Kutollo Yeo e Utolletšwego Johane

7 Ka morago ga moo, ke ile ka bona barongwa ba bane ba eme dikhoneng tše nne tša lefase ba kakatletše diphefo tše nne tša lefase e le gore go se ke gwa ba le phefo yeo e fokago lefaseng goba lewatleng goba mohlareng le ge e le ofe. 2 Ke moka ka bona morongwa yo mongwe a rotoga a etšwa bohlabatšatši* a swere selo seo Modimo yo a phelago a bego a mo file sona gore a swaye batho ka sona gomme a goeletša barongwa ba bane bao ba bego ba dumeletšwe gore ba senye lefase le lewatle, 3 a re: “Le se ke la senya lefase goba lewatle goba mehlare go fihlela re swaile+ bahlanka ba Modimo wa rena diphatleng tša+ bona.”

4 Ka kwa palo ya bao ba bego ba swailwe. E be e le ba 144 000.+ Le gona ba be ba swailwe go tšwa melokong ka moka ya Baisiraele.+

9 Ka morago ga moo ke ile ka bona lešaba le legolo leo go bego go se na motho yo a bego a kgona go le bala. Le be le etšwa ditšhabeng ka moka, melokong ka moka, merafong ka moka le malemeng ka moka+ gomme le eme pele ga setulo sa bogoši le pele ga Kwana. Le be le apere diaparo tše ditelele tše ditšhweu+ ebile le swere makala a mepalema.+ 10 Le be le duletše go goelela le re: “Modimo wa rena yo a dutšego setulong sa bogoši+ le Kwana+ ke bona ba re phološago.”

11 Barongwa ka moka ba be ba eme ba dikologile setulo sa bogoši le bagolo+ le dibopiwa tše di phelago tše nne. Ke moka ba khunama pele ga setulo sa bogoši difahlego tša bona di kgwathile fase gomme ba rapela Modimo, 12 ba re: “Amene! Anke yo mongwe le yo mongwe a bontšhe gore o hlompha Modimo wa rena yo a lego bohlale ebile a na le maatla a magolo, a mo tumiše, a mo nee letago a be a mo leboge go ya go ile.+ Amene.”

13 Ke moka yo mongwe wa bagolo a re go nna: “Batho ba bao ba aperego diaparo tše ditelele tše ditšhweu+ ke bomang gona ba tšwa kae?” 14 Ka yona nako yeo ka re go yena: “Morena wa ka, ke wena o tsebago.” Yena a re go nna: “Ba ke bao ba phologilego masetlapelo a magolo+ ebile ba hlatswitše diaparo tša bona tše ditelele mading a Kwana+ gomme ya ba tše ditšhweu. 15 Ke ka baka leo ba lego pele ga setulo sa bogoši gomme ba hlankela Modimo ka tempeleng ya gagwe bošego le mosegare. Ke moka Modimo yo a dutšego setulong sa bogoši+ o tla phurollela tente ya gagwe godimo ga bona.+ 16 Ba ka se sa swarwa ke tlala goba go nyorwa ebile letšatši le ka se sa ba fiša kudu goba ba fišwa ke phišo le ge e le efe,+ 17 ka gobane Kwana+ yeo e lego gare ga setulo sa bogoši e tla ba diša,+ ya ba iša didibeng tšeo di nago le meetse ao a fago bophelo.+ Modimo o tla phumola megokgo ka moka mahlong a bona.”+