Yesaia

11 Tso fɔ+ ko baakwɛ̃ kɛjɛ Yishai+ tsoku lɛ mli,

Ni tso ko ni tsɛ̃+ kɛjɛ eshishifã lɛ mli lɛ baawo yibii.

 2 Ni Yehowa mumɔ lɛ baahi enɔ,+

Hiɛshikamɔ+ kɛ niiashishinumɔ mumɔ,

Ŋaawoo kɛ hewalɛ mumɔ,+

Nilee kɛ Yehowa gbeyeishemɔ mumɔ.

Jeee nɔ ni ehiŋmɛii naa lɛ nɔ kɛkɛ ebaadamɔ ekojo,

Ni jeee nɔ ni etoii nuɔ lɛ nɔ kɛkɛ ebaadamɔ ejaje mɛi.+

 4 Ebaakojo mɛi ni bɛ yelikɛbualɔ lɛ yɛ jalɛ naa,

Ebaajaje mɛi yɛ jalɛ gbɛ nɔ ehã mɛi ni he jɔ ni yɔɔ shikpɔŋ lɛ nɔ lɛ.

Ekɛ enaabu tso lɛ baatswa shikpɔŋ lɛ+

Ni ekɛ mumɔ ni jɛɔ enaa lɛ baagbe mɛi fɔji lɛ.+

 5 Jalɛ nifeemɔi baafee bɛlti ni ekɛbaafi ehɛ,

Ni anɔkwayeli baafee bɛlti ni ekɛbaafi emli.+

 6 Ŋa mli gbee kɛ gwantɛŋbi baahi shi yɛ be kɛ beiaŋ,+

Ni abotiabi kɛ kootsɛ baabu shi,

Ni tsinabi kɛ jata* kɛ kooloo ni eshwi fɛɛ baafee ekome kɛhi shi;*+

 7 Tsinayoo kɛ oshishibrishi baafee ekome kɛye nii,

Ni amɛbii baabumɔ shi yɛ he kome.

 8 Gbekɛ ni atseko lɛ fufɔ baashwɛ yɛ blikã bu naa,

Ni gbekɛ ni atse lɛ fufɔ kɛ enine baafɔ̃ onufu ni pɔizin yɔɔ emli lɛ bu nɔ.

 9 Amɛyeŋ awui ko+

Ni amɛfiteŋ nɔ ko yɛ migɔŋ krɔŋkrɔŋ lɛ nɔ fɛɛ,+

Ejaakɛ bɔ fɛɛ bɔ ni fee lɛ, Yehowa he nilee baayi shikpɔŋ lɛ nɔ obɔ

Tamɔ bɔ ni nui eha ŋshɔ lɛ nɔ lɛ.+

Lɛ eŋɔɔ jeŋmaji lɛ baadɔ amɛhe kɛba koni etsɔɔ amɛ gbɛ,*+

Ni ehejɔɔmɔhe lɛ hiɛ baaba nyam.

13 Efraim awuŋayeli lɛ sɛɛ baafo,+

Ni abaakpãtã mɛi ni nyɛɔ Yuda lɛ ahiɛ.

Efraim yeŋ Yuda he awuŋa dɔŋŋ,

Ni Yuda hu enyɛŋ Efraim dɔŋŋ.+

14 Ni amɛbaakpeleke shi oya kɛya Filistibii lɛ anɔ* yɛ anaigbɛ;

Amɛbaafee ekome ni amɛshɔ̃ mɛi ni yɔɔ Bokã lɛ anibii yɛ amɛdɛŋ.

Amɛbaawó amɛnine nɔ yɛ* Edom+ kɛ Moab+ nɔ,

Ni amɛbaaye Amonbii lɛ anɔ.+

15 Yehowa baagba Ejipt ŋshɔnine* lɛ mli enyɔ+

Ni ebaahoso enine yɛ Faa* lɛ nɔ.+

Ni ekɛ kɔɔyɔɔ ni emuɔ* ni naa wa lɛ baatswa efai kpawo lɛ amli,*

Ni ebaahã mɛi awo amɛtokotai kɛfo.

16 Ni gbɛjegbɛ+ ko baakã shi kɛjɛ Asiria ehã ewebii fioo ni baashwɛ lɛ,+

Tamɔ bɔ ni afee ahã Israel yɛ gbi ni eshi Ejipt shikpɔŋ lɛ nɔ lɛ.