Àìsáyà

Wọ́n kó àwọn òrìṣà wọn sẹ́yìn àwọn ẹranko, sẹ́yìn àwọn ẹran akẹ́rù,+

Bí ẹrù tó ń ni àwọn ẹranko tó ti rẹ̀ lára.

 2 Wọ́n jọ tẹ̀ ba, wọ́n sì jọ bẹ̀rẹ̀ mọ́lẹ̀;

Wọn ò lè gba àwọn ẹrù* náà sílẹ̀,

Àwọn fúnra wọn* sì lọ sí ìgbèkùn.

 3 “Fetí sí mi, ìwọ ilé Jékọ́bù àti gbogbo ẹ̀yin tó ṣẹ́ kù ní ilé Ísírẹ́lì,+

Ẹ̀yin tí mò ń tì lẹ́yìn látìgbà tí a ti bí yín, tí mo sì gbé látinú oyún.+

 4 Títí o fi máa dàgbà, mi ò ní yí pa dà;+

Títí irun rẹ fi máa funfun, mi ò ní yéé gbé ọ.

 5 Ta lẹ lè fi mí wé, tí ẹ lè mú bá mi dọ́gba tàbí tí ẹ lè fi díwọ̀n mi,+

Tí a máa wá rí bákan náà?+

 6 Àwọn kan wà tó ń kó wúrà jáde yàlàyòlò látinú àpò wọn;

Wọ́n ń wọn fàdákà lórí òṣùwọ̀n.

 7 Wọ́n gbé e sí èjìká wọn,+

Wọ́n gbé e, wọ́n sì fi sí àyè rẹ̀, ṣe ló kàn dúró síbẹ̀.

Wọ́n ké sí i, àmọ́ kò dáhùn;

Kò lè gba ẹnikẹ́ni nínú wàhálà.+

 9 Ẹ rántí àwọn nǹkan àtijọ́* tó ti wà tipẹ́,

Pé èmi ni Ọlọ́run,* kò sí ẹlòmíì,

Èmi ni Ọlọ́run, kò sí ẹni tó dà bí èmi.+

10 Láti ìbẹ̀rẹ̀, mò ń sọ ohun tó máa ṣẹlẹ̀,

Tipẹ́tipẹ́ ni mo sì ti ń sọ àwọn ohun tí kò tíì ṣẹlẹ̀.+

Mo sọ pé, ‘Ìpinnu mi* máa dúró,+

Màá sì ṣe ohunkóhun tó bá wù mí.’+

11 Màá pe ẹyẹ aṣọdẹ wá láti ibi tí oòrùn ti ń yọ,*+

Ọkùnrin tó máa ṣe ohun tí mo pinnu*+ máa wá láti ilẹ̀ tó jìn.

12 Ẹ fetí sí mi, ẹ̀yin ọlọ́kàn líle,*

Ẹ̀yin tí ẹ jìnnà réré sí òdodo.

13 Mo ti mú òdodo mi sún mọ́ tòsí;

Kò jìnnà réré,

Ìgbàlà mi ò sì ní falẹ̀.+