswi swa twala hikusa Labani a kote kukanganyisa Yakobe hi kuvevuka, amu nyika Leya kungali Rahele. (Gn 29:23, 25) Raveka a timbhonye nhloko loko a thsinela ka Isaka. (Gn 24:65) Leswi aswi kombisa xihlonipho xa nsati ka nuna. — 1Ko 11:5, 10.
Lavetela Xuma xa Moya
it-1 paj. 52
Va Wundle Vana Vaku Ahiva Vona
Rahele na Leya ava teka vana lava Yakobe angava psala ni vatirhi va yena va xisati kuli vana va vona, ingi hiloko va psaliwe hi vona hi kukongoma. (Gn 30:3-8, 12, 13, 24) Vana lava na vona avata kuma matshomba ya Yakobe kufana ni vana lava angava psala ni vasati vakwe. Ava li vana va Yakobe hikakunene, naswona leswi vinyi va vatirhi vaxisati akuli vasati va Yakobe. Swa twala kuva vana lava va lumba Rahele na Leya hikusa vamamana va vona avali vatirhi va Rahele na Leya.
w04 15/1 paj. 28 par. 7
Tipontunkulu ta Buku la Genesa — Xiyenge xa Wumbirhi
30:14, 15 — Hi mhaka muni Rahele a tshike lunghelo la kuyetlela ni nuna wa yena leswaku a kuma amamandragora man’wana? A khale, fruta la nsinya lowu vuliwaka mandragora ali tirhisiwa tanihi murhi wa kuyendla munhu a kuma wurhongo, anga twi kuvava ni kusivela kumbe kuhelisa mavabyi ya espasmos. Nakambe a kupimisiwa swaku fruta leli ali ni ntamu wa kupfuxa kunavela kufamba masangu ni kupfuna wansati swaku a hantla a kuma nyimba. (Risimu ra Solomoni 7:13) Hambileswi Bibele linga hlayiki nchumu hi xivangelo lexinga yendla Rahele a teka ama mandragora, swinga yendleka yena a pimise swaku ama tamu pfuna kuhantla a kuma nyimba swaku a huma ka xipoyilu xa kukala anga psali. Hambileswo, kuhele malembenyana na Yehovha ange se “pfula mbeleko wa yena.” — Genesa 30:22-24.