Hezekeli
22 Izwi likaJehova laqhubeka lifika kimi, lithi: 2 “O, wena ndodana yomuntu, uzowahlulela yini,+ uzowahlulela yini umuzi onecala legazi+ futhi ngokuqinisekile uwazise zonke izinto zawo ezinengekayo?+ 3 Kumelwe uthi, ‘Yilokhu iNkosi EnguMbusi uJehova ekushilo: “O muzi ochitha igazi+ phakathi kwawo kuze kufike isikhathi sawo,+ nowenze izithombe ezinjengendle ngaphakathi kwawo ukuze ube ongcolile,+ 4 ngegazi lakho olichithile ube necala,+ nangezithombe zakho ezinjengendle ozenzile ube ongcolile.+ Usondeza izinsuku zakho, uzofika eminyakeni yakho. Kungaleso sizathu ngizokwenza into yokuhlanjalazwa ezizweni neyokuklolodelwa kuwo wonke amazwe.+ 5 Amazwe aseduze nakude nawe ayokuklolodela, wena onegama elingcollile, ovame isiphithiphithi.+ 6 Bheka! Izikhulu+ zakwa-Israyeli zikuwe, ngasinye sizinikele engalweni yaso ngenjongo yokuchitha igazi.+ 7 Kuwe ubaba nomama baphathwe ngendelelo.+ Phakathi kwakho benze ngokumphamba umfokazi.+ Kuwe intandane nomfelokazi bahlukunyeziwe.”’”+
8 “‘Izindawo zami ezingcwele uzidelelile, namasabatha ami uwangcolisile.+ 9 Kuwe kube khona abanyundela isidanasi ngenjongo yokuchitha igazi;+ kuwe badle phezu kwezintaba.+ Phakathi kwakho baye baqhuba ukuziphatha okubi.+ 10 Kuwe ubunqunu bukababa babembulile;+ kuwe bamlulazile owesifazane ongahlanzekile osesikhathini.+ 11 Umuntu wenze into enengekayo nomfazi womngane wakhe,+ futhi umuntu ungcolise umalokazana wakhe ngokuziphatha okubi;+ kuwe umuntu ululaze udadewabo, indodakazi kayise.+ 12 Bathathé isifumbathiso ngenjongo yokuchitha igazi.+ Uthathé inzalo+ kanye nenzuzo eyeqile,+ futhi ngobudlova uqhubeka wenza inzuzo+ ngabangane bakho ngokuphamba,+ mina ungikhohliwe,’+ kusho iNkosi EnguMbusi uJehova.
13 “‘Bheka! ngishaye isandla sami+ ngenxa yenzuzo yakho engenabulungisa oyenzile,+ nangenxa yezenzo zakho zokuchitha igazi eziphakathi kwakho.+ 14 Ingabe ngezinsuku engikuthathela ngazo isinyathelo inhliziyo yakho iyoqhubeka ikhuthazela+ noma izandla zakho zinikeze amandla?+ Mina, Jehova, ngikhulumile futhi ngiyothatha isinyathelo.+ 15 Ngiyokuhlakaza phakathi kwezizwe ngikusakaze phakathi kwamazwe,+ futhi ngiyokubhubhisa ukungahlanzeki kwakho kuphele kuwe.+ 16 Ngokuqinisekile uyongcoliswa ngaphakathi kwakho phambi kwamehlo ezizwe, futhi uyokwazi ukuthi nginguJehova.’”+
17 Izwi likaJehova laqhubeka lifika kimi lithi: 18 “Ndodana yomuntu, abendlu ka-Israyeli sebeye baba njengamanyela kimi.+ Bonke bayithusi nethini nensimbi nomthofu phakathi kwesithando somlilo. Sebeye baba ngamanyela amaningi, amanyela esiliva.+
19 “Ngakho-ke yilokhu iNkosi EnguMbusi uJehova ekushilo, ‘Ngenxa yokuthi nonke seniye naba njengamanyela amaningi,+ ngakho-ke bhekani nginiqoqela ndawonye phakathi kweJerusalema.+ 20 Njengasekuqoqeleni isiliva nethusi nensimbi+ nomthofu nethini phakathi kwesithando somlilo, ukuze kufuthwe+ ngomlilo ngenjongo yokuba kuncibilike,+ ngiyobaqoqela ndawonye kanjalo ngentukuthelo yami nangokufutheka kwami, futhi ngiyofutha nginenze nincibilike. 21 Ngiyoniqoqela ndawonye nginifuthe ngomlilo wokufutheka kwami,+ nincibilikiswe phakathi kwalo.+ 22 Njengasekuncibilikeni kwesiliva phakathi kwesithando somlilo, niyoncibilika kanjalo phakathi kwalo; niyokwazi ukuthi mina, Jehova, ngikuthululile ukufutheka kwami phezu kwenu.’”+
23 Izwi likaJehova laqhubeka lifika kimi, lithi: 24 “Ndodana yomuntu, yithi kulo, ‘Uyizwe elingahlanzwa, elinganethwa ngosuku lokulahlwa.+ 25 Kukhona uzungu lwabaprofethi balo phakathi kwalo,+ njengengonyama ebhongayo, edwengula inyamazane.+ Bashwabadela umphefumulo.+ Baqhubeka bethatha ingcebo nezinto eziyigugu.+ Bandise abafelokazi balo phakathi kwalo.+ 26 Bona kanye abapristi balo badlovule umthetho wami,+ futhi baqhubeka bengcolisa izindawo zami ezingcwele.+ Abenzanga mahluko+ phakathi kwento engcwele nento evamile,+ ababenzanga abantu bakwazi ukuhlukanisa phakathi kwento engcolile nento ehlanzekile,+ futhi bawafihlile amehlo abo emasabatheni ami,+ ngingcolisiwe phakathi kwabo.+ 27 Izikhulu zalo phakathi kwalo zifana nezimpisi ezidwengula inyamazane ekuchitheni igazi,+ ekubhubhiseni imiphefumulo ngenjongo yokwenza inzuzo engenabulungisa.+ 28 Abaprofethi balo babaphahlekele ngomcako,+ bebabonela embonweni okungekona okungokoqobo+ futhi bebabhulela amanga,+ bethi: “Yilokhu iNkosi EnguMbusi uJehova ekushilo,” uJehova ebe engakhulumanga. 29 Abantu bezwe ngokwabo benze iqhinga lokuphamba+ futhi baqhwagile ngokuphanga,+ ohluphekile nompofu bamhlukumezile,+ nomfokazi bamphambile ngaphandle kobulungisa.’+
30 “‘Ngaqhubeka ngifuna umuntu phakathi kwabo owayezolungisa udonga lwamatshe+ futhi owayezoma esikhaleni+ phambi kwami amele izwe, ukuze ngingalichithi;+ angitholanga muntu. 31 Ngakho ngizothulula isiqalekiso+ sami phezu kwabo. Ngizobaqothula ngomlilo wokufutheka kwami.+ Indlela yabo ngizoyehlisela phezu kwekhanda labo,’+ kusho iNkosi EnguMbusi uJehova.”