Sagaria
9 ’n Oordeelsboodskap:
“Die woord van Jehovah is teen die land Hadrag,
en Damaskus is die teiken* daarvan+
– want Jehovah se oë is op die mens+
en op al die stamme van Israel –
3 Tirus het vir haarself ’n versterkte muur* gebou.
Sy het silwer soos stof opgehoop,
en goud soos die modder van die strate.+
En sy sal deur vuur verteer word.+
5 Asʹkelon sal dit sien en bang wees.
Gasa sal groot angs ervaar,
en ook Ekron, omdat die een waarop sy gehoop het, verneder is.
’n Koning sal uit Gasa verdwyn,
en Asʹkelon sal nie bewoon word nie.+
6 ’n Buite-egtelike seun sal in Asdod gaan woon,
en ek sal ’n einde maak aan die trots van die Filistyn.+
7 Ek sal die bloedbevlekte dinge uit sy mond verwyder,
en die walglike dinge tussen sy tande uit,
en wie van hom oorbly, sal aan ons God behoort.
8 Ek sal as ’n wag kamp opslaan om my huis te verdedig,+
sodat niemand daar sal ingaan of uitkom nie.
9 Wees baie bly, o dogter van Sion.
Roep van vreugde uit, o dogter van Jerusalem.
Jou koning kom na jou toe.+
10 Ek sal die strydwa uit Eʹfraim wegneem,
en die perd uit Jerusalem.
Die boog sal weggeneem word.
En hy sal vrede aan die nasies verkondig.+
12 Keer terug na die vesting, o gevangenes wat hoop het.+
Ek sê vandag vir jou:
‘Jy, o vrou, sal ’n dubbele seën van my ontvang.+
13 Want ek sal Juda as my boog span.*
Eʹfraim sal die pyl in my boog wees.
En ek sal jou seuns laat opstaan, o Sion,
teen jou seuns, o Griekeland,
en ek sal jou soos ’n vegter se swaard maak.’
14 Jehovah sal bo hulle gesien word,
en sy pyl sal soos weerlig uitskiet.
Die Soewereine Heer Jehovah sal op die horing blaas,+
en hy sal met die windstorms van die suide kom.
15 Jehovah van die leërmagte sal hulle verdedig,
en hulle sal die slingerklippe verslind en vertrap.+
Hulle sal lawaaierig wees asof hulle wyn gedrink het.
En hulle sal gevul word soos die offerbak,
soos die hoeke van die altaar.+
16 Jehovah hulle God sal hulle in daardie dag red
as sy volk, sy kudde,+
want hulle sal soos die edelstene van ’n kroon wees wat glinster oor sy land.+
Graan sal die jong manne laat floreer,
en nuwe wyn die maagde.”+