ಪುಸ್ತಕ

ದೇಶದ* ನಿವಾಸಿಗಳೆಲ್ಲ ನಡುಗಲಿ,

ಯಾಕಂದ್ರೆ ಯೆಹೋವನ ದಿನ ಬರ್ತಿದೆ!+ ಅದು ಹತ್ರವಾಗಿದೆ!

 2 ಅದು ಕತ್ತಲೆಯ ದಿನ, ಅದು ಮಬ್ಬಿನ ದಿನ,+

ಮೋಡಗಳು, ಕಾರ್ಮೋಡಗಳು ತುಂಬಿರೋ ದಿನ,+

ಸೂರ್ಯೋದಯದ ಮಸುಕು ಮಸುಕಾದ ಬೆಳಕು ಬೆಟ್ಟಗಳ ಮೇಲೆ ಹರಡ್ತಿರೋ ತರ ಆ ದಿನ ಇರುತ್ತೆ.

ಅಂಥ ಒಂದು ಸೈನ್ಯ ಹಿಂದೆ ಯಾವತ್ತೂ ಬರಲಿಲ್ಲ, ಮುಂದೆ ಯಾವತ್ತೂ ಬರಲ್ಲ,

ಎಷ್ಟೇ ತಲೆಮಾರು ಉರುಳಿದ್ರೂ ಅಂಥ ಸೈನ್ಯ ಬರಲ್ಲ.

 3 ಅದ್ರ ಮುಂದಿರೋ ಎಲ್ಲವನ್ನ ಬೆಂಕಿ ಸುಟ್ಟುಬಿಡುತ್ತೆ,

ಅದ್ರ ಹಿಂದಿರೋ ಎಲ್ಲವನ್ನ ಜ್ವಾಲೆ ಸುಟ್ಟುಬಿಡುತ್ತೆ.+

ಅದ್ರ ಎದುರಿಗೆ ಏದೆನ್‌ ತೋಟದ ತರ ಇರೋ ದೇಶವಿದೆ,+

ಆದ್ರೆ ಅದ್ರ ಹಿಂದೆ ನಿರ್ಜನ ಕಾಡಿದೆ,

ಯಾವುದೂ ಬದುಕಿ ಉಳಿಯಲ್ಲ.

 4 ಅವು ಕುದುರೆಗಳ ತರ ಕಾಣಿಸುತ್ತೆ,

ಯುದ್ಧ ಕುದುರೆಗಳ ತರ ಓಡುತ್ತೆ.+

 5 ಅವು ಬೆಟ್ಟಗಳ ಮೇಲೆ ಜಿಗಿದು ಬರೋ ಶಬ್ದ ರಥಗಳ ಶಬ್ದದ ತರ ಇದೆ,+

ಧಗಧಗ ಉರಿಯೋ ಬೆಂಕಿ ಒಣ ಹುಲ್ಲನ್ನ ಸುಡುವಾಗ ಬರೋ ಚಟಪಟ ಶಬ್ದದ ತರ ಇದೆ.

 7 ಅವು ವೀರ ಸೈನಿಕರ ತರ ದಾಳಿ ಮಾಡುತ್ತೆ,

ಸೈನಿಕರ ತರ ಗೋಡೆ ಹತ್ತುತ್ತೆ,

ಪ್ರತಿಯೊಂದು ತನ್ನ ಸಾಲಲ್ಲೇ ನಡೆಯುತ್ತೆ,

ತಮ್ಮ ದಾರಿ ಬಿಟ್ಟು ಆಚೀಚೆ ಹೋಗಲ್ಲ.

 8 ಅವು ಒಂದನ್ನೊಂದು ನೂಕಲ್ಲ,

ಪ್ರತಿಯೊಂದು ತನ್ನ ಸಾಲಲ್ಲೇ ಮುಂದೆ ಹೋಗುತ್ತೆ.

ಆಯುಧಗಳು* ಕೆಲವನ್ನ ಕೆಡವಿ ಹಾಕಿದ್ರೂ,

ಉಳಿದವು ಸಾಲುಗಳನ್ನ ಬಿಟ್ಟು ಚದರಲ್ಲ.

ಸೂರ್ಯ ಚಂದ್ರ ಕಪ್ಪಾಗಿವೆ,+

ನಕ್ಷತ್ರಗಳು ಹೊಳಪನ್ನ ಕಳ್ಕೊಂಡಿವೆ.

11 ಯೆಹೋವ ತನ್ನ ಸೈನ್ಯದ ಮುಂದೆ ಆರ್ಭಟಿಸ್ತಾನೆ,+

ಯಾಕಂದ್ರೆ ಆತನ ಸೈನ್ಯ ತುಂಬ ದೊಡ್ಡದು.+

ತನ್ನ ಮಾತನ್ನ ನೆರವೇರಿಸೋ ದೇವರಿಗೆ ತುಂಬ ಶಕ್ತಿ ಇದೆ,

ಯೆಹೋವನ ದಿನ ಮಹಾ ದಿನ, ಅತಿ ಭಯವಿಸ್ಮಯಕಾರಿ ಆಗಿದೆ.+

12 ಯೆಹೋವ ಹೇಳೋದು ಏನಂದ್ರೆ “ಈಗಲಾದ್ರೂ ನೀವು ಪೂರ್ಣ ಹೃದಯದಿಂದ ನನ್ನ ಹತ್ರ ವಾಪಸ್‌ ಬನ್ನಿ,+

ಉಪವಾಸ ಮಾಡ್ತಾ,+ ಅಳ್ತಾ, ಗೋಳಾಡ್ತಾ ನನ್ನ ಹತ್ರ ಬನ್ನಿ.

13 ನಿಮ್ಮ ಬಟ್ಟೆಗಳನ್ನಲ್ಲ,+ ಹೃದಯಗಳನ್ನ ಹರ್ಕೊಂಡು+

ನಿಮ್ಮ ದೇವರಾದ ಯೆಹೋವನ ಹತ್ರ ವಾಪಸ್‌ ಬನ್ನಿ,

ಯಾಕಂದ್ರೆ ಆತನು ಕನಿಕರ ಮತ್ತು ಕರುಣೆ ಇರೋ ದೇವರು,

ಆತನು ತಟ್ಟನೆ ಕೋಪ ಮಾಡ್ಕೊಳ್ಳಲ್ಲ,+ ಶಾಶ್ವತ ಪ್ರೀತಿಯನ್ನ ಧಾರಾಳವಾಗಿ ತೋರಿಸ್ತಾನೆ,+

ಆತನು ತನ್ನ ಮನಸ್ಸನ್ನ ಬದಲಾಯಿಸ್ಕೊಂಡು,* ತಾನು ತರಬೇಕಂತಿದ್ದ ನಾಶವನ್ನ ತರದೇ ಇರ್ತಾನೆ.

14 ಯಾರಿಗೆ ಗೊತ್ತು? ಆತನು ತನ್ನ ನಿರ್ಣಯದ ಬಗ್ಗೆ ಮತ್ತೆ ಯೋಚಿಸಿ ಮನಸ್ಸು ಬದಲಾಯಿಸಬಹುದು,+

ನೀವು ನಿಮ್ಮ ದೇವರಾದ ಯೆಹೋವನಿಗೆ ಧಾನ್ಯ ಅರ್ಪಣೆ ಮತ್ತು ಪಾನ ಅರ್ಪಣೆಯನ್ನ ಕೊಡೋಕೆ ಆತನು ನಿಮಗೆ ಆಶೀರ್ವಾದ ಮಾಡ್ಲೂ ಬಹುದು.

ಉಪವಾಸ ದಿನವನ್ನ ಪ್ರಕಟಿಸಿ,

ವಿಶೇಷ ಕೂಟಕ್ಕಾಗಿ ಸೇರಿಬರೋಕೆ ಕರೆಕೊಡಿ.+

17 ಯೆಹೋವನ ಸೇವೆಮಾಡೋ ಪುರೋಹಿತರು ದ್ವಾರಮಂಟಪ ಮತ್ತು ಯಜ್ಞವೇದಿ ಮಧ್ಯ ನಿಂತು ಅತ್ತು ಬೇಡ್ತಾ,+

‘ಯೆಹೋವನೇ, ನಿನ್ನ ಜನ್ರಿಗೆ ದಯೆ ತೋರಿಸಪ್ಪಾ,

ನಿನ್ನ ಆಸ್ತಿಯಾಗಿರೋ ಇಸ್ರಾಯೇಲ್ಯರ ಮೇಲೆ ಬೇರೆ ಜನಾಂಗಗಳು ಆಳ್ವಿಕೆ ಮಾಡೋ ತರ ಬಿಟ್ಟು ನಿನ್ನ ಜನ್ರನ್ನ ಅವಮಾನಕ್ಕೆ ಗುರಿಮಾಡಬೇಡ.

18 ಆಗ ಯೆಹೋವ ಹುಮ್ಮಸ್ಸಿಂದ ತನ್ನ ದೇಶವನ್ನ ಕಾಪಾಡ್ತಾನೆ,

ತನ್ನ ಜನ್ರಿಗೆ ಅನುಕಂಪ ತೋರಿಸ್ತಾನೆ.+

‘ನಾನು ನಿಮಗೆ ಧಾನ್ಯ, ಹೊಸ ದ್ರಾಕ್ಷಾಮದ್ಯ, ಎಣ್ಣೆ ಕೊಡ್ತೀನಿ,

ನೀವು ಅವುಗಳಿಂದ ಸಂತೃಪ್ತರಾಗ್ತೀರ,+

ಇನ್ಮುಂದೆ ನೀವು ಬೇರೆ ಜನಾಂಗಗಳ ಮಧ್ಯ ಅವಮಾನಕ್ಕೆ ಗುರಿಯಾಗೋಕೆ ನಾನು ಬಿಡಲ್ಲ.+

20 ಉತ್ತರ ದಿಕ್ಕಿಂದ ಬರುವವನನ್ನ ನಾನು ನಿಮ್ಮಿಂದ ದೂರ ಓಡಿಸಿ ಬಿಡ್ತೀನಿ,

ಅವನನ್ನ ಒಣಗಿ ಹೋಗಿರೋ ನಿರ್ಜನವಾದ ಬಂಜರುಪ್ರದೇಶಕ್ಕೆ ಅಟ್ಟಿಬಿಡ್ತೀನಿ.

ಅವನ ಮುಂಭಾಗದ ಸೈನ್ಯವನ್ನ ಪೂರ್ವದ ಸಮುದ್ರಕ್ಕೆ* ಎಸೆದು ಬಿಡ್ತೀನಿ,

ಅವನ ಹಿಂಭಾಗದ ಸೈನ್ಯವನ್ನ ಪಶ್ಚಿಮ ಸಮುದ್ರಕ್ಕೆ* ಎಸೆದು ಬಿಡ್ತೀನಿ.

ಅವನ ಹೆಣದ ಗಬ್ಬುನಾತ ದೇಶದಲ್ಲೆಲ್ಲ ಹರಡುತ್ತೆ,+

ಯಾಕಂದ್ರೆ ದೇವರು ಮಹತ್ಕಾರ್ಯಗಳನ್ನ ಮಾಡ್ತಾನೆ.’

22 ಪ್ರಾಣಿಗಳೇ, ಹೆದರಬೇಡಿ,

ಕಾಡಿನ ಹುಲ್ಲುಗಾವಲುಗಳು ಹಚ್ಚಹಸಿರಾಗಿ ಕಂಗೊಳಿಸುತ್ತೆ,+

ಮರಗಳು ಹಣ್ಣು ಬಿಡುತ್ತೆ,+

ಅಂಜೂರದ ಮರ, ದ್ರಾಕ್ಷಿಬಳ್ಳಿ ಸಮೃದ್ಧ ಫಲ ಕೊಡುತ್ತೆ.+

23 ಚೀಯೋನಿನ ಜನ್ರೇ, ನಿಮ್ಮ ದೇವರಾದ ಯೆಹೋವನಲ್ಲಿ ಹರ್ಷಿಸಿ, ಉಲ್ಲಾಸಿಸಿ,+

ಆತನು ನಿಮಗೆ ಶರತ್ಕಾಲದ ಮಳೆಯನ್ನ ಬೇಕಾಗುವಷ್ಟೇ ಕೊಡ್ತಾನೆ,

ಧಾರಾಕಾರವಾಗಿ ಮಳೆ ಸುರಿಸ್ತಾನೆ,

ಮುಂಚಿನ ತರಾನೇ ನಿಮಗೆ ಶರತ್ಕಾಲದ ಮಳೆಯನ್ನೂ ವಸಂತಕಾಲದ ಮಳೆಯನ್ನೂ ಕೊಡ್ತಾನೆ.+

24 ಕಣಗಳಲ್ಲಿ ಧಾನ್ಯ ರಾಶಿರಾಶಿ ಆಗಿರುತ್ತೆ,

ತೊಟ್ಟಿಗಳಲ್ಲಿ ದ್ರಾಕ್ಷಾಮದ್ಯನೂ ಗಾಣಗಳಲ್ಲಿ ಎಣ್ಣೆನೂ ತುಂಬಿತುಳುಕುತ್ತೆ.+

25 ನಾನು ನಿಮ್ಮ ಮಧ್ಯ ಕಳಿಸಿದ ದೊಡ್ಡ ಸೈನ್ಯ

ಅಂದ್ರೆ ಹಿಂಡು ಹಿಂಡಾಗಿರೋ ಮಿಡತೆಗಳು, ರೆಕ್ಕೆ ಬೆಳೆದಿರದ ಮಿಡತೆಗಳು, ವಿನಾಶಕಾರಿ ಮಿಡತೆಗಳು, ಹೊಟ್ಟೆಬಾಕ ಮಿಡತೆಗಳು ಇಷ್ಟು ವರ್ಷ ಏನೆಲ್ಲ ತಿಂದು ಹಾಕಿದ್ವೋ+

ಅದನ್ನೆಲ್ಲ ನಾನು ನಿಮಗೆ ವಾಪಸ್‌ ಕೊಡ್ತೀನಿ.

26 ನಿಮಗೆ ಬೇಕಾದಷ್ಟು ಆಹಾರ ಸಿಗೋದು ಖಂಡಿತ,+

ನೀವು ನಿಮ್ಮ ದೇವರಾದ ಯೆಹೋವನ ಹೆಸ್ರನ್ನ ಹೊಗಳ್ತೀರ,+

ನಿಮಗೋಸ್ಕರ ಆತನು ಅದ್ಭುತಗಳನ್ನ ಮಾಡಿದ್ದಾನೆ,

ನನ್ನ ಜನ್ರು ಇನ್ನು ಯಾವತ್ತೂ ಅವಮಾನಕ್ಕೆ ಗುರಿ ಆಗಲ್ಲ.+

27 ನಾನು ಇಸ್ರಾಯೇಲಿನ ಮಧ್ಯ ಇದ್ದೀನಿ ಅಂತಾನೂ+

ನಾನೇ ನಿಮ್ಮ ದೇವರಾದ ಯೆಹೋವ+ ಅಂತಾನೂ

ನನ್ನನ್ನ ಬಿಟ್ಟು ಬೇರೆ ದೇವರಿಲ್ಲ ಅಂತಾನೂ

ನೀವು ತಿಳ್ಕೊಬೇಕಾಗುತ್ತೆ!

28 ಆಮೇಲೆ ನಾನು ಎಲ್ಲ ರೀತಿಯ ಜನ್ರ ಮೇಲೆ ನನ್ನ ಪವಿತ್ರಶಕ್ತಿ ಸುರಿಸ್ತೀನಿ,+

ನಿಮ್ಮ ಮಕ್ಕಳು ಭವಿಷ್ಯವಾಣಿ ಹೇಳ್ತಾರೆ,

ನಿಮ್ಮ ವೃದ್ಧರಿಗೆ ಕನಸುಗಳು ಬೀಳುತ್ತೆ,

ನಿಮ್ಮ ಯುವಕರು ದರ್ಶನಗಳನ್ನ ನೋಡ್ತಾರೆ.+

29 ಆ ದಿನಗಳಲ್ಲಿ ನಾನು ನನ್ನ ದಾಸದಾಸಿಯರ ಮೇಲೂ

ನನ್ನ ಪವಿತ್ರಶಕ್ತಿ ಸುರಿಸ್ತೀನಿ.

30 ನಾನು ಆಕಾಶದಲ್ಲೂ ಭೂಮಿ ಮೇಲೂ ಅದ್ಭುತಗಳನ್ನ ಮಾಡ್ತೀನಿ,

ಅಲ್ಲಿ ರಕ್ತ, ಬೆಂಕಿ ಮತ್ತು ದಟ್ಟ ಹೊಗೆ ಇರುತ್ತೆ.+

31 ಯೆಹೋವನ ಮಹಾದಿನ, ಭಯವಿಸ್ಮಯಕಾರಿ ದಿನ ಬರೋದಕ್ಕೆ ಮುಂಚೆ+

ಸೂರ್ಯ ಕತ್ತಲಾಗ್ತಾನೆ, ಚಂದ್ರ ರಕ್ತದ ಹಾಗೆ ಕೆಂಪಾಗ್ತಾನೆ.+

32 ಯೆಹೋವನ ಹೆಸ್ರು ಹೇಳಿ ಪ್ರಾರ್ಥಿಸೋ ಪ್ರತಿಯೊಬ್ಬನು ರಕ್ಷಣೆ ಪಡಿತಾನೆ,+

ಯಾಕಂದ್ರೆ ಯೆಹೋವ ಹೇಳಿದ ಹಾಗೆ, ಚೀಯೋನ್‌ ಬೆಟ್ಟದ ಮೇಲೂ ಯೆರೂಸಲೇಮಲ್ಲೂ ಪಾರಾದವರು ಇರ್ತಾರೆ,+

ಯೆಹೋವ ಯಾರನ್ನ ಕರೆದಿದ್ದಾನೋ ಆ ಜೀವಂತ ಉಳಿದಿರೋ ಜನ್ರಲ್ಲಿ ಅವರು ಕೂಡ ಇರ್ತಾರೆ.”