Putuputuraa no te taviniraa

NOTA: Te vai ra i roto i teie nei Taviniraa o te Basileia te porotarama o te hoê Putuputuraa no te taviniraa no te mau hebedoma atoa o na avaˈe Tiurai e Atete. E nehenehe te mau amuiraa e rave i te mau tauiraa e titauhia no te mea e tupu te tairururaa mataeinaa “Feia poro itoito rahi i te Basileia.” Mai te peu e e tano, i te Putuputuraa no te taviniraa hopea hou te tairururaa, a faataa 15 minuti no te hiˈopoa i te tahi mau aˈoraa taa maitai no roto mai i te tumu parau hau no teie avaˈe e o te tano i te mau huru tupuraa i ǒ tatou nei. I te avaˈe Atopa, e faataahia hoê Putuputuraa no te taviniraa taatoa no te haamanaˈo i te tahi mau tuhaa faufaa o te tairururaa. No taua aparauraa ra, e nehenehe tatou paatoa e tapao i te tahi mau manaˈo faufaa i faaroohia i te tairururaa e e papai i te hoê tapura o te mau manaˈo ta tatou e hinaaro e faaohipa i roto i to tatou oraraa i te mau mahana atoa aore ra i roto i te pororaa. E nehenehe ïa tatou e faaineine ia tatou no te faataa mea nafea to tatou faaohiparaa i tera mau manaˈo tauturu mai te tairururaa mai â. E nehenehe ïa tatou e patu i to tatou faaroo te tahi i te tahi na roto i te faahitiraa i te mau maitai ta tatou i huti mai i roto i te haapiiraa maitai roa i horoahia mai.

Hebedoma o te 13 no Me

Himene 37

15 mn: Mau parau faaara. Mau parau faaite e tano i Ta tatou taviniraa i te Basileia. A haamanaˈo atu i te mau faanahoraa i ravehia no te pororaa i te 20 no Me, mahana faaearaa ohipa. E piti faahiˈoraa ma te rave faahou mai i te mau manaˈo tauturu i te api 8 o Ta tatou taviniraa i te Basileia no Eperera 2002 no te pûpû i te mau vea (Te Pare Tiairaa o te 15 no Eperera e te Réveillez-vous! o te 22 no Eperera). I roto i na faahiˈoraa taitahi, a faaite i te hoê ravea no te pahono i te patoiraa: “E ohipa ta ˈu.”—A hiˈo i te buka Haaferuriraa, api 19-20.

15 mn: “Faaitoitoraa taa ê te tahi i te tahi.” Oreroraa parau. A haamanaˈo i te feia e faaroo ra i te faufaaraa ia haere i te tairururaa mataeinaa. A tamau noa i te titau manihini i te melo taitahi ia haere i te mau rururaa atoa, mai te poipoi Mahana pae e tae roa i te avatea Tapati.

15 mn: “A titau maite i te maitai eiaha e faaea.”a A haamanaˈo e mea faufaa ia auraro i te mau faanahoraa no te nohoraa i ravehia no to tatou maitai. A haamahitihiti i na haamanaˈoraa e maha o te paratarafa 2. A faataa no te aha e faufaa roa ˈi ia faaite te melo taitahi i te haerea maitai.

Himene 115 e pure faaotiraa.

Hebedoma o te 20 no Me

Himene 13

15 mn: Mau parau faaara. Tapura faufaa moni. A haapoto i te “Pahonoraa i ta outou mau uiraa.”

12 mn: “A haapao i to outou mau hinaaro pae varua.” Oreroraa parau e aparauraa e te feia e faaroo ra. A parau no te aha e tia ˈi ia tatou ia pee maite i te porotarama o te tairururaa. A haamahitihiti i te faufaaraa ia faaohipa i ta tatou e haapii ra, e eiaha noa e faaroo. A tatara i te nota i nia nei no nia i te Putuputuraa no te taviniraa o te avaˈe Atopa, i reira tatou e hiˈo faahou ai i te mau manaˈo faufaa o te tairururaa mataeinaa. A faaitoito i te melo taitahi ia rave i te mau tapaopaoraa. A ui i te tahi mau taata poro eaha te mau maitai ta ratou i huti mai i roto i te porotarama o te matahiti i mairi aˈenei.

18 mn: “Te faaieie ore i roto i te faaahuraa e te faaneheneheraa rouru.”b Tuhaa e vauvauhia e te hoê matahiapo o te taio i te mau paratarafa atoa i muri aˈe i te hiˈopoaraa ˈtu. A tauturu i te melo taitahi ia taa ia ˈna te faufaaraa ia hiˈo maitai i to ˈna faaahuraa i mua i te taata.

Himene 169 e pure faaotiraa.

Hebedoma o te 27 no Me

Himene 208

12 mn: Mau parau faaara. A haamanaˈo i te feia poro ia faahoˈi mai i ta ratou tapura taviniraa no Me. Nau faahiˈoraa ma te rave faahou i te mau manaˈo tauturu i te api 8 o Ta tatou taviniraa i te Basileia no Eperera 2002: e pûpû te hoê taata poro paari i Te Pare Tiairaa o te 1 no Me, e te hoê taurearea i te Réveillez-vous! o te 8 no Me. I muri aˈe i te faahiˈoraa taitahi, a parau e mea ohie mau â ia faaô i te hoê irava bibilia i roto i te hoê faaiteraa.

15 mn: “E tuhaa fenua rahi anei ta ta outou amuiraa?” Oreroraa parau e aparauraa e te feia e faaroo ra, vauvauhia e te tiaau no te taviniraa. (E nehenehe te mau amuiraa e tuhaa fenua nainai ta ratou, e hiˈopoa i te tumu parau ra “E faahoona anaˈe i to tatou taime,” i roto i Ta tatou taviniraa i te Basileia no Tiunu 1999.) A haamanaˈo mai te aha te aano o te tuhaa fenua i faataahia na te amuiraa e i porohia i te matahiti i mairi aˈenei. A faataa e nafea ia faaohipa i te mau manaˈo tauturu o te tumu parau. A faaite eaha te mau faanahoraa i ravehia no te poro i te mau tuhaa fenua mea varavara i te porohia, i mua nei.

18 mn: “Te faaohipa ra anei outou i te buka rairai Titau no te haamata i te mau haapiiraa bibilia?” (Ia rave mai te melo taitahi i te tumu parau hau o Ta tatou taviniraa i te Basileia no Tenuare 2002 no te apiti i roto i teie aparauraa.) A haamata i teie tuhaa na roto i te hoê faahiˈoraa: e haamata te hoê taata poro tei faaineine maitai ia ˈna i te hoê haapiiraa bibilia ma te rave faahou i te hiˈoraa i te paratarafa 3. A faahiti i muri iho i te mau tuhaa taa ê o te buka rairai e a faataa e ua nenei-taa-ê-hia te reira no te haamata i te mau haapiiraa. A faaite eaha te faufaaraa ia hiˈo faahou i te mau manaˈo tauturu o te faaiteraa i roto i te tumu parau hau no Tenuare 2002. A ui i te feia i putuputu mai eaha te mau manaˈo tauturu i horoa mai i te mau faahopearaa maitatai. A faaoti ma te faahiti faahou i te faahiˈoraa o te omuaraa.

Himene 93 e pure faaotiraa.

Hebedoma o te 3 no Tiunu

Himene 178

15 mn: Mau parau faaara. A ani i te tahi feia poro ia faaineine ia ratou no te faaite mai i te mau maitai ta ratou i fanaˈo i to ratou raveraa i te taviniraa pionie tauturu i na avaˈe Mati, Eperera aore ra Me.

15 mn: Te faaohiparaa i te tahi atu mau huriraa i roto i te buka Haaferuriraa. Oreroraa parau poto e aparauraa e te feia e faaroo ra. A taio i te paratarafa 2 i te api 8 o te buka Haaferuriraa, e a faataa no te aha e nafea e tuu ai i te tapao i nia i te Bibilia i roto i ta tatou taviniraa. A faahiti i te tapura o te mau haapotoraa o te tahi atu mau huriraa o te Bibilia i te api 6 e a faataa no te aha tatou e faaohipa ˈi i te tahi mau parau no roto mai i te tahi atu mau huriraa. A haamahitihiti i te mau faaararaa i roto i Te Pare Tiairaa o te 1 no Atopa 1997, api 16, par. 2, e api 20, par. 15. Maoti te mau tuhaa “Monoraa aposetolo,” “Hohoˈa” e “Toru Tahi” o te buka Haaferuriraa, a ani i te feia e faaroo ra ia faataa eaha te faufaaraa ia faaau i te mau huriraa e rave rau no te haapii i te parau mau ia vetahi ê.

15 mn: “E faaaraara mai te faaroo ia rave tatou i te mau ohipa maitatai.”c Ia hiˈopoahia te paratarafa 2, a uiui poto noa hoê Ite itoito rahi. A ani ia ˈna ia faataa mai e nafea te pororaa e faaite ai i to ˈna faaroo e e haapaari atoa ˈi râ i te reira.

Himene 56 e pure faaotiraa.

[Nota i raro i te api]