AmaHubo

8 O Jehova Nkosi yethu, yeka ukuthi igama lakho libabazeka kangakanani emhlabeni wonke;

Inkazimulo yakho uyenze yaphakama kunamazulu! *+

 2 Ubangele ukuba emlonyeni wezingane nezinsana + kuphume amandla

Ngenxa yezitha zakho,

Ukuze uthulise isitha nophindiselayo.

 3 Lapho ngibona amazulu akho, imisebenzi yezandla zakho,*

Inyanga nezinkanyezi okudalile, +

 4 Uyini umuntu ofayo ukuba umkhumbule,

Nendodana yomuntu ukuba uyinakekele? +

 5 Wamenza waba ngaphansana kwezingelosi,*

Wamthwesa umqhele wenkazimulo nobukhazikhazi.

 6 Wamenza wabusa phezu kwemisebenzi yezandla zakho; +

Konke ukubeke ngaphansi kwezinyawo zakhe:

 7 Yonke imihlambi yezimvu nezinkomo,

Nezilwane zasendle, +

 8 Izinyoni zamazulu nezinhlanzi zolwandle,

Nanoma yini ehamba olwandle.