Yisaya

60 “Ee mwasi, tɛlɛmá,+ pesá pole,+ mpo pole na yo eyei+ mpe nkembo ya Yehova engɛngɛli yo.+ 2 Mpo talá! molili+ ekozipa mabele, mpe molili tuu ekozipa bituluku ya bato ya bikólo; kasi Yehova akongɛngɛla yo, mpe nkembo na ye ekomonana likoló na yo.+ 3 Mpe bikólo bakokende mpenza epai pole na yo ezali,+ mpe bakonzi+ epai kongɛnga na yo ezali.+

4 “Tombolá miso na yo epai na epai mpe talá! Bayanganisami bango nyonso;+ bayei epai na yo.+ Bana na yo ya mibali bauti mosika bazali kaka koya, ná bana na yo ya basi oyo bato bamemi na loketo mpe bazali kobatela.+ 5 Na ntango yango okomona mpe okotonda mpenza na esengo,+ mpe motema na yo ekolɛnga mpenza mpe ekovimba, mpo bozwi ya mbu ekoleka epai na yo; biloko ya bikólo ekoya epai na yo.+ 6 Ebele ya bakamela oyo ezali kopumbwapumbwa ekozipa yo, bana ya kamela ya mibali ya Midiane mpe ya Efa.+ Baoyo nyonso bauti na Sheba+—bakoya. Bakomema wolo ná olibana. Mpe bakosakola masanzoli ya Yehova.+ 7 Bitonga nyonso ya Kedare+—ekoyanganisama epai na yo. Bampate-mibali ya Nebayote+—ekosalela yo.+ Ekomata na etumbelo+ na ngai mpe ekondimama mpenza, mpe nakobakisa kitoko ya ndako na ngai ya kitoko.+

8 “Banani wana bazali koya, bazali kopumbwa lokola lipata,+ mpe lokola bibenga oyo ezali koya na minɔkɔ ya ndako ya bibenga? 9 Mpo bisanga ekokoba kotyela ngai elikya,+ bamasuwa ya Tarasisi+ yango mpe, lokola na ebandeli, mpo na kouta na bana na yo mosika,+ bakozala na palata na bango mpe wolo na bango,+ bakoya epai nkombo+ ya Yehova Nzambe na yo ezali mpe epai ya Mosantu ya Yisraele,+ mpo akokómisa yo kitoko.+ 10 Mpe bapaya bakotonga mpenza bifelo na yo,+ mpe bakonzi na bango bakosalela yo;+ mpo na nkanda na ngai nakobɛta yo,+ kasi na boboto na ngai nakoyokela mpenza yo mawa.+

11 “Mpe baporte na yo ekotikala mpenza polele ntango nyonso;+ ekokangama te ezala na moi to na butu, mpo na komemela yo biloko ya bikólo,+ mpe bakonzi na bango nde bakokamba.+ 12 Mpo ekólo nyonso to bokonzi nyonso oyo ekosalela yo te ekokufa; mpe bikólo ekobebisama mpenza.+

13 “Nkembo ya Libá ekoya epai na yo, nzete ya jenevriye, nzete ya frɛnɛ mpe nzete ya siprɛ kaka na mbala moko,+ mpo na kokómisa esika na ngai mosantu kitoko;+ mpe nakokumisa esika ya makolo na ngai.+

14 “Mpe bana ya baoyo bazali komonisa yo mpasi bakoya mpenza epai na yo, bagumbami;+ mpe baoyo nyonso bazali komemya yo te bakofukama na makolo na yo,+ mpe ya solo bakobenga yo engumba ya Yehova, Siona+ ya Mosantu ya Yisraele.

15 “Na esika ete ozala engumba oyo basundolá mpenza mpe oyo eyinamá, ná moto moko te oyo azali koleka kuna,+ nakokómisa yo eloko ya kodondwela yango mpo na ntango oyo etyami ndelo te, nsai monene libota na libota.+ 16 Mpe okomɛla mpenza miliki ya bikólo,+ mpe okomɛla libɛlɛ ya bakonzi;+ mpe okoyeba mpenza ete ngai, Yehova,+ nazali Mobikisi na yo,+ mpe ete Oyo na Nguya+ ya Yakobo azali Mosikoli na yo.+ 17 Na esika ya motako nakotya wolo,+ mpe na esika ya ebende nakotya palata, mpe na esika ya nzete, motako, mpe na esika ya mabanga, ebende; mpe nakotya kimya ezala bakɛngɛli+ na yo mpe boyengebene ezala bato oyo bapesaka yo mosala.+

18 “Mobulu ekoyokana lisusu te na mokili na yo, kopunzama to kobukana na kati ya bandelo na yo.+ Mpe okobenga bifelo na yo Lobiko+ mpe baporte na yo Lisanzoli. 19 Mpo na yo moi ekozala pole lisusu te na ntango ya moi, mpe kongɛnga ya sanza ekopesa yo pole lisusu te. Mpe Yehova akokóma mpenza na miso na yo pole oyo ezali koumela mpo na ntango oyo etyami ndelo te,+ mpe Nzambe na yo akokóma kitoko na yo.+ 20 Moi na yo ekolala lisusu te, sanza na yo mpe ekolimwa te; mpamba te Yehova ye moko akokóma pole na yo oyo ekoumela mpo na ntango oyo etyami ndelo te,+ mpe mikolo ya kolela na yo ekosila.+ 21 Bongo bato na yo, bango nyonso bakozala bayengebene;+ bakozwa mokili mpo na ntango oyo etyami ndelo te,+ mwa nzete ya elanga naloná,+ mosala ya mabɔkɔ na ngai,+ mpo nakóma kitoko.+ 22 Oyo ya moke akokóma nkóto moko (1 000), mpe oyo azali mpamba akokóma ekólo ya nguya.+ Ngai Yehova nakokolisa yango mbangu na ntango na yango.”+