ആണവഭീ​ഷണി—എന്നേക്കു​മാ​യി അവസാ​നി​ച്ചി​രി​ക്കു​ന്നു!

മനുഷ്യ​വർഗം ആധിപൂണ്ട ഭീതി​യിൽ ജീവിതം കഴിച്ചു​കൂ​ട്ടാ​നല്ല ദൈവം ആഗ്രഹി​ക്കു​ന്നത്‌. “സന്തുഷ്ട​നായ ദൈവം” എന്ന നിലയിൽ അവൻ ആഗ്രഹി​ക്കു​ന്നത്‌ അവർ സമാധാ​നം ആസ്വദിച്ച്‌ സുരക്ഷി​ത​മാ​യി ജീവി​ക്ക​ണ​മെ​ന്നാണ്‌—ചുരു​ക്കി​പ്പ​റ​ഞ്ഞാൽ സന്തുഷ്ട​രാ​യി​രി​ക്ക​ണ​മെന്ന്‌. (1 തിമോ​ത്തി 1:11, NW) ആണവഭീ​ഷ​ണി​കൊ​ണ്ടു നിറഞ്ഞി​രി​ക്കുന്ന ഒരു ലോക​ത്തിൽ അതു തികച്ചും അസാധ്യം​തന്നെ.

“സമാധാ​ന​വും സുരക്ഷി​ത​ത്വ​വും”—ഒരു കപടരൂ​പം

ആണവഭീ​ഷണി അവസാ​നി​ച്ചി​ല്ലെ​ന്നതു തികച്ചും സ്‌പഷ്ട​മാണ്‌. രാഷ്‌ട്രീയ-സാമ്പത്തിക-സാമു​ദാ​യിക അസ്വസ്ഥ​തകൾ നിലവി​ലു​ണ്ടു​താ​നും. എന്നിട്ടും രാഷ്‌ട്രങ്ങൾ പൊതു​വേ ശുഭാ​പ്‌തി​വി​ശ്വാ​സ​മു​ള്ള​വ​രാ​യി കാണ​പ്പെ​ടു​ന്നു. അപകട​സാ​ധ്യത കുറയ്‌ക്കു​ന്ന​തിന്‌ 1986 എന്ന യുഎൻ സമാധാ​ന​വർഷം മുതൽ സ്ഥിരമായ ശ്രമം ഉണ്ടായി​രു​ന്നു​വെ​ന്നതു സ്‌പഷ്ട​മാണ്‌.

ദ ബുള്ളറ​റിൻ ഓഫ്‌ അറേറാ​മിക്‌ സയൻറി​സ്‌റ​റ്‌സ്‌ എന്ന മാസിക കഴിഞ്ഞ ദശകത്തിൽ വിനാ​ശ​ദിന ഘടികാ​രം—ആണവ യുദ്ധത്തി​നുള്ള സാധ്യത സൂചി​പ്പി​ക്കുന്ന അതിന്റെ വിധം—അർധരാ​ത്രിക്ക്‌ 3 മിനി​ററ്‌ എന്നത്‌ അർധരാ​ത്രിക്ക്‌ 17 മിനി​ററ്‌ എന്നാക്കി തിരി​ച്ചു​വെച്ചു. “യുദ്ധത്തി​നു സമാധാ​ന​പൂർണ​മായ പരിഹാ​രം വരുത്തു​മെന്ന പ്രതീക്ഷ രണ്ടാം ലോക​മ​ഹാ​യു​ദ്ധ​ത്തി​നു​ശേഷം ഈ വർഷം ഉള്ളതി​നോ​ളം മറെറാ​രി​ക്ക​ലു​മു​ണ്ടാ​യി​രു​ന്നില്ല” എന്ന്‌ 1989-ൽ സ്‌റേ​റാ​ക്‌ഹോം അന്താരാ​ഷ്‌ട്ര സമാധാന ഗവേഷണ സ്ഥാപനം പ്രസ്‌താ​വി​ച്ചു.

അന്താരാ​ഷ്‌ട്ര യുദ്ധ​മേ​ഖ​ല​കൾക്കെ​തി​രെ നടപടി സ്വീക​രി​ക്കു​ന്ന​തിന്‌ ഐക്യ​രാ​ഷ്‌ട്രങ്ങൾ കഴിഞ്ഞ ഏതാനും വർഷങ്ങ​ളാ​യി കൂടുതൽ ശക്തരാ​ക്ക​പ്പെ​ട്ടി​രി​ക്കു​ന്നു. അതിനു​ണ്ടാ​യി​രി​ക്കുന്ന നേട്ടങ്ങൾ പരിപൂർണ​മ​ല്ലാ​യി​രു​ന്നെ​ങ്കി​ലും പൊതു​വേ ഒരു ശുഭാ​പ്‌തി​വി​ശ്വാ​സം പരത്താൻ മതിയാ​യ​താ​യി​രു​ന്നു. പുതി​യ​തും വിജയ​ക​ര​വു​മായ കൂടുതൽ നേട്ടങ്ങൾ ഭാവി കൈവ​രി​ക്കാ​നുള്ള സാധ്യ​ത​യുണ്ട്‌. “സമാധാ​ന​വും സുരക്ഷി​ത​ത്വ​വും” എന്ന നിലവി​ളി ഒരുപക്ഷേ എന്നത്തേ​ക്കാ​ളും കൂടുതൽ ഉച്ചത്തി​ലും ശക്തിയി​ലും മാറെ​റാ​ലി​ക്കൊ​ള്ളും. അവ വളരെ വിശ്വാ​സം പിടി​ച്ചു​പ​റ​റു​ക​യും ചെയ്‌തേ​ക്കാം.

എന്നാൽ ജാഗരൂ​ക​രാ​യി​രിക്ക! ബൈബിൾ ഇപ്രകാ​രം മുന്നറി​യി​പ്പു നൽകുന്നു: “അവർ ‘സമാധാ​ന​വും സുരക്ഷി​ത​ത്വ​വും’ എന്നു പറയു​ന്ന​തെ​പ്പോ​ഴോ അപ്പോൾ ഗർഭി​ണി​ക്കു പ്രസവ​വേദന വരും​പോ​ലെ നാശം അവരു​ടെ​മേൽ പെട്ടെന്നു വരും. അവർ യാതൊ​രു പ്രകാ​ര​ത്തി​ലും രക്ഷപെ​ടു​ക​യില്ല.” അങ്ങനെ ‘ഭൂമിയെ [ആണവ മലിനീ​ക​ര​ണ​ത്താ​ലോ മററു​വി​ധ​ങ്ങ​ളാ​ലോ] നശിപ്പി​ക്കു​ന്ന​വരെ നശിപ്പി​പ്പാ​നുള്ള’ ദൈവ​ത്തി​ന്റെ സമയത്തെ “സമാധാ​ന​വും സുരക്ഷി​ത​ത്വ​വും” എന്ന മുറവി​ളി അടയാ​ള​പ്പെ​ടു​ത്തും.—1 തെസ​ലോ​നി​ക്യർ 5:3, 4, NW; വെളി​പ്പാ​ടു 11:18.

രാഷ്‌ട്ര​ങ്ങൾ “സമാധാ​ന​വും സുരക്ഷി​ത​ത്വ​വും” നേടി​യെ​ടു​ക്കും എന്നു ബൈബിൾ പറയു​ന്നില്ല എന്നതു ശ്രദ്ധി​ക്കുക. ഇതിനു​മു​മ്പെ​ങ്ങും തോന്നി​യി​ട്ടി​ല്ലാത്ത ശുഭാ​പ്‌തി​വി​ശ്വാ​സ​ത്തോ​ടെ​യും ബോധ്യ​ത്തോ​ടെ​യും അവർ അതേപ്പ​ററി അസാധാ​ര​ണ​മായ വിധത്തിൽ സംസാ​രി​ക്കും എന്നതു വ്യക്തമാണ്‌. സമാധാ​ന​വും സുരക്ഷി​ത​ത്വ​വും നേടി​യെ​ടു​ക്കു​ന്ന​തി​നുള്ള സാധ്യത എന്നത്തെ​ക്കാൾ അധികം അടു​ത്തെ​ത്തി​യി​രി​ക്കു​ന്ന​പോ​ലെ തോന്നും. ആണവഭീ​ഷണി നിലനിൽക്കു​മ്പോ​ഴും തെററായ സുരക്ഷി​തത്വ ബോധ​ത്തിൽ രാഷ്‌ട്രങ്ങൾ സാന്ത്വ​ന​മ​ട​യും.

എന്നിരു​ന്നാ​ലും, സത്യ​ക്രി​സ്‌ത്യാ​നി​കൾ വഞ്ചിക്ക​പ്പെ​ടു​ക​യില്ല. അവർ മാനവ സമാധാ​ന​ത്തി​നും സുരക്ഷി​ത​ത്വ​ത്തി​നു​മ​പ്പു​റ​ത്തേക്ക്‌ അതീവ താത്‌പ​ര്യ​ത്തോ​ടെ നോക്കി​പ്പാർക്കും!

സമാധാ​ന​വും സുരക്ഷി​ത​ത്വ​വും—യഥാർഥ​മാ​യത്‌

“ഞാൻ സമാധാ​ന​ത്തോ​ടെ കിടന്നു​റ​ങ്ങും; നീയല്ലോ യഹോവേ എന്നെ നിർഭയം വസിക്കു​മാ​റാ​ക്കു​ന്നതു” എന്നു സങ്കീർത്തനം 4:8 പറയുന്ന പ്രകാരം യഥാർഥ സമാധാ​ന​വും സുരക്ഷി​ത​ത്വ​വും യഹോ​വ​യാം ദൈവ​ത്തി​ന്റെ ക്രമീ​ക​ര​ണ​ത്തി​നു​ള്ളിൽ മാത്രമേ കണ്ടെത്താ​നാ​വൂ. യഹോ​വ​യു​ടെ രാജ്യ ക്രമീ​ക​ര​ണ​ത്തി​നു​വെ​ളി​യിൽ “സമാധാ​ന​വും സുരക്ഷി​ത​ത്വ​വും” എന്ന ഏതെങ്കി​ലും മുറവി​ളി കൂട്ടു​ന്നെ​ങ്കിൽ അതിനു വെറും കപടരൂ​പം മാത്ര​മാ​യി​രി​ക്കാ​നേ കഴിയൂ. നിലനിൽക്കുന്ന മൂല്യ​മുള്ള എന്തെങ്കി​ലും നേടി​യെ​ടു​ക്കാൻ അതിനാ​വില്ല.

ക്രിസ്‌തു​വിൻ കീഴിലെ ദൈവ​രാ​ജ്യം അർധ പരിഹാ​ര​ങ്ങൾകൊ​ണ്ടു തൃപ്‌തി​യ​ട​യു​ക​യില്ല. ദിവ്യ ഗവൺമെൻറ്‌ അണ്വാ​യു​ധങ്ങൾ വെട്ടി​ക്കു​റ​യ്‌ക്കു​ന്ന​തി​ലും അധികം ചെയ്യും. അത്‌ അവയും മററ്‌ യുദ്ധാ​യു​ധ​ങ്ങ​ളും മുഴു​വ​നാ​യി നിർമാർജനം ചെയ്യും. “അവൻ ഭൂമി​യു​ടെ അററം​വ​രെ​യും യുദ്ധങ്ങൾ നിർത്തൽചെ​യ്യു​ന്നു; അവൻ വില്ലൊ​ടി​ച്ചു കുന്തം മുറിച്ചു രഥങ്ങളെ തീയിൽ ഇട്ടു ചുട്ടു​ക​ള​യു​ന്നു” എന്നു സങ്കീർത്തനം 46:9 വാഗ്‌ദാ​നം ചെയ്യുന്നു.

അങ്ങനെ, ആണവ റിയാ​ക്ട​റു​ക​ളു​ടെ വികല പ്രവർത്ത​ന​ത്താ​ലോ റേഡി​യോ ആക്ടീവ്‌ അവശി​ഷ്ട​ങ്ങ​ളാ​ലോ ഉയർന്നു​വ​രുന്ന ആണവഭീ​ഷ​ണി​കൾ കഴിഞ്ഞ​കാല സംഭവ​ങ്ങ​ളാ​യി​രി​ക്കും. അങ്ങനെ​യ​ല്ലാ​ത്ത​പക്ഷം “അവർ ഓരോ​രു​ത്തൻ താന്താന്റെ മുന്തി​രി​വ​ള്ളി​യു​ടെ കീഴി​ലും അത്തിവൃ​ക്ഷ​ത്തി​ന്റെ കീഴി​ലും പാർക്കും; ആരും അവരെ ഭയപ്പെ​ടു​ത്തു​ക​യില്ല; സൈന്യ​ങ്ങ​ളു​ടെ യഹോ​വ​യു​ടെ വായ്‌ അതു അരുളി​ച്ചെ​യ്‌തി​രി​ക്കു​ന്നു” എന്ന വാക്കുകൾ അസത്യ​മാ​യി​രി​ക്കും. ദൈവ​ത്തി​നു ഭോഷ്‌കു പറയാ​നാ​വില്ല. അവന്റെ വാക്കു​കളെ സംശയി​ക്കു​വാൻ നമുക്കു യാതൊ​രു കാരണ​വു​മില്ല.—മീഖാ 4:4; തീത്തൊസ്‌ 1:2.

ആണവഭീ​ഷ​ണി എന്നേക്കു​മാ​യി നീക്കം ചെയ്യപ്പെട്ട ഒരു ലോക​ത്തിൽ ജീവി​ക്കു​ന്ന​തി​നുള്ള പ്രത്യാശ നിങ്ങൾ ആസ്വദി​ക്കു​മോ? നിങ്ങൾക്ക്‌ അതിനു കഴിയും, കാരണം അതിനുള്ള നിർദേ​ശങ്ങൾ കൃത്യ​മാ​യി ദൈവ​വ​ചനം രേഖ​പ്പെ​ടു​ത്തു​ന്നു. അവ അറിയു​ക​യും അവയ്‌ക്ക​നു​സൃ​ത​മാ​യി ജീവി​ക്കു​ക​യും ചെയ്‌തു​കൊണ്ട്‌ ആശ്വാ​സ​ത്തി​ന്റേ​തായ ദീർഘ​നി​ശ്വാ​സം വിട്ട്‌ ഇപ്രകാ​രം പറയു​ന്ന​തി​ലുള്ള സന്തോഷം ആസ്വദി​ക്കാൻ കഴിയും: “ആണവഭീ​ഷണി—ഒടുവി​ലി​താ അവസാ​നി​ച്ചി​രി​ക്കു​ന്നു!”

[7-ാം പേജിലെ ചിത്രം]

ദൈവത്തിന്റെ പുതിയ ലോക​ത്തിൽ യാതൊ​രു ആണവഭീ​ഷ​ണി​യു​മി​ല്ലാ​തെ സമാധാ​നം കുടി​കൊ​ള്ളും

[ചിത്ര​ത്തി​നു കടപ്പാട്‌]

M. Thonig/H. Armstrong Roberts

[6-ാം പേജിലെ ചിത്ര​ത്തി​നു കടപ്പാട്‌]

U.S. National Archives photo