സുഭാഷിതങ്ങൾ
10 ശലോമോന്റെ ജ്ഞാനമൊഴികൾ.+
ജ്ഞാനിയായ മകൻ അപ്പനു സന്തോഷം നൽകുന്നു;+
എന്നാൽ വിഡ്‌ഢിയായ മകൻ അമ്മയ്‌ക്കു തീരാവേദനയാണ്‌.
3 നീതിമാൻ വിശന്നിരിക്കാൻ യഹോവ സമ്മതിക്കില്ല;+
എന്നാൽ ദുഷ്ടന്‌, അവൻ കൊതിക്കുന്നതു ദൈവം കൊടുക്കില്ല.
5 ഉൾക്കാഴ്‌ചയുള്ള മകൻ വേനൽക്കാലത്ത്‌ വിളവ്‌ ശേഖരിക്കുന്നു;
എന്നാൽ നാണംകെട്ടവൻ കൊയ്‌ത്തുകാലത്ത്‌ കിടന്നുറങ്ങുന്നു.+
7 നീതിമാനെക്കുറിച്ചുള്ള ഓർമയെ* അനുഗ്രഹം കാത്തിരിക്കുന്നു.+
എന്നാൽ ദുഷ്ടന്മാരുടെ പേര്‌ ചീഞ്ഞഴുകും.+
9 നിഷ്‌കളങ്കമായി* നടക്കുന്നവൻ സുരക്ഷിതനായിരിക്കും;+
എന്നാൽ വളഞ്ഞ വഴികളിലൂടെ സഞ്ചരിക്കുന്നവൻ പിടിയിലാകും.+
13 വകതിരിവുള്ളവന്റെ ചുണ്ടിൽ ജ്ഞാനമുണ്ട്‌;+
എന്നാൽ സാമാന്യബോധമില്ലാത്തവന്റെ മുതുകിൽ അടി വീഴും.+
14 ബുദ്ധിമാന്മാർ അറിവിനെ ഒരു നിധിപോലെ കാത്തുസൂക്ഷിക്കുന്നു;*+
എന്നാൽ വിഡ്‌ഢികളുടെ വായ്‌ നാശം ക്ഷണിച്ചുവരുത്തുന്നു.+
15 പണക്കാരനു തന്റെ സമ്പത്തു* ബലമുള്ള ഒരു നഗരം;
എന്നാൽ പാവപ്പെട്ടവരുടെ ദാരിദ്ര്യം അവരുടെ നാശം.+
16 നീതിമാന്റെ പ്രവൃത്തികൾ ജീവനിലേക്കു നയിക്കുന്നു;
എന്നാൽ ദുഷ്ടന്റെ ചെയ്‌തികൾ പാപത്തിലേക്കു പോകുന്നു.+
17 ശിക്ഷണം സ്വീകരിക്കുന്നവൻ ജീവനിലേക്കുള്ള വഴിയാണ്‌;*
എന്നാൽ ശാസന തള്ളിക്കളയുന്നവൻ ആളുകളെ വഴിതെറ്റിക്കുന്നു.
21 നീതിമാന്റെ വായ്‌ അനേകരെ പോറ്റിപ്പുലർത്തുന്നു;*+
എന്നാൽ ബുദ്ധിയില്ലാത്തതുകൊണ്ട്‌ വിഡ്‌ഢികൾ മരിക്കുന്നു.+
23 നാണംകെട്ട കാര്യങ്ങൾ ചെയ്യുന്നതു വിഡ്‌ഢിക്ക്‌ ഒരു വിനോദം;
എന്നാൽ വകതിരിവുള്ളവനു ജ്ഞാനമുണ്ട്‌.+
24 ദുഷ്ടൻ പേടിക്കുന്നതുതന്നെ അവനു സംഭവിക്കും;
എന്നാൽ നീതിമാന്റെ ആഗ്രഹങ്ങളെല്ലാം നിറവേറും.+
25 കൊടുങ്കാറ്റ്‌ അടിക്കുമ്പോൾ ദുഷ്ടൻ ഇല്ലാതാകുന്നു;+
എന്നാൽ നീതിമാൻ എന്നും നിൽക്കുന്ന ഒരു അടിസ്ഥാനമാണ്‌.+
27 യഹോവയോടുള്ള ഭയഭക്തി ആയുസ്സു നീട്ടിത്തരുന്നു;+
എന്നാൽ ദുഷ്ടന്മാരുടെ വർഷങ്ങൾ വെട്ടിച്ചുരുക്കപ്പെടും.+
28 നീതിമാന്മാരുടെ പ്രതീക്ഷകൾ* അവർക്കു സന്തോഷം നൽകുന്നു;+
എന്നാൽ ദുഷ്ടന്മാരുടെ പ്രത്യാശ ഇല്ലാതാകും.+
29 യഹോവയുടെ വഴി നിഷ്‌കളങ്കർക്ക്‌ ഒരു സുരക്ഷിതസ്ഥാനം;+
എന്നാൽ ദുഷ്ടത ചെയ്യുന്നവർക്ക്‌ അതു നാശം വരുത്തുന്നു.+
31 നീതിമാന്മാരുടെ വായിൽനിന്ന്‌ ജ്ഞാനം പുറപ്പെടുന്നു;
എന്നാൽ വഞ്ചനയോടെ സംസാരിക്കുന്ന നാവ്‌ മുറിച്ചുകളയും.
32 നീതിമാന്റെ നാവിനു ഹൃദ്യമായി സംസാരിക്കാൻ അറിയാം;
എന്നാൽ ദുഷ്ടന്റെ വായ്‌ വഞ്ചന നിറഞ്ഞതാണ്‌.