2 Tesalonica

2 Nupay kasta, kakabsat, maipapan iti kaadda+ ni Apotayo a Jesu-Kristo ken iti pannakaurnongtayo a sangsangkamaysa kenkuana,+ kiddawenmi kadakayo 2 a saankay koma a sidadaras a magunggon manipud kinasimbengyo wenno madanagan uray babaen iti naipaltiing nga ebkas+ wenno babaen iti naisao a mensahe+ wenno babaen iti surat+ a kasla naggapu kadakami, a kasla ti aldaw+ ni Jehova dimtengen.

3 Awan koma ti asinoman a mangallilaw kadakayo iti aniaman a pamay-an, agsipud ta saanto nga umay malaksid no dumteng nga umuna ti apostasia+ ket maipanayag+ ti tao ti kinakillo,+ ti anak ti pannakadadael.+ 4 Isu agsaad a bumusor+ ket ipangatona ti bagina iti ngatuen ti tunggal maysa a maawagan “dios” wenno banag a daydayawen, iti kasta isu agtugaw iti templo Ti Dios, a silalatak nga iparparangna ti bagina kas maysa a dios.+ 5 Saanyo aya a malagip a, bayat ti kaaddak kadakayo, imbagbagak idi+ kadakayo dagitoy a banag?

6 Ket ngarud ita ammoyon ti banag+ nga agtignay a kas pangtiped,+ no maipapan iti pannakaipanayagna iti bukodna a naikeddeng a tiempo.+ 7 Pudno, ti misterio daytoy a kinakillo agtigtignayen;+ ngem agingga laeng a daydiay agdama nga agtigtignay a kas pangtiped ket maikkat.+ 8 Kalpasanna, pudno unay, maipanayagto daydiay nakillo, a papatayento ni Apo Jesus babaen ti espiritu ti ngiwatna+ ket pukawenna babaen ti pannakaiparangarang+ ti kaaddana.+ 9 Ngem ti kaadda daydiay nakillo ket maitunos iti panagtignay+ ni Satanas buyogen ti tunggal mannakabalin nga aramid ken dagiti ulbod a pagilasinan ken dagiti tanda+ 10 ken buyogen ti tunggal nakillo a panangallilaw+ kadagidiay madaddadael,+ kas pannusa agsipud ta saanda nga inawat ti ayat+ iti kinapudno tapno maisalakanda koma.+ 11 Dayta ti makagapu a ti Dios palubosanna ti panagtignay kadakuada ti biddut, tapno patienda ti kinaulbod,+ 12 tapno maukomda amin agsipud ta saanda a namati iti kinapudno+ no di ket nagragsakanda ti kinakillo.+

13 Nupay kasta, pagrebbenganmi ti agyaman a kankanayon iti Dios maipaay kadakayo, kakabsat nga ay-ayaten ni Jehova, agsipud ta pinilinakayo ti Dios+ nanipud idi damo maipaay iti pannakaisalakan babaen ti panangsantipikar+ kadakayo iti espiritu+ ken babaen ti pammatiyo iti kinapudno.+ 14 Maipaay itoy met laeng a pagtungpalan inayabannakayo babaen ti naimbag a damag nga idekdeklarami,+ iti panggep a pananggun-od iti kinadayag ni Apotayo a Jesu-Kristo.+ 15 No kasta, ngarud, kakabsat, agtakderkayo a sititibker+ ket taginayonenyo ti panangpetpetyo kadagiti tradision+ a naisuro kadakayo, uray no dayta ket babaen iti naisao a mensahe wenno babaen iti suratmi. 16 Mainayon pay, ni Apotayo a Jesu-Kristo a mismo ken ti Dios nga Amatayo, a nagayat+ kadatayo ken nangted iti agnanayon a liwliwa ken naimbag a namnama+ babaen ti di kaikarian a kinamanangngaasi, 17 liwliwaenda koma ti puspusoyo ken patibkerendakayo iti tunggal naimbag nga aramid ken sao.+