Eksodusi

34 Khona-ke uJehova wathi kuMose: “Zenzele amatshe amabili ayizicaba anjengawokuqala, + mina ngizobhala kuwo amazwi abesematsheni okuqala, + owaphihlizile. + 2 Ulungele isikhathi sasekuseni, njengoba ekuseni uzokhuphukela eNtabeni iSinayi ume lapho phambi kwami esiqongweni sentaba. + 3 Kodwa akukho muntu ongakhuphuka kanye nawe futhi akukho muntu okufanele abonakale kunoma iyiphi indawo entabeni. Akufanele kube khona ngisho nemihlambi edla phambi kwaleyo ntaba.” +

4 Ngakho uMose wenza amatshe amabili ayizicaba anjengawokuqala wavuka ekuseni kakhulu wenyukela eNtabeni iSinayi, njengoba nje uJehova ayemyalile, ephethe amatshe amabili ayizicaba. 5 UJehova wabe esehla + esefwini wama kanye naye lapho, wamemezela igama likaJehova. *+ 6 UJehova wayedlula phambi kwakhe ememeza ethi: “NguJehova, nguJehova, uNkulunkulu onesihe + nozwela, *+ owephuza ukuthukuthela + nochichima uthando oluqotho *+ neqiniso, *+ 7 obonisa abayizinkulungwane uthando oluqotho, + oxolela isiphambeko nesono, + kodwa ongeke alinge angabajezisi abanecala, + oletha isijeziso ngenxa yesiphambeko soyise phezu kwamadodana naphezu kwabazukulu, phezu kwesizukulwane sesithathu naphezu kwesizukulwane sesine.” +

8 UMose washesha waguqa phansi wayesekhothama. 9 Wabe esethi: “Manje uma ngithole umusa kuwe, Jehova, ngicela uhambe nathi phakathi kwethu + Jehova, yize singabantu abanenkani, *+ uthethelele isiphambeko sethu nesono sethu, + usithathe sibe abantu bakho.” 10 Yena wathi: “Bheka ngenza isivumelwano: Phambi kwabo bonke abantu bakho, ngizokwenza izinto ezimangalisayo ezingakaze zenziwe* kuwo wonke umhlaba noma kuzo zonke izizwe, + nabo bonke abantu enihlala phakathi kwabo bazowubona umsebenzi kaJehova, ngoba ngenza into emangalisayo ngawe. +

11 “Naka lokho engikuyala ngakho namhlanje. + Bheka ngixosha phambi kwakho ama-Amori, amaKhanani, amaHeti, amaPherizi, amaHivi namaJebusi. + 12 Qaphela ukuba ungenzi isivumelwano nabantu abakhe ezweni oya kulo, + ngoba kungaba ugibe phakathi kwenu. + 13 Kodwa kufanele nidilize ama-altare abo, niphihlize izinsika zabo ezingcwele, nigawule nezigxobo zabo ezingcwele. *+ 14 Akumele nikhothamele omunye unkulunkulu + ngoba uJehova waziwa ngokufuna* abantu bazinikele kuye kuphela.* Yebo, unguNkulunkulu ofuna abantu bazinikele kuye ngokuphelele. + 15 Qaphela ukuba ungenzi isivumelwano nabantu abakhe ezweni, ngoba lapho befeba nonkulunkulu babo futhi bebenzela imihlatshelo, + othile uzokumema bese udla emhlatshelweni wakhe. + 16 Nakanjani uyothathela amadodana akho amanye amadodakazi abo, + bese amadodakazi abo efeba nonkulunkulu bawo enze ukuba amadodana akho afebe nonkulunkulu bawo. +

17 “Ungazenzeli onkulunkulu bensimbi. +

18 “Kufanele ugcine uMkhosi Wesinkwa Esingenamvubelo. + Uyodla isinkwa esingenamvubelo, njengoba nje ngikuyalile; lokhu uyokwenza izinsuku eziyisikhombisa ngesikhathi esibekiwe ngenyanga ka-Abhibhi, *+ ngoba naphuma ngenyanga ka-Abhibhi eGibhithe.

19 “Wonke amazibulo esilisa* angawami, + kuhlanganise nayo yonke imfuyo yakho, kungakhathaliseki ukuthi izibulo leduna lenkomo noma lemvu. + 20 Izibulo lembongolo kufanele ulithenge ngemvu. Kodwa uma ungalithengi, kumele ulephule intamo. Kumele uthenge wonke amazibulo amadodana akho. + Akekho okufanele avele phambi kwami engaphethe lutho.

21 “Uyosebenza izinsuku eziyisithupha, kodwa ngosuku lwesikhombisa uyophumula. *+ Ngisho nangesikhathi sokulima nesokuvuna, uyophumula.

22 “Uyogubha uMkhosi wakho Wamasonto ngezithelo zokuqala ezivuthiwe zesivuno sikakolweni noMkhosi Wokubutha* ekupheleni konyaka. +

23 “Kathathu ngonyaka bonke abesilisa bakho kufanele bavele phambi kweNkosi yeqiniso, uJehova, uNkulunkulu ka-Israyeli. + 24 Ngoba ngiyozixosha izizwe phambi kwakho, + futhi ngiyoyandisa indawo yakho, akekho oyofisa izwe lakho lapho usakhuphukile uyobona ubuso bukaJehova uNkulunkulu wakho kathathu ngonyaka.

25 “Igazi lomhlatshelo wami ungalinikeli kanye nanoma yini efakwe imvubelo. + Umhlatshelo womkhosi wePhasika akufanele uhlale ubusuku bonke kuze kube sekuseni. +

26 “Kufanele ulethe endlini kaJehova uNkulunkulu wakho okuhle kunakho konke kwezithelo zokuqala ezivuthiwe zomhlabathi. +

“Ungayibilisi inyama yezinyane obisini lukanina.” +

27 UJehova waqhubeka wathi kuMose: “Kufanele uwabhale phansi la mazwi, + ngoba ngokuvumelana nala mazwi, ngenza isivumelwano nawe no-Israyeli.” + 28 Wahlala lapho noJehova izinsuku ezingu-40 nobusuku obungu-40. Akadlanga sinkwa futhi akaphuzanga manzi. + UNkulunkulu wabhala ematsheni ayizicaba amazwi esivumelwano, iMiyalo Eyishumi. *+

29 Ngemva kwalokho uMose wehla eNtabeni iSinayi, ephethe amatshe amabili obuFakazi ayizicaba. + Lapho ehla entabeni, uMose wayengazi ukuthi ubuso bakhe babukhipha imisebe ngenxa yokuthi wayekhulume noNkulunkulu. 30 Lapho u-Aroni nawo wonke ama-Israyeli bebona uMose, baphawula ukuthi ubuso bakhe babukhipha imisebe futhi besaba ukusondela kuye. +

31 Kodwa uMose wababiza, u-Aroni nazo zonke izikhulu zenhlangano baya kuye, uMose wakhuluma nabo. 32 Ngemva kwalokho wonke ama-Israyeli asondela kuye, wawanika yonke imiyalo uJehova ayemnike yona eNtabeni iSinayi. + 33 Lapho uMose eqeda ukukhuluma nabo wayezimboza ubuso. + 34 Kodwa lapho uMose engena phambi kukaJehova ukuba akhulume naye, wayekususa lokho azimboze ngakho aze aphume. + Ngemva kwalokho wayephuma ambulele ama-Israyeli imiyalo ayeyinikiwe. + 35 Ama-Israyeli abona ukuthi ubuso bukaMose babukhipha imisebe; uMose wabe esebuyisela ayezimboze ngakho ubuso kwaze kwaba yilapho engena eyokhuluma noNkulunkulu. *+