ગીતશાસ્ત્ર

૨ બધા દેશો કેમ ખળભળી ઊઠ્યા છે

અને લોકો કેમ નકામી વાતો પર બડબડાટ* કરે છે?+

 ૨ યહોવા અને તેમના અભિષિક્ત*+ વિરુદ્ધ

પૃથ્વીના રાજાઓ ઊભા થયા છે

અને શાસકો એક થઈને કાવતરું ઘડે છે.+

 ૩ તેઓ કહે છે: “તેઓએ પહેરાવેલી બેડીઓ આપણે તોડી નાખીએ,

તેઓએ બાંધેલાં દોરડાં કાપી નાખીએ!”

 ૪ સ્વર્ગમાં બિરાજનાર ઈશ્વર તેઓ પર હસશે,

યહોવા તેઓની મજાક ઉડાવશે.

 ૫ તે ગુસ્સે ભરાઈને તેઓ સાથે વાત કરશે,

ધગધગતા કોપથી તેઓને થથરાવી દેશે

 ૬ અને કહેશે: “મારા પવિત્ર પર્વત સિયોન*+ પર

મેં પોતે મારા રાજાને રાજ્યાસન પર બેસાડ્યો છે.”+

તેમણે મને કહ્યું છે: “તું મારો દીકરો છે+

અને આજથી હું તારો પિતા છું.+

 ૮ માંગ, માંગ, હું તને બધા દેશો વારસામાં આપી દઈશ,

આખી ધરતી તારા હાથમાં સોંપી દઈશ.+

 ૯ તું લોઢાના રાજદંડથી તેઓના ટુકડે-ટુકડા કરી નાખીશ,+

માટીના વાસણની જેમ તેઓનો ભાંગીને ભૂકો કરી નાખીશ.”+

૧૦ હે રાજાઓ, સમજદારીથી વર્તો,

હે પૃથ્વીના ન્યાયાધીશો, ઠપકો સ્વીકારો.*

૧૧ યહોવાનો ડર રાખો અને તેમને ભજો,

રાજીખુશીથી તેમનો આદર કરો.

૧૨ દીકરાને માન આપો,*+ નહિ તો ઈશ્વર* રોષે ભરાશે,

જીવનના માર્ગમાંથી તમારો વિનાશ થશે,+

કેમ કે ઈશ્વરનો ગુસ્સો ભડકી ઊઠતા વાર નહિ લાગે.