Psalms

14 Die verstandelose het in sy hart gesê:

“Daar is geen Jehovah nie.”+

Hulle het verderflik gehandel,+ hulle het verfoeilik gehandel in hulle handelswyse.

Daar is niemand wat goed doen nie.+

 2 Wat Jehovah betref, hy het uit die hemel afgekyk op die mensekinders,+

Om te sien of daar iemand bestaan wat insig het, iemand wat Jehovah soek.+

 3 Hulle het almal afgewyk,+ hulle is almal tesame verdorwe;+

Daar is niemand wat goed doen nie,+

Nie eers een nie.+

 4 Het nie een van dié wat skadelike dinge beoefen, kennis nie,+

Dié wat my volk opeet soos hulle brood geëet het?+

Hulle het nie eens Jehovah aangeroep nie.+

 5 Daar is hulle met groot angs vervul,+

Want Jehovah is onder die geslag van die regverdige.+

 6 Julle sou die plan van die geteisterde tot skande wou maak,

Omdat Jehovah sy toevlug is.+

 7 Ag, as die redding van Israel maar uit Sion sou kom!+

Wanneer Jehovah die gevangenes van sy volk laat terugkeer,+

Laat Jakob dan bly wees, laat Israel hom verbly.+