ಯೆಶಾಯ

44 ನನ್ನ ಸೇವಕನಾದ ಯಾಕೋಬನೇ,

ನಾನು ಆರಿಸ್ಕೊಂಡ ಇಸ್ರಾಯೇಲೇ,+ ಈಗ ಕೇಳು.

 2 ನಿನ್ನನ್ನ ರೂಪಿಸಿ ರಚಿಸಿದ+

ಗರ್ಭದಲ್ಲಿ ಇರುವಾಗಿಂದನೇ* ನಿನಗೆ ಸಹಾಯ ಮಾಡಿದ ಯೆಹೋವ ಹೀಗೆ ಹೇಳ್ತಿದ್ದಾನೆ

‘ನನ್ನ ಸೇವಕನಾದ ಯಾಕೋಬನೇ, ಹೆದರಬೇಡ,+

ನಾನು ಆರಿಸ್ಕೊಂಡಿರೋ ಯೆಶುರೂನೇ*+ ಭಯಪಡಬೇಡ.

 3 ಯಾಕಂದ್ರೆ ನಾನು ಬಾಯಾರಿದವನಿಗೆ* ಕುಡಿಯೋಕೆ ನೀರು ಕೊಡ್ತೀನಿ+

ಒಣ ನೆಲದ ಮೇಲೆ ತೊರೆಗಳು ಹರಿಯೋ ತರ ಮಾಡ್ತೀನಿ.

ನಾನು ನಿನ್ನ ಸಂತತಿ ಮೇಲೆ ಪವಿತ್ರ ಶಕ್ತಿಯನ್ನ,+

ನಿನ್ನ ವಂಶದವರ ಮೇಲೆ ನನ್ನ ಆಶೀರ್ವಾದವನ್ನ ಸುರಿಸ್ತೀನಿ.

 4 ಅವರು ಹಚ್ಚಹಸಿರಾದ ಹುಲ್ಲಿನ ತರ ಮೊಳಕೆಯೊಡಿತಾರೆ,+

ನೀರಿನ ಕಾಲುವೆ ಪಕ್ಕದಲ್ಲಿರೋ ನೀರವಂಜಿ* ಮರದ ತರ ಅವರು ಬೆಳಿತಾರೆ.

ಇನ್ನೊಬ್ಬ ತನಗೆ ತಾನೇ ಯಾಕೋಬ ಅಂತ ಹೆಸ್ರಿಟ್ಕೊಳ್ತಾನೆ,

ಮತ್ತೊಬ್ಬ ತನ್ನ ಕೈ ಮೇಲೆ “ನಾನು ಯೆಹೋವನಿಗೆ ಸೇರಿದವನು” ಅಂತ ಬರೆದ್ಕೊಳ್ತಾನೆ.

 6 ಸೈನ್ಯಗಳ ದೇವರಾದ ಯೆಹೋವ ಹೀಗೆ ಅಂತಿದ್ದಾನೆ,

ಇಸ್ರಾಯೇಲಿನ ರಾಜನೂ+ ಅವನನ್ನ ಬಿಡಿಸಿದವನೂ+ ಆದ ಯೆಹೋವ ಹೀಗೆ ಹೇಳ್ತಿದ್ದಾನೆ

‘ನಾನೇ ಮೊದಲನೆಯವನು, ನಾನೇ ಕೊನೆಯವನು.+

ಜನ್ರನ್ನ ಅಸ್ತಿತ್ವಕ್ಕೆ ತಂದ ಸಮ್ಯದಿಂದ ನಾನು ಮಾಡ್ತಾ ಬಂದಿರೋ ವಿಷ್ಯಗಳ ಬಗ್ಗೆ ಅವನು ಹೇಳಲಿ,

ಹತ್ರದಲ್ಲೇ ಆಗಲಿರೋ ವಿಷ್ಯಗಳ ಬಗ್ಗೆ,

ಜೊತೆಗೆ ಮುಂದೆ ಭವಿಷ್ಯತ್ತಿನಲ್ಲಿ ಆಗಲಿರೋ ವಿಷ್ಯಗಳ ಬಗ್ಗೆ ತಿಳಿಸಲಿ.

 8 ಭಯದಲ್ಲಿ ಮುಳುಗಿ ಹೋಗಬೇಡಿ,

ಹೆದರಿಕೆಯಿಂದ ನಿಮ್ಮ ಕೈಕಾಲು ಬಿದ್ದುಹೋಗದಿರಲಿ.+

 9 ಕೆತ್ತಿದ ಮೂರ್ತಿಗಳನ್ನ ಮಾಡುವವರು ಕೆಲಸಕ್ಕೆ ಬಾರದವರು,

ಅವ್ರ ಅಚ್ಚುಮೆಚ್ಚಿನ ವಸ್ತುಗಳಿಂದ ಯಾವುದೇ ಪ್ರಯೋಜನ ಇಲ್ಲ.+

ಅವು ಸಾಕ್ಷಿ ಹೇಳೋಕ್ಕಾಗಲ್ಲ. ಯಾಕಂದ್ರೆ ಅವು* ಏನೂ ನೋಡಲ್ಲ, ಅವುಗಳಿಗೆ ಏನೂ ಗೊತ್ತಿಲ್ಲ,+

ಹಾಗಾಗಿ ಅವುಗಳನ್ನ ಮಾಡಿದವರು ಅವಮಾನಕ್ಕೆ ಗುರಿಯಾಗ್ತಾರೆ.+

12 ಕಮ್ಮಾರ ತನ್ನ ಸಲಕರಣೆಗಳನ್ನ ಕೈಗೆತ್ಕೊಳ್ತಾನೆ,

ಕಬ್ಬಿಣವನ್ನ ಕೆಂಡದಲ್ಲಿ ಕಾಯಿಸ್ತಾನೆ,

ತನ್ನೆಲ್ಲ ಶಕ್ತಿಯನ್ನ ಬಳಸಿ ಸುತ್ತಿಗೆಯಿಂದ ಹೊಡೆದು ಅದಕ್ಕೊಂದು ಆಕಾರ ಕೊಡ್ತಾನೆ.+

ಆಮೇಲೆ ಅವನಿಗೆ ಹಸಿವಾಗುತ್ತೆ, ಅವನ ಶಕ್ತಿ ಕುಂದಿಹೋಗುತ್ತೆ,

ನೀರನ್ನ ಕುಡಿದೆ ಇರೋದ್ರಿಂದ ಅವನಿಗೆ ದಣಿವಾಗುತ್ತೆ.

ಮನುಷ್ಯನ ಆಕಾರವನ್ನ ಅದಕ್ಕೆ ಕೊಟ್ಟು,+

ಮನುಷ್ಯನ ಅಂದವನ್ನ ಅದಕ್ಕಿಟ್ಟು,

ಅದನ್ನ ಗುಡಿಯಲ್ಲಿ ಕೂರಿಸ್ತಾನೆ.+

14 ದೇವದಾರು ಮರ ಕಡಿಯೋ ವ್ಯಕ್ತಿ,

ಒಂದು ವಿಶೇಷ ಮರವನ್ನ ಅಂದ್ರೆ ಒಂದು ಓಕ್‌ ಮರವನ್ನ ಆರಿಸ್ಕೊಳ್ತಾನೆ,

ಕಾಡಲ್ಲಿರೋ ಬೇರೆ ಮರಗಳ ಮಧ್ಯ ಅದು ಚೆನ್ನಾಗಿ ಬೆಳೆಯೋಕೆ ಬಿಡ್ತಾನೆ.+

ಅದ್ರ ಕೆಲವು ಕಟ್ಟಿಗೆಗಳಿಂದ ಅವನು ಚಳಿಕಾಯಿಸ್ಕೊಳ್ತಾನೆ,

ಬೆಂಕಿ ಹೊತ್ತಿಸಿ, ತನಗಾಗಿ ರೊಟ್ಟಿ ಸುಡ್ತಾನೆ.

16 ಅವನು ಆ ಮರದ ಅರ್ಧ ಭಾಗವನ್ನ ಸೌದೆಗಾಗಿ ಬಳಸ್ತಾನೆ,

ತಾನು ತಿನ್ನೋ ಮಾಂಸವನ್ನ ಅದ್ರಿಂದ ಸುಟ್ಟು ತಿಂತಾನೆ, ತಿಂದು ತೃಪ್ತನಾಗ್ತಾನೆ.

ಅಷ್ಟೇ ಅಲ್ಲ ಅದ್ರಿಂದ ಚಳಿಕಾಯಿಸ್ಕೊಳ್ತಾ

“ಆಹಾ! ಈ ಬೆಂಕಿ ಎಷ್ಟು ಚೆನ್ನಾಗಿದೆ” ಅಂತಾನೆ.

ಅದಕ್ಕೆ ಪ್ರಾರ್ಥಿಸ್ತಾ

“ನನ್ನನ್ನ ಕಾಪಾಡು. ಯಾಕಂದ್ರೆ ನೀನೇ ನನ್ನ ದೇವರು” ಅಂತ ಅದಕ್ಕೆ ಹೇಳ್ತಾನೆ.+

18 ಅವುಗಳಿಗೋ ಏನೂ ಗೊತ್ತಿಲ್ಲ, ಏನೂ ಅರ್ಥವಾಗಲ್ಲ,+

ಯಾಕಂದ್ರೆ ಅವುಗಳ ಕಣ್ಣುಗಳು ಮುಚ್ಚಿವೆ, ಅವುಗಳಿಗೆ ಏನೂ ಕಾಣಿಸಲ್ಲ.

“ನಾನು ಅರ್ಧ ಕಟ್ಟಿಗೆಯನ್ನ ಸೌದೆಗಾಗಿ ಬಳಸಿದೆ,

ಅದ್ರ ಕೆಂಡದ ಮೇಲೆನೇ ತಿನ್ನೋಕೆ ರೊಟ್ಟಿಯನ್ನ, ಮಾಂಸವನ್ನ ಸುಟ್ಟೆ.

ಅವನು ತನ್ನನ್ನ ತಾನೇ ಕಾಪಾಡ್ಕೊಳ್ಳೋಕಾಗಲ್ಲ,

“ನನ್ನ ಬಲಗೈಯಲ್ಲಿರೋ ವಸ್ತು ನಿಷ್ಪ್ರಯೋಜಕ” ಅಂತ ತನ್ನಲ್ಲಿ ತಾನೇ ಒಪ್ಕೊಳ್ಳೋದೂ ಇಲ್ಲ.

21 “ಯಾಕೋಬನೇ, ಇಸ್ರಾಯೇಲೇ, ಈ ವಿಷ್ಯಗಳನ್ನ ನೆನಪಿಸ್ಕೊ,

ಯಾಕಂದ್ರೆ ನೀನು ನನ್ನ ಸೇವಕ.

22 ನಾನು ನಿನ್ನ ಅಪರಾಧಗಳನ್ನ ಅಳಿಸಿಹಾಕ್ತೀನಿ,+

ನಿನ್ನ ಪಾಪಗಳನ್ನ ದಟ್ಟವಾದ ಮೋಡಗಳಿಂದ ಮುಚ್ಚಿಹಾಕ್ತೀನಿ.

23 ಆಕಾಶವೇ, ಹರ್ಷಧ್ವನಿಗೈ,

ಯಾಕಂದ್ರೆ ಯೆಹೋವ ಇದನ್ನ ಮಾಡಿದ್ದಾನೆ!

ಬೆಟ್ಟಗಳೇ, ಅರಣ್ಯವೇ, ಅದ್ರಲ್ಲಿರೋ ಎಲ್ಲ ಮರಗಳೇ

ಸಂತೋಷದಿಂದ ಜೈಕಾರ ಹಾಕಿ!+

24 ನೀನು ಗರ್ಭದಲ್ಲಿರುವಾಗಲೇ ನಿನ್ನನ್ನ ರೂಪಿಸಿ,

ನಿನ್ನನ್ನ ಬಿಡುಗಡೆ ಮಾಡಿದ ಯೆಹೋವ+ ಹೀಗೆ ಹೇಳ್ತಿದ್ದಾನೆ

“ನಾನು ಯೆಹೋವ, ಎಲ್ಲವನ್ನೂ ಸೃಷ್ಟಿಸಿದವನು.

ಆಕಾಶವನ್ನ ವಿಸ್ತರಿಸಿದವನು ನಾನೇ,+

ಭೂಮಿಯನ್ನ ಹರಡಿದವನು ನಾನೇ.+

25 ವ್ಯರ್ಥ ಮಾತುಗಳನ್ನಾಡುವವ್ರ* ಅದ್ಭುತಗಳನ್ನ ನಾನು ನಿಷ್ಫಲಗೊಳಿಸ್ತೀನಿ,

ಕಣಿಹೇಳುವವರು ಮೂರ್ಖರ ಹಾಗೆ ವರ್ತಿಸೋ ತರ ಮಾಡುವವನು ನಾನೇ.+

ವಿವೇಕಿಗಳ ಜ್ಞಾನವನ್ನ ಹುಚ್ಚುತನವನ್ನಾಗಿ ಮಾಡಿ

ಅವ್ರನ್ನ ಅವಮಾನಕ್ಕೆ ಗುರಿ ಮಾಡುವವನು ನಾನೇ.+

26 ತನ್ನ ಸೇವಕನ ಮಾತು ನಿಜವಾಗೋ ತರ ಮಾಡುವವನು,

ತನ್ನ ಸಂದೇಶವಾಹಕರ ಭವಿಷ್ಯವಾಣಿಗಳು ನೆರವೇರೋ ತರ ಮಾಡುವವನು ನಾನೇ.+

ಯೆರೂಸಲೇಮಿನ ಬಗ್ಗೆ ‘ಈ ಪಟ್ಟಣದಲ್ಲಿ ಜನ ವಾಸಿಸ್ತಾರೆ’ ಅಂತ ಹೇಳುವವನು,+

ಯೆಹೂದದ ಪಟ್ಟಣಗಳ ಬಗ್ಗೆ ‘ಅವುಗಳನ್ನ ಮತ್ತೆ ಕಟ್ಟಲಾಗುತ್ತೆ,+

ಅವುಗಳಲ್ಲಿ ಹಾಳಾಗಿ ಹೋದವುಗಳನ್ನ ನಾನು ಮತ್ತೆ ಸ್ಥಾಪಿಸ್ತೀನಿ’ ಅಂತ ಹೇಳುವವನು ನಾನೇ.+

27 ಆಳವಾದ ನೀರಿಗೆ ‘ಆವಿಯಾಗಿ ಹೋಗು,

ನಾನು ನಿನ್ನ ಎಲ್ಲ ನದಿಗಳನ್ನ ಬತ್ತಿಸ್ತೀನಿ’ ಅಂತ ಹೇಳುವವನು ನಾನೇ.+

28 ಕೋರೆಷನ+ ಬಗ್ಗೆ ‘ಇವನು ನನ್ನ ಮಂದೆಯನ್ನ ಕಾಯೋ ಕುರುಬ,

ಇವನು ನನ್ನ ಪ್ರತಿಯೊಂದು ಆಸೆಯನ್ನ ನಿಜ ಮಾಡ್ತಾನೆ’ ಅಂತ ಹೇಳುವವನು ನಾನೇ.+

ಯೆರೂಸಲೇಮ್‌ ಪಟ್ಟಣದ ಬಗ್ಗೆ ‘ಅದನ್ನ ಮತ್ತೆ ಕಟ್ಟಲಾಗುತ್ತೆ’ ಅಂತ ಹೇಳುವವನು

ದೇವಾಲಯದ ಬಗ್ಗೆ ‘ನಿನ್ನ ಅಡಿಪಾಯವನ್ನ ಹಾಕಲಾಗುತ್ತೆ’ ಅಂತ ಹೇಳುವವನು ನಾನೇ.”+