Psalms

15 O Jehovah, wie sal ’n gas in u tent wees?+

Wie sal op u heilige berg woon?+

 2 Hy wat onberispelik wandel+ en regverdigheid beoefen+

En in sy hart die waarheid spreek.+

 3 Hy het nie met sy tong gelaster nie.+

Sy metgesel het hy geen kwaad aangedoen nie,+

En geen smaad het hy teen sy intieme kennis uitgespreek nie.+

 4 In sy oë word die veragtelike beslis verwerp,+

Maar aan dié wat Jehovah vrees, bewys hy eer.+

Hy het gesweer tot sy skade, en tog verander hy nie.+

 5 Sy geld het hy nie teen rente gegee nie,+

En ’n omkoopgeskenk teen die onskuldige het hy nie aanvaar nie.+

Hy wat hierdie dinge doen, sal nooit wankel nie.+