Sáàmù

 2 Ní tèmi, ẹsẹ̀ mi fẹ́rẹ̀ẹ́ yà kúrò lójú ọ̀nà;

Díẹ̀ ló kù kí ẹsẹ̀ mi yọ̀ tẹ̀rẹ́.+

 3 Nítorí mo jowú àwọn agbéraga*

Nígbà tí mo rí àlàáfíà àwọn ẹni burúkú.+

 4 Ikú wọn kì í mú ìrora lọ́wọ́;

Ara wọn jí pépé.*+

 5 Ìdààmú tó ń bá àwọn èèyàn yòókù kì í bá wọn,+

Ìyà tó sì ń jẹ àwọn èèyàn tó kù kì í jẹ wọ́n.+

 6 Nítorí náà, ìgbéraga ni ìlẹ̀kẹ̀ ọrùn wọn;+

Wọ́n gbé ìwà ipá wọ̀ bí aṣọ.

 7 Aásìkí* wọn mú kí ẹ̀rẹ̀kẹ́ wọn yọ;

Wọ́n ti ní kọjá ohun tí ọkàn wọn rò.

 9 Wọ́n ń sọ̀rọ̀ bíi pé wọ́n ga dé ọ̀run,

Ahọ́n wọn sì ń sọ̀rọ̀ ìgbéraga káàkiri ayé.

10 Nítorí náà, àwọn èèyàn rẹ̀* yíjú sọ́dọ̀ wọn,

Wọ́n sì mu nínú ọ̀pọ̀lọpọ̀ omi wọn.

13 Ó dájú pé lásán ni mo pa ọkàn mi mọ́,

Tí mo sì wẹ ọwọ́ mi mọ́ pé mo jẹ́ aláìmọwọ́mẹsẹ̀.+

14 Ìdààmú bá mi láti àárọ̀ ṣúlẹ̀;+

Àràárọ̀ ni mò ń gba ìbáwí.+

15 Ká ní mo ti sọ irú ọ̀rọ̀ yìí ni,

Mi ò bá ti dalẹ̀ àwọn èèyàn* rẹ.

16 Nígbà tí mo sapá láti lóye rẹ̀,

Ó dà mí láàmú

17 Títí mo fi wọ ibi mímọ́ títóbi lọ́lá ti Ọlọ́run,

Tí mo sì wá mọ ọjọ́ ọ̀la wọn.

20 Jèhófà, ńṣe ló dà bí àlá nígbà téèyàn bá jí,

Nígbà tí o bá dìde, wàá gbé wọn kúrò lọ́kàn.*

21 Àmọ́ ọkàn mi korò,+

Inú mi lọ́hùn-ún* sì ń ro mí gógó.

22 Mi ò nírònú, mi ò sì lóye;

Mo dà bí ẹranko tí kò ní làákàyè níwájú rẹ.

23 Àmọ́ ní báyìí, ọ̀dọ̀ rẹ ni mo wà nígbà gbogbo;

O ti di ọwọ́ ọ̀tún mi mú.+

24 O fi ìmọ̀ràn rẹ ṣamọ̀nà mi,+

Lẹ́yìn náà, wàá mú mi wọnú ògo.+

26 Àárẹ̀ lè mú ara mi àti ọkàn mi,

Àmọ́ Ọlọ́run ni àpáta ọkàn mi àti ìpín mi títí láé.+

Mo ti fi Jèhófà Olúwa Ọba Aláṣẹ ṣe ibi ààbò mi,

Kí n lè máa kéde gbogbo iṣẹ́ rẹ.+