ബൈബിൾ പുസ്‌തക നമ്പർ 5—ആവർത്തനപുസ്‌തകം

എഴുത്തുകാരൻ: മോശ

എഴുതിയ സ്ഥലം: മോവാബ്‌ സമഭൂമി

എഴുത്തു പൂർത്തി​യാ​യത്‌: പൊ.യു.മു. 1473

ഉൾപ്പെട്ടിരിക്കുന്ന കാലം: 2 മാസം (പൊ.യു.മു. 1473)

1. വാഗ്‌ദ​ത്ത​ദേ​ശ​ത്തേ​ക്കു​ളള ഇസ്രാ​യേ​ലി​ന്റെ പ്രവേ​ശ​ന​ത്തോ​ടു​ളള ബന്ധത്തിൽ ഏതു ചോദ്യ​ങ്ങൾ ചോദി​ക്കാ​വു​ന്ന​താണ്‌?

ആവർത്ത​ന​പു​സ്‌ത​ക​ത്തിൽ യഹോ​വ​യു​ടെ ജനത്തി​നു​വേണ്ടി ഒരു തീക്ഷ്‌ണ​മായ സന്ദേശം അടങ്ങി​യി​രി​ക്കു​ന്നു. മരുഭൂ​മി​യിൽ 40 വർഷം അലഞ്ഞു​ന​ട​ന്ന​ശേഷം ഇസ്രാ​യേൽപു​ത്രൻമാർ ഇപ്പോൾ വാഗ്‌ദ​ത്ത​ദേ​ശ​ത്തി​ന്റെ കവാട​ത്തി​ങ്കൽ നിലയു​റ​പ്പി​ച്ചു. അവരുടെ മുമ്പാകെ സ്ഥിതി​ചെ​യ്‌തത്‌ എന്തായി​രു​ന്നു? യോർദാ​ന്റെ മറുക​ര​യിൽ അവർ അഭിമു​ഖീ​ക​രി​ക്കാ​നി​രുന്ന പ്രത്യേക പ്രശ്‌നങ്ങൾ എന്തായി​രു​ന്നു? മോശക്ക്‌ അന്തിമ​മാ​യി ജനത​യോട്‌ എന്തു പറയാ​നു​ണ്ടാ​യി​രി​ക്കും? ഈ ചോദ്യ​ങ്ങ​ളു​ടെ ഉത്തരങ്ങൾ അറിയു​ന്നത്‌ ഇന്നു നമുക്കു പ്രയോ​ജ​ന​പ്ര​ദ​മാ​യി​രി​ക്കു​ന്നത്‌ എന്തു​കൊണ്ട്‌ എന്നും നമുക്കു ചോദി​ക്കാ​വു​ന്ന​താണ്‌.

2. ഏതു മുന്തിയ വിധത്തിൽ ആവർത്ത​ന​പു​സ്‌തകം പ്രധാ​ന​മാണ്‌?

² മോശ പറഞ്ഞതും ബൈബി​ളി​ലെ അഞ്ചാമത്തെ പുസ്‌ത​ക​മായ ആവർത്ത​ന​പു​സ്‌ത​ക​ത്തിൽ അവൻ എഴുതി​യ​തു​മായ വചനങ്ങ​ളിൽ ഉത്തരങ്ങൾ കാണാ​വു​ന്ന​താണ്‌. ആവർത്ത​ന​പു​സ്‌തകം മുൻ പുസ്‌ത​ക​ങ്ങ​ളി​ലെ വളരെ​യ​ധി​കം കാര്യങ്ങൾ വീണ്ടും പ്രസ്‌താ​വി​ക്കു​ന്നു​ണ്ടെ​ങ്കി​ലും അത്‌ അതിന്റെ സ്വന്തം മുന്തിയ വിധത്തിൽ മൂല്യ​വ​ത്താണ്‌. എന്തു​കൊണ്ട്‌? അതു യഹോ​വ​യു​ടെ ജനത്തിന്റെ ചരി​ത്ര​ത്തിൽ ശക്തിമ​ത്തായ നേതൃ​ത്വ​വും ക്രിയാ​ത്മ​ക​മായ മാർഗ​നിർദേ​ശ​വും യഥാർഥ​മാ​യി ആവശ്യ​മാ​യി​രുന്ന ഒരു സമയത്തു പ്രദാ​നം​ചെ​യ്‌ത​താ​ക​യാൽ ദിവ്യ​സ​ന്ദേ​ശ​ത്തി​നു ദൃഢത കൂട്ടുന്നു. അവർ ഒരു പുതിയ നേതാ​വിൻകീ​ഴിൽ വാഗ്‌ദ​ത്ത​ദേ​ശത്തു പ്രവേ​ശി​ക്കാൻ പോകു​ക​യാ​യി​രു​ന്നു. മുന്നോ​ട്ടു​പോ​കാൻ അവർക്കു പ്രോ​ത്സാ​ഹനം ആവശ്യ​മാ​യി​രു​ന്നു. അതേസ​മയം, യഹോ​വ​യു​ടെ അനു​ഗ്ര​ഹ​ത്തി​ലേക്കു നയിക്കുന്ന ശരിയായ ഗതി സ്വീക​രി​ക്കാൻ അവരെ പ്രാപ്‌ത​രാ​ക്കു​ന്ന​തിന്‌ അവർക്കു ദിവ്യ മുന്നറി​യി​പ്പും ആവശ്യ​മാ​യി​രു​ന്നു.

3. മോശ ആവർത്ത​ന​പു​സ്‌ത​ക​ത്തി​ലു​ട​നീ​ളം എന്ത്‌ ഊന്നി​പ്പ​റ​യു​ന്നു, ഇത്‌ ഇന്നു നമുക്കു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

³ ആവശ്യ​ത്തിന്‌ അനുസൃ​ത​മാ​യി, അനുസ​ര​ണ​വും വിശ്വ​സ്‌ത​ത​യു​മു​ള​ള​വ​രാ​യി​രി​ക്കു​ന്ന​തിന്‌ ഇസ്രാ​യേ​ലി​നോ​ടു വളച്ചു​കെ​ട്ടി​ല്ലാത്ത ഒരു അഭ്യർഥന നടത്താൻ മോശ യഹോ​വ​യു​ടെ ആത്മാവി​നാൽ ശക്തമായി പ്രേരി​ത​നാ​യി. മുഴു​പു​സ്‌ത​ക​ത്തി​ലും ഉടനീളം, സമ്പൂർണ​ഭക്തി നിഷ്‌കർഷി​ക്കു​ക​യും തന്റെ ജനം തന്നെ ‘പൂർണ ഹൃദയ​ത്തോ​ടും പൂർണ​ദേ​ഹി​യോ​ടും തങ്ങളുടെ പൂർണ ജീവശ​ക്തി​യോ​ടും കൂടെ സ്‌നേ​ഹി​ക്കണ’മെന്ന്‌ ആഗ്രഹി​ക്കു​ക​യും ചെയ്യുന്ന അത്യുന്നത ദൈവ​മാ​ണു യഹോ​വ​യെന്ന്‌ അവൻ ഊന്നി​പ്പ​റ​യു​ന്നു. അവൻ “ദൈവ​ങ്ങ​ളു​ടെ ദൈവ​വും കർത്താ​ക്കൻമാ​രു​ടെ കർത്താ​വു​മാ​യി വലിയ​വ​നും ശക്തനും ഭയാവ​ഹ​നു​മായ ദൈവ​മാ​കു​ന്നു.” അവൻ മാത്സര്യം പൊറു​ക്കു​ന്നില്ല. അവനെ അനുസ​രി​ക്കു​ന്നതു ജീവൻ കൈവ​രു​ത്തു​ന്നു, അനുസ​രി​ക്കാ​തി​രി​ക്കു​ന്നതു മരണവും. ആവർത്ത​ന​പു​സ്‌ത​ക​ത്തിൽ നൽകിയ യഹോ​വ​യു​ടെ പ്രബോ​ധനം ഇസ്രാ​യേ​ലി​ന്റെ മുമ്പാകെ സ്ഥിതി​ചെയ്‌ത അതി​പ്ര​ധാന ജോലി​കൾക്ക്‌ ആവശ്യ​മാ​യി​രുന്ന ഒരുക്ക​ലും ബുദ്ധ്യു​പ​ദേ​ശ​വു​മാ​യി​രു​ന്നു. അത്‌ ഒരു ദുഷിച്ച ലോക​ത്തിൽ യഹോ​വ​യു​ടെ നാമത്തെ വിശു​ദ്ധീ​ക​രി​ച്ചു​കൊണ്ട്‌ അവനോ​ടു​ളള ഭയത്തിൽ നാം തുടർന്നു നടക്കേ​ണ്ട​തിന്‌ ഇന്നു നമുക്കാ​വ​ശ്യ​മാ​യി​രി​ക്കുന്ന തരം ബുദ്ധ്യു​പ​ദേ​ശ​വു​മാണ്‌.—ആവ. 5:9, 10; 6:4-6; 10:12-22, NW.

4. ആവർത്ത​ന​പു​സ്‌തകം എന്ന പേരിന്റെ അർഥ​മെന്ത്‌, പുസ്‌ത​ക​ത്തി​ന്റെ ഉദ്ദേശ്യ​മെന്ത്‌?

⁴ ആവർത്ത​ന​പു​സ്‌തകം എന്ന പേർ ഗ്രീക്ക്‌ സെപ്‌റ​റു​വ​ജിൻറു ഭാഷാ​ന്ത​ര​ത്തി​ലെ തലക്കെ​ട്ടായ ഡ്യൂ​ട്ടെ​റോ​നോ​മി​യ​നിൽനിന്ന്‌ ഉത്ഭവി​ക്കു​ന്നു, അത്‌ “രണ്ട്‌” എന്നർഥ​മു​ളള ഡ്യൂ​ട്ടെ​റോ​സി​നെ “നിയമം” എന്നർഥ​മു​ളള നോ​മോ​സു​മാ​യി സംയോ​ജി​പ്പി​ക്കു​ന്നു. അതു​കൊണ്ട്‌ അതിന്റെ അർഥം “രണ്ടാം ന്യായ​പ്ര​മാ​ണം; ന്യായ​പ്ര​മാ​ണ​ത്തി​ന്റെ ആവർത്തനം” എന്നാണ്‌. ഇത്‌ ആവർത്ത​ന​പു​സ്‌തകം 17:18-ലെ മിഷ്‌നെ ഹാറേ​റാ​റാ എന്ന എബ്രായ ശൈലി​യു​ടെ ഗ്രീക്ക്‌ വിവർത്ത​ന​ത്തിൽനി​ന്നു വരുന്ന​താണ്‌, അതു ‘നിയമ​ത്തി​ന്റെ പകർപ്പ്‌’ എന്നു ശരിയാ​യി വിവർത്തനം ചെയ്യ​പ്പെ​ടു​ന്നു. എന്നിരു​ന്നാ​ലും, ആവർത്ത​ന​പു​സ്‌തകം എന്ന പേരിന്റെ അർഥം എന്തായാ​ലും ഈ ബൈബിൾ പുസ്‌തകം ഒരു രണ്ടാം നിയമ​മോ ന്യായ​പ്ര​മാ​ണ​ത്തി​ന്റെ വെറും ആവർത്ത​ന​മോ അല്ല. പകരം, അതു ന്യായ​പ്ര​മാ​ണ​ത്തി​ന്റെ ഒരു വിശദീ​ക​രണം ആണ്‌, അവർ പെട്ടെ​ന്നു​തന്നെ പ്രവേ​ശി​ക്കാ​നി​രുന്ന വാഗ്‌ദ​ത്ത​ദേ​ശത്തു യഹോ​വയെ സ്‌നേ​ഹി​ക്കാ​നും അനുസ​രി​ക്കാ​നും ഇസ്രാ​യേ​ലി​നെ ഉദ്‌ബോ​ധി​പ്പി​ക്കു​ന്ന​തു​തന്നെ.—1:5.

5. ആവർത്ത​ന​പു​സ്‌ത​ക​ത്തി​ന്റെ എഴുത്തു​കാ​രൻ മോശ​യാ​ണെന്നു തെളി​യി​ക്കു​ന്നത്‌ എന്ത്‌?

⁵ ഇതു പഞ്ചഗ്ര​ന്ഥ​ങ്ങ​ളു​ടെ അഞ്ചാമത്തെ ചുരുൾ അഥവാ വാല്യ​മാ​യ​തു​കൊണ്ട്‌ എഴുത്തു​കാ​രൻ നാലു മുൻ പുസ്‌ത​ക​ങ്ങ​ളു​ടെ എഴുത്തു​കാ​രൻത​ന്നെ​യാ​യി​രി​ക്കണം, അതായതു മോശ. ആദ്യ​പ്ര​സ്‌താ​വന ആവർത്ത​ന​പു​സ്‌ത​കത്തെ “മോശ എല്ലാ യിസ്രാ​യേ​ലി​നോ​ടും പറഞ്ഞ വചനങ്ങൾ” ആയി തിരി​ച്ച​റി​യി​ക്കു​ന്നു. “മോശ ഈ ന്യായ​പ്ര​മാ​ണം എഴുതി,” “മോശ . . . ഈ പാട്ടു എഴുതി” എന്നിങ്ങനെ പിന്നീ​ടുള്ള പദപ്ര​യോ​ഗ​ങ്ങ​ളും എഴുത്തു​കാ​ര​നെന്ന അവന്റെ സ്ഥാനത്തെ വ്യക്തമാ​യി തെളി​യി​ക്കു​ന്നു. പുസ്‌ത​ക​ത്തിൽ സാധാ​ര​ണ​മാ​യി, ചെയ്യപ്പെട്ട പ്രസ്‌താ​വ​ന​ക​ളു​ടെ ആധികാ​രി​ക​ത​യെന്ന നിലയിൽ അവന്റെ പേർ ഏകദേശം 40 പ്രാവ​ശ്യം കാണ​പ്പെ​ടു​ന്നു. മോശയെ പരാമർശി​ച്ചു​കൊണ്ട്‌, ഞാൻ എന്ന്‌ ഉടനീളം വ്യാപ​ക​മാ​യി ഉപയോ​ഗി​ക്കു​ന്നു. അവസാ​നത്തെ വാക്യങ്ങൾ മോശ​യു​ടെ മരണാ​ന​ന്തരം കൂട്ടി​ച്ചേർക്ക​പ്പെ​ട്ട​വ​യാണ്‌, യോശു​വ​യോ മഹാപു​രോ​ഹി​ത​നായ എലെയാ​സ​രോ കൂട്ടി​ച്ചേർത്തി​രി​ക്കാ​നാണ്‌ ഏററവു​മ​ധി​കം സാധ്യത.—1:1; 31:9, 22, 24-26.

6. (എ) ആവർത്ത​ന​പു​സ്‌ത​ക​ത്തിൽ ഏതു കാലഘ​ട്ടത്തെ ഉൾപ്പെ​ടു​ത്തു​ന്നു? (ബി) പുസ്‌തകം മിക്കവാ​റും എപ്പോൾ പൂർത്തി​യാ​യി?

⁶ ആവർത്ത​ന​പു​സ്‌ത​ക​ത്തി​ലെ സംഭവങ്ങൾ എപ്പോ​ഴാ​ണു നടന്നത്‌? തുടക്ക​ത്തിൽ “നാല്‌പ​താം സംവത്സരം പതി​നൊ​ന്നാം മാസം ഒന്നാം തിയ്യതി മോശെ യിസ്രാ​യേൽമ​ക്ക​ളോ​ടു . . . പറഞ്ഞു” എന്ന്‌ ഈ പുസ്‌ത​കം​തന്നെ പ്രസ്‌താ​വി​ക്കു​ന്നു. ആവർത്ത​ന​പു​സ്‌ത​ക​ത്തി​ലെ രേഖ പൂർത്തി​യാ​യ​പ്പോൾ, യോർദാൻ കടക്കു​ന്ന​തി​നു മൂന്നു ദിവസം മുമ്പു യോശു​വ​യു​ടെ പുസ്‌തകം വിവരണം ഏറെറ​ടു​ക്കു​ന്നു, അത്‌ “ഒന്നാം മാസം പത്താം തിയ്യതി” ആയിരു​ന്നു. (ആവ. 1:3; യോശു. 1:11; 4:19) ഇത്‌ ആവർത്ത​ന​പു​സ്‌ത​ക​ത്തി​ലെ സംഭവ​ങ്ങൾക്കു രണ്ടു മാസവും ഒരു ആഴ്‌ച​യും അടങ്ങുന്ന ഒരു കാലഘട്ടം അവശേ​ഷി​പ്പി​ക്കു​ന്നു. എന്നിരു​ന്നാ​ലും, ഈ ഒൻപതു​വാര ഘട്ടത്തിലെ 30 ദിവസം മോശ​യു​ടെ മരണത്തി​ന്റെ വിലാ​പ​ത്തി​നു ചെലവ​ഴി​ച്ചു. (ആവ. 34:8) ഇതിന്റെ അർഥം ആവർത്ത​ന​പു​സ്‌ത​ക​ത്തി​ലെ മിക്കവാ​റു​മെല്ലാ സംഭവ​ങ്ങ​ളും 40-ാം വർഷത്തി​ന്റെ 11-ാം മാസത്തിൽ സംഭവി​ച്ചി​രി​ക്ക​ണ​മെ​ന്നാണ്‌. ആ മാസാ​വ​സാ​ന​ത്തോ​ടെ പുസ്‌ത​ക​ത്തി​ന്റെ എഴുത്തു മിക്കവാ​റും പൂർത്തി​യാ​യി​രി​ക്കണം, മോശ​യു​ടെ മരണം 40-ാം വർഷത്തി​ന്റെ 12-ാം മാസാ​രം​ഭ​ത്തിൽ അല്ലെങ്കിൽ പൊ.യു.മു. 1473-ൽ സംഭവി​ക്കു​ക​യും ചെയ്‌തു.

7. ആവർത്ത​ന​പു​സ്‌തകം വിശ്വാ​സ്യ​മാ​ണെന്ന്‌ എന്തു പ്രകട​മാ​ക്കു​ന്നു?

⁷ പഞ്ചഗ്ര​ന്ഥ​ങ്ങ​ളു​ടെ ആദ്യത്തെ നാലു പുസ്‌ത​ക​ങ്ങ​ളു​ടെ വിശ്വാ​സ്യ​തക്കു സമർപ്പിച്ച തെളി​വു​കൾ അഞ്ചാം പുസ്‌ത​ക​മായ ആവർത്ത​ന​പു​സ്‌ത​ക​ത്തി​നും സാധു​വാണ്‌. അതു ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളിൽ ഒട്ടുമി​ക്ക​പ്പോ​ഴും ഉദ്ധരി​ക്ക​പ്പെ​ടുന്ന എബ്രായ തിരു​വെ​ഴു​ത്തു​ക​ളി​ലെ നാലു പുസ്‌ത​ക​ങ്ങ​ളി​ലൊ​ന്നു​മാണ്‌. മററു​ളളവ ഉല്‌പത്തി, സങ്കീർത്തനം, യെശയ്യാവ്‌ എന്നിവ​യാണ്‌. ഈ ഉദ്ധരണി​കൾ 83 എണ്ണമുണ്ട്‌, ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളി​ലെ പുസ്‌ത​ക​ങ്ങ​ളിൽ 17 എണ്ണം ആവർത്ത​ന​പു​സ്‌ത​കത്തെ പരാമർശി​ക്കു​ന്നു.a

8. യേശു​വി​ന്റെ ഏത്‌ ആധികാ​രി​ക​സാ​ക്ഷ്യം ആവർത്ത​ന​പു​സ്‌ത​ക​ത്തി​ന്റെ വിശ്വാ​സ്യ​തയെ തെളി​യി​ക്കു​ന്നു?

⁸ ആവർത്ത​ന​പു​സ്‌ത​കത്തെ പിന്താ​ങ്ങുന്ന അതിശ​ക്ത​മായ സാക്ഷ്യം യേശു​തന്നെ നൽകുന്നു. തന്റെ ശുശ്രൂ​ഷ​യു​ടെ തുടക്ക​ത്തിൽ, അവൻ മൂന്നു പ്രാവ​ശ്യം പിശാ​ചി​നാൽ പരീക്ഷി​ക്ക​പ്പെട്ടു. മൂന്നു പ്രാവ​ശ്യ​വും “എഴുതി​യി​രി​ക്കു​ന്നു” എന്ന ഉത്തരവു​മാ​യി അവൻ തിരി​ച്ചു​വന്നു. എവിടെ എഴുത​പ്പെ​ട്ടി​രു​ന്നു? എന്തിന്‌, ആവർത്ത​ന​പു​സ്‌ത​ക​ത്തിൽ. (8:3; 6:16, 13), തന്റെ നിശ്വസ്‌ത പ്രമാ​ണ​മാ​യി യേശു അത്‌ ഉദ്ധരിച്ചു: “മനുഷ്യൻ അപ്പം​കൊ​ണ്ടു മാത്രമല്ല യഹോ​വ​യു​ടെ വായിൽനി​ന്നു പുറ​പ്പെ​ടുന്ന സകലവ​ച​നം​കൊ​ണ്ടും ജീവി​ക്കു​ന്നു.” “നിങ്ങളു​ടെ ദൈവ​മായ യഹോ​വയെ പരീക്ഷി​ക്ക​രു​തു.” “നിന്റെ ദൈവ​മായ യഹോ​വയെ ഭയപ്പെട്ടു അവനെ സേവി​ക്കേണം.” (മത്താ. 4:1-11) പിന്നീട്‌, ദൈവ​ത്തി​ന്റെ കൽപ്പന​കൾസം​ബ​ന്ധി​ച്ചു യേശു​വി​നെ പരീക്ഷി​ച്ചു​കൊ​ണ്ടു പരീശൻമാർ വന്നപ്പോൾ അവൻ മറുപ​ടി​യാ​യി ആവർത്ത​ന​പു​സ്‌തകം 6:5-ൽനിന്നു “വലിയ​തും ഒന്നാമ​ത്തേ​തു​മായ കല്‌പന” ഉദ്ധരിച്ചു. (മത്താ. 22:37, 38; മർക്കൊ. 12:30; ലൂക്കൊ. 10:27) യേശു​വി​ന്റെ സാക്ഷ്യം ആവർത്ത​ന​പു​സ്‌തകം വിശ്വാ​സ്യ​മാ​ണെ​ന്നു​ള​ള​തിന്‌ അവിതർക്കി​ത​മാ​യി ഉറപ്പു​നൽകു​ന്നു.

9. ഏതു ബാഹ്യ​തെ​ളിവ്‌ ആവർത്ത​ന​പു​സ്‌ത​കത്തെ സംസ്ഥാ​പി​ക്കു​ന്നു?

⁹ തന്നെയു​മല്ല, ഈ പുസ്‌ത​ക​ത്തി​ലെ സംഭവ​ങ്ങ​ളും പ്രസ്‌താ​വ​ന​ക​ളും ചരി​ത്ര​പ​ര​മായ സാഹച​ര്യ​ത്തി​നും ചുററു​പാ​ടു​കൾക്കും കൃത്യ​മാ​യി യോജി​ക്കു​ന്ന​വ​യാണ്‌. ഈജി​പ്‌ത്‌, കനാൻ, അമാ​ലേക്ക്‌, അമ്മോൻ, മോവാബ്‌, ഏദോം എന്നിവ​യെ​ക്കു​റി​ച്ചു​ളള പരാമർശങ്ങൾ ആ കാലത്തിന്‌ അനു​യോ​ജ്യ​മാണ്‌, സ്ഥലപ്പേ​രു​കൾ കൃത്യ​മാ​യി പ്രസ്‌താ​വി​ക്കു​ക​യും ചെയ്‌തി​രി​ക്കു​ന്നു.b പുരാ​വ​സ്‌തു​ശാ​സ്‌ത്രം മോശ​യു​ടെ എഴുത്തു​ക​ളു​ടെ ആർജവം സംബന്ധിച്ച തെളി​വു​കൾ ഒന്നൊ​ന്നാ​യി വെളി​ച്ച​ത്തു​കൊ​ണ്ടു​വ​രു​ന്ന​തിൽ തുടരു​ക​യാണ്‌. ഹെൻട്രി എച്ച്‌. ഹാലി എഴുതു​ന്നു: “ഈയിടെ [പഞ്ചഗ്ര​ന്ഥങ്ങൾ മോശ എഴുതി​യ​താ​ണെ​ന്നു​ളള] യാഥാ​സ്ഥി​തി​ക​വീ​ക്ഷ​ണ​ത്തോട്‌ ഒരു നിർണാ​യ​ക​പ്ര​തി​ക​ര​ണ​ത്തിന്‌ ഇടയാ​ക്ക​ത്ത​ക്ക​വണ്ണം പുരാ​വ​സ്‌തു​ശാ​സ്‌ത്രം വളരെ ഉച്ചത്തിൽ സംസാ​രി​ച്ചു​കൊ​ണ്ടാ​ണി​രി​ക്കു​ന്നത്‌. മോശ​യു​ടെ നാളിൽ എഴുത്ത്‌ അറിയ​പ്പെ​ട്ടി​രു​ന്നില്ല എന്ന സിദ്ധാന്തം പൂർണ​മാ​യും പൊളി​ഞ്ഞു​പോ​കു​ന്നു. [എബ്രായ തിരു​വെ​ഴു​ത്തു​ക​ളി​ലെ] വിവര​ണങ്ങൾ യഥാർഥ ചരി​ത്ര​രേ​ഖ​ക​ളാ​ണെ​ന്നു​ള​ള​തിന്‌ ആലേഖ​ന​ങ്ങ​ളി​ലും ഭൂപാ​ളി​ക​ളി​ലു​മു​ളള തെളി​വു​കൾ ഓരോ വർഷവും ഈജി​പ്‌തി​ലും പലസ്‌തീ​നി​ലും മെസ​പ്പൊ​ട്ടേ​മി​യ​യി​ലും കുഴി​ച്ചെ​ടു​ക്ക​പ്പെ​ട്ടു​കൊ​ണ്ടി​രി​ക്കു​ക​യാണ്‌. ‘പാണ്ഡിത്യ’ത്തിനു മോശ​യാൽ രചിക്ക​പ്പെ​ട്ടു​വെന്ന പാരമ്പ​ര്യ​വി​ശ്വാ​സ​ത്തോ​ടു കൂടുതൽ നിർണാ​യ​ക​മായ ആദരവ്‌ ഉണ്ടാകാ​നി​ട​യാ​കു​ന്നു.”c അങ്ങനെ, ആവർത്ത​ന​പു​സ്‌ത​ക​വും പഞ്ചഗ്ര​ന്ഥ​ങ്ങ​ളു​ടെ ശേഷിച്ച ഭാഗവും ദൈവ​ത്തി​ന്റെ പ്രവാ​ച​ക​നായ മോശ നിർമിച്ച യഥാർഥ​വും വിശ്വാ​സ്യ​വു​മായ ഒരു രേഖയാ​ണെ​ന്നു​ള​ള​തി​നെ ബാഹ്യ​തെ​ളി​വു​പോ​ലും പിന്താ​ങ്ങു​ന്നു.

ആവർത്ത​ന​പു​സ്‌ത​ക​ത്തി​ന്റെ ഉളളടക്കം

10. ആവർത്ത​ന​പു​സ്‌ത​ക​ത്തിൽ എന്ത്‌ അടങ്ങി​യി​രി​ക്കു​ന്നു?

¹⁰ യെരീ​ഹോ​യി​ക്കെ​തിർവ​ശ​ത്തു​ളള മോവാബ്‌ സമഭൂ​മി​യിൽവെച്ചു മോശ ഇസ്രാ​യേൽപു​ത്രൻമാ​രോ​ടു ചെയ്‌ത പ്രസം​ഗ​പ​ര​മ്പ​ര​യു​ടെ സമാഹാ​ര​മാ​ണു മുഖ്യ​മാ​യി ഈ പുസ്‌തകം. ഇവയിൽ ആദ്യ​ത്തേതു 4-ാം അധ്യാ​യ​ത്തിൽ പര്യവ​സാ​നി​ക്കു​ന്നു, രണ്ടാമ​ത്തേത്‌ 26-ാം അധ്യാ​യം​വരെ വ്യാപി​ച്ചു​കി​ട​ക്കു​ന്നു, മൂന്നാ​മ​ത്തേത്‌ 28-ാം അധ്യാ​യം​വരെതുടരു​ന്നു, മറെറാ​രു പ്രസംഗം 30-ാം അധ്യാ​യ​ത്തി​ന്റെ അവസാ​നം​വരെ നീളുന്നു. പിന്നീട്‌, സമീപി​ച്ചു​കൊ​ണ്ടി​രുന്ന തന്റെ മരണത്തി​ന്റെ വീക്ഷണ​ത്തിൽ മോശ തന്റെ പിൻഗാ​മി​യാ​യി യോശു​വയെ നിയോ​ഗി​ക്കു​ന്ന​തുൾപ്പെ​ടെ​യു​ളള അന്തിമ​ക്ര​മീ​ക​ര​ണങ്ങൾ ചെയ്‌ത​ശേഷം യഹോ​വ​യു​ടെ സ്‌തു​തി​ക്കാ​യി അത്യന്തം മനോ​ഹ​ര​മായ ഒരു ഗീതം രേഖ​പ്പെ​ടു​ത്തു​ന്നു, തുടർന്ന്‌ ഇസ്രാ​യേൽഗോ​ത്ര​ങ്ങ​ളു​ടെ​മേ​ലു​ളള ഒരു അനു​ഗ്ര​ഹ​വും.

11. മോശ തന്റെ ആദ്യ​പ്ര​സം​ഗം എങ്ങനെ അവതരി​പ്പി​ക്കു​ന്നു?

¹¹ മോശ​യു​ടെ ആദ്യത്തെ പ്രസംഗം (1:1–4:49). ഇതു വരാനി​രി​ക്കു​ന്ന​തി​ന്റെ ഒരു ചരി​ത്ര​പ​ര​മായ അവതാ​രി​ക​യാണ്‌. ആദ്യമാ​യി മോശ തന്റെ ജനവു​മാ​യു​ളള യഹോ​വ​യു​ടെ വിശ്വ​സ്‌ത​മായ ഇടപെ​ട​ലു​കളെ പുനര​വ​ലോ​കനം ചെയ്യുന്നു. തങ്ങളുടെ പൂർവ​പി​താ​ക്കൻമാ​രായ അബ്രഹാ​മി​നോ​ടും ഇസ്‌ഹാ​ക്കി​നോ​ടും യാക്കോ​ബി​നോ​ടും വാഗ്‌ദത്തം ചെയ്‌ത ദേശം പോയി കൈവ​ശ​പ്പെ​ടു​ത്താൻ മോശ അവരോ​ടു പറയു​ക​യാണ്‌. ആയിരം​പേർക്കും നൂറു​പേർക്കും അമ്പതു​പേർക്കും പത്തു​പേർക്കും വീതം അധിപ​തി​മാ​രാ​യി വർത്തി​ക്കാൻ ജ്ഞാനി​ക​ളും വിവേ​കി​ക​ളും അനുഭ​വ​പ​രി​ച​യ​മു​ള​ള​വ​രു​മായ പുരു​ഷൻമാ​രെ താൻ, മോശ, തിര​ഞ്ഞെ​ടു​ക്കാൻ ഇടയാ​ക്കി​ക്കൊ​ണ്ടു മരു​പ്ര​യാ​ണ​ത്തി​ന്റെ തുടക്ക​ത്തിൽ ഈ ദിവ്യാ​ധി​പ​ത്യ​ജ​ന​സ​മു​ദാ​യ​ത്തി​ന്റെ പ്രവർത്ത​നത്തെ യഹോവ എങ്ങനെ സമന്വ​യി​പ്പി​ച്ചു​വെന്ന്‌ അവൻ വിവരി​ക്കു​ന്നു. യഹോ​വ​യു​ടെ മേൽനോ​ട്ട​ത്തിൽ ഇസ്രാ​യേൽ “ആ വലിയ​തും ഭയജന​ക​വു​മായ മരുഭൂ​മി​യി​ലൂ​ടെ​യെ​ല്ലാം അഭിഗ​മിക്ക”വേ വിശി​ഷ്ട​മായ സംഘാ​ട​ന​മു​ണ്ടാ​യി​രു​ന്നു.—1:19, NW.

12. കനാന്റെ പ്രാരംഭ ഒററു​നോ​ക്ക​ലി​നെ ചുററി​പ്പ​റ​റി​യു​ളള ഏതു സംഭവങ്ങൾ അവൻ അടുത്ത​താ​യി വിവരി​ക്കു​ന്നു?

¹² കനാനിൽനി​ന്നു മടങ്ങിവന്ന ചാരൻമാ​രു​ടെ റിപ്പോർട്ട്‌ അവർ കേൾക്കു​ക​യും യഹോവ തങ്ങളെ വെറു​ക്കു​ന്നു​വെന്നു പരാതി​പ്പെ​ടു​ക​യും ചെയ്‌ത​പ്പോ​ഴത്തെ അവരുടെ മത്സരത്തി​ന്റെ പാപത്തെ മോശ ഇപ്പോൾ വിവരി​ക്കു​ന്നു, കാരണം അമോ​ര്യർക്കു കൈവി​ടാൻവേണ്ടി മാത്ര​മാണ്‌ അവൻ അവരെ ഈജി​പ്‌തിൽനി​ന്നു കൊണ്ടു​വ​ന്നി​രി​ക്കു​ന്ന​തെന്ന്‌ അവർ കുററ​മാ​രോ​പി​ച്ചു. അവരുടെ വിശ്വാ​സ​രാ​ഹി​ത്യം നിമിത്തം യോശു​വ​യും കാലേ​ബു​മൊ​ഴിച്ച്‌ അവരി​ലാ​രും നല്ല ദേശം കാണു​ക​യി​ല്ലെന്നു യഹോവ ആ ദുഷ്ട തലമു​റ​യോ​ടു പറഞ്ഞു. ഇതിങ്കൽ അവർ വീണ്ടും ആകെ ചൂടായി ശത്രു​വി​നോ​ടു തനിച്ച്‌ ആക്രമ​ണം​ന​ട​ത്തി​ക്കൊ​ണ്ടു മത്സരപൂർവം പെരു​മാ​റി, അമോ​ര്യർ തേനീ​ച്ച​ക്കൂ​ട്ട​ത്തെ​പ്പോ​ലെ അവരെ പായി​ക്കു​ക​യും ചിതറി​ക്കു​ക​യും ചെയ്‌തു​വെ​ന്ന​തു​മാ​ത്ര​മാ​യി​രു​ന്നു ഫലം.

13. എന്തടി​സ്ഥാ​ന​ത്തിൽ മോശ യോശു​വക്കു വിജയ​ത്തിന്‌ ഉറപ്പു​കൊ​ടു​ത്തു?

¹³ അവർ ചെങ്കട​ലി​ങ്ക​ലേക്കു മരുഭൂ​മി​യി​ലൂ​ടെ യാത്ര​ചെ​യ്‌തു, 38 വർഷക്കാ​ലം​കൊ​ണ്ടു യോദ്ധാ​ക്ക​ളു​ടെ തലമുറ മുഴുവൻ ചത്തൊ​ടു​ങ്ങി. അപ്പോൾ നദിക​ടന്ന്‌ അർന്നോ​നു വടക്കു ദേശം കൈവ​ശ​പ്പെ​ടു​ത്താൻ യഹോവ അവരോ​ടു കൽപ്പിച്ചു, ഇങ്ങനെ പറഞ്ഞു​കൊണ്ട്‌: “നിന്നെ​യു​ളള പേടി​യും ഭീതി​യും ആകാശ​ത്തി​ങ്കീ​ഴെ​ങ്ങും ഉളള ജാതി​ക​ളു​ടെ​മേൽ വരുത്തു​വാൻ ഞാൻ ഇന്നുതന്നേ തുടങ്ങും; അവർ നിന്റെ ശ്രുതി​കേട്ടു നിന്റെ നിമിത്തം വിറെ​ക്കു​ക​യും നടുങ്ങു​ക​യും ചെയ്യും.” (2:25) സീഹോ​നും അവന്റെ ദേശവും ഇസ്രാ​യേ​ല്യർക്കു കീഴടങ്ങി. അനന്തരം ഓഗിന്റെ രാജ്യം കൈവ​ശ​പ്പെ​ടു​ത്തി. സകല രാജ്യ​ങ്ങ​ളെ​യും കീഴട​ക്കു​ന്ന​തിൽ യഹോവ അതേ വിധത്തിൽതന്നെ ഇസ്രാ​യേ​ലി​നു​വേണ്ടി പോരാ​ടു​മെന്നു മോശ യോശു​വ​യ്‌ക്ക്‌ ഉറപ്പു​കൊ​ടു​ത്തു. ഏതെങ്കി​ലും വിധത്തിൽ താൻതന്നെ യോർദാ​ന്ന​ക്ക​രെ​യു​ളള നല്ല ദേശ​ത്തേക്കു കടന്നോ​ട്ടെ​യെന്നു മോശ ദൈവ​ത്തോ​ടു ചോദി​ച്ചു, എന്നാൽ യോശു​വയെ നിയോ​ഗി​ക്കാ​നും പ്രോ​ത്സാ​ഹി​പ്പി​ക്കാ​നും ശക്തീക​രി​ക്കാ​നും അവനോ​ടു പറഞ്ഞു​കൊ​ണ്ടു യഹോവ ഇതിനു വിസമ്മ​തി​ക്കു​ന്ന​തിൽ തുടർന്നു.

14. ദൈവ​ത്തി​ന്റെ ന്യായ​പ്ര​മാ​ണ​ത്തി​നും സമ്പൂർണ​ഭ​ക്ഷി​ക്കും മോശ എന്തു ദൃഢത കൊടു​ത്തു?

¹⁴ മോശ ഇപ്പോൾ ദൈവ​ത്തി​ന്റെ കൽപ്പന​ക​ളോ​ടു കൂട്ടു​ക​യോ കുറയ്‌ക്കു​ക​യോ ചെയ്യു​ന്ന​തി​നെ​തി​രെ മുന്നറി​യി​പ്പു കൊടു​ത്തു​കൊണ്ട്‌ അവന്റെ ന്യായ​പ്ര​മാ​ണ​ത്തി​നു വലിയ ഊന്നൽ കൊടു​ക്കു​ന്നു. അനുസ​ര​ണ​ക്കേടു വലിയ വിപത്തു വരുത്തും: “കണ്ണാലെ കണ്ടിട്ടു​ളള കാര്യങ്ങൾ നീ മറക്കാ​തെ​യും നിന്റെ ആയുഷ്‌കാ​ല​ത്തൊ​രി​ക്ക​ലും അവ നിന്റെ മനസ്സിൽനി​ന്നു വിട്ടു​പോ​കാ​തെ​യും ഇരിപ്പാൻ മാത്രം സൂക്ഷിച്ചു നിന്നെ​ത്തന്നേ ജാഗ്ര​ത​യോ​ടെ കാത്തു​കൊൾക; നിന്റെ മക്കളോ​ടും മക്കളുടെ മക്കളോ​ടും അവയെ ഉപദേ​ശി​ക്കേണം.” (4:9) ഹോ​രേ​ബി​ലെ ഭയാവ​ഹ​മായ സാഹച​ര്യ​ങ്ങ​ളിൽ യഹോവ പത്തു വചനങ്ങൾ പ്രസ്‌താ​വി​ച്ച​പ്പോൾ അവർ രൂപ​മൊ​ന്നും കണ്ടില്ല. അവർ ഇപ്പോൾ വിഗ്ര​ഹാ​രാ​ധ​ന​യി​ലേ​ക്കും പ്രതി​മാ​രാ​ധ​ന​യി​ലേ​ക്കും തിരി​ഞ്ഞാൽ അവർക്ക്‌ അതു വിനാ​ശ​മാ​യി​രി​ക്കും, എന്തു​കൊ​ണ്ടെ​ന്നാൽ മോശ പറയു​ന്ന​തു​പോ​ലെ, “നിന്റെ ദൈവ​മായ യഹോവ ദഹിപ്പി​ക്കുന്ന അഗ്നിയ​ല്ലോ; തീക്ഷ്‌ണ​ത​യു​ളള ദൈവം തന്നേ.” (4:24) യഹോ​വ​യാ​യി​രു​ന്നു അവരുടെ പൂർവ​പി​താ​ക്കൻമാ​രെ സ്‌നേ​ഹി​ക്കു​ക​യും തിര​ഞ്ഞെ​ടു​ക്കു​ക​യും ചെയ്‌തത്‌. മീതെ സ്വർഗ​ത്തി​ലോ താഴെ ഭൂമി​യി​ലോ വേറെ ദൈവ​മില്ല. “നിന്റെ ദൈവ​മായ യഹോവ നിനക്കു സദാകാ​ല​ത്തേ​ക്കും നല്‌കുന്ന ദേശത്തു നീ ദീർഘാ​യു​സ്സോ​ടി​രി​ക്കേ​ണ്ട​തി​ന്നു” അവനെ അനുസ​രി​ക്കാൻ മോശ ഉദ്‌ബോ​ധി​പ്പി​ക്കു​ന്നു.—4:40.

15. യോർദാ​നു കിഴക്കു സങ്കേത നഗരങ്ങൾക്കാ​യി എന്തു ക്രമീ​ക​രണം ചെയ്യുന്നു?

¹⁵ ഈ ശക്തമായ പ്രസംഗം ഉപസം​ഹ​രിച്ച ശേഷം മോശ യോർദാ​നു കിഴക്കു ബേസർ, രാമോത്ത്‌, ഗോലാൻ എന്നീ സങ്കേത​ന​ഗ​രങ്ങൾ വേർതി​രി​ക്കാൻ നടപടി​യെ​ടു​ക്കു​ന്നു.

16. മോശ​യു​ടെ രണ്ടാമത്തെ പ്രസംഗം ഊന്നി​പ്പ​റ​യു​ന്നത്‌ എന്ത്‌?

¹⁶ മോശ​യു​ടെ രണ്ടാമത്തെ പ്രസംഗം (5:1–26:19). സീനാ​യി​യി​ങ്കൽവെച്ചു തങ്ങളോ​ടു മുഖാ​മു​ഖം സംസാ​രിച്ച യഹോ​വ​യു​ടെ വാക്കു കേൾക്കാൻ ഇസ്രാ​യേ​ലി​നോ​ടു​ളള ഒരു ആഹ്വാ​ന​മാ​ണിത്‌. യോർദാന്‌ അക്കരെ​യു​ളള പുതു​ജീ​വി​ത​ത്തി​നു​വേണ്ടി പൊരു​ത്ത​പ്പെ​ടു​ത്തി​ക്കൊണ്ട്‌ ആവശ്യ​മായ ചില ഭേദഗ​തി​ക​ളോ​ടെ മോശ ന്യായ​പ്ര​മാ​ണം വീണ്ടും പ്രസ്‌താ​വി​ക്കു​ന്നതു ശ്രദ്ധി​ക്കുക. അതു നിബന്ധ​ന​ക​ളു​ടെ​യും ചട്ടങ്ങളു​ടെ​യും വെറും ആവർത്ത​നമല്ല. മോശ​യു​ടെ ഹൃദയം തീക്ഷ്‌ണ​ത​യും തന്റെ ദൈവ​ത്തോ​ടു​ളള ഭക്തിയും കൊണ്ടു നിറഞ്ഞി​രി​ക്കു​ന്നു​വെന്ന്‌ ഓരോ വാക്കും പ്രകട​മാ​ക്കു​ന്നു. അവൻ ജനതയു​ടെ ക്ഷേമത്തി​നു​വേണ്ടി സംസാ​രി​ക്കു​ന്നു. ന്യായ​പ്ര​മാ​ണ​ത്തോ​ടു​ളള അനുസ​ര​ണത്തെ—നിർബ​ന്ധ​ത്താ​ലല്ല, സ്‌നേ​ഹ​നിർഭ​ര​മായ ഒരു ഹൃദയ​ത്തിൽനി​ന്നു​ളള അനുസ​ര​ണത്തെ—ഉടനീളം ഊന്നി​പ്പ​റ​യു​ന്നു.

17. യഹോവ ഇസ്രാ​യേ​ലി​നോ​ടു പ്രകട​മാ​ക്കിയ സ്‌നേഹം അവർ എങ്ങനെ തിരികെ പ്രകട​മാ​ക്കണം?

¹⁷ ആദ്യമാ​യി മോശ പത്തു വചനങ്ങൾ, പത്തു കൽപ്പനകൾ, ആവർത്തി​ക്കു​ക​യും ഇസ്രാ​യേൽ ദേശത്തു തങ്ങളുടെ നാളുകൾ ദീർഘി​പ്പി​ക്കേ​ണ്ട​തി​നും അനേക​രാ​യി പെരു​കേ​ണ്ട​തി​നും ഇടത്തോ​ട്ടോ വലത്തോ​ട്ടോ മാറാതെ അവ അനുസ​രി​ക്കാൻ അവരോ​ടു പറയു​ക​യും ചെയ്യുന്നു. “യിസ്രാ​യേലേ കേൾക്ക; യഹോവ നമ്മുടെ ദൈവ​മാ​കു​ന്നു; യഹോവ ഏകൻ തന്നേ.” (6:4) അവനെ സ്‌നേ​ഹി​ക്കു​ന്ന​തി​നു ഹൃദയ​വും ദേഹി​യും ജീവശ​ക്തി​യും കൊടു​ക്കണം, ഇസ്രാ​യേൽ തങ്ങളുടെ പുത്രൻമാ​രെ പഠിപ്പി​ക്കു​ക​യും യഹോവ ഈജി​പ്‌തിൽ ചെയ്‌ത വലിയ അടയാ​ള​ങ്ങ​ളെ​യും അത്ഭുത​ങ്ങ​ളെ​യും കുറിച്ച്‌ അവരോ​ടു പറയു​ക​യും വേണം. വിഗ്ര​ഹാ​രാ​ധി​ക​ളായ കനാന്യ​രു​മാ​യി വിവാ​ഹ​ബ​ന്ധങ്ങൾ പാടില്ല. തന്റെ പ്രത്യേ​ക​സ്വ​ത്താ​യി​രി​ക്കു​ന്ന​തി​നു യഹോവ ഇസ്രാ​യേ​ലി​നെ തിര​ഞ്ഞെ​ടു​ത്തത്‌ അവർ ജനപ്പെ​രു​പ്പ​മു​ള​ള​വ​രാ​യ​തു​കൊ​ണ്ടല്ല, പിന്നെ​യോ അവൻ അവരെ സ്‌നേ​ഹി​ക്കു​ന്ന​തു​കൊ​ണ്ടും അവരുടെ പൂർവ​പി​താ​ക്കൻമാ​രോ​ടു ചെയ്‌ത ആണയിട്ട പ്രസ്‌താ​വന പാലി​ക്കു​ന്ന​തു​കൊ​ണ്ടു​മാ​കു​ന്നു. ഇസ്രാ​യേൽ ഭൂതമ​ത​ത്തി​ന്റെ കെണി വർജി​ക്കു​ക​യും ദേശത്തു​നി​ന്നു വിഗ്ര​ഹ​ങ്ങളെ നശിപ്പി​ക്കു​ക​യും സത്യമാ​യി “വലിയ​വ​നും ഭയങ്കര​നു​മായ ദൈവ”മായ യഹോ​വ​യോ​ടു പററി​നിൽക്കു​ക​യും ചെയ്‌തേ തീരൂ.—7:21.

18. ഇസ്രാ​യേ​ല്യർ എന്തി​നെ​തി​രെ ജാഗരൂ​ക​രാ​യി​രി​ക്കാൻ മോശ ഉദ്‌ബോ​ധി​പ്പി​ക്കു​ന്നു?

¹⁸ മനുഷ്യൻ ജീവി​ക്കു​ന്നതു മന്നാ​കൊ​ണ്ടോ അപ്പം​കൊ​ണ്ടോ അല്ല പിന്നെ​യോ യഹോ​വ​യു​ടെ വായിലെ ഓരോ അരുള​പ്പാ​ടു​കൊ​ണ്ടു​മാ​ണെന്ന്‌ അവരെ പഠിപ്പി​ച്ചു​കൊ​ണ്ടു യഹോവ അവരെ മരുഭൂ​മി​യിൽ 40 വർഷം താഴ്‌ത്തി. തിരു​ത്ത​ലി​ന്റെ ആ വർഷങ്ങ​ളി​ലെ​ല്ലാം അവരുടെ വസ്‌ത്രം ജീർണി​ച്ചില്ല, അവരുടെ പാദങ്ങൾ വീങ്ങി​യ​തു​മില്ല. ഇപ്പോൾ അവർ സമ്പത്തും സമൃദ്ധി​യു​മു​ളള ഒരു ദേശ​ത്തേക്കു പ്രവേ​ശി​ക്കാ​റാ​യി​രി​ക്കു​ക​യാണ്‌! എന്നിരു​ന്നാ​ലും, അവർ ഭൗതി​ക​ത്വ​ത്തി​ന്റെ​യും സ്വയനീ​തി​യു​ടെ​യും കെണി​കൾക്കെ​തി​രെ ജാഗരൂ​ക​രാ​യി​രി​ക്കു​ക​യും ‘സമ്പത്തു​ണ്ടാ​ക്കാ​നു​ളള ശക്തി നൽകു​ന്ന​വ​നും’ ദുഷ്ട ജനതകളെ കുടി​യൊ​ഴി​പ്പി​ക്കു​ന്ന​വ​നും യഹോവ ആണെന്ന്‌ ഓർത്തി​രി​ക്കു​ക​യും വേണം. (8:18) മോശ അനന്തരം ഇസ്രാ​യേൽ യഹോ​വയെ പ്രകോ​പി​പ്പിച്ച അവസരങ്ങൾ വീണ്ടും വിവരി​ക്കു​ന്നു. മരുഭൂ​മി​യിൽ ബാധയാ​ലും തീയാ​ലും സംഹാ​ര​ത്താ​ലും അവർക്കെ​തി​രെ യഹോ​വ​യു​ടെ കോപം എങ്ങനെ ജ്വലി​ച്ചു​വെന്ന്‌ അവർ ഓർക്കണം! യഹോ​വ​യു​ടെ ഉഗ്ര​കോ​പ​ത്തി​ലും ന്യായ​പ്ര​മാ​ണം എഴുതിയ കൽപ്പല​ക​ക​ളു​ടെ പുനർനിർമാ​ണ​ത്തി​ലും കലാശിച്ച അവരുടെ വിനാ​ശ​ക​ര​മായ കാളക്കു​ട്ടി​യാ​രാ​ധന അവർ ഓർക്കണം! (പുറ. 32:1-10, 35; 17:2-7; സംഖ്യാ. 11:1-3, 31-35; 14:2-38) തീർച്ച​യാ​യും അവർ ഇപ്പോൾ, അവരുടെ പൂർവ​പി​താ​ക്കൻമാർ നിമിത്തം അവരെ സ്‌നേ​ഹി​ക്കു​ക​യും അവരെ “പെരുക്കി ആകാശ​ത്തി​ലെ നക്ഷത്ര​ങ്ങ​ളെ​പ്പോ​ലെ ആക്കി”ത്തീർക്കു​ക​യും ചെയ്‌തി​രി​ക്കുന്ന യഹോ​വയെ സേവി​ക്കു​ക​യും അവനോ​ടു പററി​നിൽക്കു​ക​യും വേണം.—ആവ. 10:22.

19. എന്തു തിര​ഞ്ഞെ​ടു​ക്കേ​ണ്ട​താ​ണെന്നു വ്യക്തമാ​യി പ്രസ്‌താ​വി​ക്കു​ന്നു, ജനതക്കു​വേണ്ടി ഏതു നിയമങ്ങൾ വിവരി​ക്കു​ന്നു?

¹⁹ ഇസ്രാ​യേൽ “കല്‌പ​ന​ക​ളൊ​ക്കെ​യും” അനുസ​രി​ക്കേ​ണ്ട​താണ്‌, അവർ കണിശ​മാ​യും യഹോ​വയെ അനുസ​രി​ക്കണം, തങ്ങളുടെ ദൈവ​മെന്ന നിലയിൽ അവനെ സ്‌നേ​ഹി​ക്കു​ക​യും അവരുടെ മുഴു​ഹൃ​ദ​യ​ത്തോ​ടും മുഴു​ദേ​ഹി​യോ​ടും കൂടെ സേവി​ക്കു​ക​യും വേണം. (11:8, 13) അവർ യഹോ​വയെ അനുസ​രി​ക്കു​ക​യാ​ണെ​ങ്കിൽ അവൻ അവരെ പിന്തു​ണ​ക്കു​ക​യും പ്രതി​ഫലം കൊടു​ക്കു​ക​യും ചെയ്യും. എന്നിരു​ന്നാ​ലും, അവർ ശുഷ്‌കാ​ന്തി പ്രകട​മാ​ക്കു​ക​യും ഉത്സാഹ​പൂർവം തങ്ങളുടെ പുത്രൻമാ​രെ പഠിപ്പി​ക്കു​ക​യും ചെയ്യേ​ണ്ട​താണ്‌. ഇസ്രാ​യേ​ലി​നു തിര​ഞ്ഞെ​ടു​ക്കാ​നു​ള​ളതു വ്യക്തമാ​യി പ്രസ്‌താ​വി​ച്ചി​രി​ക്കു​ന്നു: അനുസ​രണം അനു​ഗ്ര​ഹ​ത്തി​ലേക്കു നയിക്കു​ന്നു, അനുസ​ര​ണ​ക്കേടു ശാപത്തി​ലേ​ക്കും. അവർ “അന്യ​ദൈ​വ​ങ്ങ​ളു​ടെ പിന്നാലെ ചെല്ല”രുത്‌. (11:26-28) ഇസ്രാ​യേൽ വാഗ്‌ദ​ത്ത​ദേശം കൈവ​ശ​പ്പെ​ടു​ത്താൻ നീങ്ങു​മ്പോൾ അവരെ ബാധി​ക്കുന്ന പ്രത്യേക നിയമങ്ങൾ മോശ ഇപ്പോൾ വിവരി​ക്കു​ന്നു. (1) മതത്തെ​യും ആരാധ​ന​യെ​യും കുറി​ച്ചു​ളള നിയമ​ങ്ങ​ളും (2) നീതി​നിർവ​ഹണം, ഭരണം, യുദ്ധം എന്നിവ​യോ​ടു ബന്ധപ്പെട്ട നിയമ​ങ്ങ​ളും (3) ജനത്തിന്റെ സ്വകാ​ര്യ​വും സാമൂ​ഹി​ക​വു​മായ ജീവി​തത്തെ ക്രമവൽക്ക​രി​ക്കുന്ന നിയമ​ങ്ങ​ളും ഉണ്ട്‌.

20. ഏത്‌ ആശയങ്ങൾ ആരാധന സംബന്ധിച്ച നിയമ​ങ്ങളെ പ്രദീ​പ്‌ത​മാ​ക്കു​ന്നു?

²⁰ (1) മതവും ആരാധ​ന​യും (12:1–16:17). ഇസ്രാ​യേ​ല്യർ ദേശത്തു പ്രവേ​ശി​ക്കു​മ്പോൾ വ്യാജ​മ​ത​ത്തി​ന്റെ സകല ചിഹ്നങ്ങ​ളും—ഉന്നതസ്ഥ​ല​ങ്ങ​ളും യാഗപീ​ഠ​ങ്ങ​ളും സ്‌തം​ഭ​ങ്ങ​ളും വിശു​ദ്ധ​ദ​ണ്ഡു​ക​ളും പ്രതി​മ​ക​ളും—പൂർണ​മാ​യും നശിപ്പി​ച്ചു​ക​ള​യേ​ണ്ട​താണ്‌. തങ്ങളുടെ ദൈവ​മായ യഹോവ തന്റെ നാമം സ്ഥാപി​ക്കാൻ തിര​ഞ്ഞെ​ടു​ക്കുന്ന സ്ഥലത്തു​മാ​ത്രമേ ഇസ്രാ​യേൽ ആരാധി​ക്കാ​വൂ. അവിടെ അവർ എല്ലാവ​രും യഹോ​വ​യിൽ സന്തോ​ഷി​ക്കണം. മാംസം ഭക്ഷിക്കു​ന്ന​തും യാഗങ്ങ​ളും സംബന്ധിച്ച നിബന്ധ​ന​ക​ളിൽ അവർ രക്തം ഭക്ഷിക്ക​രു​തെ​ന്നു​ളള ആവർത്തി​ച്ചു​ളള ഓർമി​പ്പി​ക്ക​ലു​കൾ ഉൾപ്പെ​ടു​ന്നു. “രക്തം മാത്രം തിന്നാ​തി​രി​പ്പാൻ നിഷ്‌ഠ​യാ​യി​രിക്ക. . . യഹോ​വക്കു ഹിതമാ​യി​ട്ടു​ള​ളതു ചെയ്‌തി​ട്ടു നിനക്കും മക്കൾക്കും നന്നായി​രി​ക്കേ​ണ്ട​തി​ന്നു നീ അതിനെ തിന്നരുത്‌.” (12:16, 23-25, 27; 15:23) മോശ ഇപ്പോൾ വിഗ്ര​ഹാ​രാ​ധ​ന​യു​ടെ ഒരു തുറന്ന അപലപ​ന​ത്തി​ലേക്കു കടക്കുന്നു. ഇസ്രാ​യേൽ വ്യാജ​മ​ത​ത്തി​ന്റെ നടപടി​ക​ളെ​ക്കു​റിച്ച്‌ അന്വേ​ഷി​ക്കുക പോലും ചെയ്യരുത്‌. ഒരു പ്രവാ​ചകൻ കളളനാ​ണെന്നു തെളി​ഞ്ഞാൽ അയാളെ വധി​ക്കേ​ണ്ട​താണ്‌. വിശ്വാ​സ​ത്യാ​ഗി​കൾ—ഒരുവന്റെ പ്രിയ​പ്പെട്ട ബന്ധുവോ സുഹൃ​ത്തോ, അതേ, മുഴു നഗരങ്ങൾ പോലും—അതു​പോ​ലെ​തന്നെ നാശത്തി​നു വിധേ​യ​മാ​ക്ക​പ്പെ​ടണം. അടുത്ത​താ​യി ശുദ്ധി​യു​ള​ള​തും ശുദ്ധി​യി​ല്ലാ​ത്ത​തു​മായ മൃഗങ്ങ​ളെ​ക്കു​റി​ച്ചും ദശാംശം കൊടു​ക്കു​ന്ന​തി​നെ​ക്കു​റി​ച്ചും ലേവ്യ​രു​ടെ സംരക്ഷ​ണ​ത്തെ​ക്കു​റി​ച്ചു​മു​ളള നിബന്ധ​നകൾ വരുന്നു. കടക്കാ​രു​ടെ​യും ദരി​ദ്ര​രു​ടെ​യും ഉടമ്പടി​പ്പ​ണി​ക്കാ​രായ അടിമ​ക​ളു​ടെ​യും താത്‌പ​ര്യ​ങ്ങൾ സ്‌നേ​ഹ​പൂർവം പരിര​ക്ഷി​ക്കണം. ഒടുവിൽ, മോശ യഹോവ നൽകുന്ന അനു​ഗ്ര​ഹ​ത്തി​നു​വേണ്ടി നന്ദി​കൊ​ടു​ക്കു​ന്ന​തി​നു​ളള സമയങ്ങ​ളായ വാർഷിക ഉത്സവങ്ങളെ പുനര​വ​ലോ​കനം ചെയ്യുന്നു: “നിന്റെ ദൈവ​മായ യഹോവ തിര​ഞ്ഞെ​ടു​ക്കുന്ന സ്ഥലത്തു നിന്റെ ആണുങ്ങ​ളൊ​ക്കെ​യും പുളി​പ്പി​ല്ലാത്ത അപ്പത്തിന്റെ പെരു​നാ​ളി​ലും വാരോ​ത്സ​വ​ത്തി​ലും കൂടാ​ര​പ്പെ​രു​നാ​ളി​ലും ഇങ്ങനെ സംവത്സ​ര​ത്തിൽ മൂന്നു പ്രാവ​ശ്യം അവന്റെ സന്നിധി​യിൽ വരേണം; എന്നാൽ യഹോ​വ​യു​ടെ സന്നിധി​യിൽ വെറു​ങ്ക​യ്യാ​യി വരരുത്‌.”—16:16.

21. നീതി​യോ​ടു ബന്ധപ്പെട്ട ഏതു നിയമങ്ങൾ കൊടു​ക്കു​ന്നു, മോശ ഏതു പ്രധാ​ന​പ്പെട്ട പ്രവചനം ഉച്ചരി​ക്കു​ന്നു?

²¹ (2) നീതി​യും ഭരണവും യുദ്ധവും (16:18–20:20). ഒന്നാമ​താ​യി, മോശ ന്യായാ​ധി​പ​തി​മാ​രെ​യും ഉദ്യോ​ഗ​സ്ഥൻമാ​രെ​യും ബാധി​ക്കുന്ന നിയമങ്ങൾ കൊടു​ക്കു​ന്നു. പ്രധാന സംഗതി നീതി​യാണ്‌, കൈക്കൂ​ലി​യും തലതി​രിഞ്ഞ വിധി​യും യഹോ​വക്കു വെറു​പ്പാണ്‌. തെളിവ്‌ ഉറപ്പാ​ക്കു​ന്ന​തും വ്യവഹാ​രങ്ങൾ കൈകാ​ര്യം​ചെ​യ്യു​ന്ന​തും സംബന്ധിച്ച നടപടി​ക്ര​മങ്ങൾ വിവരി​ക്കു​ന്നു. “മരണ​യോ​ഗ്യ​നാ​യ​വനെ കൊല്ലു​ന്നതു രണ്ടോ മൂന്നോ സാക്ഷി​ക​ളു​ടെ വാമൊ​ഴി​യാൽ ആയിരി​ക്കേണം.” (17:6) രാജാ​ക്കൻമാ​രെ സംബന്ധിച്ച നിയമങ്ങൾ പ്രസ്‌താ​വി​ക്ക​പ്പെ​ടു​ന്നു. പുരോ​ഹി​തൻമാർക്കും ലേവ്യർക്കും വേണ്ടി കരുതൽ ചെയ്യുന്നു. ആത്മവി​ദ്യാ​ചാ​രം “യഹോ​വെക്കു വെറുപ്പു” എന്നനി​ല​യിൽ നിയമ​വി​രു​ദ്ധ​മാ​ക്ക​പ്പെ​ടു​ന്നു. (18:12) വിദൂ​ര​ഭാ​വി​യി​ലേക്കു നോക്കി​ക്കൊ​ണ്ടു മോശ പ്രഖ്യാ​പി​ക്കു​ന്നു: “നിന്റെ ദൈവ​മായ യഹോവ നിനക്കു എന്നെ​പ്പോ​ലെ ഒരു പ്രവാ​ച​കനെ നിന്റെ മദ്ധ്യേ നിന്റെ സഹോ​ദ​രൻമാ​രു​ടെ ഇടയിൽനി​ന്നു എഴു​ന്നേ​ല്‌പി​ച്ചു​ത​രും; അവന്റെ വചനം നിങ്ങൾ കേൾക്കേണം.” (18:15-19) എന്നിരു​ന്നാ​ലും, ഒരു കളള​പ്ര​വാ​ചകൻ മരി​ക്കേ​ണ്ട​താണ്‌. സങ്കേത നഗരങ്ങ​ളെ​ക്കു​റി​ച്ചും രക്തത്തിനു പകരം​ചെ​യ്യു​ന്ന​തി​നെ സംബന്ധി​ച്ചു​മു​ളള നിയമ​ങ്ങ​ളും സൈനിക ഒഴിവു​കൾ ലഭിക്കാ​നു​ളള യോഗ്യ​ത​ക​ളും യുദ്ധനി​യ​മങ്ങൾ സംബന്ധിച്ച ചട്ടങ്ങളും വിവരി​ക്കു​ന്ന​തോ​ടെ ഈ ഭാഗം അവസാ​നി​ക്കു​ന്നു.

22. സ്വകാ​ര്യ​വും സാമൂ​ഹി​ക​വു​മായ ഏതു നിയമങ്ങൾ ചർച്ച​ചെ​യ്യു​ന്നു?

²² (3) സ്വകാ​ര്യ​വും സാമൂ​ഹി​ക​വു​മായ ജീവിതം (21:1–26:19). ഒരുവൻ കൊല്ല​പ്പെ​ട്ട​താ​യി കാണ​പ്പെ​ടു​ന്നു, ബന്ദിക​ളായ സ്‌ത്രീ​ക​ളു​മാ​യു​ളള വിവാഹം, ആദ്യജാ​തന്റെ അവകാശം, ഒരു മത്സരി​യായ പുത്രൻ, ഒരു കുററ​പ്പു​ള​ളി​യെ സ്‌തം​ഭ​ത്തിൽ തൂക്കൽ, കന്യാ​ത്വ​ത്തി​ന്റെ തെളിവ്‌, ലൈം​ഗി​ക​കു​റ​റങ്ങൾ, വൃഷണ​ഛേദം, ജാരപു​ത്രൻമാർ, വിദേ​ശി​ക​ളോ​ടു​ളള പെരു​മാ​ററം, ശുചീ​ക​രണം, പലിശ​കൊ​ടു​ക്ക​ലും പ്രതി​ജ്ഞ​ക​ളും, വിവാ​ഹ​മോ​ചനം, തട്ടി​ക്കൊ​ണ്ടു​പോ​കൽ, വായ്‌പകൾ, കൂലികൾ, കാലാ​പെ​റു​ക്കൽ എന്നിങ്ങ​നെ​യു​ളള കാര്യങ്ങൾ സംബന്ധിച്ച്‌ ഇസ്രാ​യേ​ല്യ​രു​ടെ അനുദി​ന​ജീ​വി​തത്തെ സ്‌പർശി​ക്കുന്ന നിയമങ്ങൾ വിവരി​ക്ക​പ്പെ​ടു​ന്നു. ഒരു മനുഷ്യ​നെ അടിക്കു​ന്ന​തി​നു 40 പ്രഹരം എന്ന പരിധി ഉണ്ടായി​രി​ക്കണം. മെതി​ക്കു​മ്പോൾ ഒരു കാളക്കു മുഖ​ക്കൊട്ട കെട്ടരുത്‌. ദേവര​വി​വാ​ഹ​ത്തി​ന്റെ നടപടി​ക്രമം വിവരി​ക്കു​ന്നു. കൃത്യ​ത​യു​ളള തൂക്കങ്ങൾ ഉപയോ​ഗി​ക്കണം, എന്തു​കൊ​ണ്ടെ​ന്നാൽ അനീതി യഹോ​വക്കു വെറു​പ്പാണ്‌.

23. ദൈവ​ജനം അവന്റെ കൽപ്പനകൾ അനുസ​രി​ക്കു​മ്പോൾ എന്തു കൈവ​രു​മെന്നു മോശ പ്രകട​മാ​ക്കു​ന്നു?

²³ ഈ തീക്ഷ്‌ണ​മായ പ്രസംഗം ഉപസം​ഹ​രി​ക്കു​ന്ന​തി​നു മുമ്പ്‌, ഇസ്രാ​യേ​ല്യർ ഈജി​പ്‌തിൽനിന്ന്‌ ഓടി​പ്പോ​കു​മ്പോൾ ക്ഷീണി​ത​രായ അവരെ അമാ​ലേക്ക്‌ പിൻഭാ​ഗ​ത്തു​നിന്ന്‌ ആക്രമി​ച്ചതു മോശ അനുസ്‌മ​രി​ക്കു​ന്നു, “അമാ​ലേ​ക്കി​ന്റെ ഓർമ്മയെ ആകാശ​ത്തിൻകീ​ഴിൽനി​ന്നു മായിച്ചു”കളയാൻ മോശ ഇസ്രാ​യേ​ലി​നോ​ടു കൽപ്പി​ക്കു​ന്നു. (25:19) അവർ ദേശത്തു പ്രവേ​ശി​ക്കു​മ്പോൾ, നിലത്തെ ആദ്യഫ​ലങ്ങൾ സന്തോ​ഷ​ത്തോ​ടെ അർപ്പി​ക്കണം, അവർ യഹോ​വ​യോ​ടു​ളള ഈ നന്ദി​പ്രാർഥ​ന​യോ​ടെ ദശാം​ശങ്ങൾ കൊടു​ക്കു​ക​യും വേണം: “നിന്റെ വിശുദ്ധ വാസസ്ഥ​ല​മായ സ്വർഗ്ഗ​ത്തിൽനി​ന്നു നോക്കി നിന്റെ ജനമായ യിസ്രാ​യേ​ലി​നെ​യും നീ ഞങ്ങളുടെ പിതാ​ക്കൻമാ​രോ​ടു സത്യം ചെയ്‌ത​തു​പോ​ലെ, ഞങ്ങൾക്കു തന്ന ദേശമാ​യി പാലും തേനും ഒഴുകുന്ന ദേശ​ത്തെ​യും അനു​ഗ്ര​ഹി​ക്കേ​ണമേ.” (26:15) അവർ ഈ കൽപ്പനകൾ മുഴു​ഹൃ​ദ​യ​ത്തോ​ടും ദേഹി​യോ​ടും കൂടെ നിറ​വേ​റ​റു​ന്നു​വെ​ങ്കിൽ, ‘താൻ കല്‌പി​ച്ച​തു​പോ​ലെ അവരുടെ ദൈവ​മായ യഹോ​വക്കു ഒരു വിശു​ദ്ധ​ജ​ന​മെന്നു അവർ തെളി​യി​ക്കു​ന്ന​പക്ഷം, യഹോ​വയെ സംബന്ധി​ച്ച​ട​ത്തോ​ളം, താൻ ഉണ്ടാക്കിയ സകല ജാതി​കൾക്കും മീതെ അവൻ അവരെ പുകഴ്‌ചെ​ക്കും കീർത്തി​ക്കും മാനത്തി​ന്നു​മാ​യി ഉന്നതമാ​ക്കും.’—26:19.

24. മൂന്നാ​മത്തെ പ്രസംഗം ഇസ്രാ​യേ​ലി​ന്റെ മുമ്പാകെ ഏത്‌ അനു​ഗ്ര​ഹ​ങ്ങ​ളും ശാപങ്ങ​ളും വെക്കുന്നു?

²⁴ മോശ​യു​ടെ മൂന്നാ​മത്തെ പ്രസംഗം (27:1–28:68). ഇതിൽ മോശ അനുസ​ര​ണ​ക്കേ​ടി​നു​ളള യഹോ​വ​യു​ടെ ശാപങ്ങ​ളും വിശ്വ​സ്‌ത​ത​ക്കു​ളള അനു​ഗ്ര​ഹ​ങ്ങ​ളും ദീർഘ​മാ​യി വിവരി​ക്കു​മ്പോൾ ഇസ്രാ​യേ​ലി​ലെ പ്രായ​മേ​റിയ പുരു​ഷൻമാ​രും പുരോ​ഹി​തൻമാ​രും മോശ​യോ​ടു​കൂ​ടെ ഉണ്ട്‌. അവിശ്വ​സ്‌ത​ത​യു​ടെ ഭയങ്കര​ഫ​ല​ങ്ങ​ളെ​ക്കു​റി​ച്ചു ഘോര​മായ മുന്നറി​യി​പ്പു​കൾ കൊടു​ക്കു​ന്നു. തന്റെ വിശു​ദ്ധ​ജ​ന​മെന്ന നിലയിൽ ഇസ്രാ​യേൽ യഹോ​വ​യു​ടെ ശബ്ദം കേട്ടനു​സ​രി​ച്ചു​കൊ​ണ്ടി​രി​ക്കു​ന്നു​വെ​ങ്കിൽ, അവർ അത്ഭുത​ക​ര​മായ അനു​ഗ്ര​ഹങ്ങൾ ആസ്വദി​ക്കും, യഹോ​വ​യു​ടെ നാമം അവരു​ടെ​മേൽ വിളി​ക്ക​പ്പെ​ട്ടി​രി​ക്കു​ന്നു​വെന്നു ഭൂമി​യി​ലെ സകല ജനങ്ങളും കാണും. എന്നിരു​ന്നാ​ലും, ഇതിൽ അവർ പരാജ​യ​പ്പെ​ടു​ന്നു​വെ​ങ്കിൽ, യഹോവ അവരു​ടെ​മേൽ “ശാപവും പരി​ഭ്ര​മ​വും പ്രാക്കും” അയയ്‌ക്കും. (28:20) അവരെ അറയ്‌ക്കത്തക്ക രോഗ​വും വരൾച്ച​യും ക്ഷാമവും ബാധി​ക്കും; അവരുടെ ശത്രുക്കൾ അവരെ പിന്തു​ട​രു​ക​യും അടിമ​ക​ളാ​ക്കു​ക​യും ചെയ്യും. അവർ ദേശത്തു​നി​ന്നു ചിതറി​ക്ക​പ്പെ​ടു​ക​യും നിർമൂ​ല​മാ​ക്ക​പ്പെ​ടു​ക​യും ചെയ്യും. അവർ “[തങ്ങളുടെ] ദൈവ​മായ യഹോവ എന്ന മഹത്തും ഭയങ്കര​വു​മായ നാമത്തെ ഭയപ്പെട്ടു ഈ പുസ്‌ത​ക​ത്തിൽ എഴുതി​യി​രി​ക്കുന്ന ഈ ന്യായ​പ്ര​മാ​ണ​ത്തി​ലെ സകല വചനങ്ങ​ളും പ്രമാ​ണി​ച്ച​നു​സ​രി​ച്ചു നടക്കാ​ഞ്ഞാൽ” ഈ ശാപങ്ങ​ളും അധിക​വും അവരു​ടെ​മേൽ വരും.—28:58.

25. (എ) യഹോവ ഇപ്പോൾ ഇസ്രാ​യേ​ലു​മാ​യി ഏത്‌ ഉടമ്പടി ചെയ്യുന്നു? (ബി) മോശ ജനത്തിന്റെ മുമ്പാകെ എന്തു തിര​ഞ്ഞെ​ടു​പ്പു വെക്കുന്നു?

²⁵ മോശ​യു​ടെ നാലാ​മത്തെ പ്രസംഗം (29:1–30:20). യഹോവ ഇപ്പോൾ മോവാ​ബിൽവെച്ച്‌ ഇസ്രാ​യേ​ലു​മാ​യി ഒരു ഉടമ്പടി​ചെ​യ്യു​ന്നു. ഇതു മോശ പുനഃ​പ്ര​സ്‌താ​വി​ക്കു​ക​യും വിശദീ​ക​രി​ക്കു​ക​യും ചെയ്‌ത ന്യായ​പ്ര​മാ​ണത്തെ ഉൾപ്പെ​ടു​ത്തു​ന്നു, അത്‌ ഇസ്രാ​യേൽ വാഗ്‌ദ​ത്ത​ദേ​ശത്തു പ്രവേ​ശി​ക്കു​മ്പോൾ അവരെ വഴിന​ട​ത്തും. ഉടമ്പടി​യോ​ടു​കൂ​ടെ​യു​ളള ഗൗരവാ​വ​ഹ​മായ പ്രതിജ്ഞ ജനതയു​ടെ ഉത്തരവാ​ദി​ത്വ​ങ്ങളെ ബോധ്യ​പ്പെ​ടു​ത്തു​ന്നു. ഒടുവിൽ, ജനത്തിൻമു​മ്പാ​കെ മോശ ജീവനും മരണവും, അനു​ഗ്ര​ഹ​വും ശാപവും വെക്കു​മ്പോൾ അവൻ ആകാശ​ത്തെ​യും ഭൂമി​യെ​യും സാക്ഷി​നിർത്തു​ക​യും ഇങ്ങനെ ഉദ്‌ബോ​ധി​പ്പി​ക്കു​ക​യും ചെയ്യുന്നു: “നീയും നിന്റെ സന്തതി​യും ജീവി​ച്ചി​രി​ക്കേ​ണ്ട​തി​ന്നും യഹോവ നിന്റെ പിതാ​ക്കൻമാ​രായ അബ്രാ​ഹാ​മി​ന്നും യിസ്‌ഹാ​ക്കി​ന്നും യാക്കോ​ബി​ന്നും കൊടു​ക്കു​മെന്നു സത്യം​ചെയ്‌ത ദേശത്തു നീ പാർപ്പാൻ തക്കവണ്ണം നിന്റെ ദൈവ​മായ യഹോ​വയെ സ്‌നേ​ഹി​ക്ക​യും അവന്റെ വാക്കു കേട്ടനു​സ​രി​ക്ക​യും അവനോ​ടു ചേർന്നി​രി​ക്ക​യും ചെയ്യേ​ണ്ട​തി​ന്നും ജീവനെ തിര​ഞ്ഞെ​ടു​ത്തു​കൊൾക.”—30:19, 20.

26. മോശ തന്റെ മരണത്തി​നു മുമ്പ്‌ ഏത്‌ അന്തിമ ക്രമീ​ക​ര​ണങ്ങൾ ചെയ്യുന്നു?

²⁶ യോശു​വ​യു​ടെ നിയോ​ഗ​വും മോശ​യു​ടെ ഗീതവും (31:1–32:47). ന്യായ​പ്ര​മാ​ണം എഴുതി അതിന്റെ ക്രമമായ പരസ്യ​വാ​യ​നയെ സംബന്ധിച്ച നിർദേ​ശങ്ങൾ കൊടു​ത്ത​ശേഷം മോശ യോശു​വ​യോ​ടു ധൈര്യ​വും ബലവു​മു​ള​ള​വ​നാ​യി​രി​ക്കാൻ പറഞ്ഞു​കൊണ്ട്‌ അവനെ നിയോ​ഗി​ക്കു​ന്ന​തും അനന്തരം മോശ ഒരു സ്‌മാ​ര​ക​ഗീ​തം തയ്യാറാ​ക്കു​ന്ന​തും ന്യായ​പ്ര​മാ​ണ​ത്തി​ലെ വചനങ്ങ​ളു​ടെ എഴുത്തു പൂർത്തി​യാ​ക്കു​ന്ന​തും അതു യഹോ​വ​യു​ടെ ഉടമ്പടി​യു​ടെ പെട്ടക​ത്തി​ന്റെ വശത്തു വെക്കാൻ ക്രമീ​ക​ര​ണം​ചെ​യ്യു​ന്ന​തും എങ്ങനെ​യെന്നു 31-ാം അധ്യായം പ്രതി​പാ​ദി​ക്കു​ന്നു. അതിനു​ശേഷം മോശ ഒരു അന്തിമ​പ്ര​ബോ​ധ​ന​മെന്ന നിലയിൽ ഗീതത്തി​ന്റെ വാക്കുകൾ പറയുന്നു.

27. മോശ​യു​ടെ ഗീതത്തിൽ ഏതു ശക്തമായ സന്ദേശം അടങ്ങി​യി​രി​ക്കു​ന്നു?

²⁷ മോശ​യു​ടെ പ്രബോ​ധ​ന​ത്തി​ന്റെ നവോൻമേ​ഷ​ദാ​യ​ക​മായ ഉറവിനെ തിരി​ച്ച​റി​യി​ച്ചു​കൊണ്ട്‌ അവന്റെ ഗീതം എത്ര വിലമ​തി​പ്പോ​ടെ​യാ​ണു തുടങ്ങു​ന്നത്‌! “മഴപോ​ലെ എന്റെ ഉപദേശം പൊഴി​യും; എന്റെ വചനം മഞ്ഞു​പോ​ലെ​യും ഇളമ്പു​ല്ലിൻമേൽ പൊടി​മ​ഴ​പോ​ലെ​യും സസ്യത്തിൻമേൽ മാരി​പോ​ലെ​യും ചൊരി​യും. ഞാൻ യഹോ​വ​യു​ടെ നാമം ഘോഷി​ക്കും.” അതേ, “പാറ”യായ “നമ്മുടെ ദൈവ”ത്തിനു മഹത്ത്വം ആരോ​പി​ക്കുക. (32:2-4) അവന്റെ പൂർണ​ത​യു​ളള പ്രവർത്ത​നത്തെ, അവന്റെ നീതി​യു​ളള വഴിക​ളെ​യും അവന്റെ വിശ്വ​സ്‌ത​ത​യെ​യും നീതി​യെ​യും നേരി​നെ​യും പ്രസി​ദ്ധ​മാ​ക്കുക. യഹോവ ഇസ്രാ​യേ​ലി​നെ ഓളി​കേൾക്കുന്ന ശൂന്യ​പ്ര​ദേ​ശത്തു ചുററി​സം​ര​ക്ഷി​ക്കു​ക​യും തന്റെ കൺമണി​പോ​ലെ അവരെ കാത്തു​പ​രി​പാ​ലി​ക്കു​ക​യും കഴുകൻ അതിന്റെ കുഞ്ഞു​ങ്ങ​ളു​ടെ​മേ​ലെ​ന്ന​പോ​ലെ അവരു​ടെ​മേൽ പറന്നു​നിൽക്കു​ക​യും ചെയ്‌തി​ട്ടും അവർ വിനാ​ശ​ക​ര​മാ​യി പ്രവർത്തി​ച്ചതു ലജ്ജാവ​ഹ​മാ​യി​രു​ന്നു. അവൻ തന്റെ ജനത്തെ യെശൂ​രൂൻ, “നേരു​ള​ളവൻ,” എന്നു വിളി​ച്ചു​കൊണ്ട്‌ അവരെ കൊഴു​പ്പി​ച്ചു, എന്നാൽ അവർ അന്യ​ദൈ​വ​ങ്ങ​ളെ​ക്കൊണ്ട്‌ അവനു അസഹി​ഷ്‌ണുത ജനിപ്പി​ക്കു​ക​യും “നേരി​ല്ലാത്ത മക്കൾ” ആയിത്തീ​രു​ക​യും ചെയ്‌തു. (32:20) പ്രതി​കാ​ര​വും പ്രതി​ക്രി​യ​യും യഹോ​വ​ക്കു​ള​ള​താ​കു​ന്നു. അവൻ കൊല്ലു​ക​യും ജീവി​പ്പി​ക്കു​ക​യും ചെയ്യുന്നു. അവൻ തന്റെ തിളങ്ങുന്ന വാളിനു മൂർച്ച വരുത്തു​ക​യും അവന്റെ കൈ ന്യായ​വി​ധി നടത്തു​ക​യും ചെയ്യു​മ്പോൾ അവൻ തീർച്ച​യാ​യും തന്റെ ശത്രു​ക്ക​ളോ​ടു പകരം വീട്ടും. ഇത്‌ അവന്റെ ജനത്തിൽ എന്തു വിശ്വാ​സം ജനിപ്പി​ക്കണം! പരകോ​ടി​യെ​ന്നോ​ണം ഗീതം പറയു​ന്ന​തു​പോ​ലെ, “ജാതി​കളേ, അവന്റെ ജനത്തോ​ടു​കൂ​ടെ ഉല്ലസി”ക്കാനുളള സമയമാ​ണിത്‌. (32:43) ഏതു ലൗകിക കവിക്കു യഹോ​വ​ക്കു​ളള ഈ ഗീതത്തി​ന്റെ മനോ​ഹാ​രി​ത​യു​ടെ​യും ശക്തിയു​ടെ​യും ആഴമായ അർഥത്തി​ന്റെ​യും അടു​ത്തെ​ത്താൻ കഴിയും?

28. മോശ​യു​ടെ അന്തിമ അനു​ഗ്ര​ഹ​ത്തിൽ യഹോവ എങ്ങനെ പുകഴ്‌ത്ത​പ്പെ​ടു​ന്നു?

²⁸ മോശ​യു​ടെ അന്തിമ അനു​ഗ്രഹം (32:48–34:12). ഇപ്പോൾ മോശക്ക്‌ അവന്റെ മരണ​ത്തെ​സം​ബ​ന്ധിച്ച അന്തിമ നിർദേ​ശങ്ങൾ കൊടു​ക്കു​ന്നു, എന്നാൽ അവൻ തന്റെ ദിവ്യാ​ധി​പ​ത്യ​സേ​വനം ഇതുവരെ അവസാ​നി​പ്പി​ച്ചി​ട്ടില്ല. ആദ്യമാ​യി, അവൻ ഇസ്രാ​യേ​ലി​നെ അനു​ഗ്ര​ഹി​ക്കേ​ണ്ട​താണ്‌. ഇതു ചെയ്യു​മ്പോൾ അവൻ യെശൂ​രൂ​ന്റെ രാജാ​വായ യഹോ​വയെ തന്റെ വിശു​ദ്ധ​രായ അനേകാ​യി​ര​ങ്ങ​ളോ​ടു​കൂ​ടെ വിളങ്ങു​ന്ന​വ​നെന്നു പുകഴ്‌ത്തു​ന്നു. ഗോ​ത്ര​ങ്ങൾക്ക്‌ ഓരോ​ന്നി​നും പ്രത്യേ​കം പ്രത്യേ​കം അനു​ഗ്രഹം പേർപ​റഞ്ഞു ലഭിക്കു​ന്നു, അനന്തരം യഹോ​വയെ മോശ ശ്രേഷ്‌ഠ​നെന്ന നിലയിൽ സ്‌തു​തി​ക്കു​ന്നു: “പുരാ​ത​ന​നായ ദൈവം നിന്റെ സങ്കേതം; കീഴെ ശാശ്വത ഭുജങ്ങൾ ഉണ്ടു.” (33:27) വിലമ​തി​പ്പു തുളു​മ്പുന്ന ഒരു ഹൃദയ​ത്തിൽനിന്ന്‌ അവൻ പിന്നീടു ജനത​യോ​ടു​ളള തന്റെ അന്തിമ​വാ​ക്കു​കൾ സംസാ​രി​ക്കു​ന്നു: “യിസ്രാ​യേലേ, നീ സന്തുഷ്ട​നാ​കു​ന്നു; യഹോ​വ​യിൽ രക്ഷ ആസ്വദി​ക്കുന്ന നിന്നെ​പ്പോ​ലെ ആരുണ്ട്‌?”—33:29, NW.

29. മോശ ഏതു വിധങ്ങ​ളിൽ പ്രമു​ഖ​നാ​യി​രു​ന്നു?

²⁹ നെബോ​പർവ​ത​ത്തിൽനി​ന്നു വാഗ്‌ദ​ത്ത​ദേശം വീക്ഷിച്ച ശേഷം മോശ മരിക്കു​ന്നു, യഹോവ അവനെ മോവാ​ബിൽ അടക്കം​ചെ​യ്യു​ന്നു, അവന്റെ കല്ലറ ഇന്നുവരെ അറിയ​പ്പെ​ടു​ക​യോ ആദരി​ക്ക​പ്പെ​ടു​ക​യോ ചെയ്‌തി​ട്ടില്ല. അവൻ 120 വയസ്സു​വരെ ജീവിച്ചു. “എന്നാൽ അവന്റെ കണ്ണു മങ്ങാ​തെ​യും അവന്റെ ദേഹബലം ക്ഷയിക്കാ​തെ​യും ഇരുന്നു.” വലിയ അടയാ​ള​ങ്ങ​ളും അത്ഭുത​ങ്ങ​ളും ചെയ്യാൻ യഹോവ അവനെ ഉപയോ​ഗി​ച്ചി​രു​ന്നു, അന്തിമ അധ്യായം റിപ്പോർട്ടു ചെയ്യു​ന്ന​തു​പോ​ലെ, “യഹോവ അഭിമു​ഖ​മാ​യി അറിഞ്ഞ മോ​ശെ​യെ​പ്പോ​ലെ ഒരു പ്രവാ​ചകൻ യിസ്രാ​യേ​ലിൽ പിന്നെ ഉണ്ടായി​ട്ടില്ല.”—34:7, 12.

എന്തു​കൊ​ണ്ടു പ്രയോ​ജ​ന​പ്ര​ദം

30. ആവർത്ത​ന​പു​സ്‌തകം പഞ്ചഗ്ര​ന്ഥ​ങ്ങൾക്ക്‌ ഉചിത​മായ ഒരു ഉപസം​ഹാ​രം നൽകു​ന്നത്‌ എങ്ങനെ?

³⁰ പഞ്ചഗ്ര​ന്ഥ​ങ്ങ​ളു​ടെ അവസാ​നത്തെ പുസ്‌ത​ക​മെന്ന നിലയിൽ, ആവർത്ത​ന​പു​സ്‌തകം യഹോ​വ​യാം ദൈവ​ത്തി​ന്റെ വലിയ നാമത്തെ ഘോഷി​ക്കു​ന്ന​തി​ലും വിശു​ദ്ധീ​ക​രി​ക്കു​ന്ന​തി​ലും മുന്നെ​ഴു​തി​യ​തെ​ല്ലാം സമന്വ​യി​പ്പി​ക്കു​ന്നു. അവൻ മാത്ര​മാ​ണു ദൈവം, സമ്പൂർണ​ഭക്തി നിഷ്‌കർഷി​ക്കു​ന്ന​വ​നും വ്യാജ​മ​താ​രാ​ധ​ന​യു​ടെ ഭൂത​ദൈ​വ​ങ്ങ​ളാ​ലു​ളള മാത്സര്യ​ത്തെ പൊറു​ക്കാ​ത്ത​വ​നു​മാ​യവൻ. ഈ നാളിൽ, സകല ക്രിസ്‌ത്യാ​നി​ക​ളും ദൈവ​നി​യ​മ​ത്തി​ന്റെ അടിസ്ഥാ​ന​മാ​യി​രി​ക്കുന്ന വലിയ തത്ത്വങ്ങൾക്ക്‌ ആത്മാർഥ​മായ ശ്രദ്ധ കൊടു​ക്കു​ക​യും തന്റെ ശത്രു​ക്ക​ളു​ടെ​മേൽ പ്രതി​കാ​രം നടത്തു​ന്ന​തി​നു തന്റെ തിളങ്ങുന്ന വാളിനു മൂർച്ച കൂട്ടു​മ്പോൾ അവന്റെ ശാപത്തിൽനി​ന്നു തങ്ങൾ വിമു​ക്ത​രാ​യി​രി​ക്കേ​ണ്ട​തിന്‌ അവനെ അനുസ​രി​ക്കു​ക​യും ചെയ്യേ​ണ്ട​താണ്‌. അവന്റെ ഏററവും വലുതും ഒന്നാമ​ത്തേ​തു​മായ കൽപ്പന അവരുടെ ജീവി​ത​ത്തി​ലെ മാർഗ​നിർദേശ സ്‌തം​ഭ​മാ​യി​ത്തീ​രേ​ണ്ട​താണ്‌: “നിന്റെ ദൈവ​മായ യഹോ​വയെ നീ പൂർണ്ണ​ഹൃ​ദ​യ​ത്തോ​ടും പൂർണ്ണ​മ​ന​സ്സോ​ടും പൂർണ്ണ​ശ​ക്തി​യോ​ടും കൂടെ സ്‌നേ​ഹി​ക്കേണം.”—6:5.

31. ദൈ​വോ​ദ്ദേ​ശ്യ​ങ്ങ​ളെ​ക്കു​റി​ച്ചു​ളള വിലമ​തി​പ്പു വർധി​പ്പി​ക്കു​ന്ന​തി​നു മററു നിശ്വസ്‌ത തിരു​വെ​ഴു​ത്തു​കൾ ആവർത്ത​ന​പു​സ്‌ത​ക​ത്തിൽനിന്ന്‌ എങ്ങനെ വിവരങ്ങൾ എടുക്കു​ന്നു?

³¹ തിരു​വെ​ഴു​ത്തു​ക​ളു​ടെ ശേഷിച്ച ഭാഗം ദിവ്യോ​ദ്ദേ​ശ്യ​ങ്ങ​ളോ​ടു​ളള വിലമ​തി​പ്പി​നെ വർധി​പ്പി​ക്കു​ന്ന​തി​നു കൂടെ​ക്കൂ​ടെ ആവർത്ത​ന​പു​സ്‌ത​കത്തെ പരാമർശി​ക്കു​ന്നുണ്ട്‌. പരീക്ഷ​ക​നോട്‌ ഉത്തരം പറഞ്ഞ​പ്പോ​ഴത്തെ തന്റെ ഉദ്ധരണി​കൾക്കു പുറമേ യേശു മററ​നേകം പരാമർശ​നങ്ങൾ നടത്തി. (ആവ. 5:16—മത്താ. 15:4; ആവ. 17:6—മത്താ. 18:16-ഉം യോഹ. 8:17-ഉം) ഇവ വെളി​പാ​ടി​ലേ​ക്കും തുടരു​ന്നു, അവിടെ മഹത്ത്വീ​ക​രി​ക്ക​പ്പെട്ട യേശു യഹോ​വ​യു​ടെ പ്രവച​ന​ത്തി​ന്റെ ചുരു​ളി​നോ​ടു കൂട്ടു​ക​യോ കുറയ്‌ക്കു​ക​യോ ചെയ്യു​ന്ന​തി​നെ​തി​രെ അന്തിമ​മാ​യി മുന്നറി​യി​പ്പു കൊടു​ക്കു​ന്നു. (ആവ. 4:2—വെളി. 22:18) യേശു യഹോവ ഇസ്രാ​യേ​ലിൽ എഴു​ന്നേൽപ്പി​ക്കു​മെന്നു വാഗ്‌ദാ​നം​ചെയ്‌ത മോശ​യെ​ക്കാൾ വലിയ പ്രവാ​ച​ക​നും ക്രിസ്‌തു​വും ആണെന്നു​ളള തന്റെ ശക്തമായ വാദത്തെ ഉറപ്പി​ക്കു​ന്ന​തി​നു പത്രൊസ്‌ ആവർത്ത​ന​പു​സ്‌ത​ക​ത്തിൽനിന്ന്‌ ഉദ്ധരി​ക്കു​ന്നു. (ആവ. 18:15-19—പ്രവൃ. 3:22, 23) പൗലൊസ്‌ വേലക്കാ​രു​ടെ കൂലി​യും സാക്ഷി​ക​ളു​ടെ മൊഴി​യാ​ലു​ളള പൂർണ​മായ അന്വേ​ഷ​ണ​വും കുട്ടി​ക​ളു​ടെ പ്രബോ​ധ​ന​വും സംബന്ധിച്ച്‌ അതിൽനിന്ന്‌ ഉദ്ധരി​ക്കു​ന്നു.—ആവ. 25:4—1 കൊരി. 9:8-10-ഉം 1 തിമൊ. 5:17, 18-ഉം; ആവ. 13:14-ഉം 19:15-ഉം—1 തിമൊ. 5:19-ഉം 2 കൊരി. 13:1-ഉം; ആവ. 5:16—എഫെ. 6:2, 3.

32. യോശു​വ​യും ഗിദെ​യോ​നും മററു പ്രവാ​ച​കൻമാ​രും നമുക്ക്‌ ഏതു കാര്യ​ത്തിൽ നല്ല ദൃഷ്ടാ​ന്ത​ങ്ങ​ളാണ്‌?

³² ക്രിസ്‌തീയ തിരു​വെ​ഴു​ത്തു​ക​ളു​ടെ എഴുത്തു​കാർ മാത്രമല്ല, ക്രിസ്‌തീയ-പൂർവ കാലങ്ങ​ളി​ലെ ദൈവ​ദാ​സൻമാ​രും ആവർത്ത​ന​പു​സ്‌ത​ക​ത്തിൽനി​ന്നു പ്രബോ​ധ​ന​വും പ്രോ​ത്സാ​ഹ​ന​വും ഉൾക്കൊ​ണ്ടു. നാം അവരുടെ ദൃഷ്ടാന്തം പിന്തു​ട​രു​ന്നത്‌ ഉചിത​മാണ്‌. ആഖാ​നെ​പ്പോ​ലെ കൊള​ള​മു​തൽ എടുക്കാ​തെ, കനാൻ പിടി​ച്ച​ട​ക്കിയ സമയത്തു ജയിച്ച​ട​ക്കിയ നഗരങ്ങളെ നാശത്തിന്‌ ഇരയാ​ക്കി​യ​തിൽ മോശ​യു​ടെ പിൻഗാ​മി​യായ യോശു​വ​യു​ടെ നിരു​പാ​ധി​ക​മായ അനുസ​രണം പരിഗ​ണി​ക്കുക. (ആവ. 20:15-18-ഉം 21:23-ഉം—യോശു. 8:24-27, 29) തന്റെ സൈന്യ​ത്തിൽനി​ന്നു “ഭയവും ഭീരു​ത​യു​മു​ളള”വരെ ഗിദെ​യോൻ ഒഴിവാ​ക്കി​യതു ന്യായ​പ്ര​മാ​ണം അനുസ​രി​ച്ചു​കൊ​ണ്ടാ​യി​രു​ന്നു. (ആവ. 20:1-9—ന്യായാ. 7:1-11) യഹോ​വ​യു​ടെ നിയമ​ത്തോ​ടു​ളള വിശ്വ​സ്‌ത​ത​യിൽനി​ന്നാണ്‌ ഇസ്രാ​യേ​ലി​ലെ​യും യഹൂദ​യി​ലെ​യും പ്രവാ​ച​കൻമാർ പിൻമാ​റ​റ​ക്കാ​രായ ജനതകളെ കുററം​വി​ധി​ച്ചു​കൊ​ണ്ടു സധൈ​ര്യ​വും സവീര്യ​വും സംസാ​രി​ച്ചത്‌. ആമോസ്‌ ഇതിന്റെ ഒരു വിശിഷ്ട ദൃഷ്ടാ​ന്ത​മാ​യി​രു​ന്നു. (ആവ. 24:12-15—ആമോ. 2:6-8) തീർച്ച​യാ​യും ആവർത്ത​ന​പു​സ്‌ത​കത്തെ ദൈവ​വ​ച​ന​ത്തി​ന്റെ ശേഷിച്ച ഭാഗ​ത്തോ​ടു ബന്ധപ്പെ​ടു​ത്തു​ന്ന​തും അങ്ങനെ അതു യോജി​പ്പു​ളള സാകല്യ​ത്തി​ന്റെ അവിഭാ​ജ്യ​വും പ്രയോ​ജ​ന​പ്ര​ദ​വു​മായ ഭാഗമാ​ണെന്നു പ്രകട​മാ​ക്കു​ന്ന​തു​മായ നൂറു​ക​ണ​ക്കിന്‌ അക്ഷരീയ ദൃഷ്ടാ​ന്ത​ങ്ങ​ളുണ്ട്‌.

33. (എ) ആവർത്ത​ന​പു​സ്‌തകം എങ്ങനെ യഹോ​വക്കു സ്‌തുതി കരേറ​റു​ന്നു? (ബി) ലോക​രാ​ഷ്‌ട്രങ്ങൾ ദൈവ​നി​യ​മ​ത്തി​ലെ തത്ത്വങ്ങൾ അംഗീ​ക​രി​ക്കു​ന്നതു സംബന്ധിച്ച്‌ ഇതോ​ടൊ​പ്പ​മു​ളള പട്ടിക എന്തു പ്രകട​മാ​ക്കു​ന്നു?

³³ ആവർത്ത​ന​പു​സ്‌ത​ക​ത്തി​ന്റെ സാരം​തന്നെ പരമാ​ധി​കാര കർത്താ​വായ യഹോ​വക്കു സ്‌തുതി കരേറ​റു​ന്നു. ‘യഹോ​വയെ ആരാധി​ക്കുക; അവനു സമ്പൂർണ​ഭക്തി കൊടു​ക്കുക’ എന്ന്‌ അത്‌ ഉടനീളം ഊന്നി​പ്പ​റ​യു​ന്നു. ന്യായ​പ്ര​മാ​ണം മേലാൽ ക്രിസ്‌ത്യാ​നി​കൾക്കു ബാധക​മ​ല്ലെ​ങ്കി​ലും അതിലെ അടിസ്ഥാന തത്ത്വങ്ങൾ നീക്കം​ചെ​യ്യ​പ്പെ​ട്ടി​ട്ടില്ല. (ഗലാ. 3:19) സത്യ​ക്രി​സ്‌ത്യാ​നി​കൾക്കു പടിപ​ടി​യാ​യു​ളള പഠിപ്പി​ക്ക​ലോ​ടും നിഷ്‌ക​പ​ട​ത​യോ​ടും അവതര​ണ​ലാ​ളി​ത്യ​ത്തോ​ടും കൂടിയ ദൈവ​നി​യ​മ​ത്തി​ന്റെ ഈ ശക്തിമ​ത്തായ പുസ്‌ത​ക​ത്തിൽനിന്ന്‌ എത്രയ​ധി​കം പഠിക്കാൻ കഴിയും! എന്തിന്‌, ലോക​രാ​ഷ്‌ട്ര​ങ്ങൾപോ​ലും അവയുടെ സ്വന്തം നിയമ​പു​സ്‌ത​ക​ങ്ങ​ളിൽ ആവർത്ത​ന​പു​സ്‌ത​ക​ത്തിൽനി​ന്നു​ളള അനേകം നിബന്ധ​നകൾ എഴുതി​ച്ചേർത്തു​കൊ​ണ്ടു യഹോ​വ​യു​ടെ പരമോ​ന്നത നിയമ​ത്തി​ന്റെ വൈശി​ഷ്ട്യ​ത്തെ അംഗീ​ക​രി​ച്ചി​രി​ക്കു​ന്നു. ഇതി​നോ​ടൊ​പ്പം കൊടു​ത്തി​രി​ക്കുന്ന പട്ടിക അവ സ്വീക​രി​ച്ചി​രി​ക്കു​ന്ന​തോ തത്ത്വത്തിൽ ബാധക​മാ​ക്കി​യി​രി​ക്കു​ന്ന​തോ ആയ നിയമ​ങ്ങ​ളു​ടെ രസാവ​ഹ​മായ ദൃഷ്ടാ​ന്തങ്ങൾ നൽകുന്നു.

34. “ന്യായ​പ്ര​മാ​ണ​ത്തി​ന്റെ ആവർത്തന”വും ദൈവ​രാ​ജ്യ​വും തമ്മിൽ ഏതു ബന്ധമുണ്ട്‌?

³⁴ കൂടാതെ, ന്യായ​പ്ര​മാ​ണ​ത്തി​ന്റെ ഈ വിശദീ​ക​രണം ദൈവ​രാ​ജ്യ​ത്തി​ലേക്കു വിരൽചൂ​ണ്ടു​ക​യും അതി​നോ​ടു​ളള വിലമ​തി​പ്പി​നെ വർധി​പ്പി​ക്കു​ക​യും ചെയ്യുന്നു. എങ്ങനെ? നിയു​ക്ത​രാ​ജാ​വായ യേശു​ക്രി​സ്‌തു ഭൂമി​യി​ലാ​യി​രു​ന്ന​പ്പോൾ ഈ പുസ്‌ത​ക​ത്തിൽനി​ന്നു നടത്തിയ വിദഗ്‌ധ​മായ പരാമർശങ്ങൾ പ്രകട​മാ​ക്കു​ന്ന​തു​പോ​ലെ അവൻ അതു സുപരി​ചി​ത​മാ​ക്കു​ക​യും ബാധക​മാ​ക്കു​ക​യും ചെയ്‌തു. അവൻ തന്റെ രാജ്യം സർവഭൂ​മി​യി​ലും വ്യാപി​പ്പി​ക്കു​മ്പോൾ ഇതേ “നിയമ”ത്തിലെ ശരിയായ തത്ത്വങ്ങൾ അനുസ​രി​ച്ചാ​യി​രി​ക്കും ഭരിക്കു​ന്നത്‌. രാജ്യ“സന്തതി”യെന്ന നിലയിൽ അവനിൽ തങ്ങളേ​ത്തന്നെ അനു​ഗ്ര​ഹി​ക്കാ​നി​ട​യാ​കു​ന്നവർ ഈ തത്ത്വങ്ങൾ അനുസ​രി​ക്കേ​ണ്ടി​വ​രും. (ഉല്‌പ. 22:18; ആവ. 7:12-14) അവ ഇപ്പോൾ അനുസ​രി​ച്ചു​തു​ട​ങ്ങു​ന്നതു പ്രയോ​ജ​ന​ക​ര​വും ഗുണക​ര​വു​മാണ്‌. 3,500 വർഷം പഴക്കമു​ളള ഈ “നിയമം” അശേഷം കാലഹ​ര​ണ​പ്പെ​ടാ​തെ ഇന്നു ശക്തിമ​ത്തായ സ്വരത്തിൽ നമ്മോടു സംസാ​രി​ക്കു​ന്നു, അതു ദൈവ​രാ​ജ്യ​ത്തിൻകീ​ഴി​ലു​ളള പുതിയ ലോക​ത്തി​ലും സംസാ​രി​ച്ചു​കൊ​ണ്ടേ​യി​രി​ക്കും. പഞ്ചഗ്ര​ന്ഥ​ങ്ങ​ളി​ലെ പ്രയോ​ജ​ന​പ്ര​ദ​മായ സകല പ്രബോ​ധ​ന​ത്തി​ന്റെ​യും ബാധക​മാ​ക്ക​ലി​നാൽ യഹോ​വ​യു​ടെ ജനത്തിന്റെ ഇടയിൽ അവന്റെ നാമം വിശു​ദ്ധീ​ക​രി​ക്ക​പ്പെ​ടു​ന്ന​തിൽ തുടരട്ടെ, അതു വളരെ മഹത്തായി ആവർത്ത​ന​പു​സ്‌ത​ക​ത്തിൽ അതിന്റെ പാരമ്യ​ത്തി​ലെ​ത്തു​ന്നു—തീർച്ച​യാ​യും “എല്ലാ തിരു​വെ​ഴു​ത്തുക”ളുടെ​യും നിശ്വ​സ്‌ത​വും പ്രചോ​ദ​ക​വു​മായ ഒരു ഭാഗം തന്നെ!

[അടിക്കു​റി​പ്പു​കൾ]

[41-ാം പേജിലെ ചാർട്ട്‌]

ആവർത്ത​ന​പു​സ്‌ത​ക​ത്തി​ലെ ചില നിയമ​പ​ര​മായ കീഴ്‌വഴക്കങ്ങൾd

എ. വ്യക്തി​പ​ര​മായ ബന്ധങ്ങൾ

1. മാതാ​പി​താ​ക്ക​ളും കുട്ടി​ക​ളും 5:16

2. ദാമ്പത്യ​ബ​ന്ധങ്ങൾ 22:30; 27:20, 22, 23

3. വിവാ​ഹ​മോ​ചന നിയമങ്ങൾ 22:13-19, 28, 29

ബി. വസ്‌തു​സം​ബ​ന്ധ​മായ അവകാ​ശങ്ങൾ 22:1-4

II. ഭരണഘ​ടനാ നിയമങ്ങൾ

എ. രാജാ​വി​ന്റെ യോഗ്യ​ത​ക​ളും കടമക​ളും 17:14-20

ബി. സൈനി​ക​നി​യ​മങ്ങൾ

1. സൈന്യ​സേ​വ​ന​ത്തിൽനി​ന്നു​ളള ഒഴിവു​കൾ 20:1, 5-7; 24:5

2. ചെറിയ ഉദ്യോ​ഗ​സ്ഥൻമാർ 20:9

III. നീതി​പീ​ഠം

എ. ന്യായാ​ധി​പൻമാ​രു​ടെ കടമകൾ 16:18, 20

ബി. പരമോ​ന്നത അപ്പീൽകോ​ടതി 17:8-11

IV. കുററ​കൃ​ത്യ​നി​യ​മങ്ങൾ

എ. സംസ്ഥാ​ന​ത്തി​നെ​തി​രായ കുററ​കൃ​ത്യ​ങ്ങൾ

1. കൈക്കൂ​ലി, നീതി മറിച്ചു​ക​ളയൽ 16:19, 20

2. കളളസാ​ക്ഷ്യം 5:20

ബി. ധാർമി​ക​ത​ക്കെ​തി​രായ കുററ​കൃ​ത്യ​ങ്ങൾ

1. വ്യഭി​ചാ​രം 5:18; 22:22-24

2. നിയമ​വി​രു​ദ്ധ​വി​വാ​ഹം 22:30; 27:20, 22, 23

സി. വ്യക്തി​ക്കെ​തി​രായ കുററ​കൃ​ത്യ​ങ്ങൾ

1. കൊല​യും കയ്യേറ​റ​വും 5:17; 27:24

2. ബലാൽസം​ഗ​വും വഴിപി​ഴ​പ്പി​ക്ക​ലും 22:25-29

V. മനുഷ്യ​ത്വ​പ​ര​മായ നിയമങ്ങൾ

എ. മൃഗങ്ങ​ളോ​ടു​ളള ദയ 25:4; 22:6, 7

ബി. നിർഭാ​ഗ്യ​രോ​ടു​ളള പരിഗണന 24:6, 10-18

സി. കെട്ടി​ട​സു​ര​ക്ഷി​ത​ത്വ​നി​യമം 22:8

ഇ. ഞെരു​ക്ക​മു​ള​ള​വർക്കു​വേ​ണ്ടി​യു​ളള 14:28, 29; 15:1-11;

മനുഷ്യ​സ്‌നേ​ഹ​പ​ര​മായ കരുത​ലു​കൾ 16:11, 12; 24:19-22

[അടിക്കു​റി​പ്പു​കൾ]