Psalms
Vir die musiekleier: Op die Gittit.* Van die seuns van Korag.+ ’n Melodie.
My hart en my vlees roep vreugdevol uit tot die lewende God.
3 Selfs die voël vind ’n tuiste daar,
en die swaeltjie ’n nes vir haar,
waar sy vir haar kleintjies sorg
naby u groot altaar, o Jehovah van die leërmagte,
my Koning en my God!
4 Gelukkig is dié wat in u huis woon!+
Hulle hou aan om u te loof.+ (Sela)
5 Gelukkig is die mense wat hulle krag in u vind,+
wie se hart begeer om op die paaie te wees wat na u huis lei.
6 Wanneer hulle deur die Baka-vallei* trek,
verander hulle dit in ’n plek met fonteine,
en die vroeë reën beklee dit* met seëninge.
7 Terwyl hulle stap, kry hulle al hoe meer krag.+
Elkeen verskyn voor God in Sion.
8 O Jehovah, God van die leërmagte, hoor my gebed.
Luister, o God van Jakob. (Sela)
10 Want ’n dag in u voorhowe is beter as ’n duisend op enige ander plek!+
Ek verkies om by die drumpel van die huis van my God te staan
eerder as om in die tente van goddeloosheid te bly.
11 Want Jehovah God is ’n son+ en ’n skild.+
Hy gee sy goedkeuring en eer.