Abɛi
3 Mibi,* ohiɛ akakpa nɔ ni mitsɔɔ bo* lɛ nɔ,
Ni okɛ otsui fɛɛ aye mikitãi lɛ anɔ,
2 Ejaakɛ amɛbaahã oná gbii pii
Kɛ wala afii, kɛ toiŋjɔlɛ.+
3 Kaahã suɔmɔ ni tsakeee kɛ anɔkwayeli* miishi bo.+
Okɛ amɛ afi okuɛ;
Ŋmaa amɛ yɛ otsui tao lɛ nɔ;+
4 Kɛ́ ofee nakai lɛ, obaaná hiɛnyam kɛ sɛɛyoomɔ babaoo
Yɛ Nyɔŋmɔ kɛ gbɔmɛi ahiɛ.+
7 Okɛ ohe akafɔ̃ bo diɛŋtsɛ onilee nɔ.*+
She Yehowa gbeyei ni otsi ohe kɛje efɔŋ he.
9 Okɛ onibii ni jara wa lɛ awo Yehowa hiɛ nyam,+
Onibaa nii lɛ* fɛɛ amli klɛŋklɛŋ yibii lɛ;* +
10 Kɛ́ ofee nakai lɛ, onitoohei lɛ baayimɔ obɔbɔ,+
Ni obui ni aŋaa wain yɛ mli lɛ baayimɔ kɛteke nɔ kɛ wain hee.
11 Mibi,* kaakpoo Yehowa tsɔsemɔ lɛ,+
Ni be fɛɛ be ni ebaajaje bo lɛ, kaanyaŋe,+
13 Gbɔmɔ ni hiɛ kã shi+ lɛ yɛ miishɛɛ
Ni gbɔmɔ ni kɔɔ sane sɛɛ hu nakai nɔŋŋ;
14 Ejaakɛ kɛ́ oná no lɛ, ehi fe nɔ ni obaaná jwiɛtɛi,
Ni kɛ́ oná no akɛ osɛɛnamɔ lɛ, ehi fe nɔ ni obaaná shika tsuru.+
16 Walasɛɛtsɛlɛ yɛ eninejurɔ;
Ninámɔ kɛ anunyam yɛ ebɛku.
17 Egbɛi lɛ anɔ yɛ miishɛɛ,
Ni toiŋjɔlɛ yɛ egbɛi lɛ fɛɛ anɔ.+
18 Eji wala tso kɛhã mɛi ni mɔɔ mli lɛ,
Ni mɛi ni hiɛɔ mli kpɛŋŋ lɛ, abaabu amɛ akɛ amɛyɛ miishɛɛ.+
19 Hiɛshikamɔ Yehowa kɛfee shikpɔŋ lɛ.+
Sanesɛɛkɔmɔ ekɛto ŋwɛi ema shi shiŋŋ.+
20 Enilee ekɛhã nui babaoo lɛ tue
Ni no ekɛhã bɔ́ nyɔ kɛjɛ atatui lɛ amli.+
21 Mibi,* kaahã ohiɛ miije amɛnɔ.*
Hã ohiɛ akã shi ni ojwɛŋ jogbaŋŋ be fɛɛ be;*
22 Amɛbaahã bo* wala
Ni amɛbaawula okuɛ;
23 Ni no baahã onyiɛ ogbɛ nɔ ni oshãra ko ninaaa bo,
28 Kaakɛɛ onyɛmi gbɔmɔ akɛ, “Yaa ni oba sɛɛ mli! Mikɛbaahã bo wɔ́,”
Kɛ́ obaanyɛ okɛhã lɛ bianɛ.
29 Kaato onyɛmi gbɔmɔ he ŋaa fɔŋ+
Be ni ele akɛ eyɛ shweshweeshwe yɛ omasɛi.
31 Ohiɛ akakɔ̃ yiwalɔ nɔ+
Ni kaakɔ egbɛi lɛ eko eko,
32 Ejaakɛ Yehowa miihi mɔ ni lakaa mɛi,+
Shi mɔ ni ja lɛ, lɛ ekɛbɔɔ naanyo.+
35 Hiɛshikalɔi baaná anunyam,
Shi buului woɔ hiɛgbele hiɛ nyam.+