IzAga
3 Ndodana yami, ungawukhohlwa umthetho wami,+ nemiyalo yami kwangathi inhliziyo yakho ingayigcina,+ 2 ngoba uyokwenezelelwa ubude bezinsuku neminyaka yokuphila+ nokuthula.+ 3 Kwangathi umusa wothando neqiniso kungekushiye.+ Kubophele entanyeni yakho.+ Kulobe esibhebheni senhliziyo yakho,+ 4 kanjalo uthole umusa nokuqondisisa okuhle emehlweni kaNkulunkulu nawomuntu wasemhlabeni.+ 5 Thembela kuJehova ngayo yonke inhliziyo yakho,+ ungenciki kokwakho ukuqonda.+ 6 Mqaphele kuzo zonke izindlela zakho,+ yena uyokwenza izindlela zakho ziqonde.+
7 Ungabi ohlakaniphile emehlweni akho.+ Yesaba uJehova ufulathele okubi.+ 8 Kwangathi kungaba yinto ephulukisayo+ enkabeni yakho nento eqabulayo emathanjeni akho.+
9 Dumisa uJehova ngezinto zakho zenani elikhulu+ nangolibo lwawo wonke umkhiqizo wakho.+ 10 Khona-ke izindawo zakho zokugcina impahla ziyogcwala inala;+ nemigodi yakho yesikhamo iyochichima iwayini elisha.+
11 O ndodana yami, ungasali isiyalo sikaJehova;+ futhi ungakwenyanyi ukusola kwakhe,+ 12 ngoba uJehova uyamsola lowo amthandayo,+ njengoba nje nobaba eyisola indodana ayijabulelayo.+
13 Uyajabula umuntu othole ukuhlakanipha,+ nomuntu othola ukuqonda,+ 14 ngoba ukuba nakho njengenzuzo kungcono kunokuba nesiliva njengenzuzo nokuba nakho njengomkhiqizo kungcono kunegolide+ uqobo. 15 Kuyigugu ngaphezu kwamakhorali,+ futhi konke okunye okujabulelayo ngeke kulinganiswe nakho. 16 Ubude bezinsuku busesandleni sako sokunene;+ esandleni sako sobunxele kukhona ingcebo nenkazimulo.+ 17 Izindlela zako ziyizindlela zobumnandi, futhi yonke imendo yako ingukuthula.+ 18 Kungumuthi wokuphila+ kulabo abakubambayo, futhi labo abakubamba bakuqinise+ kuyothiwa bayajabula.+
19 UJehova wasekela umhlaba ngokuhlakanipha.+ Ngokuqonda wamisa amazulu aqina.+ 20 Ngolwazi lwakhe izintwa zamanzi zaqhekezwa phakathi,+ nezibhakabhaka ziqhubeka ziconsa umkhizo.+ 21 Ndodana yami, kwangathi kungesuke emehlweni akho.+ Londa ukuhlakanipha okusebenzayo kanye nekhono lokucabanga,+ 22 kuyoba ukuphila emphefumulweni wakho+ nento ethandekayo entanyeni yakho.+ 23 Uma wenza kanjalo uyohamba ngokulondeka+ endleleni yakho, ngisho nonyawo lwakho ngeke luqhuzuke.+ 24 Noma nini lapho ulala phansi ngeke ube nangebhe,+ futhi ngokuqinisekile uyolala phansi, ubuthongo bakho buyoba mnandi.+ 25 Ngeke kudingeke wesabe lutho olwethusayo olufika ungazelele,+ noma isivunguvungu esiphezu kwababi, ngoba siyeza.+ 26 Ngoba, eqinisweni, uJehova uyoba yithemba lakho,+ futhi ngokuqinisekile uyogcina unyawo lwakho ukuba lungabanjwa.+
27 Ungabagodleli okuhle labo okubafanele,+ lapho kusemandleni esandla sakho ukukwenza.+ 28 Ungasho kumuntu wakini ukuthi: “Hamba, uphinde ubuye, ngizokupha kusasa,” kube kukhona onakho.+ 29 Ungacebi okubi ngomuntu wakini,+ lapho ehlezi nawe ezizwa elondekile.+ 30 Ungaxabani nomuntu ngaphandle kwesizathu,+ uma engakwenzanga lutho olubi.+
31 Ungabi nomona ngomuntu wobudlova,+ noma ukhethe noma iyiphi yezindlela zakhe.+ 32 Ngoba umuntu okhohlisayo+ uyinto enengekayo kuJehova,+ kodwa Yena usondelana nabaqotho.+ 33 Isiqalekiso sikaJehova siphezu kwendlu yomubi,+ kodwa indawo yokuhlala yabalungileyo uyayibusisa.+ 34 Uma kuphathelene nabahleki bosulu,+ yena uyohleka usulu;+ kodwa abantu abamnene uyobabonisa umusa.+ 35 Wudumo abahlakaniphile abayoba nalo,+ kodwa iziphukuphuku zidumisa ihlazo.+