Зәбүр

 3 Сапарға шыққанымды да, тыныққанымды да бақылайсың,

Саған жолдарымның бәрі белгілі+.

 4 Аузымнан сөз шықпай жатып-ақ,

Уа, Ехоба, сен оны білесің+.

 5 Мені алды-артымнан қоршайсың,

Үстіме қолыңды қоясың.

 6 Мені қаншалықты жақсы білетініңе қайранмын,

Мұны түсінуге ақылым жетпейді+.

 8 Көкке көтерілсем, сен сонда болар ең,

Төсегімді көрге* салсам да, сен сол жерден табылар ең+.

 9 Қиыр шалғайдағы теңізге барып тұру үшін,

Таң шапағының қанатына мініп ұшып кетсем де,

10 Сенің қолың мені бастап алып жүрер еді,

Оң қолың сүйемелдер еді+.

11 “Мені қараңғылық жасырады” десем,

Түн жарыққа айналар еді.

12 Қараңғылық та сен үшін тым қараңғы болмас еді,

Сен үшін түннің өзі күндіздей жап-жарық+,

Түнекте де бәрі ап-айқын көрінер еді+.

13 Өйткені сен менің бүйрегімді жараттың,

Ана құрсағында мені қалқаладың*+.

14 Мен өзіңді мадақтаймын,

Себебі таңғаларлықтай керемет жаратылғанмын+.

15 Құпия жерде жаратылғанымда,

Ана құрсағының түкпірінде тоқылғанымда,

Сүйектерім сенен жасырын болмады+.

16 Тіпті ұрық күйімді көздерің көрді,

Оның бірде-бір бөлігі әлі пайда болмай тұрып,

Қалыптасатын күндері сенің кітабыңда жазылып қойылған еді.

18 Ойларыңды санайтын болсам,

Олар құм қиыршықтарынан да көп болар еді+.

20 Олар арам пиғылмен сені жамандайды,

Есіміңді теріс қолданады; олар сенің жауларың+.

22 Мен оларды сондай жек көремін+,

Олар менің қас жауыма айналды.

24 Көңілімде қауіпті жолға апаратын ойлар жоқ па, соны көрші+,

Мені мәңгілік жолымен жетелеші+.