Àìsáyà

 2 Kí ló dé tí ẹ fi ń sanwó fún ohun tí kì í ṣe oúnjẹ,

Kí ló sì dé tí ẹ fi ń lo ohun tí ẹ ṣiṣẹ́ fún* sórí ohun tí kì í tẹ́ni lọ́rùn?

Ẹ tẹ́tí sí mi dáadáa, kí ẹ sì jẹ ohun tó dáa,+

Ohun tó dọ́ṣọ̀* sì máa mú inú yín dùn* gidigidi.+

Ẹ fetí sílẹ̀, ẹ* ó sì máa wà láàyè nìṣó,

Ó sì dájú pé màá bá yín dá májẹ̀mú tó máa wà títí láé+

Bí mo ṣe fi ìfẹ́ tí kì í yẹ̀, tó jẹ́ òótọ́,* hàn sí Dáfídì.+

 4 Wò ó! Mo fi ṣe ẹlẹ́rìí+ fún àwọn orílẹ̀-èdè,

Aṣáájú+ àti aláṣẹ+ àwọn orílẹ̀-èdè.

 5 Wò ó! O máa pe orílẹ̀-èdè tí o kò mọ̀,

Àwọn èèyàn orílẹ̀-èdè tí kò mọ̀ ọ́ sì máa sáré wá sọ́dọ̀ rẹ,

Torí Jèhófà Ọlọ́run rẹ,+ Ẹni Mímọ́ Ísírẹ́lì,

Torí pé ó máa ṣe ọ́ lógo.+

 7 Kí èèyàn burúkú fi ọ̀nà rẹ̀ sílẹ̀,+

Kí ẹni ibi sì yí èrò rẹ̀ pa dà;

Kó pa dà sọ́dọ̀ Jèhófà, ẹni tó máa ṣàánú rẹ̀,+

Sọ́dọ̀ Ọlọ́run wa, torí ó máa dárí jini fàlàlà.*+

 8 “Torí èrò mi yàtọ̀ sí èrò yín,+

Ọ̀nà yín sì yàtọ̀ sí ọ̀nà mi,” ni Jèhófà wí.

 9 “Torí bí ọ̀run ṣe ga ju ayé lọ,

Bẹ́ẹ̀ ni ọ̀nà mi ga ju ọ̀nà yín,

Èrò mi sì ga ju èrò yín.+

10 Torí bí òjò àti yìnyín ṣe ń rọ̀ láti ọ̀run gẹ́lẹ́,

Tí kì í sì í pa dà síbẹ̀, àfi tó bá mú kí ilẹ̀ rin, tó jẹ́ kó méso jáde, kí nǹkan sì hù,

Tó jẹ́ kí ẹni tó fúnrúgbìn ká irúgbìn, tí ẹni tó ń jẹun sì rí oúnjẹ,

11 Bẹ́ẹ̀ ni ọ̀rọ̀ mi tó ti ẹnu mi jáde máa rí.*+

Kò ní pa dà sọ́dọ̀ mi láìṣẹ,+

Àmọ́ ó dájú pé ó máa ṣe ohunkóhun tí inú mi bá dùn sí,*+

Ó sì dájú pé ohun tí mo rán an pé kó ṣe máa yọrí sí rere.

12 Ẹ máa fi ayọ̀ jáde lọ,+

A sì máa mú yín pa dà ní àlàáfíà.+

Àwọn òkè ńlá àtàwọn òkè kéékèèké máa fi igbe ayọ̀ túra ká níwájú yín,+

Gbogbo àwọn igi inú igbó sì máa pàtẹ́wọ́.+

13 Dípò àwọn igi ẹlẹ́gùn-ún, igi júnípà máa hù,+

Dípò èsìsì tó ń jóni lára, igi mátílì máa hù.

Ó sì máa mú kí Jèhófà lókìkí,*+

Àmì tó máa wà títí láé, tí kò ní pa run.”