૧ આ પુસ્તકમાં ઈસુ ખ્રિસ્તના* જીવનનો ઇતિહાસ* છે. તે ઇબ્રાહિમના કુળના,+ દાઉદના વંશજ હતા.+ આ છે ઈસુની વંશાવળી:

 ૨ ઇબ્રાહિમથી ઇસહાક થયો,+

ઇસહાકથી યાકૂબ;+

યાકૂબને યહૂદા+ અને બીજા દીકરાઓ થયા;

 ૩ યહૂદાને તામારથી પેરેસ અને ઝેરાહ થયા;+

પેરેસથી હેસરોન થયો;+

હેસરોનથી રામ થયો;+

 ૪ રામથી અમિનાદાબ થયો;

અમિનાદાબથી નાહશોન થયો;+

નાહશોનથી સલ્મોન થયો;

 ૫ સલ્મોનને રાહાબથી બોઆઝ થયો;+

બોઆઝને રૂથથી ઓબેદ થયો;+

ઓબેદથી યિશાઈ થયો;+

 ૬ યિશાઈથી રાજા દાઉદ થયો.+

દાઉદથી સુલેમાન થયો.+ સુલેમાનની મા અગાઉ ઊરિયાની પત્ની હતી.

 ૭ સુલેમાનથી રહાબઆમ થયો;+

રહાબઆમથી અબિયા થયો;

અબિયાથી આસા થયો;+

 ૮ આસાથી યહોશાફાટ થયો;+

યહોશાફાટથી યહોરામ થયો;+

યહોરામથી ઉઝ્ઝિયા થયો;

 ૯ ઉઝ્ઝિયાથી યોથામ થયો;+

યોથામથી આહાઝ થયો;+

આહાઝથી હિઝકિયા થયો;+

૧૦ હિઝકિયાથી મનાશ્શા થયો;+

મનાશ્શાથી આમોન થયો;+

આમોનથી યોશિયા થયો.+

૧૧ યહૂદીઓને ગુલામ બનાવીને બાબેલોન લઈ જવાયા,+ એ દરમિયાન યોશિયાને+ યખોન્યા+ અને બીજા દીકરાઓ થયા.

૧૨ બાબેલોનમાં યખોન્યાના દીકરા શઆલ્તીએલનો જન્મ થયો.

શઆલ્તીએલથી ઝરુબ્બાબેલ થયો;+

૧૩ ઝરુબ્બાબેલથી અબિહૂદ થયો;

અબિહૂદથી એલ્યાકીમ થયો;

એલ્યાકીમથી આઝોર થયો;

૧૪ આઝોરથી સાદોક થયો;

સાદોકથી આખીમ થયો;

આખીમથી અલિહૂદ થયો;

૧૫ અલિહૂદથી એલઆઝાર થયો;

એલઆઝારથી મથ્થાન થયો;

મથ્થાનથી યાકૂબ થયો.

૧૬ યાકૂબથી યૂસફ થયો, જે મરિયમનો પતિ હતો. મરિયમની કૂખે ઈસુનો જન્મ થયો,+ જે ખ્રિસ્ત કહેવાયા.+

૧૭ બધી પેઢીઓ આ પ્રમાણે હતી: ઇબ્રાહિમથી દાઉદ સુધી ૧૪ પેઢીઓ; દાઉદથી લઈને યહૂદીઓને ગુલામ તરીકે બાબેલોન લઈ જવાયા ત્યાં સુધી ૧૪ પેઢીઓ; યહૂદીઓને ગુલામ તરીકે બાબેલોન લઈ જવાયા ત્યારથી ખ્રિસ્તના સમય સુધી ૧૪ પેઢીઓ.