A Bibele I Rito La Xikwembu

Yehovha a hi nyike nchumu wa lisima ku nga Bibele. Bibele li ni 66 wa mabuku ya matsongo, kambe hi nga ha tivutisa: ‘Kasi li ta hi kwini? Leswi swi nga ka lona i swa mani?’ Swaku hi hlamula swivutiso leswi, a hi voneni swaku swi kotekise ku yini swaku hi va ni Bibele.

1. Loko Bibele li tsaliwe hi vanhu, hi mhaka muni hi vula swaku i Rito la Xikwembu?

A Bibele li tsaliwe hi 40 wa vavanuna, naswona ku hele 1.600 wa malembe na li tsaliwa. Buku la ku sungula li tsaliwe hi lembe la 1513 na Yesu a nga se ta misaveni. Kasi a la wugamu li tsaliwe hi lembe la 98 na Yesu se a tile misaveni. Leswi lava va nga tsala lona a va li varisi, vaphasi va tihlampfi, tihosi, swi kombisa swaku a va li vanhu va ku hambana. Hambileswo, Bibele hinkwalu la twanana. Hi mhaka muni li twanana? Hi mhaka hinkwalu li ta hi ka Xikwembu. (Lerha 1 Vatesalonika 2:13.) A vavanuna lava va nga li tsala a va nga tsali mimpimiso ya vona. Ku hambana ni leswo, “a va vulavula leswi taka hi ka Xikwembu na va kongomisiwa hi moya wa ku kwetsima.”a (2 Pedru 1:21) Hi ku tirhisa moya wa xona wa ku kwetsima, Xikwembu xi yentxe swaku vavanuna volavo va tsala mimpimiso ya xona ka Bibele. — 2 Timotiyu 3:16.

2. Xikwembu a xi li tsalela vamani Bibele?

Xikwembu a xi li tsalela “vanhu va matiku hinkwawu, tinxaka hinkwatu, tirimi hinkwatu ni vanhu hinkwavu”. (Lerha Nhlawutelo 14:6.) Hi mhaka leyo, Xikwembu xi yentxe swaku li kumeka hi tirimi ta tinyingi ku tlula mabuku hinkwawu lawa ma nga tshama ma va kona. Hi nga vula swaku vanhu hinkwavu amisaveni va nga swi kota ku djondza hi mahungu ya ku tsakisa lawa ma nga ka Bibele, ku nga na mhaka swaku va tshama kwini kumbe va vulavula lirimi muni.

3. Yehovha a li vhikelise ku yini Bibele?

Bibele a li tsaliwe ka minchumu ya ku kala yi nga hlweli ku bola, ya ku fana ni swikhumba, mapapiru kumbe mapapela ya ku kala ma nga tiyanga. Kambe vavanuna lava a va rhandza Bibele va li kopiyarile hi mavoko hi ku phindhaphindha. Hambileswi vanhu van’wana lava a va fuma va nga zama ku helisa Bibele, Yehovha a li vhikelile Rito la yena. Minkama hinkwayu ku ve ni vanhu lava va nga veka wutomi la vona a nghozini swaku va vhikela Bibele. Leswo swi tiyisekisa leswi lona li swi vulaka loko li ku: “Rito la Xikwembu xa hina li tshama hi masiku ni masiku.” — Esaya 40:8.

DJONDZA SWIN’WANA

4. Bibele la hi byela swaku lona i la mani

Sixtirani VHIDIYO. Mi gama mi lerha 2 Timotiyu 3:16, se mi bula hi swivutiso leswi landzelaka.

VHIDIYO: I Mani A Nga Tsala Bibele?— Xiyenge (2:48)

• Loko ku li leswaku i vanhu va nga tsala Bibele, hi mhaka muni li vitaniwa Rito la Xikwembu?

• Wa kholwa swaku Xikwembu xi tirhise vavanuna va lani misaveni swaku va tsala mimpimiso ya xona?

5. Bibele li pone ku helisiwa

VHIDIYO: Ava Teka Bibele li li La Lisima — Xiyenge (William Tyndale) (6:17)

• Leswi u nga vona minzamu leyi vanhu va nga yi yentxa swaku va vhikela Bibele a wu swi naveli ku li djondza? Loko u swi navela, hi mhaka muni?

Lerhani Tipisalema 119:97, mi gama mi bula hi xivutiso lexi landzelaka:

• Hi mhaka muni vanhu va vanyingi va veke wutomi la vona nghozini swaku va hundzuluxela ni ku nyika vanhu Bibele?

6. Buku la vanhu hinkwavu

A ku na buku misaveni li nga hundzuluxeliwa li tlhela li nyikiwa vanhu ku fana ni Bibele. Lerhani Mintirho 10:34, 35, mi gama mi bula hi swivutiso leswi landzelaka:

• Hi mhaka muni Xikwembu xi lava leswaku a Rito la xona li hundzuluxeliwa li tlhela li nyikiwa vanhu hi tirimi ta tinyingi?

• I ntxini xi ku tsakisaka hintamu ka Bibele?

LESWI HI NGA SWI DJONDZA

Leswi Bibele i nga Rito la Xikwembu, xona xi yentxa swaku vanhu hinkwavu va va na lona.

Ku kambela leswi hi nga swi djondza

• Loko Bibele li ku vanhu va tsale leswi swi taka hi ka Xikwembu, li lava ku vula yini?

• U tsakisiwa hi yini ka ndlela leyi Bibele li nga pona hi yona, ku hundzuluxeliwa hi yona ni ku nyikeliwa ka vanhu?

• U pimisa yini hi kuva Bibele li ponile ku helisiwa? U titwisa ku yini hi minzamu leyi Xikwembu xi nga yi yentxa swaku xi kota ku vulavula na wena hi ku tirhisa Bibele?

LOKO U LAVA KU TIVA SWIN’WANA

Lerha xitoriya xa Bibele ku sukela ka mabuku lawa a li tsaliwe ka wona khale, ku fikela ka wuhundzuluxeli leli nga kona swoswi.

“Bibele Li Fikise Ku Yini Ka Hina” (Khindlimuka! wa Novembro wa 2007)

Vona swilo swinharhu leswi Bibele li nga pona ka swona.

“Ndlela Leyi Bibele Yi Poneke Ha Yona” (Murindzi wa N.^o 4 wa 2016 hi Xitsonga)

Vona swikarhatu leswi vanhu va nga kumana na swona loko va hundzuluxela Bibele.

A va Teka Bibele li li La Lisima (14:26)

Bibele li kopiyariwile li tlhela li hundzuluxeliwa hi ku phindhaphindha. U nga swi kholwisa ku yini swaku leswi li swi vulaka a swi txintxanga?

“Bibele Li Txintxiwile?” (Nhlokomhaka leyi nga ka site la jw.org)