નીતિવચનો

 ૩ સ્ત્રીઓ પાછળ તારી શક્તિ વેડફીશ નહિ,+

રાજાઓને બરબાદ કરતા રસ્તા પર તું ચાલીશ નહિ.+

 ૪ લમુએલ, દ્રાક્ષદારૂ પીવો રાજાઓને શોભતું નથી,

“મારો દારૂ ક્યાં છે?” એવું પૂછવું અધિકારીઓને શોભતું નથી.+

 ૫ એવું ન થાય કે તેઓ દ્રાક્ષદારૂ પીએ અને કાયદા-કાનૂન ભૂલી જાય

અને દીન-દુખિયાને અન્યાય કરે.*

 ૬ જે મરવાની અણીએ હોય તેને શરાબ આપ,+

જેનું મન બહુ દુઃખી હોય તેને દ્રાક્ષદારૂ આપ.+

 ૭ તેઓને પીવા દે, જેથી તેઓ પોતાની ગરીબી ભૂલી જાય

અને પોતાની મુશ્કેલીઓ યાદ ન કરે.

 ૮ જેઓ અવાજ ઉઠાવી શકતા નથી તેઓ વતી બોલ

અને જેઓ મરવાની અણીએ છે તેઓના હક માટે લડ.+

 ૯ ચૂપ રહીશ નહિ, સાચો ન્યાય કર,

લાચાર અને ગરીબના હક માટે લડ.+

૧૧ તેનો પતિ પૂરા દિલથી તેના પર ભરોસો રાખે છે,

તેના પતિને કશાની ખોટ પડતી નથી.

૧૨ તે જીવનભર પોતાના પતિનું ભલું કરે છે,

તે કદી તેનું ખરાબ કરતી નથી.

૧૩ તે ઊન અને શણ ભેગું કરે છે,

તે ખુશી ખુશી પોતાના હાથે કામ કરે છે.+

૧૫ વહેલી સવારે, હજી તો અંધારું હોય એવામાં તે ઊઠી જાય છે,

તે ઘરના લોકોને ખાવાનું આપે છે

૧૬ તે જમીનનો ટુકડો ખરીદવાનું વિચારે છે અને એ ખરીદી લે છે,

તે પોતાની મહેનતથી* દ્રાક્ષાવાડી રોપે છે.

૧૭ તે મહેનતનું કામ કરવા કમર કસે છે+

અને પોતાના હાથ મજબૂત કરે છે.

૧૮ તે વેપારમાં નફો થાય એનું ધ્યાન રાખે છે

અને તેનો દીવો રાતે હોલવાતો નથી.

૧૯ તે એક હાથમાં તકલી પકડે છે

અને બીજા હાથથી તરાક ફેરવે છે.*+

૨૦ તે લાચારને મદદ કરવા હાથ લંબાવે છે

અને મુઠ્ઠી ખોલી ગરીબને સહાય કરે છે.+

૨૧ હિમ પડે ત્યારે તેને કુટુંબની ચિંતા હોતી નથી,

કેમ કે બધાએ પૂરતાં ગરમ* કપડાં પહેર્યાં હોય છે.

૨૩ શહેરના દરવાજે તેના પતિને બધા ઓળખે છે,+

તેનો પતિ પોતાના વિસ્તારના વડીલો સાથે બેસે છે.

૨૪ તે સ્ત્રી શણનાં વસ્ત્રો* બનાવીને વેચે છે,

તે વેપારીઓને જથ્થામાં કમરબંધ વેચે છે.

૨૫ શક્તિ અને વૈભવ તેનો પોશાક છે,

તેને ભવિષ્યની ચિંતા સતાવતી નથી.*

૨૬ તે બુદ્ધિની વાતો કહે છે,+

તે માયાળુ શબ્દોથી શિખામણ આપે છે.*

૨૭ તે ઘરનાં બધાં કામકાજ પર ધ્યાન રાખે છે,

તે આળસની રોટલી ખાતી નથી.+

૨૮ તેનાં બાળકો ઊભા થઈને તેના વખાણ કરે છે,

તેનો પતિ પણ ઊભો થઈને તેની પ્રશંસા કરે છે.

૨૯ સારી* સ્ત્રીઓ તો ઘણી છે,

પણ તું એ બધા કરતાં ઉત્તમ છે.

૩૦ આકર્ષણ છેતરામણું* હોય શકે અને સૌંદર્ય પળ બે પળનું હોય શકે,+

પણ યહોવાનો ડર* રાખનાર સ્ત્રી પ્રશંસા મેળવે છે.+

૩૧ તેની મહેનતનું તેને ઇનામ આપ*+

અને તેનાં કામોને લીધે શહેરના દરવાજે તેની વાહ વાહ થાય.+