സാദോ​ക്കി​നെ​പ്പോ​ലെ ധൈര്യം ഉള്ളവരാ​യി​രി​ക്കുക

1-2. സാദോക്ക്‌ ആരായി​രു​ന്നു? (1 ദിനവൃ​ത്താ​ന്തം 12:22, 26-28)

ഇതൊന്നു ഭാവന​യിൽ കാണൂ. ദാവീ​ദി​നെ ഇസ്രാ​യേ​ലി​നു മുഴുവൻ രാജാ​വാ​ക്കു​ന്ന​തി​നു​വേണ്ടി 3,40,000-ത്തിലധി​കം ആളുകൾ ഒരുമിച്ച്‌ കൂടി​യി​രി​ക്കു​ക​യാണ്‌. ഹെ​ബ്രോന്‌ അടുത്തുള്ള കുന്നു​ക​ളി​ലാണ്‌ മൂന്നു ദിവസ​മാ​യി അവർ താമസി​ക്കു​ന്നത്‌. (1 ദിന. 12:39) സന്തോ​ഷ​ത്തോ​ടെ​യുള്ള അവരുടെ ചിരി​യും സംസാ​ര​വും യഹോ​വയെ സ്‌തു​തി​ച്ചു​കൊ​ണ്ടുള്ള പാട്ടു​ക​ളും അവി​ടെ​യെ​ങ്ങും അലതല്ലു​ന്നു. ആ കൂട്ടത്തിൽ സാദോക്ക്‌ എന്നു പേരുള്ള ഒരു ചെറു​പ്പ​ക്കാ​ര​നു​ണ്ടാ​യി​രു​ന്നു. അധിക​മാ​രും അദ്ദേഹത്തെ ശ്രദ്ധി​ച്ചു​കാ​ണില്ല. എന്നാൽ നമ്മൾ അദ്ദേഹ​ത്തെ​ക്കു​റിച്ച്‌ അറിയാൻ യഹോവ ആഗ്രഹി​ച്ചു. (1 ദിനവൃ​ത്താ​ന്തം 12:22, 26-28 വായി​ക്കുക.) ആരായി​രു​ന്നു സാദോക്ക്‌?

² മഹാപു​രോ​ഹി​ത​നായ അബ്യാ​ഥാ​രി​നോട്‌ അടുത്ത്‌ പ്രവർത്തി​ച്ചി​രുന്ന ഒരു പുരോ​ഹി​ത​നാ​യി​രു​ന്നു സാദോക്ക്‌. അദ്ദേഹം ഒരു ദിവ്യ​ജ്ഞാ​നി​യു​മാ​യി​രു​ന്നു. ദൈ​വേഷ്ടം വിവേ​ചിച്ച്‌ അറിയാ​നുള്ള അസാധാ​ര​ണ​മായ കഴിവും ജ്ഞാനവും യഹോവ അദ്ദേഹ​ത്തി​നു കൊടു​ത്തു. (2 ശമു. 15:27) ഒരു ഉപദേശം വേണ്ടി​വ​രു​മ്പോൾ ആളുകൾ അദ്ദേഹ​ത്തോ​ടു സഹായം ചോദി​ക്കു​മാ​യി​രു​ന്നു. ഇനി, അദ്ദേഹം നല്ല ധൈര്യ​മുള്ള ഒരാളു​മാ​യി​രു​ന്നു. ഈ ലേഖന​ത്തിൽ നമ്മൾ പ്രധാ​ന​മാ​യും നോക്കു​ന്നതു സാദോ​ക്കി​ന്റെ ധൈര്യ​ത്തെ​ക്കു​റി​ച്ചാണ്‌.

 3. (എ) യഹോ​വ​യു​ടെ ആരാധ​കർക്കു ധൈര്യം വേണ്ടത്‌ എന്തു​കൊണ്ട്‌? (ബി) ഈ ലേഖന​ത്തിൽ നമ്മൾ എന്തു ചർച്ച ചെയ്യും?

³ ഈ അവസാ​ന​നാ​ളു​ക​ളിൽ ദൈവ​ജ​ന​ത്തി​നു നേരെ​യുള്ള ആക്രമണം സാത്താൻ ശക്തമാ​ക്കി​ക്കൊ​ണ്ടി​രി​ക്കു​ക​യാണ്‌. (1 പത്രോ. 5:8) സാത്താ​നെ​യും ഈ ദുഷ്ട​ലോ​ക​ത്തെ​യും യഹോവ നശിപ്പി​ക്കു​ന്ന​തു​വരെ പിടി​ച്ചു​നിൽക്കാൻ നമുക്കു നല്ല ധൈര്യം വേണം. (സങ്കീ. 31:24) അതു​കൊണ്ട്‌ സാദോ​ക്കി​ന്റെ ധൈര്യം നമുക്ക്‌ അനുക​രി​ക്കാ​നാ​കുന്ന മൂന്നു വിധങ്ങൾ നോക്കാം.

ദൈവ​രാ​ജ്യ​ത്തെ പിന്തു​ണ​യ്‌ക്കു​ക

 4. ദൈവ​രാ​ജ്യ​ത്തെ പിന്തു​ണ​യ്‌ക്കാൻ യഹോ​വ​യു​ടെ ജനത്തിനു ധൈര്യം വേണ്ടത്‌ എന്തു​കൊണ്ട്‌? (ചിത്ര​വും കാണുക.)

⁴ യഹോ​വ​യു​ടെ ആരാധ​ക​രായ നമ്മൾ മുഴു​ഹൃ​ദ​യ​ത്തോ​ടെ ദൈവ​രാ​ജ്യ​ത്തെ പിന്തു​ണ​യ്‌ക്കു​ന്നു. പക്ഷേ, പലപ്പോ​ഴും നമുക്ക്‌ അതിനു ധൈര്യം ആവശ്യ​മാണ്‌. (മത്താ. 6:33) ഉദാഹ​ര​ണ​ത്തിന്‌, ഈ മോശ​മായ ലോക​ത്തിൽ ദൈവ​ത്തി​ന്റെ നിലവാ​ര​ങ്ങൾക്കു ചേർച്ച​യിൽ ജീവി​ക്കാ​നും സന്തോ​ഷ​വാർത്ത പ്രസം​ഗി​ക്കാ​നും നമുക്കു നല്ല ധൈര്യം വേണം. (1 തെസ്സ. 2:2) ഇനി, രാഷ്‌ട്രീ​യ​മാ​യി കൂടു​തൽക്കൂ​ടു​തൽ ഭിന്നി​ച്ചു​കൊ​ണ്ടി​രി​ക്കുന്ന ഈ ലോകത്ത്‌ നിഷ്‌പ​ക്ഷ​രാ​യി നിൽക്കാ​നും ധൈര്യം വേണം. (യോഹ. 18:36) രാഷ്‌ട്രീ​യ​കാ​ര്യ​ങ്ങ​ളി​ലും സൈനി​ക​സേ​വ​ന​ത്തി​ലും ഒന്നും ഉൾപ്പെ​ടാ​ത്ത​തു​കൊണ്ട്‌ യഹോ​വ​യു​ടെ ആരാധ​ക​രിൽ പലർക്കും സാമ്പത്തി​ക​ന​ഷ്ട​വും ദേഹോ​പ​ദ്ര​വ​വും ജയിൽവാ​സ​വും ഒക്കെ അനുഭ​വി​ക്കേ​ണ്ടി​വ​രു​ന്നു.

 5. ദാവീ​ദി​നെ പിന്തു​ണ​യ്‌ക്കാൻ സാദോ​ക്കി​നു ധൈര്യം ആവശ്യ​മാ​യി​രു​ന്നത്‌ എന്തു​കൊണ്ട്‌?

⁵ ദാവീദ്‌ രാജാ​വാ​കു​ന്നത്‌ ആഘോ​ഷി​ക്കാൻവേണ്ടി മാത്രമല്ല സാദോക്ക്‌ ഹെ​ബ്രോ​നിൽ എത്തിയത്‌. ആയുധ​ങ്ങ​ളൊ​ക്കെ​യെ​ടുത്ത്‌ യുദ്ധത്തിന്‌ ഒരുങ്ങി​യാണ്‌ അദ്ദേഹം പോയത്‌. (1 ദിന. 12:38) സാധ്യ​ത​യ​നു​സ​രിച്ച്‌, യുദ്ധം ചെയ്‌ത്‌ അധികം പരിച​യ​മുള്ള ആളായി​രു​ന്നില്ല സാദോക്ക്‌. പക്ഷേ, ഇസ്രാ​യേ​ല്യ​രെ ശത്രു​ക്ക​ളിൽനിന്ന്‌ രക്ഷിക്കാ​നാ​യി ദാവീ​ദി​നോ​ടൊ​പ്പം യുദ്ധം ചെയ്യാൻ അദ്ദേഹം തയ്യാറാ​യി. ആ യുവാ​വി​നു നല്ല ധൈര്യ​മു​ണ്ടാ​യി​രു​ന്നു.

 6. ദാവീദ്‌ എങ്ങനെ​യാണ്‌ ധൈര്യ​ത്തി​ന്റെ കാര്യ​ത്തിൽ സാദോ​ക്കി​നു നല്ലൊരു മാതൃ​ക​യാ​യി​രു​ന്നത്‌? (സങ്കീർത്തനം 138:3)

⁶ ഒരു പുരോ​ഹി​ത​നാ​യി​രുന്ന സാദോക്ക്‌ എങ്ങനെ​യാണ്‌ ഇത്രയും ധൈര്യം നേടി​യത്‌? ശക്തരായ, ധൈര്യ​മുള്ള ആളുക​ളാ​യി​രു​ന്നു അദ്ദേഹ​ത്തി​നു ചുറ്റു​മു​ണ്ടാ​യി​രു​ന്നത്‌. അവരുടെ മാതൃക സാദോ​ക്കി​നെ ഒരുപാട്‌ സഹായി​ച്ചു. ദാവീ​ദാ​യി​രു​ന്നു അവരിൽ ഒരാൾ. ദാവീദ്‌ ധൈര്യ​ത്തോ​ടെ ‘ഇസ്രാ​യേ​ലി​ന്റെ സൈന്യ​ത്തെ നയിച്ച​തു​കൊ​ണ്ടാണ്‌’ എല്ലാ ഇസ്രാ​യേ​ല്യ​രും അദ്ദേഹത്തെ രാജാ​വാ​ക്കാൻ ആഗ്രഹി​ച്ചത്‌. (1 ദിന. 11:1, 2) ശത്രു​ക്കൾക്കെ​തി​രെ പ്രവർത്തി​ക്കാ​നുള്ള സഹായ​ത്തി​നാ​യി ദാവീദ്‌ യഹോ​വ​യിൽ ആശ്രയി​ച്ച​തും സാദോക്ക്‌ കണ്ടു. (സങ്കീ. 28:7; സങ്കീർത്തനം 138:3 വായി​ക്കുക.) ഇനി, ധൈര്യ​ത്തി​ന്റെ വേറെ മാതൃ​ക​ക​ളും അദ്ദേഹ​ത്തി​നു ചുറ്റു​മു​ണ്ടാ​യി​രു​ന്നു. യഹോ​യാ​ദ​യും ധീര​യോ​ദ്ധാ​വായ അദ്ദേഹ​ത്തി​ന്റെ മകൻ ബനയയും 22 ഗോ​ത്ര​ത്ത​ല​വ​ന്മാ​രും ഒക്കെ അതിൽപ്പെ​ടും. (1 ദിന. 11:22-25; 12:26-28) ദാവീ​ദി​നെ രാജാ​വാ​ക്കാ​നും അദ്ദേഹത്തെ പിന്തു​ണ​യ്‌ക്കാ​നും ഉറച്ച തീരു​മാ​ന​മെ​ടുത്ത്‌ വന്നവരാ​യി​രു​ന്നു ഇവരെ​ല്ലാം.

 7. (എ) ധൈര്യ​ത്തി​ന്റെ കാര്യ​ത്തിൽ ഇന്നുള്ള ചെറു​പ്പ​ക്കാ​രായ സഹോ​ദ​ര​ന്മാർ എന്തു മാതൃ​ക​വെ​ക്കു​ന്നു? (ബി) വീഡി​യോ​യി​ലെ സിലു സഹോ​ദ​രന്റെ മാതൃ​ക​യിൽനിന്ന്‌ നിങ്ങൾ എന്താണു പഠിച്ചത്‌?

⁷ ധൈര്യ​ത്തോ​ടെ ദൈവ​രാ​ജ്യ​ത്തെ പിന്തു​ണ​ച്ച​വ​രു​ടെ മാതൃ​ക​യെ​ക്കു​റിച്ച്‌ ചിന്തി​ക്കു​ന്നെ​ങ്കിൽ, നമുക്കും ധൈര്യം നേടാ​നാ​കും. സാത്താന്റെ രാഷ്‌ട്രീ​യ​വ്യ​വ​സ്ഥി​തി​യിൽ ഉൾപ്പെ​ടാ​നുള്ള പ്രലോ​ഭ​നത്തെ ശക്തമായി എതിർത്തു​നി​ന്നു​കൊണ്ട്‌ യേശു ഭൂമി​യി​ലാ​യി​രു​ന്ന​പ്പോൾ ധൈര്യം കാണിച്ചു. (മത്താ. 4:8-11; യോഹ. 6:14, 15) ശക്തിക്കാ​യി യേശു എപ്പോ​ഴും യഹോ​വ​യിൽ ആശ്രയി​ച്ചു. നമ്മുടെ ഈ നാളു​ക​ളി​ലും ചെറു​പ്പ​ക്കാ​രായ ഒരുപാട്‌ സഹോ​ദ​ര​ന്മാർ ധൈര്യ​ത്തി​ന്റെ കാര്യ​ത്തിൽ നല്ല മാതൃ​ക​വെ​ക്കു​ന്നു. സൈനി​ക​സേ​വ​ന​ത്തി​ലോ രാഷ്‌ട്രീ​യ​പ്ര​വർത്ത​ന​ങ്ങ​ളി​ലോ ഉൾപ്പെ​ടാൻ സമ്മർദ​മു​ണ്ടാ​യി​ട്ടും അവർ വഴങ്ങു​ന്നില്ല. അങ്ങനെ​യു​ള്ള​വ​രു​ടെ അനുഭ​വ​ങ്ങ​ളെ​ക്കു​റിച്ച്‌ jw.org-ൽനിന്ന്‌ വായി​ക്കാൻ നിങ്ങളെ പ്രോ​ത്സാ​ഹി​പ്പി​ക്കു​ന്നു.a

നിങ്ങളു​ടെ സഹോ​ദ​ര​ങ്ങളെ സഹായി​ക്കു​ക

 8. സഹോ​ദ​ര​ങ്ങൾക്ക്‌ ആവശ്യ​മായ സഹായം കൊടു​ക്കാൻ മൂപ്പന്മാർക്കു ധൈര്യം വേണ്ടി​വ​രു​ന്നത്‌ എപ്പോ​ഴാണ്‌?

⁸ യഹോ​വ​യു​ടെ ജനം പരസ്‌പരം സഹായി​ക്കാൻ ആഗ്രഹി​ക്കു​ന്നു. (2 കൊരി. 8:4) എന്നാൽ അങ്ങനെ ചെയ്യു​ന്ന​തി​നു ചില​പ്പോൾ നല്ല ധൈര്യം വേണ്ടി​വ​രും. ഉദാഹ​ര​ണ​ത്തിന്‌, ഒരു യുദ്ധമു​ണ്ടാ​കു​മ്പോൾ അവിടത്തെ മൂപ്പന്മാർ സഹോ​ദ​ര​ങ്ങൾക്കു പിടി​ച്ചു​നിൽക്കാൻവേണ്ട പ്രോ​ത്സാ​ഹ​ന​വും പിന്തു​ണ​യും ഒക്കെ നൽകും. അതു​പോ​ലെ ബൈബി​ളും പ്രസി​ദ്ധീ​ക​ര​ണ​ങ്ങ​ളും അവർക്കു​വേണ്ട മറ്റ്‌ അവശ്യ​സാ​ധ​ന​ങ്ങ​ളും കിട്ടു​ന്നു​ണ്ടെന്ന്‌ ഉറപ്പു​വ​രു​ത്തു​ക​യും ചെയ്യും. സഹോ​ദ​ര​ങ്ങളെ വളരെ​യ​ധി​കം സ്‌നേ​ഹി​ക്കു​ന്ന​തു​കൊ​ണ്ടാണ്‌, മൂപ്പന്മാർ സ്വന്തം ജീവൻ അപകട​ത്തി​ലാ​ണെ​ങ്കിൽപ്പോ​ലും അവരെ സഹായി​ക്കു​ന്നത്‌. (യോഹ. 15:12, 13) അങ്ങനെ ചെയ്യു​മ്പോൾ അവർ സാദോ​ക്കി​ന്റെ ധൈര്യം അനുക​രി​ക്കു​ക​യാണ്‌.

 9. 2 ശമുവേൽ 15:27-29 പറയു​ന്ന​തു​പോ​ലെ ദാവീദ്‌ സാദോ​ക്കി​നോട്‌ എന്തു ചെയ്യാ​നാണ്‌ ആവശ്യ​പ്പെ​ട്ടത്‌? (ചിത്ര​വും കാണുക.)

⁹ സാദോക്ക്‌ സ്വന്തം ജീവൻപോ​ലും അപകട​ത്തി​ലാ​ക്കി​ക്കൊണ്ട്‌ മറ്റുള്ള​വരെ സഹായി​ച്ച​തി​നെ​ക്കു​റിച്ച്‌ നോക്കാം. (2 ശമു. 15:12, 13) ദാവീ​ദി​ന്റെ ജീവൻ അപകട​ത്തി​ലാ​യി​രു​ന്നു. കാരണം, എങ്ങനെ​യും അദ്ദേഹത്തെ കൊന്ന്‌ ഭരണം കൈക്ക​ലാ​ക്കാൻ മകനായ അബ്‌ശാ​ലോം തീരു​മാ​നി​ച്ചു​റച്ചു. അതു​കൊണ്ട്‌ പെട്ടെ​ന്നു​തന്നെ ദാവീദ്‌ യരുശ​ലേം വിട്ടു​പോ​ക​ണ​മാ​യി​രു​ന്നു. അദ്ദേഹം ഭൃത്യ​ന്മാ​രോ​ടു പറഞ്ഞു: “എഴു​ന്നേൽക്കൂ. ഇവി​ടെ​നിന്ന്‌ ഓടി​പ്പോ​യി​ല്ലെ​ങ്കിൽ അബ്‌ശാ​ലോ​മി​ന്റെ കൈയിൽനിന്ന്‌ നമ്മൾ ആരും രക്ഷപ്പെ​ടില്ല.” (2 ശമു. 15:14) എന്നാൽ, എല്ലാ ദാസന്മാ​രും യരുശ​ലേം വിട്ടു​പോ​കു​ന്ന​തു​കൊണ്ട്‌ അബ്‌ശാ​ലോ​മി​ന്റെ നീക്കങ്ങൾ തന്നെ അറിയി​ക്കാൻ ആരെ​യെ​ങ്കി​ലും അവിടെ നിറു​ത്ത​ണ​മെന്നു ദാവീ​ദി​നു തോന്നി. അതിനു​വേണ്ടി സാദോ​ക്കി​നെ​യും മറ്റു പുരോ​ഹി​ത​ന്മാ​രെ​യും നഗരത്തി​ലേക്കു തിരി​ച്ച​യച്ചു. (2 ശമുവേൽ 15:27-29 വായി​ക്കുക.) പക്ഷേ അവർ വളരെ ജാഗ്ര​ത​യോ​ടെ നീങ്ങണ​മാ​യി​രു​ന്നു. കാരണം, ദാവീദ്‌ അവരോട്‌ ആവശ്യ​പ്പെട്ട കാര്യം ജീവൻപോ​ലും അപകട​ത്തി​ലാ​ക്കുന്ന ഒന്നാണ്‌. അബ്‌ശാ​ലോം ക്രൂര​നും സ്വാർഥ​നും സ്വന്തം അപ്പനെ​പ്പോ​ലും ചതിച്ച​വ​നും ആണ്‌. അങ്ങനെ​യുള്ള ഒരാൾ, സാദോ​ക്കും മറ്റു പുരോ​ഹി​ത​ന്മാ​രും ദാവീ​ദി​ന്റെ ചാരന്മാ​രാ​ണെന്നു കണ്ടുപി​ടി​ച്ചാൽ അവരുടെ അവസ്ഥ എന്താകു​മാ​യി​രു​ന്നു!

10. സാദോ​ക്കും കൂടെ​യു​ണ്ടാ​യി​രു​ന്ന​വ​രും ദാവീ​ദി​നെ സംരക്ഷി​ച്ചത്‌ എങ്ങനെ?

¹⁰ ദാവീദ്‌ സാദോ​ക്കി​നോ​ടും മറ്റൊരു സുഹൃ​ത്തായ ഹൂശാ​യി​യോ​ടും, തന്നെ സഹായി​ക്കാ​നാ​യി ഒരു പ്രത്യേ​ക​കാ​ര്യം ചെയ്യാൻ ആവശ്യ​പ്പെ​ടു​ന്നു. (2 ശമു. 15:32-37) അതനു​സ​രിച്ച്‌ ഹൂശായി അബ്‌ശാ​ലോ​മി​ന്റെ വിശ്വാ​സം നേടി​യെ​ടു​ത്തു. എന്നിട്ട്‌, രക്ഷപ്പെ​ടാൻ ദാവീ​ദി​നു സമയം കിട്ടുന്ന തരത്തി​ലുള്ള ഒരു സൈനി​ക​നീ​ക്ക​ത്തെ​ക്കു​റിച്ച്‌ അബ്‌ശാ​ലോ​മി​നോ​ടു പറഞ്ഞു. അതു കഴിഞ്ഞ്‌ ഹൂശായി സാദോ​ക്കി​നെ​യും അബ്യാ​ഥാ​രി​നെ​യും ഈ പദ്ധതി അറിയി​ച്ചു. (2 ശമു. 17:8-16) അവർ അത്‌ ദാവീ​ദി​നെ അറിയി​ക്കാ​നുള്ള ഏർപ്പാടു ചെയ്‌തു. (2 ശമു. 17:17) അങ്ങനെ യഹോ​വ​യു​ടെ സഹായ​ത്താൽ സാദോ​ക്കി​നും കൂടെ​യു​ണ്ടാ​യി​രുന്ന പുരോ​ഹി​ത​ന്മാർക്കും ദാവീ​ദി​ന്റെ ജീവൻ സംരക്ഷി​ക്കു​ന്ന​തിൽ പ്രധാ​ന​പ്പെട്ട ഒരു പങ്കുവ​ഹി​ക്കാ​നാ​യി.—2 ശമു. 17:21, 22.

11. സഹോ​ദ​ര​ങ്ങളെ സഹായി​ക്കു​മ്പോൾ നമുക്ക്‌ എങ്ങനെ സാദോ​ക്കി​ന്റെ ധൈര്യം അനുക​രി​ക്കാം?

¹¹ സഹോ​ദ​രങ്ങൾ അപകട​ത്തി​ലാ​യി​രി​ക്കു​മ്പോൾ അവർക്കു സഹായം ആവശ്യ​മാ​യി​വ​ന്നാൽ നമുക്ക്‌ എങ്ങനെ സാദോ​ക്കി​നെ​പ്പോ​ലെ ധൈര്യം കാണി​ക്കാം? (1) നിർദേ​ശങ്ങൾ അനുസ​രി​ക്കുക. ബുദ്ധി​മു​ട്ടുള്ള സാഹച​ര്യ​ങ്ങ​ളിൽ അനുസ​രണം കാണി​ച്ചു​കൊണ്ട്‌ നമ്മൾ ഒരുമിച്ച്‌ നിൽക്കേ​ണ്ടതു പ്രധാ​ന​മാണ്‌. ആ സമയത്ത്‌ നമ്മുടെ ബ്രാ​ഞ്ചോ​ഫീസ്‌ നൽകുന്ന നിർദേ​ശങ്ങൾ അനുസ​രി​ക്കുക. (എബ്രാ. 13:17) അതു​പോ​ലെ ഒരു ദുരന്തത്തെ നേരി​ടാൻ പ്രാ​ദേ​ശിക സഭ ചെയ്‌തി​രി​ക്കുന്ന ക്രമീ​ക​ര​ണ​ങ്ങ​ളും ദുരന്ത​ത്തി​ന്റെ സമയത്ത്‌ ചെയ്യേണ്ട കാര്യ​ങ്ങ​ളെ​ക്കു​റിച്ച്‌ സംഘടന നൽകി​യി​രി​ക്കുന്ന നിർദേ​ശ​ങ്ങ​ളും മൂപ്പന്മാർ ഇടയ്‌ക്കി​ടെ പരി​ശോ​ധി​ക്കണം. (1 കൊരി. 14:33, 40) (2) ധൈര്യ​ത്തോ​ടൊ​പ്പം ജാഗ്ര​ത​യും വേണം. (സുഭാ. 22:3) കഴിയു​ന്നത്ര സുരക്ഷി​ത​രാ​യി​രി​ക്കാൻ ശ്രമി​ക്കുക. എടുത്തു​ചാ​ടാ​തെ, എന്തെങ്കി​ലും ചെയ്യു​ന്ന​തി​നു മുമ്പ്‌ നന്നായി ചിന്തി​ക്കുക. (3) യഹോ​വ​യിൽ ആശ്രയി​ക്കുക. നിങ്ങളു​ടെ​യും സഹോ​ദ​ര​ങ്ങ​ളു​ടെ​യും സുരക്ഷ​യെ​ക്കു​റിച്ച്‌ യഹോ​വ​യ്‌ക്കു വളരെ​യ​ധി​കം ചിന്തയു​ണ്ടെന്ന്‌ ഓർക്കുക. അതു​കൊണ്ട്‌ സഹോ​ദ​ര​ങ്ങളെ പിന്തു​ണ​യ്‌ക്കാ​നും അതു സുരക്ഷി​ത​മാ​യി ചെയ്യാ​നും യഹോവ നിങ്ങളെ സഹായി​ക്കും.

12-13. വിക്ടറി​ന്റെ​യും വിറ്റാ​ലി​യു​ടെ​യും അനുഭ​വ​ങ്ങ​ളിൽനിന്ന്‌ നിങ്ങൾ എന്താണ്‌ പഠിച്ചത്‌? (ചിത്ര​വും കാണുക.)

¹² മൂപ്പന്മാ​രായ വിക്ടറി​ന്റെ​യും വിറ്റാ​ലി​യു​ടെ​യും അനുഭവം നോക്കാം. യു​ക്രെ​യി​നി​ലെ തങ്ങളുടെ സഹോ​ദ​ര​ങ്ങൾക്കു ഭക്ഷണവും വെള്ളവും എത്തിക്കാൻ അവർ ഒരുമിച്ച്‌ പ്രവർത്തി​ച്ചു. വിക്ടർ പറയുന്നു: “ഞങ്ങൾ ഭക്ഷണം അന്വേ​ഷിച്ച്‌ ഒരുപാ​ടു നടന്നു. പലപ്പോ​ഴും ചുറ്റും വെടി​യൊ​ച്ചകൾ കേൾക്കാ​മാ​യി​രു​ന്നു. ഒരു പ്രാവ​ശ്യം ഒരു സഹോ​ദരൻ, സഹോ​ദ​ര​ങ്ങൾക്കു കുറച്ചു​നാൾ പിടി​ച്ചു​നിൽക്കാ​നുള്ള ഭക്ഷണസാ​ധ​നങ്ങൾ ഞങ്ങൾക്കു തന്നു. ഞങ്ങൾ അതൊക്കെ വണ്ടിയിൽ കയറ്റു​മ്പോ​ഴാണ്‌ ഏതാണ്ട്‌ 20 മീറ്റർ അകലെ ഒരു ബോംബ്‌ വന്നുവീ​ണത്‌. എന്തോ കാരണം​കൊണ്ട്‌ അതു പൊട്ടി​യില്ല. ആ ദിവസം മുഴുവൻ സഹോ​ദ​ര​ങ്ങളെ സഹായി​ക്കാ​നുള്ള ധൈര്യ​ത്തി​നാ​യി ഞാൻ യഹോ​വ​യോ​ടു യാചി​ക്കു​ക​യാ​യി​രു​ന്നു.”

¹³ വിറ്റാലി സഹോ​ദരൻ പറയുന്നു: “ഞങ്ങൾക്കു നല്ല ധൈര്യം വേണമാ​യി​രു​ന്നു. സാധന​ങ്ങ​ളു​മാ​യുള്ള എന്റെ ആദ്യത്തെ യാത്ര​യ്‌ക്കു​തന്നെ 12 മണിക്കൂ​റെ​ടു​ത്തു. ആ സമയം മുഴുവൻ ഞാൻ പ്രാർഥി​ച്ചു​കൊ​ണ്ടാ​ണി​രു​ന്നത്‌.” വിറ്റാലി നല്ല ധൈര്യ​മുള്ള ആളായി​രു​ന്നെ​ങ്കി​ലും നല്ല ജാഗ്ര​ത​യോ​ടെ​യാ​ണു കാര്യങ്ങൾ ചെയ്‌തത്‌. അദ്ദേഹം പറയുന്നു: “അധികാ​രി​കളെ അനുസ​രി​ക്കാ​നും അനാവശ്യ അപകടങ്ങൾ ഒഴിവാ​ക്കാ​നും ജ്ഞാന​ത്തോ​ടെ പ്രവർത്തി​ക്കാ​നും സഹായി​ക്കണേ എന്ന്‌ ഞാൻ യഹോ​വ​യോട്‌ അപേക്ഷി​ച്ചു​കൊ​ണ്ടി​രു​ന്നു. അധികാ​രി​കൾ അനുവ​ദി​ച്ചി​രുന്ന വഴിക​ളി​ലൂ​ടെ മാത്ര​മാണ്‌ ഞാൻ വണ്ടി ഓടി​ച്ചത്‌. ഇനി, സഹോ​ദ​രങ്ങൾ ഒരുമിച്ച്‌ പ്രവർത്തി​ക്കു​ന്നതു കണ്ടപ്പോൾ അത്‌ എന്റെ വിശ്വാ​സം ശക്തമാക്കി. അവർ വഴിയി​ലെ തടസ്സങ്ങൾ മാറ്റു​ക​യും സഹോ​ദ​ര​ങ്ങൾക്കു​വേണ്ട അവശ്യ​വ​സ്‌തു​ക്കൾ ശേഖരിച്ച്‌ വണ്ടിയിൽ കയറ്റി​ത്ത​രു​ക​യും ചെയ്‌തു. അതു​പോ​ലെ പോകുന്ന വഴിക്ക്‌, അവർ ഞങ്ങൾക്കു ഭക്ഷണവും താമസി​ക്കാൻ സ്ഥലവും ഒക്കെ തന്നു.”

യഹോ​വ​യോട്‌ എന്നും വിശ്വ​സ്‌ത​രാ​യി​രി​ക്കുക

14. നമ്മളെ സ്‌നേ​ഹി​ക്കുന്ന ഒരു വ്യക്തി യഹോ​വയെ വിട്ടു​പോ​കു​മ്പോൾ നമ്മുടെ അവസ്ഥ എന്തായി​രി​ക്കും?

¹⁴ ഒരു കുടും​ബാം​ഗ​മോ അടുത്ത സുഹൃ​ത്തോ യഹോ​വയെ വിട്ടു​പോ​കു​മ്പോൾ നമുക്കു​ണ്ടാ​കുന്ന വേദന വളരെ വലുതാണ്‌. (സങ്കീ. 78:40; സുഭാ. 24:10) നമ്മൾ ആ വ്യക്തിയെ എത്ര​ത്തോ​ളം സ്‌നേ​ഹി​ക്കു​ന്നോ അത്ര​ത്തോ​ളം ബുദ്ധി​മു​ട്ടാ​യി​രി​ക്കും ആ സാഹച​ര്യ​ത്തെ നേരി​ടാൻ. നിങ്ങൾക്ക്‌ അങ്ങനെ​യൊ​രു അനുഭവം ഉണ്ടായി​ട്ടു​ണ്ടെ​ങ്കിൽ സാദോ​ക്കി​ന്റെ മാതൃക നിങ്ങളെ ബലപ്പെ​ടു​ത്തും.

15. യഹോ​വ​യോ​ടു വിശ്വ​സ്‌ത​നാ​യി തുടരാൻ സാദോ​ക്കി​നു ധൈര്യം വേണമാ​യി​രു​ന്നത്‌ എന്തു​കൊണ്ട്‌? (1 രാജാ​ക്ക​ന്മാർ 1:5-8)

¹⁵ തന്റെ അടുത്ത സുഹൃ​ത്തായ അബ്യാ​ഥാർ യഹോ​വ​യോട്‌ അവിശ്വ​സ്‌ത​നാ​യി​ത്തീർന്നി​ട്ടും സാദോക്ക്‌ വിശ്വ​സ്‌ത​നാ​യി​ത്തന്നെ തുടർന്നു. ദാവീ​ദി​ന്റെ ഭരണം അവസാ​നി​ക്കാ​റായ സമയമാ​യി​രു​ന്നു അത്‌. ദാവീദ്‌ മരണക്കി​ട​ക്ക​യി​ലാ​യി​രുന്ന സമയത്ത്‌ അദ്ദേഹ​ത്തി​ന്റെ മകനായ അദോ​നിയ, യഹോവ ശലോ​മോ​നു വാഗ്‌ദാ​നം ചെയ്‌തി​രുന്ന രാജസ്ഥാ​നം തട്ടി​യെ​ടു​ക്കാൻ ശ്രമിച്ചു. (1 ദിന. 22:9, 10) അബ്യാ​ഥാർ അദോ​നി​യയെ പിന്തു​ണ​യ്‌ക്കാ​നാണ്‌ തീരു​മാ​നി​ച്ചത്‌. (1 രാജാ​ക്ക​ന്മാർ 1:5-8 വായി​ക്കുക.) പക്ഷേ അദ്ദേഹം അങ്ങനെ ചെയ്‌ത​തി​ലൂ​ടെ ദാവീ​ദി​നോ​ടു മാത്രമല്ല യഹോ​വ​യോ​ടും അവിശ്വ​സ്‌തത കാണി​ക്കു​ക​യാ​യി​രു​ന്നു! ഈ സംഭവം സാദോ​ക്കി​നെ എത്രയ​ധി​കം വിഷമി​പ്പി​ച്ചു​കാ​ണും? പുരോ​ഹി​ത​ന്മാ​രാ​യി 40-ലധികം വർഷം അവർ രണ്ടു പേരും വളരെ അടുത്ത്‌ പ്രവർത്തി​ച്ച​താണ്‌. (2 ശമു. 8:17) ‘സത്യ​ദൈ​വ​ത്തി​ന്റെ പെട്ടക​ത്തോ​ടു’ ബന്ധപ്പെട്ട കാര്യങ്ങൾ അവർ ഒരുമിച്ച്‌ ചെയ്‌തു. (2 ശമു. 15:29) തുടക്ക​ത്തിൽ ദാവീ​ദി​ന്റെ ഭരണത്തെ അവർ രണ്ടു പേരും പിന്തു​ണച്ചു. അങ്ങനെ യഹോ​വ​യ്‌ക്കു​വേണ്ടി പലതും അവർ ഒരുമിച്ച്‌ ചെയ്‌തി​ട്ടുണ്ട്‌.—2 ശമു. 19:11-14.

16. വിശ്വ​സ്‌ത​നാ​യി തുടരാൻ സാദോ​ക്കി​നെ എന്തായി​രി​ക്കാം സഹായി​ച്ചത്‌?

¹⁶ അബ്യാ​ഥാ​രി​ന്റെ തീരു​മാ​നം സാദോ​ക്കി​നെ സ്വാധീ​നി​ച്ചില്ല. അദ്ദേഹം യഹോ​വ​യോ​ടു വിശ്വ​സ്‌ത​നാ​യി​ത്തന്നെ തുടർന്നു. സാദോക്ക്‌ എപ്പോ​ഴും വിശ്വ​സ്‌ത​നാ​യി​രി​ക്കു​മെന്നു ദാവീ​ദിന്‌ ഉറപ്പാ​യി​രു​ന്നു. അതു​കൊ​ണ്ടാണ്‌ അദോ​നി​യ​യു​ടെ പദ്ധതികൾ മനസ്സി​ലാ​ക്കി​യ​പ്പോൾ ശലോ​മോ​നെ രാജാ​വാ​യി അഭി​ഷേകം ചെയ്യാൻ ദാവീദ്‌ സാദോ​ക്കി​നോ​ടും നാഥാ​നോ​ടും ബനയ​യോ​ടും പറഞ്ഞത്‌. (1 രാജാ. 1:32-34) യഹോ​വ​യു​ടെ വിശ്വ​സ്‌ത​രായ ആരാധ​ക​രോ​ടൊ​പ്പം ആയിരു​ന്നത്‌ സാദോ​ക്കി​നെ ശരിക്കും സഹായി​ച്ചി​ട്ടു​ണ്ടാ​കും. ഉദാഹ​ര​ണ​ത്തിന്‌, നാഥാ​ന്റെ​യും ദാവീ​ദി​നെ പിന്തുണച്ച മറ്റുള്ള​വ​രു​ടെ​യും നല്ല മാതൃക സാദോ​ക്കി​നു​വേണ്ട ധൈര്യ​വും പ്രോ​ത്സാ​ഹ​ന​വും ഒക്കെ കൊടു​ത്തു​കാ​ണും. (1 രാജാ. 1:38, 39) ശലോ​മോൻ രാജാ​വാ​യ​പ്പോൾ, അബ്യാ​ഥാ​രി​ന്റെ സ്ഥാനത്ത്‌ സാദോ​ക്കി​നെ മഹാപു​രോ​ഹി​ത​നാ​യി നിയമി​ച്ചു.—1 രാജാ. 2:35.

17. പ്രിയ​പ്പെട്ട ആരെങ്കി​ലും യഹോ​വയെ ഉപേക്ഷി​ച്ചു​പോ​യാൽ നിങ്ങൾക്ക്‌ എങ്ങനെ സാദോ​ക്കി​നെ അനുക​രി​ക്കാം?

¹⁷ നിങ്ങൾക്ക്‌ എങ്ങനെ സാദോ​ക്കി​നെ അനുക​രി​ക്കാം? പ്രിയ​പ്പെട്ട ആരെങ്കി​ലും യഹോ​വയെ വിട്ടു​പോ​യാ​ലും നിങ്ങൾ യഹോ​വയെ സേവി​ക്കു​മെന്നു നിങ്ങളു​ടെ പ്രവൃ​ത്തി​യി​ലൂ​ടെ കാണി​ക്കുക. (യോശു. 24:15) ശരിയാ​യതു ചെയ്യാൻവേണ്ട ധൈര്യ​വും ശക്തിയും യഹോവ നിങ്ങൾക്കു തരും. പ്രാർഥി​ച്ചു​കൊണ്ട്‌ ദൈവ​ത്തിൽ ആശ്രയി​ക്കു​ക​യും വിശ്വ​സ്‌ത​രായ സഹാരാ​ധ​ക​രോ​ടു ചേർന്നു​നിൽക്കു​ക​യും ചെയ്യുക. നിങ്ങളു​ടെ വിശ്വ​സ്‌തത യഹോ​വ​യ്‌ക്കു വില​യേ​റി​യ​താണ്‌. യഹോവ തീർച്ച​യാ​യും അതിനു പ്രതി​ഫലം തരും.—2 ശമു. 22:26.

18. മാർക്കോ​യിൽനി​ന്നും സിഡ്‌സെ​യിൽനി​ന്നും നിങ്ങൾ എന്താണു പഠിച്ചത്‌?

¹⁸ മാർക്കോ​യു​ടെ​യും ഭാര്യ​യായ സിഡ്‌സെ​യു​ടെ​യും അനുഭവം നോക്കുക. അവരുടെ രണ്ടു പെൺകു​ട്ടി​ക​ളും സത്യം ഉപേക്ഷി​ച്ചു​പോ​യി. മാർക്കോ പറയുന്നു: “മക്കൾ ജനിക്കുന്ന ആ നിമി​ഷം​മു​തൽ നമ്മൾ അവരെ ഒരുപാ​ടു സ്‌നേ​ഹി​ക്കും. അവരെ സംരക്ഷി​ക്കാൻ നമ്മളാ​ലാ​കു​ന്ന​തെ​ല്ലാം ചെയ്യും. അതു​കൊണ്ട്‌ അവർ യഹോ​വയെ ഉപേക്ഷി​ച്ചു​പോ​കു​ന്നതു കാണു​മ്പോൾ ഹൃദയം തകർന്നു​പോ​കും. പക്ഷേ യഹോവ ഞങ്ങളുടെ ഒപ്പമു​ണ്ടാ​യി​രു​ന്നു. പരസ്‌പരം പ്രോ​ത്സാ​ഹി​പ്പി​ക്കാൻ ഞങ്ങൾക്കു പറ്റുന്നു​ണ്ടെന്ന്‌ യഹോവ ഉറപ്പാക്കി. ഞാൻ തളർന്നി​രി​ക്കു​മ്പോൾ സിഡ്‌സെ​യ്‌ക്ക്‌ എന്നെ ആശ്വസി​പ്പി​ക്കാ​നാ​യി. ഇനി, അവൾ തളർന്നി​രി​ക്കു​മ്പോൾ തിരിച്ച്‌ ഞാനും ആശ്വസി​പ്പി​ച്ചു.” സിഡ്‌സെ ഇങ്ങനെ​യാണ്‌ പറയു​ന്നത്‌: “പിടി​ച്ചു​നിൽക്കാ​നുള്ള ശക്തി യഹോവ തന്നില്ലാ​യി​രു​ന്നെ​ങ്കിൽ ഞങ്ങൾ വീണു​പോ​യേനേ. എന്റെ കുറ്റം​കൊ​ണ്ടാണ്‌ ഇങ്ങനെ​യൊ​ക്കെ സംഭവി​ച്ച​തെന്നു ഞാൻ എപ്പോ​ഴും ചിന്തി​ക്കു​മാ​യി​രു​ന്നു. അതു​കൊണ്ട്‌ ഞാൻ എന്റെ ചിന്തക​ളെ​ല്ലാം യഹോ​വ​യോ​ടു പറഞ്ഞു. കുറച്ച്‌ ദിവസം കഴിഞ്ഞ്‌ രാജ്യ​ഹാ​ളിൽവെച്ച്‌ ഒരു സഹോ​ദരി എന്റെ അടുത്ത്‌ വന്നു. ഒത്തിരി വർഷം​കൂ​ടി​യാണ്‌ ഞാൻ ആ സഹോ​ദ​രി​യെ കാണു​ന്നത്‌. സഹോ​ദരി എന്റെ തോളിൽ കൈ​വെച്ച്‌ എന്റെ കണ്ണി​ലേക്കു നോക്കി ഇങ്ങനെ പറഞ്ഞു: ‘സിഡ്‌സെ, ഇതൊ​ന്നും നിന്റെ കുറ്റം​കൊണ്ട്‌ സംഭവി​ച്ച​ത​ല്ലെന്ന്‌ എപ്പോ​ഴും ഓർക്കണം.’ യഹോ​വ​യു​ടെ സഹായ​ത്താൽ എനിക്കു സന്തോ​ഷ​ത്തോ​ടെ ദൈവ​സേ​വ​ന​ത്തിൽ തുടരാ​നാ​യി.”

19. നിങ്ങൾ എന്തു ചെയ്യാൻ തീരു​മാ​നി​ച്ചു​റ​ച്ചി​രി​ക്കു​ന്നു?

¹⁹ തന്റെ എല്ലാ ആരാധ​ക​രും സാദോ​ക്കി​നെ​പ്പോ​ലെ ധൈര്യ​മു​ള്ള​വ​രാ​യി​രി​ക്കാൻ യഹോവ ആഗ്രഹി​ക്കു​ന്നു. (2 തിമൊ. 1:7) എന്നാൽ അതിനാ​യി നമ്മൾ സ്വന്തം ശക്തിയിൽ ആശ്രയി​ക്കാ​നല്ല, പകരം തന്നിൽ ആശ്രയി​ക്കാ​നാണ്‌ യഹോവ ആഗ്രഹി​ക്കു​ന്നത്‌. അതു​കൊണ്ട്‌ ധൈര്യം​വേണ്ട ഒരു സാഹച​ര്യം വരു​മ്പോൾ യഹോ​വ​യി​ലേക്കു നോക്കുക. അപ്പോൾ യഹോവ നിങ്ങ​ളെ​യും സാദോ​ക്കി​നെ​പ്പോ​ലെ ധൈര്യ​മുള്ള ഒരാളാ​ക്കും!—1 പത്രോ. 5:10.