സെഖര്യ
9 ഒരു പ്രഖ്യാപനം:
“യഹോവയുടെ വാക്കുകൾ ഹദ്രാക്ക്‌ ദേശത്തിന്‌ എതിരെ തിരിഞ്ഞിരിക്കുന്നു;
ദമസ്‌കൊസിനെ അതു ലക്ഷ്യം വെച്ചിരിക്കുന്നു;*+
—യഹോവയുടെ കണ്ണുകൾ മനുഷ്യവർഗത്തെയും+
ഇസ്രായേലിന്റെ എല്ലാ ഗോത്രങ്ങളെയും നിരീക്ഷിക്കുന്നല്ലോ.—
2 അവളുടെ അതിർത്തിയിലുള്ള ഹമാത്തിനു+ നേരെയും അതു വന്നിരിക്കുന്നു;
സോരും+ സീദോനും+ വലിയ ജ്ഞാനികളായതുകൊണ്ട്‌+ അവർക്കു നേരെയും അതു തിരിഞ്ഞിരിക്കുന്നു.
3 സോർ ഒരു പ്രതിരോധമതിൽ* പണിതു;
അവൾ മണൽപോലെ വെള്ളി കുന്നുകൂട്ടി;
തെരുവിലെ ചെളിപോലെ സ്വർണം വാരിക്കൂട്ടി.+
4 യഹോവ അവളുടെ സമ്പത്ത്‌ ഇല്ലാതാക്കും;
അവളുടെ സൈന്യത്തെ തോൽപ്പിച്ച്‌ കടലിൽ തള്ളും;*+
അവളെ തീയിട്ട്‌ നശിപ്പിക്കും.+
5 അസ്‌കലോൻ അതു കണ്ട്‌ പേടിച്ചുപോകും;
ഗസ്സയ്‌ക്കു വല്ലാത്ത പരിഭ്രമം തോന്നും;
എക്രോൻ പ്രതീക്ഷ വെച്ചിരുന്നവൾ നാണംകെട്ടുപോയതിനാൽ എക്രോനും ഭയപ്പെടും.
ഗസ്സയിലെ ഒരു രാജാവ്‌ നശിച്ചുപോകും;
അസ്‌കലോനിൽ ആൾപ്പാർപ്പുണ്ടാകില്ല.+
6 അവിഹിതബന്ധത്തിൽ ജനിച്ച ഒരുവൻ അസ്‌തോദിൽ താമസമാക്കും;
ഫെലിസ്‌ത്യന്റെ അഹങ്കാരം ഞാൻ ഇല്ലാതാക്കും.+
7 ഞാൻ അവന്റെ വായിൽനിന്ന്‌ രക്തക്കറ പുരണ്ട വസ്‌തുക്കളും
അവന്റെ പല്ലുകൾക്കിടയിൽനിന്ന്‌ അറപ്പുളവാക്കുന്ന സാധനങ്ങളും നീക്കിക്കളയും.
നമ്മുടെ ദൈവത്തിനായി അവൻ ബാക്കിയാകും;
അവൻ യഹൂദയിൽ ഒരു പ്രഭുവിനെപ്പോലെയായിത്തീരും;*+
എക്രോനിലുള്ളവർ യബൂസ്യരെപ്പോലെയാകും.+
8 ഞാൻ ഒരു കാവൽക്കാരനെപ്പോലെ* എന്റെ ഭവനത്തിനുവേണ്ടി കൂടാരം അടിച്ച്‌ കഴിയും;+
ആരും അവിടേക്കു വരാതെയും അവിടെനിന്ന്‌ പോകാതെയും ഞാൻ നോക്കും.
ഞാൻ അത്‌* എന്റെ കണ്ണുകൊണ്ട്‌ കണ്ടിരിക്കുന്നു;+
അവരെക്കൊണ്ട്‌ പണിയെടുപ്പിക്കുന്നവർ ആരും* ഇനി അതുവഴി പോകില്ല.
9 സീയോൻപുത്രീ, സന്തോഷിച്ചാർക്കുക.
യരുശലേംപുത്രീ, ജയഘോഷം മുഴക്കുക.
ഇതാ, നിന്റെ രാജാവ്‌ വരുന്നു.+
അവൻ നീതിമാൻ, അവൻ രക്ഷ നൽകുന്നു;*
അവൻ താഴ്‌മയോടെ+ കഴുതപ്പുറത്ത്‌ വരുന്നു;
കഴുതക്കുട്ടിയുടെ,* പെൺകഴുതയുടെ കുട്ടിയുടെ, പുറത്ത്‌ കയറി വരുന്നു.+
10 ഞാൻ എഫ്രയീമിൽനിന്ന്‌ യുദ്ധരഥങ്ങളെയും
യരുശലേമിൽനിന്ന്‌ കുതിരകളെയും നീക്കിക്കളയും;
യോദ്ധാക്കളുടെ വില്ല്‌ എടുത്തുമാറ്റും.
അവൻ ജനതകളോടു സമാധാനം ഘോഷിക്കും;+
അവൻ സമുദ്രംമുതൽ സമുദ്രംവരെയും
11 സ്‌ത്രീയേ, നിന്റെ ഉടമ്പടിയുടെ രക്തത്താൽ
ഞാൻ നിന്റെ തടവുകാരെ വെള്ളമില്ലാത്ത കുഴികളിൽനിന്ന്‌ സ്വതന്ത്രരാക്കും.+
12 പ്രത്യാശയോടെ കഴിയുന്ന തടവുകാരേ, കോട്ടയിലേക്കു തിരിച്ചുപോകുക.+
ഞാൻ ഇന്നു നിന്നോടു പറയുന്നു:
‘സ്‌ത്രീയേ, ഞാൻ നിനക്കു പ്രതിഫലം തരും, ഇരട്ടി പങ്കു തരും.+
13 ഞാൻ എന്റെ വില്ലുപോലെ യഹൂദയെ വളയ്‌ക്കും.*
ആ വില്ലിൽ ഞാൻ എഫ്രയീമിനെ ഒരു അമ്പുപോലെ വെക്കും.
സീയോനേ, ഞാൻ നിന്റെ പുത്രന്മാരെ ഉണർത്തും,
ഗ്രീസേ, നിന്റെ പുത്രന്മാർക്കെതിരെ ഞാൻ അവരെ ഉണർത്തും.
ഞാൻ നിന്നെ ഒരു പടയാളിയുടെ വാൾപ്പോലെയാക്കും.’
14 അവരുടെ മീതെ യഹോവയെ കാണാനാകും;
ദൈവത്തിന്റെ അമ്പു മിന്നൽപോലെ പായും.
പരമാധികാരിയായ യഹോവ കൊമ്പു വിളിക്കും;+
തെക്കുനിന്നുള്ള കൊടുങ്കാറ്റുമായി മുന്നേറും.
15 സൈന്യങ്ങളുടെ അധിപനായ യഹോവ അവർക്കുവേണ്ടി പോരാടും;
അവർ കവണക്കല്ലുകൾ വിഴുങ്ങും, അവയെ കീഴടക്കും.+
അവർ കുടിക്കും, വീഞ്ഞു കുടിച്ചവരെപ്പോലെ ബഹളം ഉണ്ടാക്കും;
അവർ യാഗപീഠത്തിന്റെ മൂലകൾപോലെ,+
അവിടത്തെ പാത്രംപോലെ, നിറഞ്ഞിരിക്കും.
16 ഒരു ഇടയൻ ആട്ടിൻപറ്റത്തെ രക്ഷിക്കുന്നതുപോലെ
അന്ന്‌ അവരുടെ ദൈവമായ യഹോവ അവരെ രക്ഷിക്കും.+
കിരീടത്തിലെ രത്‌നങ്ങൾപോലെ അവർ ദൈവത്തിന്റെ മണ്ണിൽ തിളങ്ങും.+
ധാന്യം ചെറുപ്പക്കാർക്കും
പുതുവീഞ്ഞു കന്യകമാർക്കും ശക്തി പകരും.”+