AmaHubo

3 O Jehova, kungani bebe baningi abaphikisana nami?+

Kungani abaningi bengivukela?+

 2 Abaningi bathi ngomphefumulo wami:

“Ayikho insindiso azoyithola kuNkulunkulu.”+ Sela.

 3 Noma kunjalo, wena Jehova uyisihlangu nxazonke zami,+

Uyinkazimulo yami+ futhi uyiLowo ophakamisa ikhanda lami.+

 4 Ngizombiza uJehova ngezwi lami,

Futhi uzongiphendula esentabeni yakhe engcwele.+ Sela.

 5 Mina-ke, ngizocambalala ukuze ngilale;

Ngokuqinisekile ngizophaphama, ngoba uJehova uyaqhubeka engisekela.+

 6 Ngeke ngizesabe izinkulungwane eziyishumi zabantu

Ezizihlelele ukulwa nami nxazonke.+

 7 O Jehova, vuka!+ Ngisindise,+ Nkulunkulu wami!+

Ngoba kuyomelwe uzishaye emhlathini zonke izitha zami.+

Amazinyo ababi kuyomelwe uwaphule.+

 8 Insindiso ingekaJehova.+

Isibusiso sakho siphezu kwabantu bakho.+ Sela.