‘രാജ്യ​ത്തി​ന്റെ ഈ സുവി​ശേഷം പ്രസം​ഗി​ക്ക​പ്പെ​ടും!’

 1. പ്രസം​ഗ​വേ​ല​യ്‌ക്കു തടയി​ടാൻ ആർക്കും കഴിയി​ല്ലെന്ന്‌ നമുക്ക്‌ എങ്ങനെ അറിയാം?

¹ തന്റെ ഉദ്ദേശ്യം നിവർത്തി​ക്കു​ന്ന​തിൽനിന്ന്‌ യഹോ​വയെ തടയാൻ യാതൊ​ന്നി​നും ആവില്ല. (യെശ. 14:24) ഗിദെ​യോ​നെ​യും അവന്റെ കൂടെ​യുള്ള 300 പുരു​ഷ​ന്മാ​രെ​യും സംബന്ധി​ച്ചി​ട​ത്തോ​ളം, 1,35,000 വരുന്ന മിദ്യാ​ന്യ സൈന്യ​ത്തെ ചെറു​ത്തു​തോൽപ്പി​ക്കുക എന്നത്‌ അസാധ്യ​മായ ഒരു കാര്യ​മാ​യി​രു​ന്നു. എന്നാൽ യഹോവ അവനോട്‌, “നീ യിസ്രാ​യേ​ലി​നെ മിദ്യാ​ന്യ​രു​ടെ കയ്യിൽനി​ന്നു രക്ഷിക്കും; ഞാനല്ല​യോ നിന്നെ അയക്കു​ന്നത്‌” എന്നു പറഞ്ഞു. (ന്യായാ. 6:14) അന്നത്തെ​പ്പോ​ലെ​തന്നെ ഇന്നും യഹോ​വ​യു​ടെ പിന്തു​ണ​യുള്ള ഒരു പ്രവർത്തനം ഉണ്ട്‌. അത്‌ ഏതാണ്‌? യേശു പറഞ്ഞു: “രാജ്യ​ത്തി​ന്റെ ഈ സുവി​ശേഷം സകല ജനതകൾക്കും ഒരു സാക്ഷ്യ​ത്തി​നാ​യി ഭൂലോ​ക​ത്തി​ലെ​ങ്ങും പ്രസം​ഗി​ക്ക​പ്പെ​ടും.” (മത്താ. 24:14) അതെ, ഈ വേല നിവർത്തി​ക്ക​പ്പെ​ടും. അതിന്‌ തടയി​ടാൻ ആർക്കും കഴിയില്ല!

 2. ശുശ്രൂ​ഷ​യിൽ യഹോവ നമ്മെ വ്യക്തി​പ​ര​മാ​യി സഹായി​ക്കു​മെന്ന്‌ പ്രതീ​ക്ഷി​ക്കാ​നാ​കു​ന്നത്‌ എന്തു​കൊണ്ട്‌?

² യഹോവ നമ്മെ ഓരോ​രു​ത്ത​രെ​യും സഹായി​ക്കും: ശുശ്രൂഷ നിർവ​ഹി​ക്കാൻ ഒരു കൂട്ടമെന്ന നിലയിൽ യഹോവ തന്റെ ജനത്തെ സഹായി​ക്കു​മെന്ന്‌ നമുക്ക്‌ ഉറപ്പുണ്ട്‌. എന്നാൽ ഇക്കാര്യ​ത്തിൽ അവൻ നമ്മെ വ്യക്തി​പ​ര​മാ​യി സഹായി​ക്കു​മെന്ന്‌ പ്രതീ​ക്ഷി​ക്കാ​നാ​കു​മോ? ഒരു അവശ്യ​ഘ​ട്ട​ത്തിൽ, യഹോവ യേശു​ക്രി​സ്‌തു​വി​ലൂ​ടെ തന്നെ പിന്തു​ണ​ച്ച​താ​യി അപ്പൊ​സ്‌ത​ല​നായ പൗലോസ്‌ അനുഭ​വി​ച്ച​റി​ഞ്ഞു. (2 തിമൊ. 4:17) നമ്മുടെ കാര്യ​ത്തി​ലും ഇത്‌ സത്യമാണ്‌. യഹോ​വ​യു​ടെ ഹിതം നിവർത്തി​ക്കാൻ വ്യക്തി​പ​ര​മാ​യി നാം ചെയ്യുന്ന ഓരോ ശ്രമങ്ങ​ളെ​യും അവൻ അനു​ഗ്ര​ഹി​ക്കു​മെന്ന്‌ നമുക്ക്‌ ഉറപ്പു​ണ്ടാ​യി​രി​ക്കാ​നാ​കും.—1 യോഹ. 5:14.

 3. ഏതെല്ലാം സാഹച​ര്യ​ങ്ങ​ളിൽ യഹോവ നമ്മെ സഹായി​ക്കും?

³ ശുശ്രൂ​ഷ​യിൽ കാര്യ​മാ​യൊ​ന്നും ചെയ്യാ​നാ​കാ​ത്ത​വി​ധം ജീവിത ഉത്‌ക​ണ്‌ഠകൾ നിങ്ങളെ ക്ഷീണി​പ്പി​ക്കു​ന്നു​ണ്ടോ? യഹോവ “ക്ഷീണി​ച്ചി​രി​ക്കു​ന്ന​വന്നു ശക്തി നൽകുന്നു.” (യെശ. 40:29-31) എതിർപ്പോ പീഡന​മോ നിങ്ങൾക്കു നേരി​ടു​ന്നു​ണ്ടോ? “നിന്റെ ഭാരം യഹോ​വ​യു​ടെ​മേൽ വെച്ചു​കൊൾക; അവൻ നിന്നെ പുലർത്തും.” (സങ്കീ. 55:22) ചില​പ്പോ​ഴെ​ങ്കി​ലും നിങ്ങളു​ടെ ആത്മവി​ശ്വാ​സം ചോർന്നു​പോ​കാ​റു​ണ്ടോ? ‘ആകയാൽ നീ ചെല്ലുക; ഞാൻ നിന്റെ വായോ​ടു​കൂ​ടെ ഇരിക്കും’ (പുറ. 4:11, 12) ആരോഗ്യ പ്രശ്‌നങ്ങൾ നിങ്ങളു​ടെ ശുശ്രൂഷ പരിമി​ത​പ്പെ​ടു​ത്തു​ന്നു​ണ്ടോ? മുഴു​ഹൃ​ദ​യ​ത്തോ​ടെ​യുള്ള നിങ്ങളു​ടെ ശുശ്രൂഷ യഹോവ വിലമ​തി​ക്കും, അത്‌ എത്ര പരിമി​ത​മാ​ണെ​ങ്കി​ലും. അത്‌ സഫലമാ​ക്കാൻ യഹോ​വ​യ്‌ക്കു കഴിയും.—1 കൊരി. 3:6, 9.

 4. യഹോവ അനു​ഗ്ര​ഹി​ക്കും എന്ന ഉറപ്പ്‌ എന്തു​ചെ​യ്യാൻ നമ്മെ പ്രേരി​പ്പി​ക്കും?

⁴ യഹോവ തന്റെ കരം “നീട്ടി​യി​രി​ക്കു​ന്നു; അതു മടക്കു​ന്ന​വ​നാർ?” (യെശ. 14:27) യഹോവ അനു​ഗ്ര​ഹി​ക്കും എന്ന ഉറപ്പോ​ടെ ‘അവനിൽനി​ന്നുള്ള അധികാ​ര​ത്താൽ’ നയത്തോ​ടും ധൈര്യ​ത്തോ​ടും കൂടെ പ്രസം​ഗി​ച്ചു​കൊണ്ട്‌ ശുശ്രൂ​ഷ​യിൽ നമുക്ക്‌ അവിരാ​മം തുടരാം.—പ്രവൃ. 14:3.