Hezekeli
21 Izwi likaJehova laqhubeka lifika kimi, lithi: 2 “Ndodana yomuntu misa ubuso bakho bubheke ngaseJerusalema uconsisele+ amazwi ngasezindaweni ezingcwele,+ uprofethe ngokumelene nezwe lakwa-Israyeli.+ 3 Uthi ezweni lakwa-Israyeli, ‘Yilokhu uJehova akushilo: “Bheka ngimelene nawe,+ ngizokhipha inkemba yami emgodleni wayo+ nginqume kuwe olungile nomubi.+ 4 Ukuze nginqume kuwe olungile nomubi, inkemba yami izophuma emgodleni wayo imelane nayo yonke inyama kusukela eningizimu kuya enyakatho.+ 5 Bonke abenyama bayokwazi ukuthi mina Jehova ngiyikhiphile inkemba yami emgodleni wayo.+ Ngeke isaphindela emuva.”’+
6 “Kepha wena, ndodana yomuntu, bubula kunyakaze nezinqulu.+ Yebo kufanele ububule ngomunyu phambi kwamehlo abo.+ 7 Kuyothi uma bethi kuwe, ‘Ububuliswa yini?’+ wena uthi, ‘Ngumbiko.’+ Ngoba uzofika ngokuqinisekile,+ zonke izinhliziyo zizogcwala amanzi+ futhi zonke izandla zizoyetha nayo yonke imimoya izodangala futhi wonke amadolo azoconsa amanzi.+ ‘Bheka! Kuzofika ngokuqinisekile+ futhi kuzokwenziwa,’ kusho iNkosi EnguMbusi uJehova.”
8 Izwi likaJehova lafika futhi kimi, lithi: 9 “Ndodana yomuntu, profetha, uthi, ‘Yilokhu uJehova akushilo: “Wothi, ‘Inkemba, inkemba!+ Iloliwe,+ futhi iphucuziwe. 10 Ilolwé ngenjongo yokuhlela ukuhlaba; iphucuzwé+ ngenjongo yokuba ibenyezele.’”’”
“Noma, ingabe kufanele sethabe?”+
“‘Ingabe yala intonga+ yendodana yami,+ njengoba yala yonke imithi?+
11 “‘Umuntu uyayiletha ukuba iphucuzwe, ukuze ayiphakamise ngesandla. Yona—inkemba iloliwe, futhi yona—iphucuziwe, ukuze inikelwe esandleni sombulali.+
12 “‘Khamuluka uhewule,+ ndodana yomuntu, ngoba imelene nabantu bami;+ imelene nazo zonke izikhulu zakwa-Israyeli.+ Bona kanye abajikijelwe enkembeni babe kanye nabantu bami.+ Ngakho-ke zishaye ithanga ngempama.+ 13 Ngoba kuhloliwe,+ futhi kuthiwani uma yala nentonga futhi?+ Lena ngeke iqhubeke ikhona,’+ kusho iNkosi EnguMbusi uJehova.
14 “Wena, ndodana yomuntu—profetha, ushayanise izintende zezandla,+ futhi elithi ‘Inkemba!’ kufanele liphindwe kathathu.+ Iyinkemba yababulewe. Iyinkemba yomuntu omkhulu obulewe, ebahaqayo.+ 15 Ukuze inhliziyo igcwale amanzi+ futhi ngandise abagumbuqelwe kuwo wonke amasango abo,+ ngiyoceka ngenkemba. Maye, yenzelwe ukubenyezela, iphucuzelwe ukuceka!+ 16 Zibonakalise ubukhali;+ yiya kwesokunene! Yima endaweni yakho; yiya kwesobunxele! Nomaphi lapho ubuso buqondiswe khona! 17 Mina futhi ngizoshayanisa izintende zezandla zami,+ futhi ngizokubhodla+ ukufutheka kwami.+ Mina, Jehova, ngikhulumile.”
18 Izwi likaJehova laqhubeka lifika kimi, lithi: 19 “Wena, ndodana yomuntu, zilungisele izindlela ezimbili zokuba kungene inkemba yenkosi yaseBhabhiloni.+ Zombili kufanele ziphume ezweni elilodwa, kufanele kuqoshwe isandla esingunkomba;+ kufanele siqoshwe ekuqaleni kwendlela eya emzini. 20 Kufanele ulungise indlela yokuba kungene inkemba imelane neRaba+ lamadodana ka-Amoni, enye imelane noJuda, imelane neJerusalema elinezivikelo eziqinile.+ 21 Ngoba inkosi yaseBhabhiloni yama empambanweni yezindlela, ekuqaleni kwezindlela ezimbili, ukuze iphendukele ekubhuleni.+ Inyakazisé imicibisholo. Ibuzé ngamatherafi;+ ibheké esibindini. 22 Esandleni sayo sokunene ibhulele iJerusalema, ukumisa izinqama zokubhodloza,+ ukuvula umlomo womuntu ukuze kubulawe, ukuzwakalisa umsindo wenhlabamkhosi,+ ukumisa izinqama zokubhodloza emasangweni, ukwakha igoqo lokuvimbezela, ukwakha udonga lokuvimbezela.+ 23 Kubo kube njengokubhula okungelona iqiniso emehlweni abo+—labo abenze izifungo kubo;+ yenza ukuba kukhunjulwe isiphambeko,+ ukuze babanjwe.+
24 “Ngakho-ke yilokhu iNkosi EnguMbusi uJehova ekushilo, ‘Ngenxa yokubangela kwenu ukuba kukhunjulwe isiphambeko senu ngokwembulwa kwezeqo zenu, ukuze izono zenu zibonwe ngokuvumelana nazo zonke izenzo zenu, ngenxa yokukhunjulwa kwenu+ yebo niyobanjwa ngesandla.’+
25 “Wena, sikhulu+ esikhohlakele sakwa-Israyeli,+ esinenxeba elibulalayo, esilusuku lwaso lufike ngesikhathi sesiphambeko sokugcina,+ 26 yilokhu iNkosi EnguMbusi uJehova ekushilo, ‘Susa umshuqulo, ususe umqhele.+ Lokhu ngeke kusafana.+ Beka phezulu okuphansi+ wehlise okuphakeme.+ 27 Ngizokwenza kube incithakalo, incithakalo, incithakalo.+ Nalokhu futhi, ngeke kube okwamuntu aze afike onelungelo elingokomthetho,+ ngikunike yena.’+
28 “Wena, ndodana yomuntu, profetha, uthi, ‘Yilokhu iNkosi EnguMbusi uJehova ekushilo ngokuphathelene namadodana ka-Amoni nangokuphathelene nesihlamba esivela kuwo.’ Kumelwe uthi, ‘Inkemba, inkemba ehoshelwe ukuceka, iphucuziwe ukuze yenziwe ishwabadele, ukuze ibenyezele,+ 29 ngenxa yokukubonela kwabo okungekona okungokoqobo, ngenxa yokukubhulela amanga,+ ukuze bakubeke entanyeni yababulewe, abantu abakhohlakele abalusuku lwabo lufike ngesikhathi sesiphambeko sokugcina.+ 30 Yibuyisele emgodleni wayo. Ngiyokwahlulela endaweni owadalelwa kuyo, ezweni lendabuko+ yakho. 31 Ngiyothulula phezu kwakho ukulahla kwami. Ngiyofutha phezu kwakho+ ngomlilo wokufutheka kwami, futhi ngiyokunikela esandleni samadoda angacabangiyo, izingcweti zencithakalo.+ 32 Uyoba yinto yokubasela umlilo.+ Igazi lakho liyoba phakathi kwezwe. Ngeke ukhunjulwe, ngoba mina Jehova ngikhulumile.’”+